ᐂᓮᐊᓯᐅᑉ ᐊᒡᓚᖏᑦ 60:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᑯᒋᑦ, ᓄᓇᕐᔪᐊᖅ ᑖᕐᑐᒧᑦ ᐅᓕᒃᑕᐅᓯᒪᒐᓗᐊᕐᐳᖅ, ᐃᓄᐃᓪᓗ ᑖᕐᓯᐅᕐᑐᕐᔪᐊᖑᓗᑎᒃ, ᐊᑕᓂᐅᓪᓕ ᖁᓚᖏᐊᕐᓂᐊᕐᐹᑎᑦ, ᓂᕐᑐᕐᓇᕐᓂᕐᔪᐊᖓᓗ ᑕᑯᔭᐅᓂᐊᕐᐳᖅ ᐃᓕᑦᓯᓐᓂ.

ᐂᓮᐊᓯᐅᑉ ᐊᒡᓚᖏᑦ 60:2 Iomraidhean Croise

ᐊᑕᓃᑦ ᓯᕗᓪᓖᑦ 8:11

ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕈᓐᓁᓪᓕᓚᐅᕐᐳᑦ ᐱᓇᓱᐊᕐᑕᒥᖕᓂᒃ ᓄᕗᔭ ᐱᑦᔪᑎᒋᓪᓗᒍ; ᐊᑕᓂᐅᑉ ᓂᕐᑐᕐᓇᕐᓂᖓᑕ ᑕᑕᓚᐅᕐᒪᒍ ᐊᑕᓂᐅᑉ ᐃᒡᓗᖓ.

ᐃᓐᖏᕈᑎᑦ 102:16

ᐊᑕᓂᐅᑉ ᓮᐅᓂ ᐋᖅᑭᒃᓱᕐᓂᐊᕐᒪᒍ, ᓂᕐᑐᕐᓇᕐᓂᖓ ᑕᕝᕙᓂ ᓴᖅᑭᑎᑕᐅᓂᐊᕐᐳᖅ.

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 2:5

ᐃᓕᑦᓯ ᔧᑰᑉ ᑭᖑᕚᖏᑦ, ᕾᓗᓯ, ᐱᓱᓚᐅᕐᑕ ᐊᑕᓂᐅᑉ ᖃᐅᒪᑎᑕᖓᒍᑦ!

ᐂᓮᐊᓯᐅᑉ ᐊᒡᓚᖏᑦ 4:5

ᑕᕝᕙ ᐊᑕᓂᖅ ᓮᐅᓂᐅᑉ ᖃᖅᑲᖓᑕ ᖄᓕᒫᖓ ᐊᑕᖏᕐᓗᒍ ᑲᑎᒪᔪᖁᑎᖏᑕᓗ ᖁᓛᑦᑎᒍᑦ ᓄᕗᔭᒥᒃ ᐃᓯᕐᓗᒡᒥᒡᓗ ᐅᓪᓗᒃᑯᑦ ᓴᖅᑭᑎᑦᓯᔪᒫᕐᐳᖅ, ᐃᑯᐊᓚᔪᒥᒡᓗ ᖃᐅᒪᑎᑦᓯᔪᒥᒃ ᐅᓐᓄᒃᑯᑦ; ᐱᓐᓇᕐᓇᕐᑐᕐᔪᐊᖅ ᐅᓕᒃᓯᓯᒪᓗᓂ ᓴᐳᑦᔨᓯᒪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 58:10

ᑳᒃᑐᓂᒃ ᐃᑲᔪᕋᓱᐊᑦᓯᐊᖃᑦᑕᕈᑦᓯ, ᓵᓚᐅᓯᒪᔪᓪᓗ ᐱᔭᕆᐊᖃᕐᑕᖏᓐᓂᒃ ᓈᒻᒪᒃᓯᑎᑦᓯᖃᑦᑕᕈᑦᓯ, ᑕᕝᕙ ᖃᐅᒪᓂᓯ ᑖᕐᑐᒥ ᖃᐅᒪᓕᕐᓂᐊᕐᐳᖅ, ᑖᕐᓯᐅᕐᓂᓯᓗ ᐅᓪᓗᓪᓗᐊᑐᑦ ᖃᐅᒪᑎᒋᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 58:8

ᑍᒤᒃᑯᑦᓯ ᑕᕝᕙ ᖃᐅᒪᓂᓯ ᖃᐅᒻᒤᓕᕐᓂᐊᕐᐳᑦ ᖃᐅᕙᓪᓕᐊᔪᑎᑐᑦ, ᐋᖅᑭᒃᑕᐅᓂᓯ ᑕᕝᕙ ᐱᕙᓪᓕᐊᓂᖏᑦ ᓱᑲᑦᑑᓕᕋᔭᕐᐳᑦ; ᓇᓛᒎᕐᑎᑕᐅᓂᓯᓗ ᓯᕗᓂᑦᓯᓐᓃᓕᕐᓗᓂ; ᐊᑕᓂᐅᓪᓗ ᓂᕐᑐᕐᓇᕐᓂᖓ ᓴᐳᑦᔨᔨᒋᓕᕐᓗᒍ ᑭᖑᓂᑦᓯᓐᓃᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 62:1

ᓮᐅᓂ ᐱᓪᓗᒍ ᓂᐰᑦᑑᔪᒪᔪᓐᓃᕐᐳᖓ, ᔨᕉᓴᓕᒻᓗ ᐱᓪᓗᒍ ᓄᖅᑲᖓᓂᐊᓐᖏᓚᖓ, ᓴᐳᑦᔭᐅᓂᖓ ᐱᒋᐊᓚᐅᕐᑎᓐᓇᒍ ᖃᐅᒻᒪᒃᐸᓪᓕᐊᔪᑐᑦ ᐅᓪᓛᒥ, ᐱᐅᓕᔭᐅᓂᖓᓗ ᐃᑯᒪᓕᓚᐅᕐᑎᓐᓇᒍ ᓇᓂᕈᐊᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 66:11

ᐊᒫᒪᒃᑐᑎᑐᑦ ᐱᔪᒫᕋᑦᓯ ᓈᒻᒪᒃᓯᓗᓯᓗ ᐃᕕᐊᖏᖏᖕᓂᑦ ᓮᒻᒪᕐᓮᔫᖕᓂᑦ; ᒥᓪᓗᐊᕐᓗᓯ ᐃᒻᒧᖃᓗᐊᕐᓴᕐᑐᑎᑐᑦ ᖁᕕᐊᒋᓗᒍ ᓂᕐᑐᕐᓇᕐᓂᖓᑕ ᐊᒥᒐᖏᓐᓂᖓᓂᑦ.”

ᐂᓮᐊᓯᐅᑉ ᐊᒡᓚᖏᑦ 8:22

ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 10:4

ᐊᑕᓂᐅᓪᓗ ᐱᓐᓇᕐᓇᕐᓂᖓ ᓯᕈᐱᒻᓂᑦ ᖁᒻᒧᐊᒃᐳᖅ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᐊᕐᓗᓂ; ᓄᕗᔭᐅᓪᓗ ᑐᒃᓯᐊᕐᕕᒡᔪᐊᖅ ᑕᑕᑉᐹ, ᐊᓃᕐᕕᖓᓗ ᖃᐅᒪᓂᕐᔪᐊᒧᑦ ᑕᑕᐅᕗᖅ ᐊᑕᓂᐅᑉ ᐱᓐᓇᕐᓇᕐᓂᖓᓄᑦ.

ᒨᓯᓯ ᐱᖓᔪᖏᑦ 9:23

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕐᐴᒃ, ᐊᓂᒐᒥᒡᓗ ᐃᓄᐃᑦ ᑐᒃᓯᐅᑎᓪᓗᒋᑦ ᓮᒻᒪᕐᑎᑉᐰᑦ; ᒎᑎᐅᓪᓗ ᖃᐅᒪᓂᕐᔪᐊᖓ ᑕᑯᒃᓴᐅᓕᕐᐳᖅ ᐃᓄᓕᒫᓄᑦ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒨᓯᓯ ᓯᑕᒪᖏᑦ 16:19

ᑰᕋᐅᑉ ᐃᓄᒋᐊᒃᑐᕐᔪᐊᑦ ᑲᑎᑎᓚᐅᕐᐰᑦ ᑖᒃᑯᓂᖓ ᐊᑭᕋᕐᑐᕆᐊᕐᑐᕐᓗᑎᒃ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ. ᑕᕝᕙ ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑉᐳᖅ ᐃᓄᒋᐊᒃᑐᕐᔪᐊᓄᑦ.

ᒫᑎᐅᓯᐅᑉ ᐊᒡᓚᖏᑦ 15:14

ᐃᓕᑦᓯ ᐃᓱᒫᓗᑎᒋᔭᕆᐊᖃᓐᖏᑕᓯ! ᑕᓯᐅᕐᑎᐅᖕᒪᑕ ᑕᐅᑐᖏᑑᓪᓗᑎᒃ, ᑕᐅᑐᓐᖏᑑᖃᑎᒥᖕᓂᒃ ᑕᓯᐅᕐᓯᓇᓱᐊᕐᑐᑦ ᑕᐅᑐᖏᑦᑐᐃᓐᓇᐅᒍᑎᒃᓗ ᐃᑎᕐᓴᒧᑦ ᑲᑕᒃᑲᔭᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 23:19

ᑕᑯᓐᓇᖏᓪᓚᕆᒃᑐᓯ! ᓇᓪᓕᐊᑦ ᐊᑐᕐᓂᕐᓴᐅᕚ? ᑐᓂᕐᕈᑎᓪᓘᓐᓃᑦ, ᑐᓂᕐᕈᓯᕐᕕᒡᓘᓐᓃᑦ ᑐᓂᕐᕈᑎᓂᒃ ᐃᑦᔪᕐᓁᑦᑐᓐᖑᕐᑎᑦᓯᔪᖅ?

ᒫᑎᐅᓯᐅᑉ ᐊᒡᓚᖏᑦ 23:24

ᑕᓯᐅᕐᑎᐅᔪᓯ ᑕᐅᑐᖏᑦᑐᓯ! ᐃᒥᕐᓂᐊᕐᑕᑦᓯᓐᓂᒃ ᓴᓃᔭᐃᑦᔪᑎᒧᑦ ᒥᓗᒋᐊᓂᒃ ᐲᔧᕙᒃᑐᓯ, ᑳᒥᓕᐊᓗᖕᒥᒡᓕ ᐄᓯᖃᑦᑕᕐᐳᓯ!

ᔪᐊᓇᓯᐅᑉ ᐊᒡᓚᖏᑦ 1:1

ᐱᒋᐊᕐᓂᕐᒥ ᐅᖃᐅᓯᖅ ᑕᕝᕙᓃᓚᐅᕐᐳᖅ, ᐅᖃᐅᓯᕐᓗ ᒎᑎᒦᓚᐅᕐᐳᖅ, ᐅᖃᐅᓯᕐᓗ ᒎᑎᐅᕗᖅ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:18

ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᓂᑐᐊᓪᓕ ᐊᑖᑕᐅᑉ ᓴᕐᓕᐊᕐᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.

ᔪᐊᓇᓯᐅᑉ ᐊᒡᓚᖏᑦ 8:55

ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ.

ᐋᐴᓯᑕᓖᑦ ᐱᓂᐊᕐᓂᖏᑦ 14:16

ᓯᕗᓂᑦᑎᓐᓂ ᒎᑎᐅᑉ ᐃᓄᓕᒫᑦ ᐃᓱᒪᕐᓱᕐᑎᓚᐅᕐᐰᑦ ᐱᔪᒪᔭᖏᓐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 17:23

ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᓘᓯᐊᒥᐅᓄᑦ 1:13

ᑖᑦᓱᒪ ᐱᐅᓕᓯᒪᖕᒪᑎᒍᑦ ᑖᕐᔪᐊᑉ ᐱᔪᓐᓇᕐᓂᖓᓂᑦ ᓄᒃᑎᕐᑎᓪᓗᑕᓗ ᐃᕐᓂᒥ ᓇᒡᓕᒋᒻᒪᕆᒃᑕᒥ ᐊᑕᓂᐅᕕᐊᓄᑦ,

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.