ᐂᓮᐊᓯᐅᑉ ᐊᒡᓚᖏᑦ 60:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 60:18 Iomraidhean Croise

ᓴᒧᐃᓕ ᐂᑉᐸᖏᑦ 7:10

ᐃᓂᒃᓴᒥᒃ ᓂᕈᐊᕐᓂᐊᕐᐳᖓ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐃᓂᖃᑦᓯᐊᖁᓪᓗᒋᑦ, ᓇᖕᒥᓂᖅ ᓄᓇᖃᖁᓪᓗᒋᑦ, ᐸᕝᕕᓴᒃᑕᐅᖃᑦᑕᖏᓪᓗᑎᒃ ᓇᓪᓕᐊᓐᓄᓪᓘᓐᓃᑦ; ᐃᓴᒋᔭᖃᖏᑦᑐᓄᓪᓗ ᐸᒡᕕᓴᒃᑕᐅᖃᑦᑕᕈᓐᓁᖁᓪᓗᒋᑦ, ᓯᕗᓕᕆᓚᐅᕐᑕᖏᑎᑐᑦ.

ᐃᓐᖏᕈᑎᑦ 147:14

ᓄᓇᖁᑎᕕᓪᓗ ᑭᒡᓕᖓᓄᑦ ᑎᑭᑦᑐᒥᒃ ᖃᓄᐃᓐᓇᖏᑦᑐᒦᑎᑉᐹᑎᑦ, ᓂᕿᒃᓴᖃᕐᑎᑉᐹᑎᓪᓗ ᓂᐊᖂᔭᒃᓴᑦᓯᐊᕙᐅᓂᕐᐹᖑᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 11:9

ᐋᓐᓂᕐᑕᐅᔪᖃᕈᒫᓐᖏᓚᖅ ᑐᖁᑕᐅᔪᖃᖏᓪᓗᓂᓗ, ᐃᓘᓐᓇᖏᓐᓂᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ; ᓄᓇᓗ ᑕᑕᑦᓱᒫᕐᐳᖅ ᐊᑕᓂᕐᒥᒃ ᖃᐅᔨᒪᔭᖃᑦᓯᐊᕐᓂᕐᒥᒃ ᓲᕐᓗ ᑕᕆᐅᕌᓗᐃᑦ ᐃᒪᕐᐱᖕᒥ ᐅᓕᒃᓯᓯᒪᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 2:4

ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑎᒌᒃᑐᑦ ᐊᑭᕋᕐᑐᕐᑎᒌᒍᓐᓃᕐᑎᑦᓱᒫᕐᐰᑦ, ᓴᕕᒡᔪᐊᑎᒡᓗ ᑲᐅᒐᕐᓗᒋᑦ ᓄᓇᒥᒃ ᒪᒃᐱᕐᑎᕆᑦᔪᑎᓐᖑᕐᑎᑦᓱᒫᕐᐰᑦ, ᖃᓗᒋᐊᑎᒡᓗ ᓇᐹᕐᑑᑉ ᓄᕗᖏᓐᓂᒃ ᑭᓪᓗᐃᑦᔪᑎᒃᓴᓐᖑᕐᑎᓪᓗᒋᑦ. ᐃᓅᖃᑎᒌᒡᔪᐊᓪᓗ ᐅᓇᑕᖃᑦᑕᕈᓐᓃᕈᒫᕐᐳᑦ ᐅᓇᑕᕆᐊᕐᐸᒍᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 26:2

ᐃᑎᕐᑕᕐᕕᒡᔪᐊᖏᑦ ᐅᒃᑯᐃᕐᑕᐅᓕᕐᓕᑦ ᐃᓅᖃᑎᒌᒡᔪᐊᑦ ᓱᖁᓯᔪᐃᓪᓗᑎᒃ ᐃᓱᐊᕐᑐᑦ ᐃᑎᕐᑎᑕᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 51:19

ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 56:5

ᑖᒃᑯᓄᖓ ᑐᓂᓯᔪᒫᕐᐳᖓ ᐃᒡᓗᒪ ᐃᓗᐊᓂ, ᐃᒡᓗᒪᓗ ᐊᑭᓐᓇᖓᓂ, ᐃᖅᑲᐅᒪᑦᔭᐅᔪᑎᒃᓴᖏᓐᓂᒃ ᐊᑎᓕᐅᕐᓗᒋᓪᓗ ᐃᕐᓂᐅᔪᑦ ᐸᓂᐅᔪᓪᓗ ᐊᑎᖏᑕ ᐱᐅᖅᑭᔭᖏᓐᓂᒃ; ᐊᑦᓯᕈᒫᕐᐸᒃᑲ ᐊᑎᕐᒥᒃ ᐃᓱᖃᖏᑦᑐᒧᑦ ᐲᕐᑕᐅᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 60:11

ᑍᒤᒻᒪᑦ ᐃᑎᕐᑕᕐᕕᖁᑎᓯ ᐅᒃᑯᐃᓐᖔᖏᓐᓇᓕᕈᒫᕐᐳᑦ; ᐅᒃᑯᐊᕐᑕᐅᕙᒍᓐᓃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ; ᐃᓅᖃᑎᒌᒡᔪᐊᑦ ᐊᒡᓗᐃᑦᔪᑎᒥᖕᓂᒃ ᕾᑦᓯᖃᑦᑕᖁᓪᓗᒋᑦ ᐃᓕᑦᓯᓐᓄᑦ, ᐊᖓᔪᖅᑳᕐᔪᐊᖏᓪᓗ ᑭᖑᓕᕇᒡᓗᑎᒃ ᕾᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 60:17

ᑲᓐᓄᔭᖁᑎᓯ ᐊᓯᑦᔨᕈᒫᕐᐸᒃᑲ ᒎᓗᓂᒃ ᐱᑎᖔᕐᓗᓯ, ᓴᕕᕋᔭᑐᐃᓐᓁᑦ ᐊᓯᑦᔨᕐᓗᒋᑦ ᓯᐅᓪᕕᕆᓂᒃ; ᕿᔪᖁᑎᓯᓗ ᑭᖑᕝᕕᕐᓗᒋᑦ ᑲᓐᓄᔭᓂᒃ, ᐅᔭᕋᖁᑎᓯᓗ ᓴᕕᕋᔭᒃᓴᓂᒃ ᑭᖑᕝᕕᕐᓗᒋᑦ, ᓮᓕᑎᑦᓯᔪᓂᒃ ᐊᐅᓚᑦᓯᔨᑖᕐᑎᑦᓱᒫᕐᐸᑦᓯ ᓇᓛᒎᕐᑐᓂᒡᓗ ᐊᖓᔪᖅᑳᖃᓕᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 61:11

ᓄᓇᑐᑦ ᐱᕈᕐᑐᒃᓴᒥᒃ ᓴᖅᑭᕝᕕᐅᔪᑎᑐᑦ, ᐱᕈᕐᓰᕕᒡᓗ ᐱᕈᕐᑐᒃᓴᓂᒃ ᐱᕈᕐᕕᐅᓕᕐᐸᖕᒪᑦ ᑲᓐᖓᕐᓲᑕᐅᓯᒪᔪᓂᒃ, ᑍᒫᒃᑕᐅᖅ ᐊᑕᓂᐅᑉ ᒎᑎᐅᑉ ᓇᓛᒎᕐᓂᖅ ᓂᕐᑐᓕᕐᓂᕐᓗ ᐱᕈᕐᑎᑦᓱᒫᕆᕔᑦ ᐃᓅᖃᑎᒌᒡᔪᐊᓕᒫᓂ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 62:4

ᖁᔭᓈᕐᑕᐅᓯᒪᔪᓂᒃ ᑍᔭᐅᔪᓐᓁᕈᒫᕐᐳᓯ, ᓄᓇᓯᓗ ᓱᓇᖃᖏᑦᑐᒃᑯᕕᖕᒥᒃ ᐅᖃᐅᓯᐅᕙᒍᓐᓃᕐᓗᓂ; ᑍᔭᐅᖔᖃᑦᑕᓕᕈᒫᕐᐳᓯ ᖁᕕᐊᒋᔭᕋ ᑕᕝᕙᓃᑉᐳᖅ, ᓄᓇᓯᓗ ᑍᔭᐅᓗᓂ ᑲᑎᑎᑕᐅᓯᒪᓕᕐᑐᒥᒃ, ᐊᑕᓂᐅᑉ ᖁᕕᐊᒋᔪᒫᕐᒪᓯ, ᓄᓇᓯᓗ ᑲᑎᑎᑕᐅᖃᑎᖃᕐᓯᒪᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 62:7

ᓂᓪᓕᐊᕕᒋᔪᓐᓃᕐᑍᓕᓯᐅᒃ ᔨᕉᓴᓕᒥ ᐃᓂᑖᓪᓚᕆᓚᐅᖏᓐᓂᖓᓂ, ᓄᓇᕐᔪᐊᕐᒥᐅᓄᓪᓗ ᔨᕉᓴᓕᒻ ᐅᐱᒋᔭᐅᓕᓚᐅᖏᓐᓂᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 42:20

ᐊᑭᓐᓇᓕᒫᖏᑦ ᓯᑕᒪᑦ ᐆᒃᑐᕋᕇᕐᒪᒋᑦ. ᐊᕙᑖᒍᑦ ᐊᕙᓗᕐᔪᐊᖓ, 840ᓂᒃ ᐃᑎᒐᖕᓂᒃ ᑕᑭᓂᖃᕐᐳᖅ ᓴᓂᒧᖃᕐᓗᓂᓗ ᑭᒃᐹᕆᓪᓗᐊᕐᓗᓂ, ᐊᕙᓗᕐᔪᐊᕐᓗ ᐊᕕᒃᓯᒪᑎᑦᓯᕗᖅ ᐃᑦᔪᕐᓁᑦᑐᓂᒃ ᐃᑦᔪᕐᓁᑦᑑᖏᑦᑐᓂᒡᓗ.

ᒤᑲᐅᑉ ᐊᒡᓚᖏᑦ 4:3

ᐃᖅᑲᕐᑐᐃᔨᐅᔪᒫᕐᐳᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ, ᐃᓂᕐᑎᕈᒫᕐᐰᓪᓗ ᓲᖑᔪᐃᑦ ᐃᓅᖃᑎᒌᒡᔪᐊᑦ ᐅᖓᓯᒃᑐᒦᑦᑐᑦ; ᓴᕕᒡᔪᐊᒥᖕᓂᒡᓗ ᓄᓇᒥᒃ ᒪᒃᐱᕐᑎᕆᑦᔪᑎᓕᐅᕈᒫᕐᐳᑦ, ᖃᓗᒋᐊᒥᖕᓂᒡᓗ ᓇᐹᕐᑑᑉ ᐊᕙᓚᖓᔪᖏᓐᓄᑦ ᓇᑲᑎᕆᑦᔪᑎᓕᐅᕐᓗᑎᒃ, ᐃᓅᖃᑎᒌᒡᔪᐊᓪᓗ ᓴᕕᒡᔪᐊᒧᑦ ᐅᓇᑕᐅᑎᔪᓐᓁᕈᒫᕐᐳᑦ, ᐅᓇᑕᕐᓂᕐᒧᓪᓗ ᐃᓕᓐᓂᐊᕈᓐᓁᕐᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᓴᑲᕅᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓴᑲᕅᐊᐅᑉ ᐊᒡᓚᖏᑦ 2:9

ᑖᒃᑯᐊ ᐊᑕᓂᐅᑉ ᓇᖕᒥᓂᖅ ᓱᒋᐊᕐᓂᐊᕐᐰᑦ, ᓯᐊᓛᕆᓚᐅᕐᑕᖏᓐᓂᓪᓘᓐᓃᑦ ᐊᒡᓛᑦ ᓵᓚᐅᔪᓐᓇᓕᕐᓗᑎᒃ ᑍᒤᓕᕐᐸᑦ ᑕᕝᕙ ᐃᓄᐃᑦ ᖃᐅᔨᔪᒫᕐᐳᑦ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓯᒪᖕᒪᖓ.”

ᓴᑲᕅᐊᐅᑉ ᐊᒡᓚᖏᑦ 9:8

ᐃᒡᓗᒐ ᓴᐳᑎᓯᒪᔪᒫᕐᐸᕋ ᐅᓇᑕᕐᑐᒃᓴᓂᑦ ᓵᓚᖃᕈᒪᔪᓂᑦ, ᑕᕝᕘᓇ ᐊᖅᑯᓵᕐᐸᒃᑐᓂᑦ ᑖᕗᖓ ᐅᑎᒧᓪᓗ; ᐊᑭᕋᕐᑐᕐᑐᑦ ᓵᓚᖃᕈᒪᔪᑦ ᑕᕝᕘᓇ ᐊᖅᑯᓵᖃᑦᑕᕈᓐᓁᕈᒫᕐᐳᑦ: ᒫᓐᓇᒥᑦ ᖃᐅᔨᓴᕐᑎᐅᔪᒪᕗᖓ.