ᐂᓮᐊᓯᐅᑉ ᐊᒡᓚᖏᑦ 60:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑲᓐᓄᔭᖁᑎᓯ ᐊᓯᑦᔨᕈᒫᕐᐸᒃᑲ ᒎᓗᓂᒃ ᐱᑎᖔᕐᓗᓯ, ᓴᕕᕋᔭᑐᐃᓐᓁᑦ ᐊᓯᑦᔨᕐᓗᒋᑦ ᓯᐅᓪᕕᕆᓂᒃ; ᕿᔪᖁᑎᓯᓗ ᑭᖑᕝᕕᕐᓗᒋᑦ ᑲᓐᓄᔭᓂᒃ, ᐅᔭᕋᖁᑎᓯᓗ ᓴᕕᕋᔭᒃᓴᓂᒃ ᑭᖑᕝᕕᕐᓗᒋᑦ, ᓮᓕᑎᑦᓯᔪᓂᒃ ᐊᐅᓚᑦᓯᔨᑖᕐᑎᑦᓱᒫᕐᐸᑦᓯ ᓇᓛᒎᕐᑐᓂᒡᓗ ᐊᖓᔪᖅᑳᖃᓕᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 60:17 Iomraidhean Croise

ᐊᑕᓃᑦ ᓯᕗᓪᓖᑦ 6:30

ᐊᒻᒪ ᓇᑎᓕᒫᖓ ᒎᓗᒥᒃ ᖄᓕᕐᓯᒪᕗᖅ ᐃᓗᐊᓗ ᓯᓚᑖᓗ.

ᐃᓐᖏᕈᑎᑦ 147:14

ᓄᓇᖁᑎᕕᓪᓗ ᑭᒡᓕᖓᓄᑦ ᑎᑭᑦᑐᒥᒃ ᖃᓄᐃᓐᓇᖏᑦᑐᒦᑎᑉᐹᑎᑦ, ᓂᕿᒃᓴᖃᕐᑎᑉᐹᑎᓪᓗ ᓂᐊᖂᔭᒃᓴᑦᓯᐊᕙᐅᓂᕐᐹᖑᔪᓂᒃ.

ᐃᓐᖏᕈᑎᑦ 72:3

ᖃᖅᑬᑦ ᐱᕙᓪᓕᕐᓇᕐᑎᑦᓯᖁᓪᓗᒋᑦ ᐃᓄᖕᓄᑦ, ᐱᖑᐊᕐᔪᐃᓪᓗ, ᐃᓱᐊᕐᓯᑎᑦᓯᔪᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:26

ᐃᖅᑲᕐᑐᐃᑦᓯᐊᕐᑐᓂᒡᓗ ᓯᕗᓪᓕᕐᑎᓂᒃ ᐅᑎᕐᑎᑦᓯᓂᐊᕐᐳᖓ, ᐅᖃᐅᑦᔪᐃᔨᓂᒡᓗ ᓯᕗᓪᓕᕐᑎᑐᑦ ᑍᒤᑦᑐᓂᒃ. ᑕᒪᑐᒪ ᑭᖑᓂᖓᒍᑦ ᐅᖃᐅᓯᐅᓕᕈᒫᕐᐳᓯ ᐃᒡᓗᒐᓴᒡᔪᐊᓂᒃ ᓇᓛᒎᑦᓯᐊᕐᑐᓂᒃ, ᐃᒡᓗᒐᓴᒡᔪᐊᓂᒃ ᐱᓂᐊᕐᓂᕐᒥᖕᓂᒃ ᓴᖑᓂᐊᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 55:13

ᐅᕐᐲᑦ ᑲᑭᓐᓇᕐᑐᓖᑦ ᐃᓇᖏᕐᑕᐅᔪᕐᒫᕐᐳᑦ ᓇᐹᕐᑐᓪᓚᕆᖕᓂᒃ ᐱᕈᕐᑐᓕᖕᓂᒃ; ᐊᕚᓚᕿᐊᑦ ᐃᓇᖏᕐᑕᐅᔪᒫᕐᐳᑦ ᐱᕈᕐᑐᓕᖕᓂᒃ ᓇᐹᕐᑐᑦᓯᐊᓂᒃ ᒨᕐᑐᓂᒃ ᐅᖃᐅᔭᕆᒃᑐᓂᒃ; ᑕᒪᒃᑯᐊ ᐊᑕᓂᐅᑉ ᐃᓕᑕᕆᔭᐅᑦᔪᑎᒃᓴᕆᓪᓗᒋᑦ, ᓇᓗᓁᒃᑯᑕᐅᑎᑦᓱᒫᕐᐰᑦ ᐃᓱᖃᖏᑦᑐᒧᑦ ᓱᕋᒃᑕᐅᔪᓐᓇᖏᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 60:16

ᐃᓅᖃᑎᒌᒡᔪᐊᑦ ᐃᒻᒧᖏᓐᓂᒃ ᐃᒥᕈᒫᕐᐳᓯ, ᐊᖓᔪᖅᑳᕐᔪᐊᓪᓗ ᐊᒫᒪᖏᓐᓂᑦ ᐊᒫᒪᒡᓗᓯ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᖅ ᐱᐅᓕᔨᐅᒐᒪ ᐃᓕᑦᓯᓐᓄᑦ ᐅᑎᕐᑎᑦᓯᔨᓯ, ᔧᑰᑉ ᑭᖑᕚᖏᑕ ᐊᔪᒐᖃᖏᑦᑐᖁᑎᖓ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᑖᓂᐊᓕᐅᑉ ᐊᒡᓚᖏᑦ 11:20

“ᑭᖑᕝᕕᕐᑎᖓ ᑎᓕᓯᔪᒫᕐᐳᖅ ᐃᓄᐃᑦ ᑖᒃᓰᔭᕐᑎᓪᓗᒋᑦ, ᐊᖓᔪᖅᑲᐅᕕᖓᑕ ᑕᑯᒥᓇᕐᓂᐊᓗᐊᓄᑦ ᐊᑐᕐᑕᐅᓂᐊᕐᑐᓂᒃ, ᐊᑯᓂᐅᖏᑦᑐᕐᓕ ᑖᓐᓇ ᑐᖁᑕᐅᔪᒫᕐᐳᖅ, ᓂᓐᖓᐅᒪᓂᒃᑰᖏᑦᑐᖅ ᐅᓇᑕᕐᓂᒃᑰᖏᑦᑐᕐᓘᓐᓃᑦ.”

ᕼᐊᒊᑉ ᐊᒡᓚᖏᑦ 2:8

‘ᓯᐅᓪᕕᕇᑦ ᐱᒋᕙᒃᑲ, ᒎᓗᐃᓪᓗ ᐱᒋᒋᕙᒃᑲ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᐄᑉᕈᐃᓄᑦ 11:40

ᒎᑎᐅᑉ ᐱᐅᓂᕐᓴᒥᒃ ᓯᕗᓂᖓᒍᑦ ᐋᖅᑭᒃᓱᐃᑦᔪᑎᓚᐅᕐᒪᑎᒍᑦ, ᐱᑦᔪᑎᒃᓴᖃᓚᐅᕐᒪᑦ ᐅᕙᒍᑦ ᐃᓚᒋᔭᐅᑎᓪᓗᑕ ᑭᓯᐊᓂ ᑖᒃᑯᐊ ᓈᒻᒪᒃᓯᑎᑕᐅᖁᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 3:13

ᐅᕙᒍᓪᓕ ᓂᕆᐅᒃᐳᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ ᐃᓗᐊᕐᑐᓕᔪᓄᑦ ᐃᓂᒋᔭᐅᔪᒫᕐᑐᒥᒃ.