ᐂᓮᐊᓯᐅᑉ ᐊᒡᓚᖏᑦ 60:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᖁᔭᓈᕐᑕᐅᓯᒪᓚᐅᕋᓗᐊᕐᑎᓪᓗᓯ ᐆᒥᒋᔭᐅᓪᓗᓯᓗ, ᐊᖅᑯᓵᕐᑕᐅᕙᒍᓐᓃᕐᓗᓯᓘᓐᓃᑦ, ᐅᐱᓐᓇᕐᓯᑎᑦᓱᒫᕐᐸᑦᓯ ᐃᓱᖃᖏᑦᑐᒧᑦ, ᑭᖑᕚᕇᓄᓪᓗ ᐅᓄᕐᑐᓄᑦ ᖁᕕᐊᒋᔭᐅᓕᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 60:15 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 25:8

ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 6:12

ᐊᑕᓂᐅᑉ ᐃᓄᐃᑦ ᐅᖓᓯᒃᑐᐊᓗᖕᒧᑦ ᐊᐅᓪᓚᕐᑎᓯᒪᓕᕐᐸᒋᑦ, ᓄᓇᒋᔭᖏᓪᓗ ᐅᓄᕐᓯᑉᐸᑕ ᕿᒪᒃᑕᐅᓯᒪᔪᑦ ᓄᓇᑖᕆᓯᒪᔭᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 62:4

ᖁᔭᓈᕐᑕᐅᓯᒪᔪᓂᒃ ᑍᔭᐅᔪᓐᓁᕈᒫᕐᐳᓯ, ᓄᓇᓯᓗ ᓱᓇᖃᖏᑦᑐᒃᑯᕕᖕᒥᒃ ᐅᖃᐅᓯᐅᕙᒍᓐᓃᕐᓗᓂ; ᑍᔭᐅᖔᖃᑦᑕᓕᕈᒫᕐᐳᓯ ᖁᕕᐊᒋᔭᕋ ᑕᕝᕙᓃᑉᐳᖅ, ᓄᓇᓯᓗ ᑍᔭᐅᓗᓂ ᑲᑎᑎᑕᐅᓯᒪᓕᕐᑐᒥᒃ, ᐊᑕᓂᐅᑉ ᖁᕕᐊᒋᔪᒫᕐᒪᓯ, ᓄᓇᓯᓗ ᑲᑎᑎᑕᐅᖃᑎᖃᕐᓯᒪᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 65:18

ᐊᓕᐊᓁᒍᓱᒡᓗᓯ ᖁᕕᐊᓱᕕᒡᔪᐊᕆᑦᓯ ᐃᓱᖃᖏᑦᑐᒧᑦ ᐱᓐᖑᕐᑎᑦᓱᒫᕐᑕᒃᑲ ᐱᓪᓗᒋᑦ, ᑕᑯᒋᓪᓗ, ᔨᕉᓴᓕᒻ ᐱᓐᖑᕐᑎᑦᓱᒫᕐᐸᕋ ᖁᕕᐊᓱᒡᕕᐅᖁᓪᓗᒍ, ᐃᓄᖏᓪᓗ ᖁᕕᐊᓇᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 66:5

“ᐊᑕᓂᐅᑉ ᐅᖃᐅᓯᖓ ᑐᓴᓕᕐᓯᐅᒃ, ᐃᓕᑦᓯ ᐅᖃᐅᓯᖓᓄᑦ ᓴᔪᒃᑐᓯ; ᖃᑕᓐᖑᑎᓯ ᐃᓕᑦᓯᓐᓂᒃ ᐆᒥᓱᖕᒪᑕ, ᐃᓕᑦᓯᓐᓂᒃ ᓇᕐᕈᓕᕐᓯᒪᔪᑦ ᐊᑎᕋ ᐱᓪᓗᒍ ᐅᖃᕐᒪᑕ, ‘ᐊᑕᓂᖅ ᓂᕐᑐᕐᑕᐅᓕ, ᑕᑯᓂᐊᕋᑦᑕ ᖁᕕᐊᓱᒃᑎᓪᓗᓯ’; ᑭᓯᐊᓂᓕ ᑖᒃᑯᐊ ᑲᓐᖑᓱᒃᑎᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᓇᕼᐅᒥᐅᑉ ᐊᒡᓚᖏᑦ 2:2

(ᐊᑕᓂᐅᑉ ᐅᑎᕐᑎᑦᓱᒫᓕᕐᒪᒍ ᔧᑰᑉ ᐅᐱᓐᓇᕐᓂᖓ ᐃᓴᕆᐊᓕᐅᑉ ᐅᐱᓐᓇᕐᓂᖓ ᐅᑎᕐᑎᓪᓗᒍ, ᓄᖑᕅᔨᓄᑦ ᓄᖑᕈᑦᔭᐅᓚᐅᕋᓗᐊᕐᑎᓪᓗᒋᑦ ᕔᓂᒃᓴᖏᑕᓗ ᐊᕙᓚᖓᔪᖏᑦ ᓱᒃᑯᑕᐅᓚᐅᕋᓗᐊᕐᑎᓪᓗᒋᑦ.)

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2

ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.