ᐂᓮᐊᓯᐅᑉ ᐊᒡᓚᖏᑦ 60:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 60:14 Iomraidhean Croise

ᒨᓯᓯ ᓯᕗᓪᓖᑦ 27:29

ᐃᓅᖃᑎᒌᒡᔪᐊᑦ ᐊᓯᑦᓯᓐᓃᑦᑐᑦ ᐱᔨᑦᓯᕐᓕᑎᑦ, ᐃᓅᖃᑎᒌᒡᔪᐊᓪᓗ ᓇᓂᑐᐃᓐᓇᖅ ᐹᒻᒪᒃᑎᕐᕕᒋᓕᑎᑦ; ᐊᖓᔪᖅᑳᖑᓕᕆᑦ ᖃᑕᓐᖑᑎᖕᓄᑦ, ᐊᓈᓇᕕᓪᓗ ᑭᖑᕚᖏᑕ ᐹᒻᒪᒃᑎᕐᕕᒋᔭᒃᓴᕆᕚᑎᑦ, ᓇᕐᕈᓇᕐᓯᓕᑦ ᐃᓕᖕᓂᒃ ᓇᕐᕈᔪᑦ, ᓮᒻᒪᕐᑎᑕᐅᓕᓪᓗ ᐃᓕᖕᓂᒃ ᓮᒻᒪᕐᑎᑦᓯᔪᑦ.”

ᒨᓯᓯ ᓯᕗᓪᓖᑦ 42:6

ᔫᓯᐱᓕ ᓄᓇᒥ ᐊᐅᓚᑦᓯᔨᐅᒐᒥ; ᓄᓇᓂᑦ ᓂᐅᕕᕆᐊᕐᑐᓕᒫᓄᑦ ᓂᐅᕕᕐᕕᐅᖃᑦᑕᓚᐅᕐᐳᖅ. ᔫᓯᐱᐅᓪᓗ ᐊᖓᔪᖏᑦ ᑎᑭᑉᐳᑦ, ᑖᑦᓱᒪᓗ ᓵᖓᓄᑦ ᐅᑯᕗᑦ ᖃᐅᖏᑦ ᓄᓇᒧᑦ ᐊᒃᑐᕐᓗᑎᒃ.

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᐃᓐᖏᕈᑎᑦ 48:2

ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ, ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ, ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ, ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.

ᐃᓐᖏᕈᑎᑦ 87:3

ᑐᓴᕈᒥᓇᕐᑐᓂᒃ ᐅᖃᐅᓯᐅᖃᑦᑕᕐᐳᑎᑦ, ᒎᑎᒧᑦ ᐃᒡᓗᒐᓴᒡᔪᐊᖑᔪᑎᑦ! ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:19

ᐱᐅᖏᑦᑐᒥ ᐃᓅᔪᑦ ᐅᑯᕗᑦ ᐱᐅᔪᑦ ᓵᖏᓐᓂ, ᐱᐅᖏᑦᑐᓪᓗ ᐃᓱᐊᕐᑐᓕᔪᑦ ᐃᑎᕐᑕᕐᕕᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 1:26

ᐃᖅᑲᕐᑐᐃᑦᓯᐊᕐᑐᓂᒡᓗ ᓯᕗᓪᓕᕐᑎᓂᒃ ᐅᑎᕐᑎᑦᓯᓂᐊᕐᐳᖓ, ᐅᖃᐅᑦᔪᐃᔨᓂᒡᓗ ᓯᕗᓪᓕᕐᑎᑐᑦ ᑍᒤᑦᑐᓂᒃ. ᑕᒪᑐᒪ ᑭᖑᓂᖓᒍᑦ ᐅᖃᐅᓯᐅᓕᕈᒫᕐᐳᓯ ᐃᒡᓗᒐᓴᒡᔪᐊᓂᒃ ᓇᓛᒎᑦᓯᐊᕐᑐᓂᒃ, ᐃᒡᓗᒐᓴᒡᔪᐊᓂᒃ ᐱᓂᐊᕐᓂᕐᒥᖕᓂᒃ ᓴᖑᓂᐊᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 45:23

ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 36:15

ᐃᓅᖃᑎᒌᒡᔪᐊᑦ ᒥᑕᐅᑎᒃᓴᕐᓂᖏᓐᓂᒃ ᑐᓵᑎᓐᓂᐊᕈᓐᓃᕐᐸᒋᑦ, ᐃᓄᐃᓪᓗ ᑲᓐᖑᓇᕐᑐᒦᑎᑕᐅᓂᖏᓐᓂᒃ ᑎᒍᒥᐊᕐᓂᐊᕈᓐᓃᕐᐳᑎᑦ ᐃᓅᖃᑎᒌᒡᔪᐊᓪᓗ ᕿᑐᕐᖎᔭᕐᐸᖕᓂᐊᕈᓐᓃᕐᐸᑎᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᔪᐃᓕᐅᑉ ᐊᒡᓚᖏᑦ 3:8

ᐃᕐᓂᓯᓗ ᐸᓂᓯᓗ ᓂᐅᕐᕈᑎᒋᔪᒫᕐᐸᒃᑲ, ᔫᑕᐅᑉ ᐃᓄᖏᓐᓄᑦ, ᓂᐅᕐᕈᑎᒋᔪᒫᕐᐰᓪᓗ ᓴᐱᐊᓂᒥᐅᓄᑦ ᐃᓅᖃᑎᒌᒡᔪᐊᓄᑦ ᐅᖓᓯᒃᑐᒦᑦᑐᓄᑦ; ᐊᑕᓂᖅ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᓴᑲᕅᐊᐅᑉ ᐊᒡᓚᖏᑦ 8:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:1

ᑕᑯᓴᕋᒪᓗ, ᑕᑯᕗᖓ, ᓄᕐᕋᐅᔭᕐᒥᒃ ᖃᖅᑲᒥ ᓮᐅᓂᒥ ᓇᖏᕐᑐᒥᒃ, ᓇᖏᖃᑎᖃᕐᓗᓂ 144,000ᓂᒃ ᐊᑎᖓᓂᒃ ᐊᑖᑕᖓᑕᓗ ᐊᑎᖓᓂᒃ ᑎᑎᕋᕐᕕᐅᓯᒪᔪᓂᒃ ᖃᐅᖏᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.