ᐂᓮᐊᓯᐅᑉ ᐊᒡᓚᖏᑦ 6:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 6:5 Iomraidhean Croise

ᒨᓯᓯ ᓯᕗᓪᓖᑦ 32:31

ᓯᕿᓂᕐᓗ ᖁᑦᑎᒃᓯᓚᐅᕐᐳᖅ ᔧᑯ ᑕᕝᕙᓐᖓᑦ ᐱᓄᐃᓕᒥᑦ ᕿᒪᕉᑎᓕᕐᑎᓪᓗᒍ, ᑐᓯᐊᓕᓚᐅᕐᐳᕐᓗ ᓯᕝᕕᐊᓂ ᐱᑦᔪᑎᒋᓪᓗᒍ.

ᐃᓐᖏᕈᑎᑦ 24:10

ᑭᓇ ᐊᖓᔪᖅᑳᕐᔪᐊᖑᕚ ᐱᓐᓇᕐᓇᕐᓂᕐᔫᓪᓗᓂ? ᐊᑕᓂᖅ ᑖᓐᓇᐅᕗᖅ, ᖁᑦᓯᖕᓂᕐᒦᑦᑐᖅ, ᑖᓐᓇᐅᕗᖅ ᐱᓐᓇᕐᓇᕐᓂᕐᔪᐊᒧᑦ ᐊᖓᔪᖅᑳᕐᔪᐊᖑᔪᖅ. ᓰᓚ

ᒨᓯᓯ ᐂᑉᐸᖏᑦ 24:10

ᑖᒃᑯᐊᓗ ᑕᑯᕚᑦ ᐃᓴᕆᐊᓕᒥᐅᑦ ᒎᑎᖓᑦ; ᑖᑦᓱᒪᓗ ᐃᑎᒐᖏᑕ ᐊᑖᒍᑦ ᐅᔭᕋᒃᑕᖃᕐᐳᖅ ᓴᓇᓯᒪᔫᔮᕐᑐᒥᒃ ᓴᐰᕋᑎᑐᑦ ᑕᑯᒥᓇᕐᑐᐊᓗᒃᑎᑐᑦ ᑍᒤᑦᑐᒥᒃ, ᐅᔭᖅᑲᑎᑐᑦ ᓯᓚᑎᑐᑦ ᑕᑯᒃᓴᐅᓇᑦᓯᐊᕐᑐᒥᒃ ᑐᖑᔪᑦᓯᐊᕐᑎᒋᔪᒥᒃ.

ᒨᓯᓯ ᐂᑉᐸᖏᑦ 3:6

ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

ᒨᓯᓯ ᐂᑉᐸᖏᑦ 33:20

ᑮᓇᕋᓕ ᐃᓕᖕᓄᑦ ᑕᑯᔭᐅᑎᓐᓂᐊᓐᖏᓚᕋ; ᐃᓄᑐᐃᓐᓇᖅ ᐅᕙᓐᓂᒃ ᑕᑯᔪᖅ ᐃᓅᔪᓐᓇᖏᒻᒪᑦ.”

ᒨᓯᓯ ᐂᑉᐸᖏᑦ 4:10

ᒨᓯᓯᓕ ᐅᖃᕐᐳᖅ ᐊᑕᓂᕐᒧᑦ, “ᑕᑯᒋᑦ ᐊᑕᓃᖅ, ᐅᖃᓪᓚᑦᓯᐊᕈᓐᓇᖏᑦᑐᖓ, ᐊᒡᓛᓪᓗ ᐃᓕᖕᓄᑦ ᐅᖃᓪᓚᒡᕕᐅᓂᕐᒪ ᑭᖑᓂᖓᓂ ᓱᓕ ᐅᖃᓪᓚᒍᓐᓇᑦᓯᐊᓐᖏᓚᖓ, ᐅᖃᕈᓐᓁᓪᓕᖅᑲᑦᑕᓲᖑᒐᒪ ᐅᖃᕋᓗ ᐃᖃᓕᕐᐸᒃᓗᓂ.”

ᒨᓯᓯ ᐂᑉᐸᖏᑦ 6:12

ᒨᓯᓯᓕ ᐅᖃᕐᐳᖅ ᐊᑕᓂᕐᒧᑦ, “ᑕᑯᒋᑦ, ᐃᓴᕆᐊᓕᒥᐅᓄᑦ ᓈᓚᒃᑕᐅᓯᒪᓐᖏᓚᖓ; ᖃᓄᕐᓕ ᑕᕝᕙ ᐰᕉᒧᑦ ᓈᓚᒃᑕᐅᔪᓐᓇᕋᔭᕐᐳᖔ? ᐅᖃᓪᓚᑦᓯᐊᕈᓐᓇᖏᑦᑑᒐᒪ.”

ᒨᓯᓯ ᐂᑉᐸᖏᑦ 6:30

ᒨᓯᓯᓕ ᐊᑕᓂᕐᒧᑦ ᑭᐅᕗᖅ, “ᖃᐅᔨᒪᕗᑎᑦ ᐅᖃᕈᓐᓇᑦᓯᐊᖏᓐᓂᓐᓂᒃ, ᐊᖓᔪᖅᑳᕐᔪᐊᖅ ᐅᖃᐅᓯᕆᔭᓐᓂᒃ ᓈᓚᒃᑲᔭᕋᓗᐊᕐᒫᑦ?”

ᐂᓮᐊᓯᐅᑉ ᐊᒡᓚᖏᑦ 24:16

ᐅᖓᓯᒃᑐᒥ ᓄᓇᖃᕐᑐᒍᑦ ᑐᓵᔪᒫᕐᐳᒍᑦ ᐅᐱᒍᓱᒡᓗᑎᒃ ᐃᓐᖏᕈᑎᖃᕐᑐᓂᒃ ᐃᓴᕆᐊᓕᒥᐅᓂᒃ, ᐃᓅᖃᑎᒌᒡᔪᐊᑦ ᐃᓱᐊᕐᑑᓂᕋᕐᓗᒋᑦ. ᓂᕆᐅᒋᔭᒃᓴᖃᓐᖏᓚᖓᓕ ᐱᐅᔪᓐᓃᕐᐸᓪᓕᐊᑐᐃᓐᓇᕋᑦᑕ, ᐊᑭᕋᕐᑐᕋᓱᒃᑐᑦ ᐊᑭᕋᕐᑐᕐᐸᓪᓕᐊᑐᐃᓐᓇᕐᒪᑕ, ᑎᕐᓕᐊᖃᑦᑍᓂᖓᓪᓗ ᐱᕙᓪᓕᐊᑐᐃᓐᓇᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 33:17

ᐃᔨᑦᓯᓐᓄᑦ ᑕᑯᔪᒫᕐᐳᓯ ᐊᖓᔪᖅᑳᕐᔪᐊᑉ ᐃᓂᖁᓇᕐᓂᕐᔪᐊᖓᓂᒃ; ᑕᑯᓗᑎᓪᓗ ᓄᓇᒥᒃ ᐅᖓᓯᒃᑐᒧᑦ ᑕᑯᒃᓴᐅᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 59:3

ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 1:6

ᑕᕝᕙ ᑭᐅᕙᕋ, “ᑕᑯᒋᑦ ᐊᑕᓃᖅ ᒎᑏ! ᖃᓄᖅ ᐅᖃᓪᓚᒋᐊᒃᓴᖅ ᓇᓗᔪᖓ, ᐅᕕᒃᑲᐅᓗᐊᕋᒪ.”

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 12:2

“ᐃᓅᑉ ᐃᕐᓂᖓ, ᓄᓇᖃᕐᐳᑎᑦ ᐊᑭᕋᕐᑐᕈᒪᔪᓂᒃ ᐃᓄᖃᕐᑐᓂᒃ, ᐃᔨᖃᕋᓗᐊᕐᐳᑦ ᑕᑯᔪᓐᓇᓐᖏᓚᑦ, ᓯᐅᑎᖃᕋᓗᐊᕐᐳᑦ ᑐᓴᕈᓐᓇᓐᖏᓚᑦ; ᐊᑭᕋᕐᑐᕐᑎᐅᒐᒥᒃ ᑭᖑᕚᖑᖃᑎᒌᑦ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᑖᓂᐊᓕᐅᑉ ᐊᒡᓚᖏᑦ 9:20

ᐅᖃᓪᓚᒃᑎᓪᓗᖓ ᑐᒃᓯᐊᕐᑎᓪᓗᖓᓗ, ᖃᕿᐊᓕᕐᑎᓪᓗᖓᓗ ᐊᔪᕐᓂᓐᓂᒃ, ᐃᓅᖃᑎᒪᓗ ᐃᓴᕆᐊᐊᓕᑎᑦ ᐊᔪᕐᓂᖏᓐᓂᒃ, ᕿᓄᑎᓪᓗᖓᓗ ᐊᑕᓂᕐᒧᑦ ᒎᑎᓐᓄᑦ ᖃᖅᑲᖅ ᐃᑦᔪᕐᓁᑦᑐᖅ ᐱᒋᔭᖓ ᐱᓪᓗᒍ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᒨᓯᓯ ᓯᑕᒪᖏᑦ 17:12

ᑕᕝᕙ ᐃᓴᕆᐊᓕᒥᐅᑦ ᒨᓯᓯᒧᑦ ᐅᖃᓕᕐᐳᑦ, ᐅᖃᕐᓗᑎᒃ, “ᓱᓕᔪᒥᒃ ᑐᖁᓂᐊᓕᕐᐳᒍᑦ, ᐊᓯᐅᓂᐊᓕᕐᐳᒍᑦ, ᑕᒪᑦᑕ ᐊᓯᐅᓂᐊᓕᕐᐳᒍᑦ!

ᐃᓗᐊᕐᓮᔩᑦ ᐊᒡᓚᖏᑦ 13:22

ᒪᓄᐊᓗ ᓄᓕᐊᒥᓄᑦ ᐅᖃᕐᐳᖅ, “ᑐᖁᓂᐊᓕᕐᐳᒍᒃ, ᒎᑎᒥᒃ ᑕᑯᓚᐅᕋᓐᓄᒃ!”

ᐃᓗᐊᕐᓮᔩᑦ ᐊᒡᓚᖏᑦ 6:22

ᒋᑎᐅᓂᓗ ᑐᑭᓯᓕᕐᐳᖅ ᐊᑕᓂᐅᑉ ᐂᖏᓕᖓᓂᒃ ᑕᑯᓂᕐᒥᓂᒃ; ᑲᑉᐱᐊᓱᖕᓂᕐᒧᓪᓗ ᐅᖃᕐᐳᖅ, “ᑕᑯᒋᑦ ᐊᑕᓃᖅ ᒎᑏ! ᐂᖏᓖᖁᑏᑦ ᑕᑯᕙᕋ ᑮᓇᕐᒥ ᑮᓇᕐᒧᑦ!”