ᐂᓮᐊᓯᐅᑉ ᐊᒡᓚᖏᑦ 6:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᐂᓮᐊᓯᐅᑉ ᐊᒡᓚᖏᑦ 6:3 Iomraidhean Croise

ᐄᓱᕋᐅᑉ ᐊᒡᓚᖏᑦ 3:11

ᐃᓐᖏᓚᐅᕐᐳᑦ ᐊᑕᓂᕐᒥᒃ ᓂᕐᑐᐃᓪᓗᑎᒃ, ᓇᓪᓕᒃᑭᑕᕐᓗᑎᒃ ᐅᑎᕐᑕᕐᓂᖓᓂᒃ: “ᐊᑕᓂᖅ ᐱᐅᔫᕗᖅ, ᓇᒡᓕᖕᓂᖓᓗ ᐃᓴᕆᐊᓕᒧᑦ ᐃᓱᖃᖏᑦᑑᕗᖅ.” ᐱᕕᓕᒫᒥᖕᓄᑦ ᐃᓄᓕᒫᑦ ᕾᒐᓛᓚᐅᕐᐳᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐱᑦᔪᑎᖃᕐᓗᑎᒃ ᑐᒃᓯᐊᕐᕕᐅᑉ ᑐᓐᖓᕕᖓᑕ ᐱᒋᐊᕐᑕᐅᓂᖓᓂᒃ.

ᐃᓐᖏᕈᑎᑦ 57:11

ᒎᑏ, ᐊᖏᔪᕈᕐᑎᑕᐅᓕᕆᑦ, ᕿᓔᑦ ᐅᖓᑖᓄᑦ; ᓂᕐᑐᕐᓇᕐᓃᑦ ᓄᓇᕐᔪᐊᕐᒥᒃ ᐅᓕᒃᓯᓕ!

ᐃᓐᖏᕈᑎᑦ 66:2

ᐃᓐᖏᕆᑦᓯ ᐊᑎᖓ ᐅᐱᒋᓗᒍ; ᓂᕐᑐᕐᓇᕐᓂᖓ ᑲᑦᔮᕐᓇᕐᑎᓯᐅᒃ.

ᐃᓐᖏᕈᑎᑦ 72:19

ᐊᑎᖓᓗ ᐱᓐᓇᕐᓇᕐᑐᖅ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ! ᓄᓇᕐᔪᐊᓕᒫᖅ ᑕᑕᓪᓕ ᑖᑦᓱᒪ ᑲᑦᔮᕐᓇᕐᓂᖓᓂᒃ! ᐋᒦᓐ ᐊᒻᒪ ᐋᒦᓐ.

ᐃᓐᖏᕈᑎᑦ 8:2

ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ.

ᐃᓐᖏᕈᑎᑦ 90:16

ᐱᓇᓱᐊᕐᓂᑎᑦ ᑕᑯᔭᐅᑎᓚᐅᒃᑭᑦ ᐱᔨᖕᓄᑦ, ᐱᔪᓐᓇᕐᓂᕐᐱᓪᓗ ᓂᕐᑐᕐᓇᕐᓂᖓ ᐱᔨᕕᑦ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 97:6

ᕿᓔᑦ ᓇᓗᓁᕐᓯᕗᑦ ᑖᑦᓱᒪ ᐃᓱᐊᕐᑐᓕᓂᖓᓂᒃ; ᐃᓄᓕᒫᓪᓗ ᑖᑦᓱᒪ ᓂᕐᑐᕐᓇᕐᓂᖓ ᑕᑯᕚᑦ.

ᐃᓐᖏᕈᑎᑦ 99:3

ᐊᑏᑦ ᐊᖏᔪᕐᔪᐊᖅ ᐊᔪᖏᑦᑐᕐᔪᐊᕐᓗ ᓂᕐᑐᕐᑕᐅᓚᐅᕐᓕ ᐃᑦᔪᕐᓁᑦᑑᖕᒪᑦ.

ᐃᓐᖏᕈᑎᑦ 99:9

ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 24:16

ᐅᖓᓯᒃᑐᒥ ᓄᓇᖃᕐᑐᒍᑦ ᑐᓵᔪᒫᕐᐳᒍᑦ ᐅᐱᒍᓱᒡᓗᑎᒃ ᐃᓐᖏᕈᑎᖃᕐᑐᓂᒃ ᐃᓴᕆᐊᓕᒥᐅᓂᒃ, ᐃᓅᖃᑎᒌᒡᔪᐊᑦ ᐃᓱᐊᕐᑑᓂᕋᕐᓗᒋᑦ. ᓂᕆᐅᒋᔭᒃᓴᖃᓐᖏᓚᖓᓕ ᐱᐅᔪᓐᓃᕐᐸᓪᓕᐊᑐᐃᓐᓇᕋᑦᑕ, ᐊᑭᕋᕐᑐᕋᓱᒃᑐᑦ ᐊᑭᕋᕐᑐᕐᐸᓪᓕᐊᑐᐃᓐᓇᕐᒪᑕ, ᑎᕐᓕᐊᖃᑦᑍᓂᖓᓪᓗ ᐱᕙᓪᓕᐊᑐᐃᓐᓇᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᐂᓮᐊᓯᐅᑉ ᐊᒡᓚᖏᑦ 54:5

ᐱᓐᖑᕐᑎᑦᑎᔨᓯ ᐅᐃᒋᒐᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᑐᖅ; ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒻᒥᓄᑦ ᐅᑎᕐᑎᑦᓯᔨᒋᒐᑦᓯᐅᒃ, ᓄᓇᕐᔪᐊᕐᒥᐅᓕᒫᑦ ᒎᑎᖓᓂᒃ ᑍᔭᐅᔪᖅ.

ᐃᓯᑭᐊᓕᐅᑉ ᐊᒡᓚᖏᑦ 43:2

ᑕᑯᒋᓪᓗ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐃᓴᕆᐊᓕᒥᐅᑦ ᒎᑎᖓᑕ ᓂᕐᑐᕐᓇᕐᓂᕐᔪᐊᖓᑕ ᕾᓕᕐᓂᖓᓂᒃ ᑕᑯᕗᖓ; ᑎᑭᓕᕐᓂᖓᓗ ᑐᓴᕐᓴᐅᕗᖅ ᑕᕆᐅᕐᔪᐊᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖓᑐᑦ; ᓄᓇᓗ ᖃᐅᒻᒪᒃᑕᐅᕗᖅ ᓂᕐᑐᕐᓇᕐᓂᕐᔪᐊᖓᑕ ᖃᐅᒪᓂᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 44:4

ᐊᒻᒪ ᐃᑎᕐᑕᕐᕕᖕᒧᐊᕐᑎᑉᐹᖓ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑐᒧᑦ; ᑕᑯᓴᕋᒪᓗ ᑕᑯᕗᖓ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᔪᖅ; ᒪᓂᖅᑲᒧᓪᓗ ᐹᒻᒪᒃᐳᖓ.

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 14:9

ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ: ᑍᑦᓱᒪᓂᓗ ᐊᑕᓂᖃᕈᒫᕐᐳᖅ ᐊᑕᐅᓯᕐᒥᒃ, ᐊᑎᖓᓗ ᐃᑦᔪᕐᓁᑦᑑᓗᓂ.

ᒨᓯᓯ ᓯᑕᒪᖏᑦ 14:21

ᓱᓕᑦᓯᐊᕐᐳᖅ, ᐃᓅᑎᓪᓗᖓ ᓄᓇᕐᔪᐊᓕᒫᖅ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑕᑦᓱᒫᕐᐳᖅ;

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,