ᐂᓮᐊᓯᐅᑉ ᐊᒡᓚᖏᑦ 6:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᐅᑉ ᐃᓄᐃᑦ ᐅᖓᓯᒃᑐᐊᓗᖕᒧᑦ ᐊᐅᓪᓚᕐᑎᓯᒪᓕᕐᐸᒋᑦ, ᓄᓇᒋᔭᖏᓪᓗ ᐅᓄᕐᓯᑉᐸᑕ ᕿᒪᒃᑕᐅᓯᒪᔪᑦ ᓄᓇᑖᕆᓯᒪᔭᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 6:12 Iomraidhean Croise

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 13:12

ᐃᓄᐃᑦ ᐅᓄᖏᓐᓂᕐᓴᐅᓕᕐᑎᑦᓱᒫᕐᐸᒃᑲ ᒎᓗᑦᓯᐊᕙᖕᓂᑦ, ᐃᓄᒡᓗ ᐅᐱᕼᐃᒦᑦᑐᓂᑦ ᒎᓗᓕᕆᐅᑎᓂᑦ.

ᐂᓮᐊᓯᐅᑉ ᐊᒡᓚᖏᑦ 26:15

ᐊᑕᓃᖅ, ᐃᓅᖃᑎᒌᒡᔪᐊᖑᓂᕗᑦ ᐱᕈᕐᑎᓯᒪᕙᑦ, ᐃᓅᖃᑎᒌᒡᔪᐊᑦ ᐅᓄᕐᓯᑎᑉᐸᑎᑦ, ᑕᒪᓐᓇ ᐅᐱᒋᔭᐅᑦᔪᑎᒋᕙᑦ; ᓄᓇᖁᑎᕗᓪᓗ ᐃᓚᕙᓪᓕᐊᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:9

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᓵᑎᓪᓗᖓ ᐅᖃᓚᐅᕐᐳᖅ: “ᐃᓛᒃ, ᐃᒡᓗᐃᑦ ᐅᓄᕐᑐᑦ ᕿᒪᒃᑕᐅᔪᒫᕐᐳᑦ, ᐊᖏᔪᑦ ᑕᑯᒥᓇᕐᑐᓪᓗ ᐃᒡᓗᐃᑦ, ᐃᓄᖃᕈᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 12:7

ᐃᓄᖁᑎᒃᑲ ᖁᔭᓈᕐᐸᒃᑲ, ᑭᖑᕐᖑᑎᔭᒃᓴᒃᑲᓗ ᕿᒪᒡᓗᒋᑦ; ᐃᓄᖁᑎᒃᑲ ᓇᒡᓕᒋᓚᐅᕐᑕᒃᑲ ᐊᑭᕋᖏᓐᓄᑦ ᑐᓂᑦᔪᑎᒋᓕᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 4:29

ᕿᒻᒥᕐᔪᐊᒥ ᐃᑭᒪᔪᑦ ᐱᓯᒃᓴᕐᑏᓪᓗ ᑐᓴᕐᓴᐅᓕᕐᐸᑕ ᐃᓄᓕᒫᑦ ᓄᓇᓕᖕᓂᑦ ᕿᒫᔪᒫᕐᐳᑦ, ᐃᓚᖏᑦ ᐅᕐᐱᒐᖃᕐᑐᓄᑦ ᐃᔨᕈᒫᕐᐳᑦ, ᐃᓚᖏᓪᓗ ᐃᓐᓈᕈᕐᓄᑦ ᒪᔪᕈᒫᕐᐳᑦ. ᓄᓇᓖᑦ ᐃᓄᖃᕈᓐᓃᕈᒫᕐᐳᑦ, ᐃᓄᖕᒥᖕᓄᑦ ᓇᔪᕐᑕᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:20

ᓱᖕᒪᑦ ᐳᐃᒍᕐᐱᑎᒍᑦ ᐃᓱᖃᖏᑦᑐᒧᑦ? ᐊᓚᐅᒪᓪᓗᑕᓗ ᐊᑯᓂᐊᓗᒃ?

ᔨᐸᓁᐊᐅᑉ ᐊᒡᓚᖏᑦ 1:3

ᐃᓄᓕᒫᑦ ᐆᒪᔪᓕᒫᓪᓗ ᓄᖑᑦᓱᒫᕐᐸᒃᑲ; ᑎᖕᒥᐊᑉ ᕿᓚᐅᑉ ᐊᑖᓃᑦᑐᑦ, ᐃᖃᓗᐃᓪᓗ ᑕᕆᐅᕐᒦᑦᑐᑦ ᓄᖑᑦᓱᒫᕆᕙᒃᑲ. ᐊᔪᕐᑐᓕᔪᖅ ᓵᓚᒋᔪᒫᕐᐸᒃᑲ; ᐃᓄᐃᑦ ᓄᓇᕐᔪᐊᕐᒦᑦᑐᓕᒫᑦ ᓄᖑᑦᓱᒫᕐᐸᒃᑲ.” ᐊᑕᓂᖅ ᐅᖃᕐᐳᖅ.

ᕉᒪᒥᐅᓄᑦ 11:15

ᓇᕐᕈᓂᖏᓐᓄᑦ ᓯᓚᕐᔪᐊᕐᒥᐅᑦ ᒎᑎᒥᒃ ᐃᓚᓐᓈᖃᓕᕐᑎᑕᐅᒃᐸᑕ, ᖃᓄᐃᓕᕋᔭᕐᐸᓪᓖ ᐃᓚᓕᐅᕆᓕᕐᐸᑕ? ᐃᓅᓯᕐᑖᕐᑎᑦᓯᒐᔭᕐᐳᑦ ᑐᖁᒥᑦ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.