ᐂᓮᐊᓯᐅᑉ ᐊᒡᓚᖏᑦ 59:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 59:4 Iomraidhean Croise

ᔫᐱᐅᑉ ᐊᒡᓚᖏᑦ 15:31

ᐃᒻᒥᓂᒃ ᓯᓔᕐᕆᓯᒪᕗᖅ; ᓱᓇᐅᖏᑦᑐᒥᒃ ᑕᑎᖃᕐᓯᒪᒐᒥ, ᑖᓐᓇ ᓱᓇᐅᖏᑦᑐᒥᒃ ᐊᑭᓕᕐᑕᐅᑦᔪᑎᖃᕈᒪᕐᐳᖅ.

ᔫᐱᐅᑉ ᐊᒡᓚᖏᑦ 15:35

ᐊᑲᐅᖏᑦᑐᓕᓂᕐᒥᒃ ᓄᑕᕋᒃᓴᕐᑖᕋᒥᒃ ᐱᐅᖏᑦᑐᒥᒃ ᕿᑐᕐᖓᕐᑖᕐᐳᑦ; ᐆᒻᒪᑎᖏᓪᓗ ᓯᓔᕐᕆᒃᓯᓂᕐᒥᒃ ᐅᐸᓗᖎᔧᓯᒪᓪᓗᑎᒃ.”

ᐃᓐᖏᕈᑎᑦ 12:3

ᐊᑕᓂᐅᑉ ᑭᐱᑎᑦᓱᒫᓕᕐᐰᑦ ᐱᐅᔪᕆᓂᕐᒥᒃ ᓂᓪᓕᐊᔪᑦ, ᐅᕾᓪᓗ ᐱᐅᔪᕆᑦᔪᑎᒥᖕᓂᒃ ᓂᓪᓕᐊᔪᑦ,

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᐃᓐᖏᕈᑎᑦ 62:4

ᐱᔮᕆᓗᑎᒃ ᐳᕐᑐᔪᒥᑦ ᐃᓂᖓᓂᑦ ᑲᑕᒃᑎᑦᓱᒪᓪᓗᒍ; ᖁᕕᐊᒋᔭᖃᕐᐳᑦ ᓴᒡᓗᓂᕐᒥᒃ, ᖃᓂᕐᒥᖕᓄᑦ ᓮᒻᒪᕐᑎᑦᓯᕗᑦ, ᐆᒻᒪᑎᒥᒍᓪᓕ ᐅᖃᕐᓂᕐᓗᒃᓗᑎᒃ. ᓰᓚ

ᐃᓐᖏᕈᑎᑦ 7:15

ᐃᑎᕐᓴᓕᐅᕐᐳᖅ ᐊᒡᒐᒡᓗᒍᓗ, ᐃᑎᕐᓴᒧᓪᓗ ᑲᑕᓕᕐᐳᖅ ᓴᓇᓚᐅᕐᑕᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:16

ᓯᓂᓕᕐᓂᐊᖏᒻᒪᑕ ᐱᐅᖏᑦᑐᒥᒃ ᐊᑑᑎᓚᐅᖅᑳᕋᑎᒃ; ᓯᓂᒍᒪᓕᕐᓂᐊᓐᖏᓚᓪᓗ ᐃᓄᖕᒥᒃ ᐹᓪᓚᒃᑎᑦᓯᓚᐅᖅᑳᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 10:1

ᑲᑉᐱᐊᓐᓇᒦᒃ ᐱᐅᖏᑦᑐᓕᓂᕐᓂᒃ ᐃᓕᖅᑯᓯᕐᓂᒃ ᐊᑐᖁᔨᔪᑦ, ᑎᑎᕋᕐᐸᒃᑐᓪᓗ ᓵᓚᐅᓯᒪᓂᕐᒥᒃ ᑎᑎᕋᐅᓯᕾᓐᓇᕐᑐᑦ,

ᐂᓮᐊᓯᐅᑉ ᐊᒡᓚᖏᑦ 26:18

ᐃᕐᓂᓱᒃᑐᑎᑐᑦ ᐋᓐᓂᐊᓚᐅᕐᐳᒍᑦ ᓂᒪᒃᓗᑕᓗ, ᓱᓇᒥᒡᓕ ᓴᖅᑭᑎᑦᓯᓚᐅᓐᖏᓚᒍᑦ, ᓄᓇᑦᑕᓗ ᓵᓚᒃᓴᕈᑎᒃᓴᖓᓂᒃ ᓴᖅᑭᑦᑐᖃᓚᐅᓐᖏᓚᖅ, ᐱᕚᓪᓕᕐᓇᕐᑐᒥᒡᓗ ᓴᖅᑭᑎᑦᓯᓚᐅᕐᓇᑕ.

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᐂᓮᐊᓯᐅᑉ ᐊᒡᓚᖏᑦ 29:20

ᓂᑲᒍᓱᖃᖏᑦᑐᖅ ᓱᓇᐅᔪᓐᓃᕈᒫᕐᐳᖅ, ᒥᑕᐅᑎᒃᓴᕐᑎᓗ ᒥᑕᐅᑎᖃᕈᓃᕐᓗᓂ, ᐊᔪᕐᑐᓕᔪᒪᓪᓗᑎᒡᓗ ᐅᑕᖅᑭᔪᓕᒫᑦ ᐊᓯᕈᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:12

ᑍᒤᒻᒪᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒫᒃ ᐅᖃᕐᐳᖅ, “ᐅᖃᐅᓯᕆᔭᒃᑲ ᓈᓚᒍᒪᖏᓐᓇᑦᓯᐅᒃ, ᐅᖁᒤᒃᓴᕐᑎᑕᐅᓂᕐᒥᒃ ᑕᑎᖃᕈᒪᓪᓗᓯ ᖃᓄᐃᕈᓘᔭᕐᓇᕐᑐᓂᒡᓗ, ᒪᓕᖔᕈᒪᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 30:9

ᓈᓚᖏᑦᑑᖕᒪᑕ, ᓴᒡᓗᑐᓪᓗᑎᒡᓗ, ᕿᑐᕐᖎᑦ ᓈᓚᒍᒪᖏᑦᑐᑦ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 33:11

ᓴᓂᕐᓂᒃ ᐱᕈᕐᑎᑦᓯᕗᓯ, ᐱᕈᕐᑎᑕᓯᓗ ᓁᑦᑑᑕᐅᓪᓗᑎᒃ; ᐊᓂᕐᓵᕐᓂᓯ ᐃᑯᒪᐅᕗᖅ ᐃᓕᑦᓯᓐᓂᒃ ᓄᖒᑦᓯᔪᒫᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 44:20

ᐊᕐᔭᓕᓂᕐᓂᒃ ᓂᕆᕗᖅ; ᐆᒻᒪᑎᒥᒍᑦ ᐃᓱᒪᑦᓯᐊᖏᓐᓂᕐᒥᓄᑦ ᐅᐃᕕᕆᔭᐅᕗᖅ; ᓇᖕᒥᓂᖅ ᑕᕐᓂᕐᒥᓂᒃ ᐱᐅᓕᔪᓐᓇᓐᖏᓚᖅ, ᐅᖃᕈᓐᓇᓐᖏᓚᕐᓗ, “ᑕᓕᕐᐱᓐᓄᑦ ᑎᒍᒥᐊᕐᑕᕋ ᓱᓕᒐᓗᐊᕐᐹ?”

ᐂᓮᐊᓯᐅᑉ ᐊᒡᓚᖏᑦ 47:10

ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’

ᐂᓮᐊᓯᐅᑉ ᐊᒡᓚᖏᑦ 5:18

ᑲᑉᐱᐊᓐᓇᒦᒃ ᐅᓂᐊᕐᑐᑦ ᐊᔪᕐᑐᓕᓂᕐᒥᒃ ᓴᒡᓗᓂᐅᑉ ᐊᒃᓱᓈᖓᒍᑦ, ᐊᔪᕐᓂᕐᒥᒃ ᐅᓂᐊᕐᑐᑦ ᐊᒃᓱᓈᓂᒃ ᐅᓂᐊᕈᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᐂᓮᐊᓯᐅᑉ ᐊᒡᓚᖏᑦ 59:15

ᓱᓕᑦᓯᐊᕐᓂᖅ ᐊᓯᐅᓯᒪᕗᖅ, ᐱᐅᖏᑦᑐᒥᒡᓗ ᐊᑐᕈᒪᔪᓐᓃᕐᑐᖅ ᐃᒻᒥᓂᒃ ᒪᓂᑐᐃᓐᓇᓕᕐᐸᒃᐳᖅ ᐅᒋᐊᓐᖑᔪᓄᑦ. ᐊᑕᓂᐅᑉ ᑕᒪᒃᑯᐊ ᑕᑯᓪᓗᒋᑦ ᖁᕕᐊᓲᑎᒋᓐᖏᓔᑦ, ᐊᑦᔨᒌᒃᑎᑦᓯᓂᕐᒥᒃ ᐱᓇᓱᐊᕐᑐᖃᕈᓐᓃᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 59:16

ᑕᑯᒐᒥ ᐃᓄᒃᑕᖃᕈᓐᓃᕐᑐᖅ ᐊᑕᐅᓯᕐᒥᒡᓘᓐᓃᑦ; ᑲᒪᓂᐊᕐᐳᕐᓗ ᑐᒃᓯᐅᑦᔨᔨᒃᓴᕐᑕᖃᕈᓐᓃᕐᒪᑦ; ᑍᒤᒻᒪᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ ᐱᐅᓕᔭᐅᕕᒃᓴᖅ ᑖᑦᓱᒧᖓ ᕾᑎᑉᐹ; ᓇᓛᒎᕐᓂᖓᑕᓗ ᑲᔪᓯᑎᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 59:3

ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 9:15

ᐃᓄᑐᖃᐅᔪᑦ ᐅᐱᒋᔭᐅᔪᓪᓗ ᑕᕝᕙ ᓂᐊᖂᕗᑦ, ᓱᓕᖏᑦᑐᒥᒃ ᓇᓚᐅᑦᑍᕙᒃᑐᑦ ᐃᓕᓮᕙᒃᑐᓪᓗ ᑕᕝᕙ ᐸᒥᐅᖑᕗᑦ;

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 7:4

ᐅᖃᐅᓯᑦᓯᓐᓄᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᓕᕌᖓᑦᓯ, ‘ᐊᑕᓂᐅᑉ ᐅᓇ ᑐᒃᓯᐊᕐᕕᒃᔪᐊᖁᑎᖓ, ᐊᑕᓂᐅᑉ ᑕᕝᕙ ᑐᒃᓯᐊᕐᕕᒡᔪᐊᖁᑎᖓ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓ!’

ᔨᕆᒤᐊᐅᑉ ᐊᒡᓚᖏᑦ 7:8

ᑕᑯᒋᑦ! ᓱᓕᖏᑦᑐᓂᒃ ᐅᖃᐅᓯᕐᓂᒃ ᐅᒃᐱᕆᔭᖃᓗᐊᓕᕋᑦᓯ ᐃᑲᔫᑎᖏᑦᑐᓂᒃ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 24:9

ᔫᑎᑦ ᑕᒪᑐᒥᖓ ᐸᓯᒃᓯᕈᑎᒋᔭᒥᖕᓂᒃ ᐊᖏᖃᑎᒌᒃᓗᑎᒃ ᓱᓕᓂᕅᕗᑦ.

ᔧᒥᓯᐅᑉ ᐊᒡᓚᖏᑦ 1:15

ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.