ᐂᓮᐊᓯᐅᑉ ᐊᒡᓚᖏᑦ 59:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᐅᖏᑦᑐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᒎᑎᑦᓯᓐᓂᒃ ᐊᕕᑦᑎᓯᒪᒐᑦᓯ, ᐊᔪᕐᓂᑦᓯᓐᓄᑦ ᑮᓇᖓ ᐃᓕᑦᓯᓐᓄᑦ ᑕᕐᕆᓯᒪᓕᕐᒪᑦ ᑍᒫᒃ ᑐᓴᕈᓐᓁᓪᓕᕚᓯ.

ᐂᓮᐊᓯᐅᑉ ᐊᒡᓚᖏᑦ 59:2 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:29

ᐊᑕᓂᖅ ᐅᖓᓯᒃᐳᖅ ᐱᐅᖏᑦᑐᓄᑦ, ᐃᓱᐊᕐᑐᓪᓕ ᑐᒃᓯᐊᕐᓂᖏᑦ ᑐᓴᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 57:17

ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 58:4

ᑕᑯᓕᕆᑦᓯ ᓂᕆᑦᑍᓕᕙᒃᐳᓯ ᐂᕙᖃᑎᒌᒃᐸᒃᓗᓯ ᐹᖃᑎᒌᒃᓗᓯ ᐱᒋᐊᖃᑦᑕᐅᑎᓪᓗᓯᓗ. ᑍᒫᒃ ᓂᕆᑦᑍᓕᑦᔪᓯᖃᕈᑦᓯ ᑐᒃᓯᐊᕐᓂᓯ ᑐᓴᕐᑕᐅᓂᐊᓐᖏᓚᑦ ᕿᓚᖕᒥ.

ᔨᕆᒤᐊᐅᑉ ᐊᒡᓚᖏᑦ 5:25

ᓈᒻᒪᖏᑦᑐᓕᓂᑦᓯᓐᓄ ᑕᒪᒃᑯᐊ ᓇᓪᓕᐅᓐᓂᕐᓗᓕᕐᐳᑦ, ᐊᔪᕐᑐᓕᓂᑦᓯᓐᓄᓪᓗ ᐱᐅᔪᑦ ᐱᔭᒃᓴᕋᓗᐊᓯ ᐱᕙᒍᓐᓃᕐᐸᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᔮᓱᐊᑉ ᐊᒡᓚᖏᑦ 7:11

ᐃᓴᕆᐊᓕᒥᐅᑦ ᐊᔪᕐᑐᓕᓯᒪᖕᒪᑕ! ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓚᐅᕐᑕᑦᑎᓐᓂᒃ ᑎᓕᓯᑦᔪᑎᒋᓚᐅᕐᑕᓐᓂᒃ ᑖᒃᑯᓄᖓ; ᑎᒍᓯᓯᒪᖕᒪᑕ ᐱᖁᔭᐅᓚᐅᖏᑦᑐᓂᒃ ᑎᒡᓕᒡᓯᒪᓪᓗᑎᒃ, ᓴᒡᓗᓯᒪᓪᓗᑎᒡᓗ, ᑎᒍᔭᒥᖕᓂᒃ ᐱᖁᑎᒥᖕᓄᑦ ᐃᓚᓕᐅᑦᔨᓯᒪᖕᒪᑕ.

ᓴᒧᐃᓕ ᓯᕗᓪᓖᑦ 4:3

ᐅᓇᑕᕐᑏᓪᓗ ᐅᑎᕐᒪᑕ ᑕᖕᒫᕐᕕᒋᓯᒪᔭᒥᖕᓄᑦ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᕐᐳᑦ, “ᓱᖕᒪᑦ ᐊᑕᓂᐅᑉ ᐅᓪᓗᒥ ᐱᓕᔅᑍᓂᒥᐅᑦ ᓵᓚᖃᕐᑎᑉᐰᑦ ᐅᕙᑦᑎᓐᓂᒃ? ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐂᓚᐅᕐᓚᕗᑦ ᓮᓗᐊᒥᑦ, ᐃᓚᒋᓂᐊᕐᒪᑎᒍᑦ ᐱᐅᓕᓗᑕᓗ ᐊᑭᕋᑦᑕ ᐱᔪᓐᓇᕐᓂᖏᓐᓂᑦ.”