ᐂᓮᐊᓯᐅᑉ ᐊᒡᓚᖏᑦ 59:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ ᐊᑭᓕᕈᒫᕐᐰᑦ, ᐊᑭᕋᕐᑐᕐᑎᓂ ᓂᓐᖓᐅᒪᓂᕐᒥᓄᑦ ᐱᓇᓱᐊᕐᕕᒋᔪᒫᕐᐰᑦ; ᐊᑭᕋᕐᑐᕐᑎᓂ ᑍᒫᓪᓗᐊᖅ ᐱᓂᐊᕐᕕᒋᓗᒋᑦ; ᐃᒪᐅᓪᓗ ᓯᓈᓂᒥᐅᑦ ᐱᓂᐊᕐᓂᖏᑦ ᒪᓕᒡᓗᒋᑦ ᐱᓇᓱᐊᕐᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 59:18 Iomraidhean Croise

ᔫᐱᐅᑉ ᐊᒡᓚᖏᑦ 34:11

ᑖᑦᓱᒪ ᐃᓄᒃ ᐱᓂᐊᕐᓂᖓ ᒪᓕᒡᓗᒍ ᐊᑭᓕᖃᑦᑕᕐᐹ, ᐱᓇᓱᐊᕐᕕᒋᖃᑦᑕᕐᐹᓗ ᐃᓅᓯᖓ ᒪᓕᒡᓗᒍ.

ᐃᓐᖏᕈᑎᑦ 62:12

ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:24

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᐊᔪᒐᖃᖏᑦᑐᕐᔪᐊᖁᑎᖓ: ᐊᑭᕋᒃᑲ ᐱᒋᐊᕐᓂᐊᕐᐸᒃᑲ ᓂᓐᖓᐅᓯᓐᓄᑦ, ᓇᖕᒥᓂᕐᓗ ᐊᑭᓂᐊᕐᕕᒋᓂᐊᕐᐸᒃᑲ ᐊᑭᕋᕐᑐᕐᑎᒃᑲ.

ᐂᓮᐊᓯᐅᑉ ᐊᒡᓚᖏᑦ 35:4

ᓯᕘᕋᔪᓂᒃ ᐆᒻᒪᑎᓖᑦ ᐅᖃᐅᑎᓕᕐᓯᒋᒃ, “ᓴᓐᖏᒃᑎᓕᕆᑦᓯ, ᐃᕐᓯᓇᓯᓗ! ᑕᑯᒋᑦ, ᒎᑎᓯ ᕾᓕᕐᒪᑦ ᐊᑭᓂᐊᕈᑎᔭᕐᑐᕐᓗᓯ, ᒎᑎᐅᑉ ᐊᑭᓂᐊᕈᓯᖓᓄᑦ; ᑎᑭᓐᓂᐊᕐᐳᖅ ᐱᐅᓕᔭᕐᑐᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 40:10

ᑕᑯᒋᑦ, ᐊᑕᓂᖅ ᒎᑎ ᕾᓕᕐᐳᖅ ᐱᔪᓐᓇᕐᓂᕐᔪᐊᖃᕐᓗᓂ, ᐱᔪᓐᓇᕐᓂᕐᔪᐊᖓᑕ ᐊᐅᓚᑦᓯᑎᑉᐹ; ᑕᑯᒋᑦ, ᐅᐱᒍᓲᑎᒥᓂᒃ ᑐᓂᔭᒃᓴᖃᕐᓗᓂ, ᐊᑭᓕᐅᑎᒃᓴᒥᓂᒡᓗ ᓇᒃᓴᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 49:4

ᐅᖃᐅᑎᕙᕋᓕ, ‘ᐱᓇᓱᐊᕐᓂᒃᑲ ᐊᑐᕐᓇᕐᑐᖃᓐᖏᓚᑦ, ᐱᔪᓐᓇᕐᓂᓐᓄᑦ ᐱᓇᓱᐊᕐᓯᒪᔭᒃᑲ ᓱᓇᐅᓐᖏᓚᑦ ᐊᑐᕐᓇᕐᑐᖃᕋᑎᒡᓗ; ᓈᒻᒪᓈᕐᑐᑦ ᐱᔭᕆᐊᖃᕐᑕᒃᑲ ᐊᑕᓂᕐᒦᑉᐳᑦ, ᐊᑭᓕᕐᑕᐅᓂᒃᓴᕋᓗ ᒎᑎᓐᓃᓪᓗᓂ.’

ᐂᓮᐊᓯᐅᑉ ᐊᒡᓚᖏᑦ 63:3

“ᐃᓄᑑᓪᓗᖓ ᐸᐅᕐᖓᓂᒃ ᖃᒐᕐᑎᕆᕕᖕᒥ ᑐᓪᓕᓚᐅᕋᒪ, ᐃᓄᒐᓴᒡᔪᐊᑦ ᐃᑲᔪᕐᑐᒃᓴᖃᖏᒻᒪᑕ, ᓂᓐᖓᐅᒪᓪᓗᖓ ᑐᓪᓕᕋᒪ ᐸᐅᕐᖓᓂᒃ ᓂᓐᖓᐅᒪᓂᓐᓄᑦ ᐊᑦᑕᕆᓇᒋᑦ ᑐᑎᖃᑦᑕᓕᓚᐅᕋᒃᑭᑦ, ᐃᑦᑎᖏᓐᓄᑦ ᐊᓐᓄᕌᕋ ᓯᕐᐹᕿᕕᐅᖃᑦᑕᓕᓚᐅᕐᒪᑦ, ᐊᓐᓄᕌᓕᒫᕋ ᓯᕐᐸᕐᑕᐅᓪᓗᓂ ᐃᑦᓴᒃᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 63:6

ᐃᓅᖃᑎᒋᒡᔪᐊᑦ ᑐᓪᓕᓚᐅᕋᒃᑭᑦ ᓂᓐᖓᐅᒪᓂᕐᒧᑦ, ᓂᓐᖓᐅᒪᓂᓐᓂᒃ ᐃᒥᕐᑎᓚᐅᕐᐸᒃᑲ, ᐊᐅᖏᓪᓗ ᑯᕕᑎᓪᓗᒋᑦ ᓄᓇᒧᑦ.”

ᐂᓮᐊᓯᐅᑉ ᐊᒡᓚᖏᑦ 65:6

“ᑕᑯᒋᑦ, ᐊᒡᓚᒃᓯᒪᕗᑦ ᓵᓐᓂ; ᓂᐰᑐᐃᓐᓇᕐᓂᐊᓐᖏᓚᖓ ᐊᑭᓂᐊᕈᒫᕐᐳᖓ, ᐃᓛᒃ ᐊᑭᓂᐊᕐᓂᕋ ᓵᖏᓐᓄᑦ ᐱᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᐂᓮᐊᓯᐅᑉ ᐊᒡᓚᖏᑦ 66:6

ᓈᓚᒋᑦᓯ, ᓂᐱᐊᓗᖕᓂᒃ ᐃᒡᓗᒐᓴᒡᔪᐊᓂᑦ ᑐᓵᕗᓯ, ᓂᓪᓕᐊᔪᓂᒃ ᑐᒃᓯᐊᕐᕕᒡᔪᐊᒥ! ᐊᑕᓂᐅᑉ ᓂᐱᒋᕚ, ᐊᑭᕋᕐᑐᕐᑎᒥᓂᒃ ᐊᑭᓂᐊᕐᕙᓪᓛᓂᖓ!

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 32:19

ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:11

ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ, ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 23:49

ᐊᑭᓂᐊᕐᕕᐅᔪᒫᕐᐳᓯᒃ ᐃᒃᓯᒎᕐᑎᐅᓯᒪᓂᑦᓯᓐᓄᑦ, ᓱᒋᐊᕐᑕᐅᔪᒫᕐᐳᓯᓗ ᐊᔪᕐᑐᓕᓯᒪᒐᑦᓯ ᒎᑎᓐᖑᐊᖃᕐᓂᕐᒧᑦ; ᑕᕝᕙ ᑐᑭᓯᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.”

ᐃᓯᑭᐊᓕᐅᑉ ᐊᒡᓚᖏᑦ 38:18

“ᑕᕝᕙᓂᓗ ᐅᓪᓗᒥ, ᒑᒡ ᐃᓴᕆᐊᓕᒥᐅᓂᒃ ᐅᓇᑕᕆᐊᓕᕐᐸᑦ, ᐊᑕᓂᖅ ᒎᑎ ᐅᖃᕐᐳᖅ, ᓂᓐᖓᕕᒡᔪᐊᕈᒫᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 6:12

ᐅᖓᓯᒃᑐᒦᑦᑐᖅ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᖅ; ᖃᓂᑦᑐᒦᑦᑐᕐᓗ ᓴᕕᒡᔪᐊᕐᒧᑦ ᑐᖁᓗᓂ, ᐊᒥᐊᒃᑰᔪᕐᓗ ᑳᖕᓇᕐᑐᕐᔪᐊᕐᒧᑦ ᐱᕐᓕᕐᓗᓂ. ᑍᒫᒃ ᓂᓐᖓᐅᒪᕕᒡᔪᐊᕐᓂᓐᓄᑦ ᐱᓇᓱᐊᕈᒫᕐᐳᖓ ᑖᒃᑯᓄᖓ.

ᔪᐃᓕᐅᑉ ᐊᒡᓚᖏᑦ 3:4

“ᓱᓇᒦᒃ ᐊᑭᕋᕐᑑᑎᒃᓴᖃᕐᐲᑦ ᐅᕙᓐᓄᑦ? ᑍᕆ, ᓮᑐᓂᓗ ᐱᓕᔅᑎᐊᒥᐅᓪᓗ ᐃᒪᐅᑉ ᓯᓈᓃᑦᑐᑦ ᐅᕙᓐᓄᑦ ᐊᑭᒋᐊᕈᒪᕕᓰ? ᐊᑭᒋᐊᕈᑦᓯ, ᑕᕝᕔᓐᓇᖅ ᑐᐊᕕᕐᓗᖓ ᐊᑭᒋᐊᕐᓂᓯ ᐃᓕᓯᓐᓄᑦ ᐱᑎᓐᓂᐊᕐᐸᕋ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᓘᑲᓯᐅᑉ ᐊᒡᓚᖏᑦ 19:27

ᑍᒃᑯᐊ ᐅᕙᓐᓂᒃ ᐊᑭᕋᕐᑐᕐᑐᑦ, ᐅᕙᓐᓂᒃ ᐊᖓᔪᖅᑳᕐᔪᐊᖑᖁᔨᖏᑦᑐᑦ, ᕾᑎᓯᐅᒃ ᑕᑯᓐᓇᕐᑎᓪᓗᖓ ᑐᖁᓪᓗᒋᑦ.’”

ᓘᑲᓯᐅᑉ ᐊᒡᓚᖏᑦ 21:22

ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

ᕉᒪᒥᐅᓄᑦ 2:6

ᑖᑦᓱᒪ ᐊᑭᓕᕈᒫᕐᒪᒋᑦ ᐃᓄᓕᒫᑦ ᐊᑐᓂᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.

ᒨᓯᓯ ᑕᓪᓕᒪᖏᑦ 7:10

ᓱᒋᐊᕐᑍᓕᓂᐊᓐᖏᓔᓪᓕ ᑖᑦᓱᒥᖓ ᐆᒥᓱᒃᑐᑦ, ᓄᖑᓪᓗᒋᑦ; ᓄᖅᑲᖓᑎᑦᓯᓂᐊᓐᖏᓚᖅ ᓱᒋᐊᕐᓯᓂᒃᓴᒥᓂᒃ ᑖᑦᓱᒥᖓ ᐆᒥᓱᒃᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:19

ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.