ᐂᓮᐊᓯᐅᑉ ᐊᒡᓚᖏᑦ 59:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᑦᔨᒌᒃᑎᑦᓯᓂᖅ ᐅᑎᕆᐊᕐᓯᒪᖕᒪᑦ, ᓇᓛᒎᕐᓂᕐᓗ ᓇᖏᕐᐳᖅ ᐅᖓᓯᒋᔭᑦᑎᓐᓂ; ᓱᓕᑦᓯᐊᕐᓂᖅ ᐅᕐᕈᖓᕗᖅ ᐊᖅᑯᑎᓂ ᐃᓄᒋᐊᒡᕕᐅᕙᒃᑐᓂ, ᐃᓅᓯᖃᑦᓯᐊᕐᓂᕐᓗ ᐃᑎᕈᓐᓇᕋᓂ.

ᐂᓮᐊᓯᐅᑉ ᐊᒡᓚᖏᑦ 59:14 Iomraidhean Croise

ᐊᑕᓃᑦ ᓯᕗᓪᓖᑦ 21:10

ᐊᖑᑏᖕᓂᒃ ᒪᕐᕉᖕᓂᒃ ᐊᕙᑖᓄᑦ ᐃᖏᑎᑦᓯᓗᓯ, ᐊᑭᕋᕐᑐᕐᓂᐊᕐᑑᖕᓂᒃ ᑖᑦᓱᒥᖓ ᓱᓕᖏᑦᑐᒥᒃ, ᐅᖃᕐᓂᕐᓘᑎᖃᕐᑐᒃᓵᖕᓂᒃ ᐅᖃᕐᓗᑎᒃ, ‘ᒎᑎᒥᒃ ᐊᖓᔪᖅᑳᕐᔪᐊᒥᒡᓗ ᐅᖃᕐᓂᕐᓘᑎᖃᓚᐅᕐᐳᑎᑦ.’ ᐊᓐᓂᓯᓗᒍ, ᐅᔭᖅᑲᓄᑦ ᒥᓪᓗᕆᐊᕐᑐᕐᓯᐅᒃ ᑐᖁᓪᓗᒍ.”

ᐊᑕᓃᑦ ᓯᕗᓪᓖᑦ 21:11

ᑍᒤᒻᒪᑦ ᐊᖑᑏᑦ ᐃᒡᓗᒐᓴᖕᒥᐅᑍᑦ, ᐊᖓᔪᖅᑳᑦ ᐱᒻᒪᕆᐅᔪᓪᓗ ᐃᒡᓗᒐᓴᖕᓂ ᓄᓇᓖᑦ, ᐱᓇᓱᐊᕐᐳᑦ ᔨᔨᐱᐊᓕᐅᑉ ᑐᓂᓚᐅᕐᑕᖏᓐᓂᒃ, ᑎᑎᕋᖏᓐᓂᒃ ᒪᓕᒡᓗᑎᒃ.

ᐃᓐᖏᕈᑎᑦ 119:150

ᐊᑭᕋᕐᑐᕐᑎᒃᑲ ᐅᕙᓐᓄᑦ ᑎᑭᓕᕐᐳᑦ ᐱᐅᖏᑦᑐᒥᒃ ᒪᓕᒐᖃᕐᑐᑦ; ᐱᖁᔭᕐᓂᒡᓗ ᒪᓕᒐᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:16

ᓱᓕ ᓯᕿᓂᐅᑉ ᐊᑖᓂ ᐊᓯᐊᓂᒃ ᑕᑯᒃᑲᓐᓂᓚᐅᕆᕗᖓ: ᐃᖅᑲᕐᑐᐃᓂᐅᑉ ᐃᓂᖓᓂ-ᐱᐅᖏᑦᑐᓕᓂᖅ ᑕᕝᕙᓃᓚᐅᕐᐳᖅ, ᐊᑦᔨᒌᒃᑎᑦᓯᓂᐅᑉ ᐃᓂᖓᓂ- ᐱᐅᖏᑦᑐᓕᓂᖅ ᑕᕝᕙᓃᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 1:21

ᐃᒡᓗᒐᓮᑦ ᑲᔪᓯᑦᓯᐊᕐᑐᒥᒃ ᐱᓇᓱᐊᕐᑐᑦ ᐊᖑᓐᓂᐊᕐᑎᐅᓕᕐᐳᑦ! ᐸᓯᔭᒃᓴᐅᖏᑦᑐᒥᒃ ᐱᓇᓱᐊᓚᐅᕐᑐᑦ ᓇᓛᒎᕐᓂᕐᒥᓪᓗ ᐃᓂᒋᔭᐅᓚᐅᕐᑐᑦ, ᒫᓐᓇᓕ ᐃᓄᐊᕐᑎᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 46:12

ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

ᐂᓮᐊᓯᐅᑉ ᐊᒡᓚᖏᑦ 5:23

ᓇᓪᓕᐊᑦ ᐱᐅᖏᑦᑐᒥᒃ ᐊᑭᓕᕐᑕᐅᓂᒃᑯᑦ ᐸᓯᔭᒃᓴᐅᖏᓐᓂᕅᔪᑦ, ᐸᓯᔭᒃᓴᐅᖏᑦᑐᒥᒡᓗ ᐊᕐᓵᕐᓯᔪᑦ ᐱᔪᓐᓇᕐᑎᑕᐅᑦᔪᑎᖓᓂᒃ!

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᐂᓮᐊᓯᐅᑉ ᐊᒡᓚᖏᑦ 59:11

ᖃᓕᖑᐊᕐᐸᒡᓗᑕᓗ ᑕᒪᑦᑕ ᓇᓄᕐᑎᑐᑦ; ᓂᐹᕗᒍᑦ ᑎᖕᒥᐊᑎᑐᑦ ᑑᕕᑎᑐᑦ ᓂᓪᓕᐊᕌᕐᔪᑐᐃᓐᓇᕐᓗᑕ; ᐊᑦᔨᒌᒃᑎᑦᓯᓂᖅ ᕿᓂᕋᓗᐊᕋᑦᑎᒍ ᐱᑕᖃᓐᖏᓚᖅ; ᐱᐅᓕᔭᐅᓂᖅ ᐅᕙᑦᑎᓐᓂᑦ ᐅᖓᓯᒃᑑᕗᖅ.

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 59:9

ᑍᒤᒻᒪᑦ ᐊᑦᔨᒌᒃᑎᑦᓯᓂᕐᒥᒃ ᐱᓇᓱᐊᕐᓂᖅ ᐅᓇᖕᒥᓇᕈᓐᓃᕐᐳᖅ ᐅᕙᑦᑎᓐᓄᑦ, ᓇᓛᒎᕐᓂᕐᓗ ᐅᕙᑦᑎᓐᓄᑦ ᑎᑭᐅᑎᔪᓐᓁᓪᓕᕗᖅ; ᖃᐅᒪᔪᒥᒃ ᐅᑕᖅᑭᒐᓗᐊᕋᑦᑕ, ᑖᕐᑐᒥᒃ ᑕᑯᓐᓇᕐᐳᒍᑦ, ᖃᐅᒪᑦᓯᐊᕐᑐᒥᒃ ᑕᑯᔪᒪᒐᓗᐊᕐᓗᑕ ᑖᕐᓯᐅᑐᐃᓐᓇᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 7:28

ᐅᖃᐅᑎᔭᒃᓴᕆᕙᑎᑦ, ᐃᓅᖃᑎᒌᒡᔪᐊᖑᓂᕋᕐᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ ᑐᓵᖏᑦᑐᓂᒃ, ᐋᖅᑭᒋᐊᕈᑎᖃᕈᓐᓇᖏᑦᑐᑦ ᐋᖅᑭᒋᐊᕐᑕᐅᑦᔪᑎᒋᓇᓱᒃᑕᒥᖕᓂᒃ, ᓱᓕᑦᓯᐊᕐᓂᖅ ᐃᓄᖕᓂᑦ ᐊᑐᕐᑕᐅᔪᓐᓃᕐᐳᖅ, ᐅᖃᐅᓯᖏᓐᓃᑦᑐᓐᓃᕐᓗᓂ.”

ᑖᓂᐊᓕᐅᑉ ᐊᒡᓚᖏᑦ 8:12

ᐅᓇᑕᕐᓂᖏᓐᓄᑦ, ᕿᓚᖕᒥᐅᒐᓴᒡᔪᐃᑦ ᐃᑦᔪᕐᓁᑦᑐᑦ, ᖃᐅᑕᒫᓪᓗ ᐆᒪᔪᓂᒃ ᑐᓂᕐᕈᓯᕐᓂᖅ ᑐᓂᔭᐅᕗᑦ ᑖᑦᓱᒧᖓ. ᑖᓐᓇᓗ ᖃᓄᐃᓕᐅᕐᑕᓕᒫᒥᓂᒃ ᐊᔪᕈᓐᓃᕐᐳᖅ, ᓱᓕᑦᓯᐊᕐᓂᕐᓗ ᓄᓇᒧᑦ ᐃᒋᑕᐅᕗᖅ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 5:7

ᐃᖅᑲᕐᑐᐃᑦᓯᐊᕐᓂᕐᒥᒃ ᒧᒥᒃᑎᑦᓯᒐᑦᓯ, ᖁᐱᕐᕈᑎᑐᑦ ᓇᐹᕐᑐᓂᒃ ᓂᕆᔪᑎᑐᑦ, ᐃᓱᐊᕐᑐᓕᓂᕐᓗ ᐊᑐᑦᓯᐊᖏᓐᓇᑦᓯᐅᒃ ᓄᓇᒧᑦ ᐃᒋᑕᐅᔪᑎᑐᑦ.

ᐂᒨᓯᐅᑉ ᐊᒡᓚᖏᑦ 6:12

ᕿᒻᒥᕐᔪᐊᑦ ᐸᖓᓕᓲᖑᕚᑦ ᐅᔭᖅᑲᑎᒍᑦ? ᐊᖑᑏᑦ ᐃᒪᕕᖕᒥᒃ ᒪᒃᐱᕐᑎᕆᓲᖑᕚᑦ ᐃᒻᒧᒃᓯᐅᒐᕐᓄᑦ? ᐃᖅᑲᕐᑐᐃᑦᓯᐊᕐᓂᖅ ᑐᖁᓐᓇᕐᑐᓐᖑᕐᑎᑉᐸᓯ, ᐃᓱᐊᕐᑐᓕᓂᐅᓪᓗ ᐱᕈᕐᑐᖓ ᖁᐱᕐᕈᓐᖑᕐᑎᑉᐸᓯ ᓇᐹᕐᑐᓂᒃ ᓂᕆᓲᑎᑐᑦ.

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”