ᐂᓮᐊᓯᐅᑉ ᐊᒡᓚᖏᑦ 59:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᔪᕐᑐᓕᓂᕗᑦ ᐅᓄᓗᐊᓕᕐᒪᑕ ᓵᖕᓂ, ᐊᔪᕐᓂᑦᑕᓗ ᐸᓯᔭᒃᓴᐅᓂᖏᓐᓄᑦ ᐃᖅᑲᕐᑐᕐᑕᐅᓪᓗᑕ; ᐊᔪᕐᑐᓕᓂᑦᑕ ᓇᔪᕐᒪᑎᒍᑦ, ᐊᔪᕐᑐᓕᓂᕗᓪᓗ ᖃᐅᔨᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 59:12 Iomraidhean Croise

ᐄᓱᕋᐅᑉ ᐊᒡᓚᖏᑦ 9:13

ᐸᓯᔭᒃᓴᐅᓂᕗᑦ ᐊᔪᕐᑐᓕᓂᑦᑎᓐᓄᑦ ᑕᒻᒪᕐᓂᑦᑎᓐᓄᓪᓗ ᐊᑐᕇᕋᓗᐊᕐᒪᑕ, ᖃᐅᔨᒪᕗᒍᑦ ᐃᕝᕕᑦ ᒎᑎᕘᑦ, ᓱᒋᐊᓚᐅᕋᑦᑎᒍᑦ ᓱᒋᐊᕐᑕᐅᔭᕆᐊᖃᕐᓂᑦᑕ ᒥᒃᓯᑦᑎᓐᓄᑦ ᐃᓅᔪᓐᓇᕐᑎᓚᐅᕋᑦᑎᒍᓪᓗ ᑍᒤᒃᑲᓗᐊᕐᑎᓪᓗᑕ,

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 9:33

ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ; ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.

ᐃᓐᖏᕈᑎᑦ 51:3

ᐊᔪᕐᑐᓕᓂᑲ ᒥᓯᐊᕈᑎᒋᓐᖏᓚᒃᑲ, ᐱᐅᖏᑦᑐᓕᓂᕋᓗ ᓯᕗᕋᓐᓃᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 3:9

ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᔨᕆᒤᐊᐅᑉ ᐊᒡᓚᖏᑦ 3:2

ᐱᖑᐃᑦ ᖄᖏᓐᓄᑦ ᑕᑯᓴᓕᕆᑦᓯ, ᐊᓯᓐᓂᐊᕐᕕᒋᓯᒪᓐᖏᑕᑦᓯᓐᓂᒃ ᐱᑕᖃᕐᐹ? ᐊᖅᑯᑏᑦ ᓴᓂᕌᓂ ᐅᑕᖅᑭᕗᓯ ᐅᖓᒋᔭᑦᓯᓐᓂᒃ, ᓄᓇᖁᑎᖃᖏᑦᑐᑎᑐᑦ ᑍᒤᓪᓗᓯ ᓲᕐᓗ ᐃᓄᖃᔪᐃᑦᑐᒦᑦᑐᑎᑐᑦ ᐋᕋᑉᒥᐅᑎᑐᑦ, ᓄᓇ ᓇᕐᕈᓇᕐᓯᑎᑉᐸᓯ ᐊᖑᓐᓂᐊᕐᑎᑎᑐᑦ ᐃᓕᖅᑯᓯᖃᕐᓂᑦᓯᓐᓄᑦ ᐱᐅᖏᑦᑐᓕᓂᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 7:16

ᕿᒫᓗᑎᒡᓕ ᐊᓐᓇᑦᑐᑦ, ᖃᖅᑲᓃᓕᕈᒫᕐᐳᑦ, ᑑᕕᑎᑐᑦ ᓇᕐᓴᐅᑉ ᐃᓗᐊᓂᑦ ᕿᒫᔪᑎᑐᑦ, ᐃᓘᓐᓇᑎᒡᓗ ᐅᒡᒍᐊᕈᑎᖃᕐᓗᑎᒃ ᐊᔪᕐᑐᓕᓯᒪᓂᕐᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 7:23

“ᓄᖑᕅᑦᔪᑎᒃᓴᓕᐅᕆᑦ; ᓇᓂᓕᒫᖅ ᓄᓇ ᐃᓄᐊᕐᑎᓂᒃ ᓈᓯᒪᖕᒪᑦ ᐃᒡᓗᒐᓴᒡᔪᐊᓪᓗ ᐱᕋᔭᒃᑎᓂᒃ ᑕᑕᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᕼᐆᓯᐊᑉ ᐊᒡᓚᖏᑦ 5:5

ᐃᓴᕆᐊᓕᒥᐅᑦ ᐱᐅᔪᕆᓂᖏᑕ ᑖᑦᓱᒪ ᑮᓇᖓ ᐊᑭᕋᕐᑐᕐᐹᑦ; ᐃᕗᕅᒥ ᐸᓯᔭᒃᓴᐅᓂᕐᒥᓄᑦ ᐹᓪᓚᒍᒫᕐᐳᖅ ᐅᕐᕈᓗᓂ; ᔫᑕᐅᓪᓗ ᐃᓄᖏᑦ ᐅᕐᕈᖃᑕᐅᔪᒫᕐᐳᑦ ᑖᒃᑯᓄᖓ.

ᕼᐆᓯᐊᑉ ᐊᒡᓚᖏᑦ 7:10

ᐃᓴᕆᐊᓕᒥᐅᑦ ᐃᓄᖏᑕ ᐱᐅᔪᕆᓂᖏᑦ ᐃᒻᒥᖕᓄᑦ ᐊᑭᕋᕐᑐᕐᐳᑦ; ᓱᓕᓕ ᐅᑎᓚᐅᓐᖏᓚᑦ ᐊᑕᓂᕐᒧᑦ ᒎᑎᒥᖕᓄᑦ, ᑖᑦᓱᒥᖓᓗ ᕿᓂᓚᐅᕋᑎᒃ, ᑕᒪᒃᑯᐊ ᐊᑐᕐᑎᓪᓗᒋᑦ.

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”

ᒨᓯᓯ ᓯᑕᒪᖏᑦ 32:23

ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ.