ᐂᓮᐊᓯᐅᑉ ᐊᒡᓚᖏᑦ 59:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᐅᑐᖏᑦᑐᑎᑐᑦ ᐃᒡᓘᑉ ᐊᑭᓐᓇᖓᓂᒃ ᑕᑦᓯᑲᓗᒃᐳᒍᑦ, ᐊᑐᕐᓂᐊᕐᑕᕗᑦ ᑕᑦᓯᑲᒡᓗᒍ ᐃᔨᖃᖏᑦᑐᑎᑐᑦ, ᐅᓪᓗᓪᓗᐊᒃᑯᑦ ᑐᑦᔭᐱᖃᑦᑕᕐᐳᒍᑦ ᑖᕐᓯᑦᔪᑦᔭᐅᔪᑎᑐᑦ; ᐱᔪᓐᓇᑦᓯᐊᕐᑐᑦ ᐊᑯᓐᓂᖓᓐᓂ ᑐᖁᖓᔪᑎᑐᑦ ᑍᒤᑉᐳᒍᑦ.

ᐂᓮᐊᓯᐅᑉ ᐊᒡᓚᖏᑦ 59:10 Iomraidhean Croise

ᔫᐱᐅᑉ ᐊᒡᓚᖏᑦ 5:14

ᑖᕐᑐᒥ ᑲᑎᖃᑦᑕᕐᐳᑦ ᐅᓪᓘᑎᓪᓗᒍ, ᐅᓪᓗᓪᓗᐊᖑᑎᓪᓗᒍᓗ ᑲᑎᕙᒃᓱᑎᒃ ᐅᓐᓄᐊᕐᓯᐅᕐᑐᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:19

ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ, ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 28:13

ᑕᕝᕙ ᐊᑕᓂᐅᑉ ᐊᔪᕆᕐᑐᕈᒪᓕᕐᐹᓯ ᑎᑎᕅᑦ ᐊᑕᐅᓯᐅᓈᕐᑕᕐᓗᒋᑦ, ᐅᖃᕐᓯᒪᓂᖏᓪᓗ ᐃᓛᒃᑰᕐᑎᕐᓗᒋᑦ, ᐊᔪᕆᕐᑐᐃᑦᔪᑎᒃᓴᓪᓗ ᐃᓛᒃᑰᕐᓯᒪᓂᖏᑦ ᒪᓕᒡᓗᒋᑦ. ᑍᒫᒃ ᑕᕝᕙ ᐅᕈᔮᕐᓂᐊᕐᐳᓯ ᐊᓪᓗᑐᐊᕅᒍᑦᓯ, ᐃᑭᓕᕐᑕᐅᓂᐊᕐᐳᓯ, ᐊᔪᕐᓯᑎᑕᐅᓗᓯᓗ, ᑎᒍᔭᐅᓗᓯᓗ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 8:14

ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 8:15

ᐅᓄᕐᑐᓪᓗ ᑖᒃᑯᓇᓃᑦᑐᑦ ᐹᓪᓚᒍᒫᕐᐳᑦ; ᐅᕐᕈᓗᑎᒃ ᓯᖁᒥᓪᓗᑎᒡᓗ, ᓂᒐᕐᑎᑕᐅᓗᑎᒃ ᐊᐅᓪᓚᕈᑦᔭᐅᓗᑎᒡᓗ.”

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:6

ᑖᕐᑐᒥ ᐃᓂᖃᕐᑎᑉᐹᖓ ᑐᖁᓯᒪᔪᑦ ᐃᓂᖓᓃᑦᑐᑎᑐᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:14

ᔨᕉᓴᓕᒥᐅᑦ ᓯᕗᓕᕐᑎᖏᑦ ᐊᖅᑯᑎᑎᒎᖃᑦᑕᕐᐳᑦ ᑕᐅᑐᖏᑦᑐᑎᑐᑦ, ᐊᐅᖕᒥᑦ ᐊᓐᓄᕌᖏᑦ ᐃᑦᓴᒃᓯᒪᖕᒪᑕ ᓇᕐᕈᓇᕐᓯᓪᓗᑎᒃ ᓇᓪᓕᐊᓐᓄᓪᓘᓐᓃᑦ ᐊᒃᑐᕈᒥᓇᕆᔭᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 21:15

ᓴᐱᓕᕐᑎᑦᓯᖁᓪᓗᒍ, ᐹᓪᓚᒃᑎᑦᓯᓗᓂᓗ ᐅᓄᕐᑐᓂᒃ ᐃᑎᕐᑕᕐᕕᓕᒫᖏᓐᓂ. ᓯᕗᕋᓵᕆᕗᖓ ᓴᕕᒡᔪᐊᕐᒧᑦ ᖃᐅᒻᒪᓪᓚᒃᑎᑐᑦ ᓴᖅᑭᖃᑦᑕᕐᑐᒥᒃ; ᕿᓪᓚᕆᒃᓴᕐᓯᒪᔪᒥᒃ ᑐᖁᕅᓂᐊᓕᕋᒥ.

ᐂᒨᓯᐅᑉ ᐊᒡᓚᖏᑦ 8:9

ᐊᑕᓂᖅ ᒎᑎ ᐅᖃᕐᐳᖅ, “ᐃᒤᑦᓱᒫᕐᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᕐᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᕐᓯᑎᑦᓱᒫᕐᐸᕋ ᐅᓪᓘᑎᓪᓗᒍ.

ᒤᑲᐅᑉ ᐊᒡᓚᖏᑦ 3:6

‘ᑍᒤᒻᒪᑦ ᐅᓐᓄᐊᕐᓯᐅᕐᑐᑐᑦ ᐱᔪᒫᕐᐳᑦ ᑕᑯᑎᑕᐅᓃᑦ ᐱᓪᓗᒋᑦ ᓇᓚᐅᑦᓯᓇᓱᐊᕐᐸᒃᑐᓪᓗ ᐅᓐᓄᐊᕐᓯᐅᕐᑐᑐᑦ ᑍᒤᑦᓱᒫᕐᐳᑦ, ᐅᓪᓗᑐᑦ ᑖᕐᓯᔪᑐᑦ ᑍᒤᑦᓱᒫᕐᒪᑦ.’

ᔪᐊᓇᓯᐅᑉ ᐊᒡᓚᖏᑦ 12:35

ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᓂᐊᕐᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᕐᑕᑦᓯᓐᓂᒃ ᓇᔪᕐᑎᖃᕐᓂᑦᓯᓐᓂ ᖃᐅᒪᔪᒥᒃ, ᑖᕐᑐᕐᔪᐊᕐᒧᑦ ᑎᑭᑕᐅᖁᓇᓯ; ᑖᕐᑐᒥ ᐱᓇᓱᐊᕐᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᒥ.

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᒨᓯᓯ ᑕᓪᓕᒪᖏᑦ 28:29

ᑕᑦᓯᑲᒍᒫᕐᐳᓯ ᐅᓪᓗᒃᑯᑦ ᖃᐅᒪᑎᓪᓗᒍ ᑕᐅᑐᖏᑦᑐᑎᑐᑦ, ᓇᒧᓐᖓᐅᔭᕆᐊᒃᓴᕐᓗ ᖃᐅᔨᔪᓐᓇᕈᒫᓐᖏᓚᓯ; ᐱᓇᓱᐊᕋᓱᒃᑕᓕᒫᓯ ᐱᔪᓐᓇᕈᒫᓐᖏᓚᓯ ᑍᒪᓐᖓᑦ ᐅᖁᒤᒃᓴᕐᑎᑕᐅᔪᒫᕐᐳᓯ ᑎᒡᓕᒐᕐᕕᐅᖃᑦᑕᕐᓗᓯ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.

ᔪᐊᓇᓯ ᓯᕗᓪᓖᑦ 2:11

ᐃᓅᖃᑎᒥᓂᒡᓕ ᐆᒥᓱᒃᑐᖅ ᑖᓐᓇ ᑖᕐᑐᒦᑉᐳᖅ ᑖᕐᑐᒥᓗ ᐃᓅᓪᓗᓂ, ᓇᒧᖓᐅᖕᒪᖔᕐᒥᓗ ᖃᐅᔨᒪᓇᓂ, ᑖᕐᑐᒧᑦ ᐃᔨᖏᒃ ᑕᑯᓐᓇᕐᑎᑕᐅᖏᒻᒪᑎᒃ.