ᐂᓮᐊᓯᐅᑉ ᐊᒡᓚᖏᑦ 58:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 58:9 Iomraidhean Croise

ᒨᓯᓯ ᓯᕗᓪᓖᑦ 27:18

ᔧᑯᓗ ᐊᑖᑕᒥᓄᑦ ᐃᑎᕋᒥ ᐅᖃᐅᑎᕚ, “ᐊᑖᑖᒃ.” ᑖᑦᓱᒪ ᑭᐅᕙ, “ᒫᓃᑉᐳᖓ; ᓇᓪᓕᐊᖑᕖᑦ ᐃᕐᓃᒃ?”

ᔫᐱᐅᑉ ᐊᒡᓚᖏᑦ 22:27

ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.

ᐃᓐᖏᕈᑎᑦ 118:5

ᐊᒃᓱᕈᕕᒃᔪᐊᓕᕐᑎᓪᓗᖓ ᐊᑕᓂᖅ ᓂᓪᓕᐊᕕᒋᓚᐅᕐᐸᕋ: ᑕᕝᕙ ᐊᑕᓂᐅᑉ ᑭᐅᓚᐅᕐᐹᖓ ᕿᓚᕈᑦᔮᕐᓗᓂᖓᓗ.

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᐃᓐᖏᕈᑎᑦ 145:18

ᐊᑕᓂᖅ ᖃᓂᑉᐳᖅ ᑕᒤᓐᓄᑦ ᓂᓪᓕᐊᕕᒋᔨᒥᓄᑦ, ᐃᓗᖏᕐᑐᕐᓗᑎᒃ ᓱᓕᔪᒥᒃ ᓂᓪᓕᐊᔪᓄᑦ ᑖᑦᓱᒧᖓ.

ᐃᓐᖏᕈᑎᑦ 20:6

ᒫᓐᓇᓕ ᖃᐅᔨᒪᕗᖓ ᐊᑕᓂᐅᑉ ᐅᕐᓱᕐᑎᕐᓯᒪᔭᓂ ᐃᑲᔪᕐᓂᐊᕐᒪᒋᑦ; ᑐᓴᕐᓂᐊᕐᐹᓗ ᕿᓚᖕᒥᑦ ᐃᑦᔪᕐᓁᑦᑐᒥᑦ ᐱᐅᓕᕐᓯᓂᕐᒥᓄᑦ ᓴᓐᖏᔪᒧᑦ ᑕᓕᕐᐱᖕᒥᓄᑦ.

ᐃᓐᖏᕈᑎᑦ 37:4

ᖁᕕᐊᒋᔭᖃᕆᓪᓗ ᐊᑕᓂᕐᒥᒃ, ᐆᒻᒪᑎᕕᑦ ᑕᕝᕙ ᐱᔪᒪᔭᖏᓐᓂᒃ ᑐᓂᓯᕕᒋᓂᐊᕐᐹᑎᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:13

ᐃᔨᒥ ᐃᒡᓗᐃᓐᓇᖓᓄᑦ ᓯᑯᓐᖏᕐᑕᕐᐸᒃᑐᖅ, ᐃᑎᒐᓂᓗ ᑐᓐᖓᑎᓪᓗᒋᑦ ᐱᓱᒃᐸᒃᑐᖅ, ᑎᑭᕐᒥᓄᑦ ᑎᒃᑯᐊᕐᑐᕐᐸᒃᓗᓂ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 30:19

ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 55:6

ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.

ᐂᓮᐊᓯᐅᑉ ᐊᒡᓚᖏᑦ 57:4

ᑭᓇᒥᒃ ᒥᑕᐅᑎᖃᕐᐱᓰ? ᑭᓇᒧᓪᓗ ᐱᔮᕐᓱᕐᓗᓯ ᖃᓂᓯ ᐂᑦᑕᕐᑎᑉᐱᓯᐅᒃ ᐅᖃᓯ ᓄᐃᑦᑕᕐᑎᓪᓗᒋᑦ? ᐊᔪᕐᑐᓕᔪᓄᑦ ᕿᑐᕐᖓᐅᓐᖏᓚᓰ, ᐅᐃᕕᕐᕆᒃᓯᔩᑦ ᑭᖑᕚᖏᑦ,

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 65:24

ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:57

ᕿᓄᕕᒋᒐᒃᑭᑦ ᖃᒡᓕᓪᓗᑎᑦ ᐅᖃᓚᐅᕐᐳᑎᑦ, ‘ᑲᑉᐱᐊᓱᖏᓪᓗᑎᑦ.’

ᐃᓯᑭᐊᓕᐅᑉ ᐊᒡᓚᖏᑦ 13:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓱᓕᖏᑦᑐᓂᒃ ᐅᖃᓪᓚᖃᑦᑕᕋᑦᓯ ᑕᑯᑎᑕᐅᓂᕋᕐᓂᓯᓗ ᓴᒡᓗᕿᑦᓯᓂᐅᓪᓗᑎᒃ, ᑍᒤᒻᒪᑦ ᑕᑯᒋᑦ, ᐃᓕᑦᓯᓐᓂᒃ ᓵᓐᖓᓯᓂᐊᓕᕐᐳᖓ, ᐊᑕᓂᖅ ᒎᑎ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 9:20

ᐅᖃᓪᓚᒃᑎᓪᓗᖓ ᑐᒃᓯᐊᕐᑎᓪᓗᖓᓗ, ᖃᕿᐊᓕᕐᑎᓪᓗᖓᓗ ᐊᔪᕐᓂᓐᓂᒃ, ᐃᓅᖃᑎᒪᓗ ᐃᓴᕆᐊᐊᓕᑎᑦ ᐊᔪᕐᓂᖏᓐᓂᒃ, ᕿᓄᑎᓪᓗᖓᓗ ᐊᑕᓂᕐᒧᑦ ᒎᑎᓐᓄᑦ ᖃᖅᑲᖅ ᐃᑦᔪᕐᓁᑦᑐᖅ ᐱᒋᔭᖓ ᐱᓪᓗᒍ.

ᒨᓯᓯ ᐱᖓᔪᖏᑦ 6:5

ᑲᔪᓯᓂᐊᕐᓂᕋᕐᓗᓂᓗ ᓴᒡᓗᓂᕆᓚᐅᕐᑕᒥᓂᒃ. ᐅᑎᕐᑎᑦᓯᑦᓯᐊᕆᐊᖃᕐᐳᖅ 20ᐳᓴᒥᒡᓗ ᐃᓚᒃᑲᓐᓂᕐᓗᒋᑦ ᐅᑎᕐᑎᑕᓂ ᐃᓄᐊᓄᑦ ᑖᑦᓱᒧᖓ, ᐅᓪᓗᒥ ᑖᑦᓱᒪᓂᑦᓮᓐᓇᖅ ᐸᓯᔭᒃᓴᐅᓂᓂ ᐱᓪᓗᒍ ᑐᓂᕐᕈᓯᕐᕕᖕᒥᓂ.

ᓴᑲᕅᐊᐅᑉ ᐊᒡᓚᖏᑦ 10:2

ᒎᑎᓐᖑᐊᑦ ᓂᓪᓕᐊᖕᒪᑕ ᐅᐃᕕᕆᒃᓯᓂᕐᒥᒃ, ᓯᓚᕐᔪᐊᕐᒥᓗ ᓇᓚᐅᑦᑍᔩᑦ ᑕᑯᕙᖕᒪᑕ ᓱᓕᖏᑦᑐᓂᒃ, ᓂᕆᐅᒋᔭᒃᓴᓂᒡᓗ ᓱᓕᖏᑦᑐᓂᒃ ᐅᖃᐅᓯᖃᕐᐸᒃᓗᑎᒃ; ᓮᒻᒪᕐᓮᓪᓚᕆᒃᐸᖏᒻᒪᑕ, ᑍᒤᒻᒪᑦ ᐃᓄᐃᑦ ᓇᒧᑐᐃᓐᓇᖅ ᐱᓱᒃᐳᑦ ᐃᓱᒪᔮᕐᓗᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”