ᐂᓮᐊᓯᐅᑉ ᐊᒡᓚᖏᑦ 58:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 58:2 Iomraidhean Croise

ᐃᓐᖏᕈᑎᑦ 119:15

ᑐᑭᓯᓇᓱᐊᕐᓂᐊᕐᐸᒃᑲ ᐃᒫᖎᓚᑦᔪᑎᒋᔭᑎᑦ, ᕿᒥᕐᕈᐊᑦᓯᐊᕐᓂᐊᕐᐸᒃᑲᓗ ᐱᓂᐊᕐᑕᐅᖁᔭᑎᑦ.

ᐃᓐᖏᕈᑎᑦ 119:151

ᐊᑕᓃᕐᓕ ᖃᓂᑦᑑᕗᑎᑦ, ᐱᖁᔭᑎᓪᓗ ᓱᓕᔪᐃᓐᓇᐅᓪᓗᑎᒃ.

ᐃᓐᖏᕈᑎᑦ 119:87

ᑖᒃᑯᓇᓐᖓᑦ ᑐᖁᑕᐅᑲᓴᓚᐅᕐᐳᖓ; ᐅᕙᖓᓕ ᐱᓇᓱᐊᕐᑕᐅᖁᔭᑎᑦ ᕿᒪᓚᐅᓐᖏᓚᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 42:20

ᐅᓄᕐᑐᓂᒃ ᑕᑯᓯᒪᓕᕋᓗᐊᕐᓗᓯ ᐅᑦᔨᕈᓱᓚᐅᓐᖏᓚᓯ, ᓯᐅᑎᖃᕋᓗᐊᕐᓗᓯ ᑐᓵᔪᓂᒃ ᑐᓵᖏᑦᑐᑎᑐᑦ ᑐᑭᓯᔪᓐᓇᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 57:3

ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᔨᕆᒤᐊᐅᑉ ᐊᒡᓚᖏᑦ 42:20

ᑕᒻᒪᕐᐳᓯ ᐊᖏᔪᒥᒃ, ᑐᒃᓯᐅᑦᔭᐅᔪᒪᓯᒪᒐᑦᓯ ᐊᑕᓂᕐᒧᑦ ᒎᑎᑦᑎᓐᓄᑦ, ᐊᖏᕐᓯᒪᕗᓯᓗ ᐅᖃᐅᓯᕆᔭᖏᓐᓂᒃ ᓈᓚᒍᒪᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 7:10

ᐊᒻᒪ ᑐᒃᓯᐊᕐᕕᖁᑎᑦᓯᓐᓄᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐃᑎᕌᖓᑦᓯ ᐅᖃᓕᕐᐸᖕᒥᓗᓯ ‘ᐅᕙᓂ ᓴᐳᑦᔭᐅᓂᐊᕐᐳᒍᑦ.’ ᓴᐳᑎᔭᐅᓯᒪᓂᐊᕐᐱᓰ? ᑕᒪᒃᑯᓂᖓ ᓈᒻᒪᖏᑦᑐᐊᓗᖕᓂᒃ ᐱᓇᓱᐊᕐᑎᓪᓗᓯ?

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:3

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᐅᕙᓐᓄᑦ ᕾᕕᓰ ᐊᐱᕐᓱᕆᐊᕐᑐᕐᓗᓯ? ᐆᒪᓪᓗᖓ ᒎᑎᐅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐊᐱᕐᓱᕐᑕᐅᔪᒪᖏᑦᑐᖓ ᐃᓕᑦᓯᓐᓄᑦ.

ᐂᒨᓯᐅᑉ ᐊᒡᓚᖏᑦ 5:18

“ᑲᑉᐱᐊᓐᓇᒦᒃ ᐃᓕᑦᓯ ᐊᑕᓂᐅᑉ ᐅᓪᓗᖓᓂᒃ ᓂᕆᐅᒃᑐᓯ! ᖃᓄᖅ ᐊᑕᓂᐅᑉ ᐅᓪᓗᖓ ᐱᐅᒐᔭᕋᓱᒋᒐᑦᓯᐅᒃ ᐃᓕᑦᓯᓐᓄᑦ? ᐅᓪᓗᖅ ᑍᓐᓇ ᑕᕐᑐᕐᔪᐊᖑᔪᒫᕐᒪᑦ ᖃᐅᒪᓂᖃᖏᓪᓗᓂ.

ᒫᑯᓯᐅᑉ ᐊᒡᓚᖏᑦ 12:14

ᑖᒃᑯᐊ ᔩᓱᓯᒧᐊᕋᒥᒃ ᐅᖃᕐᐳᑦ, “ᐊᔪᕆᕐᑐᐃᔩ ᖃᐅᔨᒪᒐᑦᑕ ᓱᓕᔪᒥᒃ ᐅᖃᖃᑦᑕᕋᕕᑦ, ᐃᓄᐃᑦ ᐃᓱᒪᖏᑦ ᓯᕘᕋᒋᓇᒋᑦ ᓱᓕᑦᓯᐊᕐᑐᒥᒃ ᐅᖃᕐᐸᒃᑲᕕᑦ; ᐃᓄᐃᑦ ᖃᓄᐃᑦᑑᓂᖏᓐᓂᒃ ᑲᒪᒋᖏᓐᓇᕕᒋᑦ, ᐊᔪᕆᕐᑐᖃᑦᑕᕋᕕᒋᑦ ᓱᓕᔪᒥᒃ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ. ᐅᖃᐅᑎᓚᐅᕐᑎᒍᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᐹᑦ, ᑖᒃᓰᔭᕈᑎᓂᒃ ᑐᓂᓯᖃᑦᑕᕈᑦᑕ ᓰᓴᕆᒧᑦ ᐅᕝᕙᓗ ᑐᓂᓯᖃᑦᑕᕆᐊᖃᓐᖏᓚᒍᑦ?”

ᒫᑯᓯᐅᑉ ᐊᒡᓚᖏᑦ 6:20

ᐃᕉᑕᓯᐅᑉ ᔪᐊᓇᓯ ᐃᓕᕋᒋᓚᐅᕐᒪᒍ, ᖃᐅᔨᒪᒐᒥᐅᒃ ᓇᓛᒎᕐᒪᑦ ᐃᑦᔪᕐᓁᑑᓪᓗᓂ, ᑍᒤᒻᒪᑦ ᓴᐳᑎᓯᒪᓚᐅᕐᐹ. ᑐᓵᓕᕌᖓᒥᐅᒃ ᖁᐊᕐᓵᕐᑎᑕᐅᒻᒪᕆᒃᐸᒃᑲᓗᐊᕐᓗᓂ ᐅᖃᓪᓚᓕᕌᖓᑦ; ᓈᓚᒋᐊᖓ ᖁᕕᐊᒋᓪᓗᓂᐅᒃ.

ᔪᐊᓇᓯᐅᑉ ᐊᒡᓚᖏᑦ 5:35

ᑖᓐᓇ ᓇᓂᕈᐊᑎᑐᑦ ᐃᑯᒪᓪᓗᓂ ᖃᐅᒪᔪᑎᑐᑦ ᑍᒤᑉᐳᖅ, ᐃᓕᑦᓯ ᓯᕕᑭᑦᑐᒥᒃ ᖁᕕᐊᓲᑎᖃᕈᒪᓚᐅᕐᐳᓯ ᑖᑦᓱᒪ ᖃᐅᒪᓂᖓᓂᒃ.

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.