ᐂᓮᐊᓯᐅᑉ ᐊᒡᓚᖏᑦ 58:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 58:1 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 2:5

ᐃᓕᑦᓯ ᔧᑰᑉ ᑭᖑᕚᖏᑦ, ᕾᓗᓯ, ᐱᓱᓚᐅᕐᑕ ᐊᑕᓂᐅᑉ ᖃᐅᒪᑎᑕᖓᒍᑦ!

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 40:6

ᓂᐱᓗ ᐅᖃᕐᐳᖅ, “ᓂᓪᓕᐊᓕᕆᑦ!” ᐅᖃᕐᐳᖓᓕ, “ᓱᓇᒥᒡᓕ ᓂᓪᓕᐊᑦᔪᑎᖃᕐᓗᖓ?” “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᐅᑉ ᐱᕈᕐᑐᖏᓐᓂᒃ ᐊᑦᔨᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 43:27

ᓯᕗᓕᑦᓯ ᓯᕗᓪᓕᕐᐹᕕᓂᖓᑦ ᐊᔪᕐᑐᓕᓚᐅᕐᐳᖅ, ᐃᑲᔪᕐᑎᒋᔭᓯᓗ ᐊᔪᕐᑐᓕᓚᐅᕐᐳᑦ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 56:10

ᐃᓴᕆᐊᓕᒥᐅᑦ ᖃᐅᔨᓴᕐᑎᖏᑦ ᑕᐅᑐᖏᒻᒪᑕ, ᐃᓕᓯᒪᓂᖃᕋᑎᒡᓗ; ᕿᒻᒥᑎᑐᑦ ᐅᖃᕈᓐᓇᖏᑦᑐᑎᑐᑦ ᑍᒤᑉᐳᑦ, ᕿᓗᒍᓐᓇᖏᒻᒪᑕᓘᓐᓃᑦ, ᓇᓚᕋᑐᐃᓐᓇᕐᐳᑦ ᓯᓐᓇᒃᑑᒪᑐᐃᓐᓇᕐᓗᑎᒃ ᓯᓂᒍᒪᑐᐃᓐᓇᕋᒥᒃ.

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 59:12

ᐊᔪᕐᑐᓕᓂᕗᑦ ᐅᓄᓗᐊᓕᕐᒪᑕ ᓵᖕᓂ, ᐊᔪᕐᓂᑦᑕᓗ ᐸᓯᔭᒃᓴᐅᓂᖏᓐᓄᑦ ᐃᖅᑲᕐᑐᕐᑕᐅᓪᓗᑕ; ᐊᔪᕐᑐᓕᓂᑦᑕ ᓇᔪᕐᒪᑎᒍᑦ, ᐊᔪᕐᑐᓕᓂᕗᓪᓗ ᖃᐅᔨᒪᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 36:9

ᔫᓮᐊᐅᑉ ᐃᕐᓂᖓᑕ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓂᖓᑕ ᔨᕉᓴᓕᒥ ᑕᓪᓕᒪᒋᓕᕐᑕᖓᓐᓂ ᑕᖅᑭᖏᑕ 9ᖓᓐᓂ, ᐃᓄᐃᑦ ᓂᕆᑦᑍᓕᕗᑦ ᐊᑕᓂᕐᒧᑦ ᓈᒻᒪᒋᔭᐅᔪᒪᓪᓗᑎᒃ, ᑕᒪᓐᓇᓗ ᓂᕆᑦᑍᓕᕕᐅᓚᐅᕐᐳᖅ ᔨᕉᓴᓕᒥᐅᓕᒫᓄᑦ ᔫᑕᒥᐅᓄᓪᓗ ᓄᓇᓕᖕᓂᑦ ᑎᑭᓯᒪᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 6:17

ᖃᐅᔨᓴᕐᑎᓂᒃ ᑎᓕᓯᓚᐅᕐᐳᖓ ᐃᓕᑦᓯᓐᓄᑦ ᐅᖃᐅᔨᖁᓪᓗᒋᑦ ᑎᑦᑐᓚᐅᑦ ᓂᐱᖓᓂᒃ ᑐᓴᖁᓪᓗᓯ, ᑭᓯᐊᓂᓕ ᐅᖃᓚᐅᕐᐳᓯ ᓈᓚᒍᒪᖏᓐᓂᕋᕐᓗᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:14

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᑕᑯᑎᑕᐅᓂᖏᑦ ᓱᓕᓐᓂᖏᒻᒪᑕ ᐊᑑᑎᖃᕋᑎᒡᓗ, ᐊᔪᕐᑐᓕᓯᒪᓂᑦᓯᓐᓂᒃ ᑕᑯᑎᑦᓯᓚᐅᖏᒻᒪᑕ ᑎᒍᔭᐅᖁᓇᓯ, ᐊᔪᕆᕐᑐᐃᑦᔪᑎᒋᔭᖏᑦ ᓱᓕᖏᒻᒪᑕ ᑕᒻᒪᕐᑎᑦᓯᓪᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 11:4

ᑍᒤᒻᒪᑦ ᐃᓅᑉ ᐃᕐᓂᖓ, ᓇᓪᓕᐅᑎᔪᒫᕐᑐᓂᒃ ᐅᖃᐅᑎᓕᒃᑭᑦ.”

ᐃᓯᑭᐊᓕᐅᑉ ᐊᒡᓚᖏᑦ 16:2

“ᐃᓅᑉ ᐃᕐᓂᖓ, ᔨᕉᓴᓕᒥᐅᑦ ᖃᐅᔨᑎᒃᑭᑦ ᓇᕐᕈᒋᓪᓚᕆᒃᑕᓐᓂᒃ ᐱᓇᓱᐊᕐᓯᒪᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:4

ᐃᓅᑉ ᐃᕐᓂᖓ, ᐃᖅᑲᕐᑐᕈᓐᓇᕐᐱᒌᑦ? ᐃᖅᑲᕐᑐᕈᓐᓇᕈᕕᒋᑦ ᑍᒤᓕᐅᓕᕆᑦ, ᖃᐅᔨᑎᓚᐅᒃᑭᑦ ᓯᕗᓕᖏᑕ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 22:2

“ᐃᓅᑉ ᐃᕐᓂᖓ, ᐃᖅᑲᕐᑐᐃᔪᒪᓕᕐᐲᑦ ᐃᒡᓗᒐᓴᒡᔪᐊᕐᒥᐅᓂᒃ ᐃᓄᐊᕐᑎᓂᒃ? ᐊᑏ ᑐᑭᓯᑎᑦᓯᐊᓕᒃᑭᑦ ᒎᑎᒧᑦ ᓇᕐᕈᒋᔭᐅᔪᓂᒃ ᐱᓇᓱᐊᕐᓯᒪᔭᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 23:36

ᐊᑕᓂᐅᑉ ᐅᖃᐅᑎᕚᖓ: “ᐃᓅᑉ ᐃᕐᓂᖓ, ᐃᖅᑲᕐᑐᐃᔪᒪᕖᑦ ᐅᕼᐅᓚᒥᒃ ᐅᕼᐅᓕᐸᒥᒡᓗ? ᐊᑏ ᐅᖃᐅᑎᓕᒃᑭᒃ ᒎᑎᐅᑉ ᓇᕐᕈᒋᔭᖏᓐᓂᒃ ᐱᓇᓱᐊᖃᑦᑕᕐᓯᒪᓂᖏᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:3

ᑖᓐᓇ ᓄᓇᒥᓄᑦ ᐅᓇᑕᕆᐊᕐᑐᓂᒃ ᑎᑭᓕᕐᑐᓂᒃ ᑕᑯᒍᓂ ᖃᐅᔨᑎᑦᓯᒋᐊᕈᑎᒥᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᒐᔭᕐᐳᖅ ᐃᓄᐃᑦ ᖃᐅᔨᒃᑲᕋᓱᐊᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 8:1

“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.

ᔫᓇᐅᑉ ᐊᒡᓚᖏᑦ 1:2

“ᓂᓂᕕᒧᐊᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ; ᓂᐱᖅᑯᕐᑐᓗᑎᓪᓗ ᐅᖃᕐᕕᒋᒃᑭᑦ ᐱᐅᖏᑦᑐᓕᓂᖏᑦ ᒪᔪᐊᕐᒪᑕ ᓵᓐᓄᑦ.”

ᑍᑑᓯᒧᑦ 2:15

ᑕᒪᒃᑯᓂᖓ ᐊᔪᕆᕐᑐᐃᒋᑦ; ᑲᔪᖏᕐᓮᓗᑎᒃ ᐃᓂᕐᑎᕆᓗᑎᓪᓗ ᐱᔪᓐᓇᕐᑎᑕᐅᓂᕆᔧᑦ ᐊᑐᕐᓗᒍ. ᑭᓇᒧᓪᓘᓐᓃᑦ ᓇᕐᕈᒋᔭᐅᑦᑍᓕᓗᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:1

ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ! ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.”