ᐂᓮᐊᓯᐅᑉ ᐊᒡᓚᖏᑦ 57:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓕᑦᓯᓕ ᕾᒋᑦᓯ ᒪᐅᖓ, ᐃᕐᓂᕆᔭᐅᔪᓯ ᐊᖓᒃᑯᓄᑦ, ᑭᖑᕚᖑᔪᓯᓗ ᐊᓯᓐᓂᐊᕐᑎᓄᑦ ᐊᑭᓕᕐᑕᐅᓗᑎᒡᓗ ᐊᖑᑎᓂᐊᕐᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 57:3 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐂᓮᐊᓯᐅᑉ ᐊᒡᓚᖏᑦ 1:21

ᐃᒡᓗᒐᓮᑦ ᑲᔪᓯᑦᓯᐊᕐᑐᒥᒃ ᐱᓇᓱᐊᕐᑐᑦ ᐊᖑᓐᓂᐊᕐᑎᐅᓕᕐᐳᑦ! ᐸᓯᔭᒃᓴᐅᖏᑦᑐᒥᒃ ᐱᓇᓱᐊᓚᐅᕐᑐᑦ ᓇᓛᒎᕐᓂᕐᒥᓪᓗ ᐃᓂᒋᔭᐅᓚᐅᕐᑐᑦ, ᒫᓐᓇᓕ ᐃᓄᐊᕐᑎᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 48:16

ᐅᕙᓐᓄᑦ ᖃᒡᓕᒋᑦᓯ, ᐅᓇᓗ ᑐᓴᕐᓗᒍ: ᐱᒋᐊᕐᓂᖓᓂᑦ ᐅᖃᕐᐸᓚᐅᓐᖏᓚᖓ ᐃᔨᕐᓯᒪᔪᓂᒃ, ᑍᒪᓐᖓᓂᑦ ᑕᒫᓃᓯᒪᒐᒪ. ᒫᓐᓇᓗ ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕᓗ ᑎᓕᕚᖓ.”

ᐂᓮᐊᓯᐅᑉ ᐊᒡᓚᖏᑦ 57:7

ᓄᓇᓂ ᐳᕐᑐᔪᓂ ᐱᖑᕐᓂᓗ ᐃᓇᖓᖃᑎᒌᒋᐊᕐᑐᕐᐸᒃᐳᓯ, ᑐᓂᔭᒃᓴᑦᓯᓐᓂᒡᓗ ᑐᓂᕐᕈᓯᕆᐊᕐᑐᕐᐸᒃᓗᓯ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 3:6

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᕐᕕᒋᕚᖓ, “ᑕᑯᓯᒪᕕᓪᓖ? ᐃᓴᕆᐊᓕᒥᐅᑦ ᐅᒃᐱᕈᒪᖏᑦᑐᑦ ᐃᓕᖅᑯᓯᖏᓐᓂᒃ? ᐱᖑᓕᒫᑦ ᖄᖏᓐᓂ ᓇᐹᕐᑐᐃᓪᓗ ᐊᑖᓐᓂ ᐊᓯᓐᓂᐊᓚᐅᕐᐹᖓ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 3:9

ᐃᓴᕆᐊᓕᒥᐅᑉ ᓈᒻᒪᖏᑦᑐᓕᓂᖓ ᔫᑕᐅᑉ ᓱᕙᓪᓕᕈᑎᒋᓚᐅᖏᒻᒪᒍ. ᓄᓇ ᓇᕐᕈᓇᕐᓯᑎᓚᐅᕐᐹ ᐊᓯᓐᓂᐊᕈᑎᖃᕐᓗᓂᓗ ᐅᔭᕋᖕᒥᒃ ᕿᔪᖕᒥᒡᓗ.

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᕼᐆᓯᐊᑉ ᐊᒡᓚᖏᑦ 2:4

ᕿᑐᕐᖓᖏᑦ ᓂᑲᒋᓂᐊᓐᖏᓐᓂᕙᒃᑲ, ᐊᑭᓕᕐᑕᐅᓂᕐᒧᑦ ᐊᑐᕐᑕᐅᓂᒃᑯᑦ ᕿᑐᕐᖓᕆᔭᐅᖕᒪᑕ.

ᕼᐆᓯᐊᑉ ᐊᒡᓚᖏᑦ 2:6

“ᑍᒤᒻᒪᑦ ᐊᕙᓗᓕᐅᕐᓂᐊᕐᐸᕋ ᐅᕐᐱᖕᓄᑦ ᑲᑭᓐᓇᕐᑐᓕᖕᓄᑦ; ᐊᕙᓗᓕᐅᕐᓗᒍ ᐊᑭᓐᓇᓕᐅᕈᑎᓂᐊᕐᐸᕋ ᓴᐴᓗᑦᓯᕐᓗᒍ, ᐊᓂᕕᒃᓴᒥᓂᒃ ᓇᓂᓯᔪᓐᓁᓪᓕᖁᓪᓗᒍ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 12:34

ᐃᓕᑦᓯ ᖁᒡᓗᒋᐊᖑᔪᓯ ᖃᓄᖅ ᐱᐅᔪᓂᒃ ᐅᖃᕈᓐᓇᕐᐱᓰ? ᐱᐅᖏᑦᑑᑎᓪᓗᓯ, ᐆᒻᒪᑎᐅᑉ ᑕᑕᑦᔪᑎᖓᓂᒃ ᐃᓄᒃ ᐅᖃᐅᓯᖃᓲᖑᕘᖅ.

ᒫᑎᐅᓯᐅᑉ ᐊᒡᓚᖏᑦ 16:4

ᐅᓪᓗᒥ ᐃᓄᐃᑦ ᐱᐅᖏᑦᑑᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓂᓕᕐᒥᒃ ᑕᑯᔪᒪᕗᑦ, ᐆᒥᖓ ᑭᓯᐊᓂ ᑐᓂᓯᕕᐅᓂᐊᕐᐳᑦ ᔫᓇᐅᑉ ᑲᒪᓇᕐᑐᓕᓂᖓᓂᒃ.” ᑕᕝᕙ ᕿᒪᒃᐰᑦ ᐊᐅᓪᓚᕐᓗᓂ ᑕᕝᕙᓐᖓᑦ.

ᒫᑎᐅᓯᐅᑉ ᐊᒡᓚᖏᑦ 23:33

ᖁᒡᓗᒋᐊᖑᔪᓯ, ᐃᕐᓂᐅᔪᓯᓗ ᖁᒡᓗᒋᐊᕐᔪᐊᓄᑦ, ᖃᓄᖅ ᐃᓕᑦᓯᓐᓂᒃ ᓴᐳᑎᔪᓐᓇᕋᓱᒋᕕᓯ ᑲᑉᐱᐊᓇᕐᑐᕕᖕᒥᑦ?

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᓘᑲᓯᐅᑉ ᐊᒡᓚᖏᑦ 3:7

ᐃᓄᒋᐊᒃᑐᑦ ᔪᐊᓇᓯᒧᐊᕐᒪᑕ ᐹᑉᑎᑕᐅᔪᒪᓪᓗᑎᒃ, ᔪᐊᓇᓯᐅᑉ ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ! ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ?

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.