ᐂᓮᐊᓯᐅᑉ ᐊᒡᓚᖏᑦ 57:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 57:17 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 6:9

ᐱᐅᓂᕐᓴᐅᒋᕗᖅ ᐃᔩᒃ ᑕᑯᓐᓇᑦᓯᐊᕐᐸᑎᒃ ᓇᒧᑐᐃᓐᓇᖅ ᐃᒃᓯᒎᕐᓂᕐᒥᑦ. ᑕᒪᓐᓇᑦᑕᐅᖅ ᑐᑭᖃᓐᖏᓚᖅ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᑑᔮᕐᓂᖅ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 2:7

ᓄᓇᖓᑦ ᑕᑕᑉᐳᖅ ᓯᐅᓪᕕᕆᓂᒃ ᒎᓗᓂᒡᓗ, ᐊᔪᕐᓴᖏᑦᔪᑎᒃᓴᖏᓪᓗ ᐊᒥᒐᖏᑦᑐᕐᔪᐊᖑᓪᓗᑎᒃ; ᓄᓇᖓᓪᓗ ᑕᑕᑉᐳᖅ ᕿᒻᒥᕐᔪᐊᓂᒃ, ᐊᖓᔪᖅᑳᕐᓯᐅᑎᓪᓗ ᐊᒃᓴᓗᐊᓖᑦ ᐊᒥᒐᖏᑦᑐᕐᔪᐊᖑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 42:24

ᑭᐊ ᔧᑰᑉ ᑭᖑᕚᖏᑦ ᐊᕐᓵᕐᑎᕆᔪᒧᑦ ᑐᓂᓚᐅᕐᐰᑦ, ᐃᓴᕆᐊᓕᒥᐅᓪᓗ ᑎᒡᓕᒃᑎᓄᑦ ᑐᓂᓪᓗᒋᑦ? ᐊᑕᓂᐅᑉ ᑍᒤᑕᐅᑎᓚᐅᓐᖏᓔᑦ? ᐊᔪᕐᑐᓕᕕᒋᓚᐅᕋᑦᑎᒍ, ᑍᑦᓱᒪᓂ ᐊᑐᕐᑕᐅᖁᔭᖏᓐᓂᒃ ᒪᓕᓚᐅᖏᒻᒪᑕ, ᐱᖁᔭᖏᓪᓗ ᓈᓚᓚᐅᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 45:15

ᓱᓕᔪᒥᒃ ᐃᕝᕕᑦ ᒎᑎᐅᒐᕕᑦ, ᐃᒻᒥᓂᒃ ᐃᔨᕐᓯᒪᔪᑎᑦ, ᐃᓴᕆᐊᓕᒥᐅᑦ ᒎᑎᖓᑦ, ᐱᐅᓕᔨ.

ᐂᓮᐊᓯᐅᑉ ᐊᒡᓚᖏᑦ 56:11

ᕿᒻᒥᑎᑐᑦ ᐊᕿᐊᕈᖅᑯᕐᑐᔪᑎᑐᑦ ᑍᒤᑉᐳᑦ; ᐊᕿᐊᑦᑐᕈᓐᓇᕋᑎᒃ ᓈᒻᒪᒃᓯᔪᓐᓇᓐᖏᓚᑦ. ᐰᕐᓯᔨᐅᕗᓪᓗ ᑐᑭᓯᓂᖃᖏᑦᑐᑦ; ᓇᖕᒥᓂᖅ ᐊᑐᕈᒪᔭᑐᐃᓐᓇᕐᒥᖕᓄᑦ ᓴᖑᔭᑦᑐᑦ; ᓇᖕᒥᓂᕐᓗ ᐱᔪᓐᓇᕐᓯᑦᔪᑎᒃᓴᒥᖕᓂᒃ ᐃᓱᒪᒋᔭᑐᐊᖃᕐᐳᑦ, ᐃᓘᓐᓇᑦᓯᐊᑎᒃ.

ᐂᓮᐊᓯᐅᑉ ᐊᒡᓚᖏᑦ 64:9

ᓂᓐᖓᐅᒪᔪᐊᓘᑦᑍᓕᒋᑦ ᑕᐅᕗᖓᓕᒫᖅ, ᐊᑕᓃᖅ, ᐊᔪᕐᑐᓕᓂᕗᑦ ᐃᖅᑲᐅᒤᓐᓇᕐᓂᐊᕐᓇᒋᑦ ᐃᓱᖃᖏᑦᑐᒧᑦ; ᑕᑯᒋᑦ ᐃᓱᒪᓚᐅᕆᑦ ᐃᓕᖕᓄᑦ ᐃᓘᓐᓇᑕ ᐃᓄᖁᑎᒋᔭᐅᓂᑦᑎᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 3:14

ᐊᑕᓂᖅ ᐅᖃᕐᐳᖅ, ᐊᓯᓐᓂᐊᕐᑎᐅᔪᓯ ᐅᕙᓐᓄᑦ ᐅᑎᕆᑦᓯ, ᐅᐃᒋᒐᑦᓯᓐᖓ. ᓂᕈᐊᕐᓂᐊᕐᐳᖓ ᐊᑕᐅᓯᕐᒥᒃ ᓄᓇᓕᖁᑎᑦᓯᓐᓂᑦ ᑕᒤᓐᓂᑦ, ᒪᕐᕉᓈᕐᑎᕆᓗᖓᓗ ᐃᓚᒌᖕᓂᑦ ᐊᑐᓂᑦ, ᓮᐅᓂᒧᓐᖓᐅᑎᓗᓯᓗ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 51:13

ᐃᒪᖁᑎᖃᕐᑐᓯ ᐅᓄᕐᑐᓂᒃ, ᓄᓇᖃᕐᑐᓯᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐊᔪᓕᕐᕕᒃᓴᓯ ᑎᑭᑉᐳᖅ, ᐃᓅᑦᔪᑎᒃᓴᖃᕈᓐᓃᕐᕕᒃᓴᓯ ᓈᕗᖅ.

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᔨᕆᒤᐊᐅᑉ ᐊᒡᓚᖏᑦ 8:10

ᑍᒤᒻᒪᑦ ᓄᓕᐊᖏᑦ ᓄᓕᐊᕐᑖᕆᔭᐅᑎᓐᓂᐊᕐᐸᒃᑲ ᐊᓯᖏᓐᓄᑦ, ᐱᕈᕐᓰᕕᖁᑎᖏᓪᓗ ᐃᓄᒃᑖᕐᑎᓪᓗᒋᑦ ᐊᓯᖏᓐᓂᒃ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ ᖃᑭᔪᒪᓃᓐᓈᓗᖕᒥᒃ ᐃᓱᒪᖃᓕᕐᒪᑕ, ᓇᓚᐅᑦᑍᔪᓪᓗ ᑐᓂᕐᕈᓯᕐᑎᑦᓯᔩᓪᓗ ᐅᐃᕕᕐᕆᒃᓯᖃᑕᐅᓕᕐᒪᑕ ᖃᑭᔪᒪᒧᑦ.

ᔨᕆᒤᐊᐅᑉ ᐊᒡᓚᖏᑦ 8:6

ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᒧᑎᒧᑦ ᓯᕗᓪᓖᑦ 6:9

ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.

ᐲᑦᑐᕉᓯ ᐂᑉᐸᖏᑦ 2:14

ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.