ᐂᓮᐊᓯᐅᑉ ᐊᒡᓚᖏᑦ 57:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 57:16 Iomraidhean Croise

ᒨᓯᓯ ᓯᕗᓪᓖᑦ 6:3

ᐊᑕᓂᕐᓗ ᐅᖃᕐᐳᖅ, “ᐊᓂᕐᓂᕋ ᐃᓚᕾᓐᓇᕐᓂᐊᓐᖏᓚᖅ ᐃᓄᖕᒥᒃ ᐃᓱᖃᖏᑦᑐᒧᑦ, ᑎᒥᐅᖕᒪᑦ; ᐅᓪᓗᖃᕐᓂᐊᓕᕐᐳᓪᓕ ᐊᕐᕌᒍᓂᒃ 120ᓂᒃ.”

ᓴᒧᐃᓕ ᐂᑉᐸᖏᑦ 24:16

ᐊᑕᓂᐅᓪᓕ ᐂᖏᓕᖓ ᐊᓯᕈᐃᒋᐊᕐᓂᐊᓕᕐᑎᓪᓗᒍ ᔨᕉᓴᓕᒥᒃ, ᐊᑕᓂᐅᑉ ᐃᓱᒪᓂ ᓴᖑᑎᓚᐅᕐᐹ ᓱᒋᐊᕐᓯᔪᒪᓂᓂ ᐃᓄᖕᓂᒃ, ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ! ᑍᒪ ᓈᒻᒪᒃᓯᕗᖅ.” ᐂᖏᓕᓗ ᐊᕋᐅᓇᐅᑉ ᓂᐊᑰᔭᒃᓴᓂᒃ ᐃᕖᔧᕕᖓᓃᓚᐅᕐᐳᖅ ᔨᐳᓮᑎᒥᐅᑕᐅᑉ.

ᔫᐱᐅᑉ ᐊᒡᓚᖏᑦ 12:10

ᑖᓐᓇ ᐱᓐᖑᕐᑎᓯᒪᔭᓕᒫᒥ ᐃᓅᓯᖏᓐᓂᒃ ᐊᐅᓚᑦᓯᕗᖅ; ᐊᓂᕐᓂᖃᕐᑐᓕᒫᑦ ᐃᓅᓯᖏᑦ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᐃᓐᖏᕈᑎᑦ 85:5

ᐃᓱᖃᖏᑦᑐᒧᑦ ᓂᓐᖓᐅᑎᓯᒪᔪᒪᓕᕐᐱᑎᒎᑦ? ᓂᓐᖓᐅᑦᔨᓯᒪᓃᑦ ᑲᔪᓯᑎᑦᓱᒪᕕᐅᒃ ᑭᖑᕚᕇᒍᔪᓕᒫᓄᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:7

ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 64:8

ᐊᑕᓃᕐᓕ ᐊᑖᑕᒋᕙᑦᑎᒋᑦ; ᒪᕐᕋᐅᕗᒍᑦ ᐃᕝᕕᑦ ᒪᕐᕋᓕᐅᕐᑎᐅᓪᓗᑎᑦ; ᐊᒡᒐᖕᓄᓪᓗ ᐃᓘᓐᓇᑕ ᓴᓇᔭᐅᓂᑰᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 10:24

ᐋᖅᑭᒋᐊᓚᐅᓐᖓ ᐊᑕᓃᖅ, ᐊᑲᐅᒋᔭᕐᓄᑦ; ᓂᓐᖓᐅᑎᖏᓪᓗᖓ, ᓱᓇᐅᔪᓐᓃᖁᓇᖓ.

ᔨᕆᒤᐊᐅᑉ ᐊᒡᓚᖏᑦ 3:5

ᐅᖃᕐᐸᒃᐳᑎᑦ, ᓂᓐᖓᒡᕕᒋᓯᒤᓐᓇᕐᓂᐊᕐᐱᑎᒎᑦ? ᑕᐅᕗᖓᓕᒫᖅ, ᑍᒫᒃ ᐅᖃᕋᓗᐊᕐᓗᑎᑦ ᐱᐅᖏᑦᑐᓕᐅᕈᑎᒋᔪᓐᓇᕐᑕᓕᒫᑎᑦ ᐊᑐᕋᓱᐊᖃᑦᑕᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 38:16

ᐊᖓᔪᖅᑳᕐᔪᐊᓪᓕ ᔨᑎᑬᐊ ᔨᕆᒤᐊᒧᑦ ᐊᖏᒻᒪᕆᒃᐳᖅ ᐃᓄᖕᓄᑦ ᖃᐅᔨᔭᐅᓇᓂ: “ᐊᑕᓂᐅᑉ ᐆᒪᔫᑉ ᐅᕙᑦᑎᓐᓂᒃ ᐊᓂᕐᓂᖃᕐᑎᑦᓯᔫᑉ ᐊᑎᖓᓂ ᑐᖁᓐᓂᐊᓐᖏᓚᒋᑦ ᐱᔭᐅᑎᓐᓂᐊᓐᖏᓚᒋᓪᓗ ᐃᓕᖕᓂᒃ ᑐᖁᑦᓯᔪᒪᔪᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 18:4

ᑕᑯᒋᑦ, ᑕᕐᓂᓕᒫᑦ ᐱᒋᕙᒃᑲ; ᐊᑖᑕᐅᔪᑦ ᕿᑐᕐᖓᖏᓪᓗ ᑕᕐᓂᖏᑦ ᐱᒋᕙᒃᑲ: ᑕᕐᓂᖅ ᐊᔪᕐᑐᓕᔪᖅ ᑖᓐᓇ ᑐᖁᔪᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 12:1

ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᐄᑉᕈᐃᓄᑦ 12:9

ᑎᒥᑦᑎᒍᑦ ᐊᑖᑕᒋᔭᕗᑦ ᓱᒋᐊᕐᑎᒋᕙᓚᐅᕋᑦᑎᒋᑦ ᑍᒤᓕᐅᓚᐅᕐᓂᖏᑦ ᐅᐱᒋᕙᕗᑦ. ᑕᕝᕙᓕ ᐊᓂᕐᓂᒃᑯᑦ ᐊᑖᑕᒋᔭᕗᑦ ᓈᓚᒐᒃᓴᕆᓐᖏᓚᕘᑦ ᐃᓅᖁᓪᓗᑕ?