ᐂᓮᐊᓯᐅᑉ ᐊᒡᓚᖏᑦ 57:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᐂᓮᐊᓯᐅᑉ ᐊᒡᓚᖏᑦ 57:14 Iomraidhean Croise

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 40:3

ᓂᐱᒥᒃ ᑐᓴᕐᓴᐅᔪᖃᕐᐳᖅ ᐃᓄᖃᖏᑦᑐᒥ: “ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ; ᓱᓇᖃᔪᐃᑦᑐᒃᑯᑦ ᑐᑭᓕᐊᕐᑐᒥᒃ ᐊᖅᑯᑎᓕᐅᓕᕆᑦᓯ ᒎᑎᑦᑕ ᐊᑐᕐᓂᐊᕐᑕᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 49:11

ᖃᖅᑲᖁᑎᓕᒫᒃᑲ ᐊᖅᑯᑎᓐᖑᕐᑎᑦᓱᒫᕐᐸᒃᑲ, ᐊᖅᑯᑎᓪᓚᕆᖁᑎᒃᑲᓗ ᐳᕐᑐᓯᒋᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᕉᒪᒥᐅᓄᑦ 14:13

ᑍᒤᒻᒪᑦ ᐃᖅᑲᕐᑐᖃᑦᑕᐅᑎᔪᓐᓃᕐᑕ ᐅᕙᑦᑎᓐᓄᑦ, ᐃᓱᒪᑖᓕᕆᑦᓯ ᐅᒃᐱᕐᑑᖃᑎᑦᑎᓐᓄᑦ ᐹᓪᓚᒡᕕᒃᓴᒥᒃ ᐊᐳᕐᕕᒡᓴᒥᒡᓘᓐᓃᑦ ᐊᖅᑯᑖᓄᑦ ᐃᓕᓯᓚᐅᕐᓯᒪᔪᒪᖏᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:13

ᑍᒤᒻᒪᑦ, ᓂᕆᔭᓐᓄᑦ ᐅᒃᐱᕐᑑᖃᑎᒐ ᐊᔪᕐᑐᓕᑎᑕᐅᒃᐸᑦ, ᓂᕿᒥᒃ ᑕᕝᕙ ᓂᕆᒃᑲᓐᓂᕐᓂᐊᓐᖏᓚᖓ, ᖃᑕᓐᖑᑎᒐ ᑲᑕᒃᑎᑕᐅᖁᓇᒍ ᐊᔪᕐᓂᕐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:9

ᐃᒃᐱᒍᓱᑦᓯᐊᕆᑦᓯᓕ, ᑕᒪᓐᓇ ᕿᓚᒃᓱᕐᑕᐅᓯᒪᖏᓐᓂᖅ ᐱᓂᐊᕐᓂᒃᑯᑦ ᐊᒡᕕᐊᕈᑕᐅᓕᖁᓇᒍ ᐅᒃᐱᕐᓂᕐᒥ ᓴᓐᖐᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:3

ᐊᒡᕕᐊᕈᑎᒃᓴᒥᒃ ᐃᓕᓯᔪᒪᖏᓐᓇᑦᑕ ᐊᖅᑯᑎᒋᔭᐅᓂᐊᕐᑐᒧᑦ, ᐱᓇᓱᐊᕐᓂᕗᑦ ᐸᓯᔭᐅᑦᔪᑎᒃᓴᖃᖁᓇᒍ ᓱᓇᑐᐃᓐᓇᒧᑦ.

ᐄᑉᕈᐃᓄᑦ 12:13

ᐊᖅᑯᑦ ᑐᑭᓕᐊᕐᑐᖅ ᐊᑐᓕᕐᓯᐅᒃ ᐃᑎᒐᓯ ᑐᓯᐊᑦᑐᑦ ᐊᔪᓕᖁᓇᒋᑦ ᐋᖅᑭᒃᑕᐅᖁᓪᓗᒋᓪᓕ.