ᐂᓮᐊᓯᐅᑉ ᐊᒡᓚᖏᑦ 57:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓕᖅᑯᓯᕆᔭᓯ ᓯᕕᑐᓂᖓ ᑕᖃᑦᔪᑎᒋᒐᑦᓯᐅᒃ, ᓱᓕ ᐅᖃᓚᐅᓐᖏᓚᓯ, ‘ᓴᐱᕐᓇᕐᓯᕗᖅ,’ ᐱᔪᓐᓇᕐᓯᒃᑲᓐᓂᓚᐅᕋᑦᓯ, ᑍᒤᒻᒪᑦ ᐊᔪᓕᓚᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 57:10 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 47:13

ᐅᖃᐅᑦᔪᕐᑕᐅᓂᕐᒥᒃ ᐃᕿᐊᓐᖑᕐᓯᒪᓕᕐᐳᓯ; ᑍᒃᑯᓄᖓ ᓇᖏᕐᓗᑎᒃ ᓴᐳᑎᔭᐅᓕᕆᑦᓯ, ᐅᓪᓗᕆᐊᑎᒍᑦ ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᑦᓯᓐᓄᑦ, ᐅᓪᓗᕆᐊᓪᓗ ᐋᖅᑭᒃᓯᒪᓂᖏᑎᒍᑦ ᑐᑭᓯᐅᒪᔪᓐᓇᕐᑐᖁᑎᑦᓯᓐᓄᑦ, ᑕᖅᑭᐅᑉ ᓴᖅᑭᔮᕐᓂᖓᒍᑦ ᓇᓚᐅᑦᑍᕙᒃᑐᓄᑦ ᖃᓄᐃᑦᑐᖃᕐᓂᐊᕐᒪᖔᑦ.

ᔨᕆᒤᐊᐅᑉ ᐊᒡᓚᖏᑦ 18:12

ᑖᒃᑯᐊᓕ ᑭᐅᒃᐸᑕ, ‘ᐋᒃᑲ, ᑍᒤᑦᓱᒪᓐᖏᓚᒍᑦ, ᐱᓇᓱᐊᕈᒪᔭᑦᑎᓐᓂᒃ ᐱᓇᓱᐊᕈᒪᒐᑦᑕ, ᑕᒪᑦᑕ ᒪᓕᒍᒪᒐᑦᑕ ᐆᒻᒪᑎᑦᑕ ᐱᐅᖏᑦᑐᓕᔪᒪᓂᖏᓐᓂᑦ ᓴᖑᔪᒪᓐᖏᓚᒍᑦ.’”

ᔨᕆᒤᐊᐅᑉ ᐊᒡᓚᖏᑦ 2:25

ᐅᓪᓚᖕᓂᕐᒧᑦ ᑲᒦᕈᑎᑦᑍᓕᒋᑦ, ᐃᒡᒋᐊᓪᓗ ᐸᓂᕐᑍᓕᓕ, ᐅᖃᕐᐳᑎᓪᓕ, ᑲᓄᐃᖏᑦᑐᖅ, ᐃᓅᖃᑎᑐᖃᕆᓐᖏᑕᑦᑕ ᒎᑎᖏᓐᓂᒃ ᐅᖓᒐᒪ ᑖᒃᑯᐊ ᒪᓕᖕᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 2:36

ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 3:3

ᑍᒤᒻᒪᑦ ᓄᓇ ᖃᐅᓯᓕᕐᑎᑕᐅᔪᓐᓇᕈᓐᓃᕐᐳᖅ ᐅᐱᕐᖔᒃᑯᓪᓗ ᓯᓚᓗᒍᓐᓇᕈᓐᓃᕐᓗᓂ, ᐊᖑᓐᓂᐊᕐᑎᑎᑐᑦ ᑕᐅᑦᑐᖃᓕᕋᓗᐊᕋᕕᑦ ᑲᓐᖑᓲᑎᒋᔪᒪᓐᖏᓔᓪᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 24:12

ᓱᓇᐅᖏᑦᑐᒧᑦ ᑕᖃᓴᑦᔪᑕᐅᓕᕐᒪᑦ; ᒪᓐᖏᕐᑐᕆᐅᓂᖓᓗ ᐃᑦᔪᓗᐊᕐᒪᑦ ᐃᑯᒪᒧᑦ ᓄᖑᓐᓂᐊᓐᖏᓚᖅ.

ᕼᐊᐸᑲᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᑍᒤᑎᑦᓯᓐᖏᓛᖅ? ᐃᓄᐃᑦ ᓴᓇᖕᒪᑕ ᐃᑯᐊᓪᓚᒃᑐᒃᓴᑐᐃᓐᓇᕐᓂᒃ, ᐃᓅᖃᑎᒌᒡᔪᐃᓪᓗ ᐃᒻᒥᖕᓂᒃ ᑕᖃᑎᑉᐳᑦ ᓱᓇᒃᓴᐅᖏᑦᑐᒧᑦ.

ᕉᒪᒥᐅᓄᑦ 7:9

ᐱᖁᔭᖃᕐᓇᖓ ᐃᓅᓯᕐᒪ ᐃᓚᖓᓂ ᐃᓅᓚᐅᕋᒪ; ᐱᖁᔧᓪᓕ ᓴᖅᑭᒻᒪᑕ ᐊᔪᕐᓂᖅ ᐆᒻᒪᕐᐳᖅ ᑐᖁᓪᓗᖓᓗ.