ᐂᓮᐊᓯᐅᑉ ᐊᒡᓚᖏᑦ 56:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᒫᒃ ᐊᑕᓂᖅ ᒎᑎ ᐅᖃᕐᒪᑦ, ᑖᓐᓇ ᑲᑎᕐᓱᐃᔪᖅ ᐃᓴᕆᐊᓕᒥᐅᑦ ᐊᓂᑎᓯᒪᔭᖏᓐᓂᒃ, “ᑲᑎᕐᓱᐃᕕᒋᔪᒫᕆᕙᒃᑲ ᑲᑎᕐᓱᕐᑕᐅᓯᒪᓕᕇᕐᑐᑦ ᐊᓯᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 56:8 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐃᓐᖏᕈᑎᑦ 106:47

ᐱᐅᓕᓚᐅᕐᑎᒍᑦ, ᐊᑕᓃᖅ ᒎᑎᕗᑦ, ᑲᑎᕐᓱᓚᐅᕐᑎᒍᓪᓗ ᐃᓅᖃᑎᒌᒡᔪᐊᑦ ᐊᑯᕐᖓᓐᓂᑦ, ᐊᑎᕐᓂᒃ ᐃᑦᔪᕐᓁᑦᑐᒥᒃ ᖁᔭᓕᑦᔪᑎᖃᓕᖁᓪᓗᑕ, ᓂᕐᑐᐃᓕᖁᓪᓗᑕᓗ ᓂᕐᑐᕐᑕᐅᔪᒃᓴᐅᓃᑦ ᒪᓕᒡᓗᒍ.

ᐃᓐᖏᕈᑎᑦ 147:2

ᐊᑕᓂᐅᑉ ᔨᕉᓴᓕᒻ ᓴᓇᕚ; ᐊᐅᓪᓚᕈᑦᔭᐅᓯᒪᔪᓪᓗ ᐃᓴᕆᐊᓕᒥᐅᑦ ᑲᑎᕐᓱᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 49:12

ᑕᑯᒋᑦ, ᐅᖓᓯᒃᑐᓂᑦ ᑖᒃᑯᐊ ᐱᔪᒫᕐᐳᑦ; ᐃᓚᖏᓪᓗ ᐅᓐᓄᐊᓪᓗᐊᑉ ᓇᓛᓂᑦ, ᐃᓚᖏᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ, ᐃᓚᖏᓪᓗᑦᑕᐅᖅ ᓄᓇᒥᑦ ᓮᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 49:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐃᓅᖃᑎᒌᒡᔪᐊᓄᑦ ᑕᓕᕋ ᐃᓵᒍᒫᕐᐸᕋ, ᓇᓗᓁᒃᑯᑕᕋᓗ ᓇᑉᐸᕐᑎᓪᓗᒍ ᐃᓄᖕᓄᑦ; ᑖᒃᑯᐊ ᐃᓕᑦᓯᓐᓄᑦ ᕾᔪᒫᕐᐳᑦ ᐃᕐᓂᓯ ᐊᒡᔭᕐᓗᒋᑦ, ᐸᓂᓯᓗ ᑲᑲᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 54:7

ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 31:10

ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᕼᐆᓯᐊᑉ ᐊᒡᓚᖏᑦ 1:11

ᔫᑕᐅᑉ ᐃᓄᖏᑦ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᒃᑲᓐᓂᕈᒫᕆᕗᑦ, ᓇᖕᒥᓂᕐᓗ ᓂᕈᐊᕈᒫᕐᐳᑦ ᓯᕗᓕᕐᑎᒃᓴᒥᖕᓂᒃ ᐊᑕᐅᓯᕐᒥᒃ; ᓄᓇᒥᖕᓂᓗ ᒪᑭᑦᓱᒫᕐᐳᑦ, ᔨᔭᕆᐅᓪᓗ ᐅᓪᓗᖓ ᐊᖏᔪᕐᔪᐊᖑᓕᕈᒫᕐᐳᖅ.

ᒤᑲᐅᑉ ᐊᒡᓚᖏᑦ 4:6

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑐᓯᐊᑦᑐᑦ ᑲᑎᒪᑎᑦᓱᒫᕐᐸᒃᑲ ᐊᐅᓪᓚᕈᑦᔭᐅᓯᒪᔪᑦ ᐋᓐᓂᐊᑎᓚᐅᕐᑕᒃᑲᓗ ᑲᑎᕐᓱᕐᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 7:35

ᔫᑎᓪᓕ ᐊᖓᔪᖅᑳᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᓇᒧᓐᖓᐅᓂᐊᕋᒥᐅᓇ ᐅᕙᑦᑎᓐᓄᑦ ᓇᓂᔭᐅᔪᓐᓁᓪᓕᓂᐊᕐᓂᕋᕐᐸ? ᐅᓇ ᒍᕇᑭᑦ ᓄᓇᖏᓐᓄᐊᕈᒪᓕᕐᑐᖅ ᒍᕇᑭᓂᒃ ᐊᔪᕆᕐᑐᐃᔭᕐᑐᕈᒪᓪᓗᓃ?

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.