ᐂᓮᐊᓯᐅᑉ ᐊᒡᓚᖏᑦ 55:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 55:3 Iomraidhean Croise

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᓴᒧᐃᓕ ᐂᑉᐸᖏᑦ 23:5

ᑍᒫᒃ ᒎᑎᐅᑉ ᑭᖑᕚᒃᑲ ᓮᒻᒪᕐᑎᑦᓱᒫᕐᐰᑦ, ᑍᒫᒃ ᐃᓱᖃᖏᑦᑐᒧᑦ ᐊᖏᕐᕕᒋᓯᒪᖕᒪᖓ, ᐱᖁᔨᑦᔪᑎᖓ ᑕᒤᑎᒍᑦ ᓱᖁᓯᔪᐃᑦᑑᕗᖅ. ᑕᒪᓐᓇ ᐱᕙᓪᓕᐊᑎᓯᒪᓐᖏᓚᐅᒃ ᐃᑲᔪᕐᑕᐅᓂᓕᒫᒃᑲ ᐱᔪᒪᔭᕆᔭᒃᑲᓗ?

ᓴᒧᐃᓕ ᐂᑉᐸᖏᑦ 7:29

ᒫᓐᓇ ᑍᒤᒻᒪᑦ ᖁᕕᐊᒋᒍᕕᐅᒃ ᑐᒃᓯᐊᕐᐳᖓ ᐱᔨᕕᑦ ᑭᖑᕚᖏᑦ ᓮᒻᒪᕐᑎᓚᐅᒃᑭᑦ, ᑲᔪᓯᑦᓯᐊᖁᓪᓗᒋᑦ ᓵᖕᓂ; ᐃᕝᕕᑦ, ᐊᑕᓃᖅ ᒎᑏ, ᐅᖃᓚᐅᕋᕕᑦ, ᓮᒻᒪᕐᑎᑦᓯᓃᓪᓗ ᐱᔨᕕᑦ ᑭᖑᕚᖏᓐᓄᑦ ᑲᔪᓯᖁᓪᓗᒍ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 6:42

ᐊᑕᓃᖅ ᒎᑏ, ᑮᓁᑦ ᐊᓚᕐᑎᓐᓂᐊᕐᓇᒍ ᐅᕐᓱᕐᑎᓯᒪᔭᕐᓂᑦ! ᐃᖅᑲᐅᒪᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᔨᖕᓂᒃ ᑍᕕᑎᒥᒃ.”

ᐃᓐᖏᕈᑎᑦ 119:112

ᐆᒻᒪᑎᒃᑯᑦ ᑐᑭᑖᕐᓯᒪᕗᖓ ᐊᑐᕐᑕᐅᖁᔭᑎᑦ ᑕᐅᕗᖓᓕᒫᖅ ᓈᓚᒍᒪᓪᓗᒋᑦ, ᐃᓅᓯᕐᒪ ᐃᓱᐊᓄᑦ.

ᐃᓐᖏᕈᑎᑦ 119:175

ᑕᕐᓂᕋ ᐃᓅᓕ, ᐃᓕᖕᓂᒃ ᓂᕐᑐᐃᔪᓐᓇᖁᓪᓗᖓ; ᐋᖅᑭᒃᓱᐃᓂᕐᓄᓪᓗ ᐃᑲᔪᕐᓗᖓ.

ᐃᓐᖏᕈᑎᑦ 78:1

ᐃᓄᖁᑎᒃᑲ, ᓈᓚᓚᐅᕆᑦᓯ ᐱᖁᔭᓐᓂᒃ; ᓯᐅᑎᓯ ᒪᓂᓚᐅᕐᓯᐅᒃ ᖃᓂᕐᒪ ᐅᖃᐅᓯᖏᓐᓄᑦ!

ᐃᓐᖏᕈᑎᑦ 89:28

ᓇᒡᓕᖕᓂᕋ ᑖᑦᓱᒧᖓ ᓱᖁᓯᔪᐃᑎᑦᓮᓐᓇᕐᓂᐊᕐᐸᕋ ᐃᓱᖃᖏᑦᑐᒧᑦ, ᐊᖏᖃᑎᖃᕐᓯᒪᓂᕋᓗ ᐊᐅᓚᔪᐃᑦᓮᓐᓇᕐᑐᒃᓴᐅᕗᖅ ᑖᑦᓱᒧᖓ.

ᐃᓐᖏᕈᑎᑦ 89:29

ᑭᖑᕚᖏᑦ ᓱᕐᕋᔪᐃᑎᑦᓱᒪᕙᒃᑲ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓᓗ ᓱᖁᓯᔪᐃᑦᑑᓂᐊᕐᐳᖅ ᕿᓚᖃᕐᓂᖓᓂ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:20

ᐃᕐᓃᒃ, ᐅᖃᐅᓯᒃᑲ ᓈᓚᑦᓯᐊᒃᑭᑦ; ᓈᓚᑦᓯᐊᕐᓗᒋᓪᓗ ᐅᖃᕐᑕᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:2

ᐱᖁᔭᒃᑲ ᐱᓯᒪᒍᕕᒋᑦ ᑕᕝᕙ ᐃᓅᓂᐊᕐᐳᑎᑦ, ᐃᓕᓮᑦᔪᑎᒋᔭᒃᑲ ᐱᓯᒪᑦᓯᐊᒃᑭᑦ ᐱᓐᓇᕆᓂᕐᐹᕆᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 51:4

ᐃᓄᖁᑎᒃᑲ, ᓈᓚᓚᐅᕐᓯᓐᖓ; ᑐᓴᕐᓗᖓᓗ ᐃᓅᖃᑎᒌᒡᔪᐊᖁᑎᒃᑲ, ᐱᖁᔭᒃᑲ ᐅᕙᓐᓂᑦ ᐊᓂᔪᒫᕐᐳᑦ, ᐊᑦᔨᒌᒃᑎᑦᓯᓂᓐᓄᓪᓗ ᐃᓄᐃᑦ ᖃᐅᒪᒃᓴᕐᑕᐅᔪᒫᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 54:8

ᓂᓐᖓᓗᐊᕐᓂᑯᒧᑦ ᐊᑯᓂᐅᖏᑦᑐᖅ ᑮᓇᕋ ᐃᓕᑦᓯᓐᓂᑦ ᐊᓚᓚᐅᕋᒃᑯ; ᓇᒡᓕᖕᓂᓐᓄᓪᓕ ᓱᖁᓯᔪᐃᑦᑐᒧᑦ ᐱᑦᓯᐊᕐᕕᒋᓂᐊᕐᐸᑦᓯ, ᑍᒫᒃ ᐊᑕᓂᖅ ᐅᖃᕐᐳᖅ, ᑖᓐᓇ ᐃᒻᒥᓄᑦ ᐅᑎᕐᑎᑦᓯᔨᓯ.

ᐂᓮᐊᓯᐅᑉ ᐊᒡᓚᖏᑦ 61:8

ᐅᕙᖓ ᐊᑕᓂᖅ ᖁᕕᐊᒋᔭᖃᕋᒪ ᐊᑦᔨᒌᒃᑎᑦᓯᓂᕐᒥᒃ, ᐆᒥᓱᒡᓗᖓᓗ ᑎᒡᓕᒐᕐᓂᕐᒥᒃ ᓈᒻᒪᖏᑦᑐᓕᓂᕐᒥᒡᓗ; ᓱᕐᕋᔪᐃᑦᑑᓂᓐᓄᑦ ᐱᔭᕆᐊᖃᕐᑕᖏᓐᓂᒃ ᐊᑭᓕᕈᒫᕐᐸᒃᑲ, ᐊᖏᖃᑎᒌᒍᑎᓕᐅᕐᓗᖓᓗ ᑖᒃᑯᓄᖓ ᐃᓱᖃᖏᑦᑐᒧᑦ ᑐᕌᖓᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 30:9

ᑖᒃᑯᐊᓕ ᐱᔨᑦᓯᖁᓪᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ, ᐊᖓᔪᖅᑳᕐᔪᐊᕕᓂᐅᓪᓗ ᑍᕕᑎᐅᑉ ᑭᖑᕚᖓᓂᒃ, ᒪᑭᑎᑦᓱᒫᕐᑕᓐᓂᒃ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 32:40

ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 38:20

ᔨᕆᒤᐊᐅᑉ ᐅᖃᐅᑎᕚ, “ᑍᒃᑯᓄᖓ ᑐᓂᑦᔪᑕᐅᓂᐊᓐᖏᓚᑎᑦ, ᐊᑕᓂᖅ ᓈᓚᒃᑯᕕᐅᒃ ᐅᖃᐅᓯᕆᔭᒃᑲ ᒪᓕᒡᓗᒋᑦ ᖃᓄᐃᑕᐅᑦᔮᓐᖏᓚᑎᑦ, ᑐᖁᑕᐅᑦᔮᓇᑎᓪᓗ.

ᔨᕆᒤᐊᐅᑉ ᐊᒡᓚᖏᑦ 50:5

ᓮᐅᓂᒧᐊᕐᑐᒥᒃ ᐊᖅᑯᑎᒥᒃ ᖃᐅᔨᔪᒪᓕᕈᒫᕐᐳᑦ, ᓵᕝᕕᒋᓕᕐᓗᒍᓗ, ᕾᓂᐊᕐᐳᑦ ᐊᑕᓂᕐᓗ ᐃᓅᖃᑎᒌᓐᓇᕈᒪᓕᕈᒫᕐᐹᑦ ᐊᖏᖃᑎᒌᖕᓂᖃᕐᓗᑎᒃ ᐳᐃᒍᕐᑕᐅᓂᐊᕈᓐᓃᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 16:60

ᐊᖏᖃᑎᖃᕐᓯᒪᓂᕋ ᐃᓕᑦᓯᓐᓄᑦ ᐃᓅᓱᒃᑑᑎᓪᓗᓯ ᐃᖅᑲᐅᒪᓂᐊᕐᐸᕋ, ᐊᖏᖃᑎᒌᒍᑎᓕᐅᕈᒪᕗᖓᓗ ᐃᓕᑦᓯᓐᓄᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 34:24

ᐅᕙᖓᓗ ᐊᑕᓂᖅ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᐱᔨᒐᓗ ᑍᕕᑎ ᑖᒃᑯᓄᖓ ᐊᖓᔪᖅᑳᖑᔪᒫᕐᐳᖅ; ᐅᕙᖓ ᐊᑕᓂᖅ, ᑍᒫᒃ ᐅᖃᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 37:26

ᐊᖏᖃᑎᒌᒍᑎᓕᐅᕈᒫᕐᐳᖓᓗ ᑖᒃᑯᓄᖓ ᐃᓂᓪᓚᖓᑦᓯᐊᕐᓇᕐᑐᒥᒃ; ᑕᒪᓐᓇᓗ ᐊᖏᖃᑎᒌᒍᑎᓕᐅᕐᓂᕋ ᑖᒃᑯᓄᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ; ᓮᒻᒪᕐᑎᑦᓱᒫᕐᐸᒃᑲ ᐅᓄᕐᓯᕙᓪᓕᐊᑎᓪᓗᒋᓪᓗ, ᐃᑦᔪᕐᓁᑦᑐᕕᖁᑎᖓᓗ ᐊᑯᕐᖓᓐᓂ ᐃᓂᖃᕐᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᒨᓯᓯ ᐱᖓᔪᖏᑦ 18:5

ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐳᐃᒍᕐᓂᐊᕐᓇᒋᑦ, ᑖᒃᑯᓂᖓ ᓈᓚᒃᑐᖅ ᐃᓅᑦᔪᑎᖃᕐᓂᐊᕐᒪᑦ ᐅᕙᖓ ᐊᑕᓂᐅᒐᒪ.’

ᐂᒨᓯᐅᑉ ᐊᒡᓚᖏᑦ 5:4

ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;

ᐂᒨᓯᐅᑉ ᐊᒡᓚᖏᑦ 5:6

“ᐊᑕᓂᖅ ᕿᓂᓕᕐᓯᐅᒃ ᐃᓅᓕᕐᓗᓯᓗ, ᔫᓯᐱᐅᑉ ᑭᖑᕚᖏᓐᓂᒃ ᐃᑯᐊᓪᓔᔪᑎᑐᑦ ᐱᖁᓇᒍ, ᐊᓯᕈᕐᑕᐅᓗᑎᒡᓗ, ᐱᑎᓕᓗ ᖃᒥᑕᐅᔪᓐᓇᕐᓂᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 13:16

“ᐃᓕᑦᓯᓕ, ᖁᕕᐊᓱᒃᑐᒃᓴᐅᕗᓯ! ᐃᔨᓯ ᑕᑯᓐᓇᕐᒪᑕ, ᓯᐅᑎᓯᓗ ᑐᓵᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᔪᐊᓇᓯᐅᑉ ᐊᒡᓚᖏᑦ 6:37

ᐊᑖᑕᒪ ᑐᓂᑦᔪᑎᒋᔭᓕᒫᖏᑦ ᐅᕙᓐᓄᐊᕐᓂᐊᕐᐳᑦ, ᐅᕙᓐᓄᐊᕐᑐᓂᒡᓗ ᖁᔭᓈᕐᓯᓂᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 7:37

ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖏᑕ ᑭᖑᓪᓕᕐᐹᖓᓐᓂ, ᐱᕕᒃᔪᐊᖑᓂᕐᐸᐅᓕᕐᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐃᒥᕈᒃᑐᖃᕐᐸᑦ, ᐅᕙᓐᓄᑦ ᕾᓕᕐᓕ ᐃᒥᕐᓂᐊᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 8:47

ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᕐᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:34

ᑐᖁᖓᔪᓂᑦ ᐆᒻᒪᕐᑎᓐᓇᒥᐅᒃ, ᐅᑎᒃᑲᓐᓂᕐᓂᐊᕐᓂᕋᕈᓐᓃᕐᓗᒍ ᑐᖁᒧᑦ ᑎᒥᒥᒃ ᐃᒍᓇᕐᑎᑦᓯᔪᒧᑦ, ᑭᖑᓂᖓᓂ ᐃᒫᒃ ᐅᖃᓚᐅᕐᐳᖅ: ‘ᑐᓂᓯᕕᒋᓂᐊᕐᐸᑦᓯ ᓮᒻᒪᕐᑎᓪᓗᓯ ᑍᕕᑎᒧᑦ ᐊᖏᕈᑎᒋᓚᐅᕐᑕᓐᓂᒃ.’

ᕉᒪᒥᐅᓄᑦ 10:5

ᒨᓯᓯ ᑎᑎᕋᓚᐅᕐᒪᑦ ᐃᓄᒃ ᒎᑎᒧᑦ ᐃᓗᐊᓂᕋᕐᑕᐅᔪᒪᓗᓂ ᐃᓅᓯᖃᕋᓱᐊᕐᑐᖅ ᐱᖁᔭᑎᒍᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.”

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,