ᐂᓮᐊᓯᐅᑉ ᐊᒡᓚᖏᑦ 54:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 54:7 Iomraidhean Croise

ᐃᓐᖏᕈᑎᑦ 106:47

ᐱᐅᓕᓚᐅᕐᑎᒍᑦ, ᐊᑕᓃᖅ ᒎᑎᕗᑦ, ᑲᑎᕐᓱᓚᐅᕐᑎᒍᓪᓗ ᐃᓅᖃᑎᒌᒡᔪᐊᑦ ᐊᑯᕐᖓᓐᓂᑦ, ᐊᑎᕐᓂᒃ ᐃᑦᔪᕐᓁᑦᑐᒥᒃ ᖁᔭᓕᑦᔪᑎᖃᓕᖁᓪᓗᑕ, ᓂᕐᑐᐃᓕᖁᓪᓗᑕᓗ ᓂᕐᑐᕐᑕᐅᔪᒃᓴᐅᓃᑦ ᒪᓕᒡᓗᒍ.

ᐃᓐᖏᕈᑎᑦ 107:3

ᓄᓇᓂᓪᓗ ᑲᑎᕐᓱᓚᐅᕐᑕᖏᑦ, ᓯᕿᓂᐅᑉ ᓄᐃᕕᐊᓂᑦ, ᓂᐱᕕᐊᓂᓪᓗ, ᐅᓐᓄᐊᓪᓗᐊᒥᑦ ᐅᓪᓗᓪᓗᐊᒥᓪᓗ.

ᐃᓐᖏᕈᑎᑦ 30:5

ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.

ᐃᓐᖏᕈᑎᑦ 30:6

ᐊᔪᕈᓐᓃᑦᓯᐊᕋᒪ, ᐅᖃᓚᐅᕐᐳᖓ, “ᐊᐅᓚᑕᐅᓂᐊᓐᖏᓚᖓ.”

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 26:20

ᐃᒡᓗᑦᓯᓐᓄᑦ ᐃᑎᐅᖅᑲᓕᕆᑦᓯ, ᐃᓄᖁᑎᒃᑲ, ᐃᑎᕈᑦᓯ ᐅᒃᑯᐊᓯ ᐅᒃᑯᐊᕐᓗᒋᑦ; ᐃᔨᕐᓯᒪᑬᓐᓇᕆᑦᓯ ᒎᑎᐅᑉ ᓂᓐᖓᐅᒪᓂᖓ ᐊᓂᒍᕐᓯᐊᕆᓗᒍ.

ᐂᓮᐊᓯᐅᑉ ᐊᒡᓚᖏᑦ 27:12

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑰᖕᒥᑦ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑦᑕ ᑭᒡᓕᖓ ᑎᑭᓪᓗᒍ, ᐊᑕᓂᐅᑉ ᐃᓄᖁᑎᓂ ᐊᑕᐅᓯᐅᓈᕐᑎᕐᓗᒋᑦ ᑲᑎᕐᓱᕈᒫᕐᐰᑦ, ᓂᐊᖂᔭᒃᓴᒥᒃ ᐃᕖᔧᑦᔪᑎᑐᑦ ᐃᕖᔧᕕᖕᒥ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 49:13

ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 49:21

ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 56:8

ᐃᒫᒃ ᐊᑕᓂᖅ ᒎᑎ ᐅᖃᕐᒪᑦ, ᑖᓐᓇ ᑲᑎᕐᓱᐃᔪᖅ ᐃᓴᕆᐊᓕᒥᐅᑦ ᐊᓂᑎᓯᒪᔭᖏᓐᓂᒃ, “ᑲᑎᕐᓱᐃᕕᒋᔪᒫᕆᕙᒃᑲ ᑲᑎᕐᓱᕐᑕᐅᓯᒪᓕᕇᕐᑐᑦ ᐊᓯᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 60:10

ᔫᑎᐅᖏᑦᑐᑦ ᐊᕙᓗᕐᔪᐊᖁᑎᑦᓯᓐᓂᒃ ᓴᓇᔪᒫᕐᐳᑦ, ᐊᖓᔪᖅᑳᕐᔪᐊᖏᑕ ᐱᔨᑦᓯᕋᕈᒫᕐᐹᓯ; ᐃᓕᑦᓯᓐᓂᒃ ᓂᓐᖓᒃᕕᖃᕐᓂᓐᓄᑦ ᓱᒋᐊᓚᐅᕋᑦᓯ, ᐱᑦᓯᐊᕐᓂᓐᓄᓪᓕ ᓈᒃᑭᒋᓚᐅᕐᐸᑦᓯ.

ᐂᓮᐊᓯᐅᑉ ᐊᒡᓚᖏᑦ 60:4

ᐊᕙᒻᒧᑦ ᑕᑯᑦᓯᐊᕆᐊᓕᕆᑦᓯ, ᑕᑯᓗᓯᓗ; ᑲᑎᕙᓪᓕᐊᔪᓂᒃ ᕾᔪᓂᒡᓗ ᐃᓕᑦᓯᓐᓄᑦ; ᐃᕐᓂᓯ ᐅᖓᓯᒃᑐᒥᑦ ᕾᔪᒫᕐᐳᑦ, ᐸᓂᓯᓗ ᐊᒡᔭᕐᑕᐅᓗᑎᒃ ᐰᕆᔨᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 62:4

ᖁᔭᓈᕐᑕᐅᓯᒪᔪᓂᒃ ᑍᔭᐅᔪᓐᓁᕈᒫᕐᐳᓯ, ᓄᓇᓯᓗ ᓱᓇᖃᖏᑦᑐᒃᑯᕕᖕᒥᒃ ᐅᖃᐅᓯᐅᕙᒍᓐᓃᕐᓗᓂ; ᑍᔭᐅᖔᖃᑦᑕᓕᕈᒫᕐᐳᓯ ᖁᕕᐊᒋᔭᕋ ᑕᕝᕙᓃᑉᐳᖅ, ᓄᓇᓯᓗ ᑍᔭᐅᓗᓂ ᑲᑎᑎᑕᐅᓯᒪᓕᕐᑐᒥᒃ, ᐊᑕᓂᐅᑉ ᖁᕕᐊᒋᔪᒫᕐᒪᓯ, ᓄᓇᓯᓗ ᑲᑎᑎᑕᐅᖃᑎᖃᕐᓯᒪᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 63:7

ᐊᑕᓂᐅᑉ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐅᓂᒃᑲᐅᓯᕆᔪᒪᕙᕋ, ᐊᑕᓂᐅᓪᓗ ᓂᕐᑐᕐᓇᕐᓂᖓ, ᐊᑕᓂᐅᓪᓗ ᐱᓂᐊᕐᓂᕆᓯᒪᔭᓕᒫᖏᑦ ᐅᕙᑦᑎᓐᓄᑦ, ᐱᑦᓯᐊᕐᓂᕆᖃᑦᑕᕐᓯᒪᔭᖏᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᖏᓐᓄᑦ ᐱᓂᐊᕐᓂᕆᕙᓚᐅᕐᑕᖏᑦ ᑖᒃᑯᓂᖓ ᓂᑲᒍᓱᖕᓂᕐᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 66:18

“ᐱᓂᐊᕐᓂᖏᑦ ᐃᓱᒪᒋᔭᖏᓪᓗ ᖃᐅᔨᒪᒐᒃᑭᑦ, ᑎᑭᑦᓱᒫᕐᐳᖓᓗ ᐃᓅᖃᑎᒌᒡᔪᐊᑦ ᐅᖃᐅᓯᖃᑎᒌᖏᑦᑐᓪᓗ ᑕᒪᕐᒥᒃ ᑲᑎᑎᑦᓴᕐᑐᕐᓗᒋᑦ; ᕾᒍᑎᒡᓗ ᓂᕐᑐᕐᓇᕐᓂᕐᔪᐊᕋ ᑕᑯᔪᒫᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 51:5

ᐃᓴᕆᐊᓕᒥᐅᑦ ᔫᑕᒥᐅᓪᓗ ᕿᒪᒃᑕᐅᓯᒪᓐᖏᓚᑦ ᒎᑎᒥᖕᓄᑦ ᐊᑕᓂᕐᒧᑦ ᐊᔪᒐᖃᖏᑦᑐᕐᔪᐊᕐᒧᑦ ᓄᓇᖓᑦ ᐸᓯᔭᒃᓴᐅᒐᓗᐊᕐᑎᓪᓗᒍ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦᑕ ᓵᖓᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:31

ᐊᑕᓂᖅ ᓇᕐᕈᒋᔭᖃᓐᖏᓚᖅ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32

ᕿᒃᓵᒃᑎᓚᐅᕋᓗᐊᕐᓗᓂᑎᒍᑦ, ᐃᓚᑦᓱᒍᓱᒍᒫᕐᐳᖅ ᓇᒡᓕᒍᓱᖕᓂᖓ ᐃᓱᖃᖏᑦᑑᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 36:24

ᐃᓅᖃᑎᒌᒡᔪᐊᓂᑦ ᐂᔪᒫᕐᐸᑦᓯ, ᑲᑎᕐᓱᕈᒫᕐᐸᑦᓯᓗ ᓄᓇᓕᒡᔪᐊᓕᒫᓂᑦ, ᓇᖕᒥᓂᕐᓗ ᓄᓇᑦᓯᓐᓄᑦ ᐅᑎᕐᑎᑦᓱᒫᕐᐸᑦᓯ.

ᒤᑲᐅᑉ ᐊᒡᓚᖏᑦ 4:6

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑐᓯᐊᑦᑐᑦ ᑲᑎᒪᑎᑦᓱᒫᕐᐸᒃᑲ ᐊᐅᓪᓚᕈᑦᔭᐅᓯᒪᔪᑦ ᐋᓐᓂᐊᑎᓚᐅᕐᑕᒃᑲᓗ ᑲᑎᕐᓱᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”

ᐲᑦᑐᕉᓯ ᐂᑉᐸᖏᑦ 3:8

ᐊᑕᐅᓯᕐᓕ ᐅᓇ ᐳᐃᒍᕐᑍᓕᓯᐅᒃ, ᓇᒡᓕᖕᓇᕐᑐᓯ, ᐊᑕᓂᕐᒧᑦ ᐅᓪᓗᖅ ᐊᑕᐅᓯᖅ ᐊᕐᕌᒍᑎᑐᑦ 1,000ᑎᑐᑦ ᑍᒤᒻᒪᑦ; ᐊᕐᕌᒍᐃᓪᓗ 1,000 ᐅᓪᓗᑐᑦ ᐊᑕᐅᓯᕐᑐᑦ ᑍᒤᓪᓗᑎᒃ.