ᐂᓮᐊᓯᐅᑉ ᐊᒡᓚᖏᑦ 54:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐃᓐᖏᓕᕆᑦ ᕿᑐᕐᖏᓱᐃᑦᑑᒐᕕᑦ, ᕿᑐᕐᖓᕐᑖᓚᐅᕐᓯᒪᖏᑦᑐᑎᑦ ᐃᓐᖏᕐᓯᓗᑎᑦ ᕾᒐᓛᓕᕆᑦ ᖁᕕᐊᓱᖕᓂᕐᒧᑦ, ᐃᕐᓂᓱᖕᓂᐅᑉ ᐋᓐᓂᐊᓇᕐᓂᖓᓂᒃ ᖃᐅᔨᓚᐅᕐᓯᒪᖏᑦᑐᑎᑦ! ᕿᑐᕐᖏᓱᐃᑦᑐᖅ ᑭᖑᕚᖃᕐᓂᕐᓴᐅᓂᐊᕐᒪᑦ ᐅᐃᓕᖕᒥᑦ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 54:1 Iomraidhean Croise

ᒨᓯᓯ ᓯᕗᓪᓖᑦ 21:6

ᓵᕋᓗ ᐅᖃᕐᐳᖅ, “ᒎᑎᐅᑉ ᖁᖓᒍᓐᓇᕐᓯᑎᑉᐹᖓ, ᑐᓴᕐᑐᓪᓗ ᑕᒪᕐᒥᒃ ᐅᕙᓐᓄᑦ ᖁᖓᖃᑕᐅᔪᒫᓕᕐᐳᑦ.”

ᐃᓐᖏᕈᑎᑦ 113:9

ᐊᕐᓇᒥᒃ ᕿᑐᕐᖏᓱᐃᑦᑐᒥᒃ ᐊᖏᕐᕋᕐᑖᑦᑎᑦᓯᔪᖅ, ᖁᕕᐊᓱᒻᒪᕆᒡᓗᓂ ᐊᓈᓇᒋᔭᐅᖁᓪᓗᒍ ᕿᑐᕐᖓᖏᓐᓄᑦ. ᐊᑕᓂᖅ ᓂᕐᑐᕐᑕᐅᓕ!

ᓲᓗᒨᓂᐅᑉ ᐃᓐᖏᕈᓯᖏᑦ 8:8

ᓇᔭᑯᓗᖃᕐᐳᒍᑦ, ᓱᓕ ᐃᕕᐊᖏᖏᒃ ᐱᕈᕐᓯᒪᖏᑦᑑᒃ. ᖃᓄᕐᓕ ᐱᓛᓕᕐᐱᑖ ᓇᔭᑯᓗᑦᑎᓐᓂᒃ, ᐅᓪᓗᒥ ᑍᑦᓱᒪᓂ ᐱᔪᒪᔭᐅᓕᕐᐸᑦ?

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 24:14

ᐊᒥᐊᒃᑯᑐᐊᖑᔪᑦ ᖁᕕᐊᓱᒡᓗᑎᒃ ᐃᓐᖏᕈᒫᕐᐳᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ ᐅᖃᐅᓯᖃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 44:23

ᕿᓚᖕᒥᐅᑕᐅᔪᓯ, ᐃᓐᖏᕆᑦᓯ, ᐊᑕᓂᐅᑉ ᐱᔭᕇᑦᓯᐊᕐᒪᒍ; ᕾᒐᓛᓚᐅᕆᑦᓯ ᓄᓇᐅᑉ ᐃᑎᓂᖓᓃᑦᑐᓯ; ᓂᓪᓕᐊᓂᓯ ᐃᓐᖏᕐᓂᓐᖑᕐᑎᓕᓯᐅᒃ, ᐃᓕᑦᓯ ᖃᖅᑲᐅᔪᓯ, ᓇᐹᕐᑐᒐᓴᒡᔪᐊᓪᓗ ᓇᐹᕐᑐᐃᓪᓗ ᐊᑐᓂᑦ! ᐊᑕᓂᐅᑉ ᔧᑯᒃᑯᑦ ᓂᐅᕕᐊᕆᓪᓗᒋᑦ ᐅᑎᕐᑎᒻᒪᒋᑦ, ᓂᕐᑐᕐᓇᕐᓂᕐᔪᐊᓂᓗ ᓴᖅᑭᑎᒻᒪᒍ ᐃᓴᕆᐊᓕᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 49:13

ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 49:19

ᓄᓇᖁᑎᓯ ᓯᖁᑦᑎᕐᑕᐅᓯᒪᔪᖅ ᐃᓄᖃᕈᓐᓃᕐᓯᒪᔪᕐᓗ, ᓱᓇᒃᓴᐅᔪᓐᓃᕐᑎᑕᐅᓯᒪᓪᓗᓂ, ᓄᓇᑖᕐᑐᕐᑐᓄᑦ ᓄᓇᑭᒃᓴᓕᕈᒫᕐᐳᓯ; ᐃᓕᑦᓯᓐᓂᒡᓗ ᓄᖑᕈᑦᔨᓚᐅᕐᑐᑦ ᐅᖓᓯᒃᑐᐊᓗᖕᒦᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 49:20

ᕿᑐᕐᖓᓯ ᖁᕕᐊᓇᖏᑦᑐᕐᓯᐅᕐᑎᓪᓗᓯ ᐃᓅᓯᒪᔪᑦ, ᑐᓵᑎᓪᓗᓯ ᐅᖃᕈᒫᕐᐳᑦ: ‘ᓄᓇᖁᑎᑦᑎᓐᓂᒃ ᒥᑭᒃᓴᓗᐊᓕᕋᑦᑕ; ᓄᓇᑖᕐᑎᑕᐅᒃᑲᓐᓂᓚᐅᕐᑕ ᐃᒡᓗᖃᕐᕕᒃᓴᑦᑎᓐᓂᒃ.’

ᐂᓮᐊᓯᐅᑉ ᐊᒡᓚᖏᑦ 62:4

ᖁᔭᓈᕐᑕᐅᓯᒪᔪᓂᒃ ᑍᔭᐅᔪᓐᓁᕈᒫᕐᐳᓯ, ᓄᓇᓯᓗ ᓱᓇᖃᖏᑦᑐᒃᑯᕕᖕᒥᒃ ᐅᖃᐅᓯᐅᕙᒍᓐᓃᕐᓗᓂ; ᑍᔭᐅᖔᖃᑦᑕᓕᕈᒫᕐᐳᓯ ᖁᕕᐊᒋᔭᕋ ᑕᕝᕙᓃᑉᐳᖅ, ᓄᓇᓯᓗ ᑍᔭᐅᓗᓂ ᑲᑎᑎᑕᐅᓯᒪᓕᕐᑐᒥᒃ, ᐊᑕᓂᐅᑉ ᖁᕕᐊᒋᔪᒫᕐᒪᓯ, ᓄᓇᓯᓗ ᑲᑎᑎᑕᐅᖃᑎᖃᕐᓯᒪᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 66:7

“ᐃᕐᓂᓱᒡᕕᒃᓴᖓ ᑎᑭᓚᐅᕐᑎᓐᓇᒍ ᓄᑕᕋᕐᑖᕐᐳᖅ, ᐃᕐᓂᓱᖕᓂᐅᑉ ᐋᓐᓂᐊᓇᕐᓂᖓ ᑎᑭᓚᐅᕐᑎᓐᓇᒍ ᐃᕐᓂᕐᑖᕐᓗᓂ.

ᔨᐸᓁᐊᐅᑉ ᐊᒡᓚᖏᑦ 3:14

ᐃᓐᖏᕆᑦ, ᓮᐅᓂᐅᑉ ᐸᓂᖓ! ᕾᒐᓛᕆᑦ ᐃᓴᕆᐊᓖ! ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᕐᑐᕐᓗᑎᑦ, ᔨᕉᓴᓕᐅᑉ ᐸᓂᖓ!

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒐᓔᑎᐊᒥᐅᓄᑦ 4:27

ᐊᒡᓔᑦ ᑎᑎᕋᕐᓯᒪᖕᒪᑕ, “ᐊᕐᓈᖅ ᕿᑐᕐᖏᓱᐃᑦᑐᑎᑦ ᖁᕕᐊᓱᒋᑦ; ᕾᒐᓛᕐᓗᑎᑦ ᓂᓪᓕᐊᒋᑦ, ᐃᕐᓂᓱᖕᓂᕐᒧᑦ ᐋᓐᓂᐊᓚᐅᕐᓯᒪᖏᑦᑐᑎᑦ; ᐊᕐᓇᖅ ᑐᓄᑕᐅᓯᒪᔪᕕᓂᖅ ᕿᑐᕐᖏᐅᕐᓂᕐᓴᐅᖕᒪᑦ ᐊᕐᓇᐅᖃᑎᒥᓂᑦ ᐅᐃᒥᓄᑦ ᕿᒪᒃᑕᐅᓚᐅᕐᓯᒪᖏᑦᑐᒥᑦ.”

ᓴᒧᐃᓕ ᓯᕗᓪᓖᑦ 2:5

ᐃᓄᐃᑦ ᓂᕆᑦᓯᐊᕐᐸᓚᐅᕐᑐᑦ ᐃᖅᑲᓁᔭᓕᕐᐳᑦ ᓂᕿᑖᕈᒪᒧᑦ, ᑳᒃᐸᓚᐅᕐᑐᑦ ᑳᒍᓐᓃᕐᐳᑦ. ᕿᑐᕐᖏᓱᐃᑦᑐᖅ ᕿᑐᕐᖓᕐᑖᕐᐳᖅ 7ᓂᒃ, ᕿᑐᕐᖓᖃᕐᑐᓪᓕ ᐅᓄᕐᑐᓂᒃ ᓄᖑᕈᑎᕗᖅ.