ᐂᓮᐊᓯᐅᑉ ᐊᒡᓚᖏᑦ 53:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᑭᓕᕐᓱᕐᑕᐅᓚᐅᕐᐳᖅ ᓈᓚᒍᒪᖏᓐᓂᑦᑎᓐᓄᑦ, ᑭᓪᓕᐊᔭᐅᓚᐅᕐᐳᖅ ᐊᔪᕐᑐᓕᓂᑦᑎᓐᓄᑦ; ᓱᒋᐊᕐᑕᐅᓚᐅᕐᓂᖓᓄᑦ ᐃᓗᐃᑦᑐᕈᕐᑎᑕᐅᕗᒍᑦ, ᑏᒐᕐᑐᕐᑕᐅᓂᖏᓐᓄᓪᓗ ᐋᖅᑭᒃᑕᐅᓪᓗᑕ.

ᐂᓮᐊᓯᐅᑉ ᐊᒡᓚᖏᑦ 53:5 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᔫᐱᐅᑉ ᐊᒡᓚᖏᑦ 33:24

ᑖᓐᓇ ᓂᑲᒋᓗᒍ ᐅᖃᕐᕕᒋᔪᒪᓪᓗᓂᐅᒃ, ᐅᖃᕐᓗᓂ, ‘ᓴᒃᑯᓕᕈᒃ! ᐅᓇ ᑐᖁᖓᔪᑦ ᐃᓂᖓᓄᐊᕐᓂᐊᖏᑦᑐᖅ, ᑕᓱᕐᑕᐅᑦᔪᑎᒃᓴᖓᓂᒃ ᓇᒡᕚᕐᐳᖓ;

ᐃᓐᖏᕈᑎᑦ 30:2

ᐊᑕᓃᖅ, ᒎᑎᒐ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᒐᒪ, ᑕᕝᕙ ᑎᒥᒃᑯᑦ ᐋᖅᑭᓚᐅᕐᐸᕐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:30

ᐊᓇᐅᔭᐅᓂᐅᑉ ᐋᓐᓂᕐᓇᕐᓂᖓ ᐱᐅᖏᑦᑐᓕᓂᕐᓂᒃ ᓴᓗᒻᒪᕐᓮᕗᖅ, ᑏᒐᕐᑐᕐᑕᐅᓃᓪᓗ ᓴᓗᒻᒪᕐᓮᒋᕗᑦ ᐃᓗᒥᐅᑕᕐᓂᒃ ᑕᑯᒃᓴᐅᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 6:7

ᖃᓂᕋᓗ ᐊᐅᒪᒧᑦ ᐊᒃᑐᕐᓗᒍ ᐅᖃᕐᐳᖅ, “ᑕᑯᒋᑦ, ᐆᒪ ᖃᓃᑦ ᐊᒃᑐᕐᒪᒍ; ᐊᔪᕐᑐᓕᓂᑎᑦ ᐲᕐᑕᐅᕗᑦ, ᐊᔪᕐᓂᑎᓪᓗ ᐃᓱᒪᒋᔪᓐᓁᕐᑕᐅᕗᑦ.”

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᕉᒪᒥᐅᓄᑦ 4:25

ᑖᓐᓇ ᑐᖁᑕᐅᓚᐅᕐᐳᖅ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᒪᑭᑎᑕᐅᓚᐅᕆᕗᖅ ᒎᑎᒧᑦ ᐸᓯᔭᒃᓴᐅᔪᓐᓃᖁᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:3

ᐱᔭᕆᐊᖃᓪᓚᕆᒃᑐᑦ ᑐᓂᕐᕈᓯᐊᕆᓚᐅᕐᑕᒃᑲ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ, ᐃᒫᒃ ᙭ᔅᑑᓯ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᑐᖁᓚᐅᕐᐳᖅ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᒨᓯᓯ ᑕᓪᓕᒪᖏᑦ 11:2

ᐅᓪᓗᒥ ᐃᖅᑲᐅᒪᓚᐅᕐᓯᐅᒃ ᑐᑭᓯᓚᐅᕐᑕᓯ ᐊᑕᓂᐅᑉ ᐊᑐᕐᑕᑦᓯᒍᑦ ᐋᖅᑭᒃᓱᐃᓯᒪᓂᖏᑦ. ᕿᑐᕐᖓᓯᐅᖏᑦᑐᖅ, ᑕᒪᒃᑯᓂᖓ ᐊᑐᓚᐅᕋᑦᓯ. ᑕᑯᓚᐅᕋᑦᓯ ᐊᑕᓂᐅᑉ ᒎᑎᑦᓯ ᐊᔪᖏᑦᑐᕐᔪᐊᖑᓂᖓᓂᒃ, ᐱᔪᓐᓇᕐᓂᕐᔪᐊᖓᓂᒡᓗ, ᐊᔪᒐᖃᖏᑦᑐᕐᔪᐊᖑᓂᖓᓂᒡᓗ,

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐄᑉᕈᐃᓄᑦ 10:14

ᑐᓂᕐᕈᓯᕐᓂᕐᒧᑦ ᐊᑕᐅᓯᕐᒧᑦ ᐃᑦᔪᕐᓁᑎᑕᐅᓂᐊᕐᑐᑦ ᑕᐅᕗᖓᓕᒫᖅ ᓈᒻᒪᒃᓯᑎᓚᐅᕐᐰᑦ.

ᐄᑉᕈᐃᓄᑦ 5:8

ᒎᑎᒧᓪᓕ ᐃᕐᓂᐅᒐᓗᐊᕐᓗᓂ, ᓈᓚᒋᐊᖃᕐᓂᕐᒥᒃ ᐃᓕᓐᓂᐊᓚᐅᕐᐳᖅ ᐋᓐᓂᐊᑎᑕᐅᓂᕐᒥᒍᑦ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;