ᐂᓮᐊᓯᐅᑉ ᐊᒡᓚᖏᑦ 53:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 53:2 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:1

ᐱᕈᓕᕐᑐᖃᕈᒫᕐᐳᖅ ᔨᓯᐅᑉ ᓇᐹᕐᑐᕕᓂᖓᑕ ᑭᐱᔭᐅᓂᖓᓂᑦ, ᐊᕙᓚᖓᔪᒥᒃ ᐱᕈᕐᑐᖃᕈᒫᕐᐳᖅ ᐊᒫᖓᓂᑦ ᓴᖅᑭᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 52:14

ᑍᒫᒃᑕᐅᖅ ᐅᓄᕐᑐᓄᑦ ᑕᑕᒥᓂᐊᕈᑕᐅᓚᐅᕐᐳᖅ, ᑮᓇᖓᑕ ᑕᐅᑦᑐᐊ ᐊᓯᑦᔨᕐᑕᐅᓚᐅᕐᒪᑦ ᐃᓅᑉ ᑕᐅᑦᑐᕆᕙᒃᑕᖓᑐᑦ ᑍᒤᑦᓱᓐᓃᕐᓗᓂ, ᐃᓅᓂᖓᑕᓗ ᑕᐅᑦᑐᐊ ᐃᓅᑉ ᐃᕐᓂᖏᑎᑐᑦ ᑍᒤᑦᓱᓐᓃᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 6:12

ᐅᖃᐅᑎᒍᒃ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᒪᑦ, “ᐅᓇ ᐊᖑᑦ ᓇᐹᕐᑑᑉ ᐊᕙᓚᖓᔪᐊᓂᒃ ᐊᑎᖃᕐᐳᖅ, ᐃᓂᒋᔭᒥᓂᑦ ᐱᕈᕐᐸᓪᓕᐊᔪᒫᕐᒪᑦ ᑐᒃᓯᐊᕐᕕᒡᔪᐊᓕᐅᕐᓗᓂᓗ ᐊᑕᓂᕐᒧᑦ.

ᒫᑯᓯᐅᑉ ᐊᒡᓚᖏᑦ 6:3

ᕿᔪᓕᕆᔨᐅᓐᖏᓛᖅ ᒥᐊᕆᐅᑉ ᐃᕐᓂᖓ ᖃᑕᓐᖑᑎᖏᓪᓗ ᔧᒥᓯ, ᔫᓯᓗ, ᔫᑕᓯᓗ, ᓮᒨᓂᓗ ᓇᔭᖏᓪᓗ ᓇᔪᕐᑎᒋᓐᖏᓚᕘᑦ?” ᑍᒤᒻᒪᑦ ᑲᒪᒋᔪᒪᔪᓐᓃᕐᐹᑦ.

ᒫᑯᓯᐅᑉ ᐊᒡᓚᖏᑦ 9:12

ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᕐᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᕐᐸᑦ ᐃᓅᑉ ᐃᕐᓂᖓᓂᒃ, ᐅᓄᕐᑐᓄᑦ ᐋᓐᓂᐊᑎᑕᐅᔪᒫᕐᓂᖓᓂᒃ ᓇᕐᕈᒋᔭᐅᔪᒫᕐᓂᖓᓂᒡᓗ?

ᓘᑲᓯᐅᑉ ᐊᒡᓚᖏᑦ 2:7

ᑕᕝᕙᓂ ᓄᑕᕋᕐᑖᕆᐅᕈᑎᒥᓂᒃ ᐃᕐᓂᕐᑖᕐᐳᖅ, ᐊᓐᓄᕌᓂᒃ ᐃᒻᒧᓯᕐᐹ, ᐆᒪᔪᐃᑦ ᓂᕆᕕᖓᓄᑦ ᐃᓕᓪᓗᒍ, ᓯᓂᒃᑕᕐᕕᖕᒥ ᐃᓂᒃᓴᖃᖏᓐᓇᒥᒃ.

ᓘᑲᓯᐅᑉ ᐊᒡᓚᖏᑦ 9:58

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᖢᑎᒃ; ᐃᓅᓪᓕ ᐃᕐᓂᖓ ᓇᓂᑐᐃᓐᓇ ᓯᓂᒡᕕᒃᓴᖃᓐᖏᓚᕐᓘᓐᓃᑦ.”

ᔪᐊᓇᓯᐅᑉ ᐊᒡᓚᖏᑦ 18:40

ᑕᕝᕙ ᕾᒐᓛᓕᕐᐳᑦ, “ᑖᑦᓱᒥᖓᐅᖏᑦᑐᖅ, ᐸᕋᐹᓯᒥᒡᓕ!” (ᐸᕋᐹᓯᓕ ᐱᕋᔭᐅᕗᖅ.)

ᔪᐊᓇᓯᐅᑉ ᐊᒡᓚᖏᑦ 19:5

ᑕᕝᕙ ᔩᓱᓯ ᐊᓂᕗᖅ, ᓂᐊᖂᓯᔭᕐᓗᓂ ᑲᑭᓪᓚᐅᑎᓕᖕᓂᒃ ᐅᓕᒡᔪᐊᖃᕐᓗᓂᓗ ᐊᐅᐸᓪᓚᕆᒃᑐᒥᒃ. ᐰᓛᑑᓯ ᐃᓄᖕᓄᑦ ᐅᖃᕐᐳᖅ, “ᑕᑯᓕᕐᓯᐅᒃ ᐊᖑᑦ ᐅᓇ!”

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᐲᑦᑐᕉᓯ ᓯᕗᓪᓖᑦ 2:14

ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᕐᒧᑦ ᓂᕈᐊᕐᑕᐅᓯᒪᖕᒪᑕ ᓱᒋᐊᕐᓯᔨᐅᖁᓪᓗᒋᑦ ᐱᐅᖏᑦᑐᓕᔪᓂᒃ ᐅᐱᒍᓱᒍᓐᓇᖁᓪᓗᒋᑦ ᐱᑦᓯᐊᕐᑐᓂᑦ.