ᐂᓮᐊᓯᐅᑉ ᐊᒡᓚᖏᑦ 52:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᐅᑦᓯᒃᑯᑦ ᐃᓐᖏᓕᕆᑦᓯ ᖁᕕᐊᓱᖕᓂᕐᒧᑦ, ᓯᖁᒥᓯᒪᔪᓯ ᔨᕉᓴᓕᒻ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᓴᕐᒪᒋᑦ, ᔨᕉᓴᓕᒻᓗ ᓂᐅᕕᐊᕆᓪᓗᒍ ᐅᑎᕐᑎᒻᒪᒍ.

ᐂᓮᐊᓯᐅᑉ ᐊᒡᓚᖏᑦ 52:9 Iomraidhean Croise

ᐃᓐᖏᕈᑎᑦ 102:22

ᐃᓄᐃᑦ ᑲᑎᖃᑎᒌᒃᐸᑕ, ᐊᖓᔪᖅᑲᐅᕖᓪᓗ, ᑐᒃᓯᐊᕆᐊᕐᑐᕐᓗᑎᒃ ᐊᑕᓂᕐᒧᑦ.

ᐃᓐᖏᕈᑎᑦ 98:4

ᓄᓇᕐᔪᐊᕐᒥᐅᓕᒫᖑᔪᓯ ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ; ᐃᓐᖏᕆᑦᓯ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓗᓯ ᓂᕐᑐᐃᓗᓯᓗ!

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 14:7

ᓄᓇᕐᔪᐊᓕᒫᖅ ᑕᕾᕐᓯᕐᓇᕐᓯᕗᖅ ᓂᐰᑦᑑᓕᕐᓗᓂ; ᐃᓄᐃᑦ ᖁᕕᐊᓱᖕᓂᕐᒧᑦ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 40:1

“ᒪᓂᒍᕐᑕᐅᓕᑦ, ᐄᓛᒃ ᒪᓂᒍᕐᑕᐅᓕᑦ ᐃᓄᖁᑎᒃᑲ!” ᒎᑎᓯ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᐂᓮᐊᓯᐅᑉ ᐊᒡᓚᖏᑦ 44:23

ᕿᓚᖕᒥᐅᑕᐅᔪᓯ, ᐃᓐᖏᕆᑦᓯ, ᐊᑕᓂᐅᑉ ᐱᔭᕇᑦᓯᐊᕐᒪᒍ; ᕾᒐᓛᓚᐅᕆᑦᓯ ᓄᓇᐅᑉ ᐃᑎᓂᖓᓃᑦᑐᓯ; ᓂᓪᓕᐊᓂᓯ ᐃᓐᖏᕐᓂᓐᖑᕐᑎᓕᓯᐅᒃ, ᐃᓕᑦᓯ ᖃᖅᑲᐅᔪᓯ, ᓇᐹᕐᑐᒐᓴᒡᔪᐊᓪᓗ ᓇᐹᕐᑐᐃᓪᓗ ᐊᑐᓂᑦ! ᐊᑕᓂᐅᑉ ᔧᑯᒃᑯᑦ ᓂᐅᕕᐊᕆᓪᓗᒋᑦ ᐅᑎᕐᑎᒻᒪᒋᑦ, ᓂᕐᑐᕐᓇᕐᓂᕐᔪᐊᓂᓗ ᓴᖅᑭᑎᒻᒪᒍ ᐃᓴᕆᐊᓕᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 49:13

ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 51:12

ᐅᕙᖓ, ᑖᓐᓇᐅᕗᖓ ᓮᒻᒪᕐᑎᑦᓯᔪᖅ ᐃᓕᑦᓯᓐᓂᒃ; ᓱᖕᒪᑦ ᓯᕘᕋᕕᑦ ᐃᓄᖕᒥᒃ ᑐᖁᕙᒃᑐᒥᒃ, ᐃᓅᑉ ᐃᕐᓂᖓᓂᒃ ᐃᕕᒃᓱᒐᕐᑎᑐᑦ ᑍᒤᑦᑐᒥᒃ,

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 55:12

ᖁᕕᐊᓱᒡᓗᓯ ᐊᓂᓕᕈᒫᕐᐳᓯ, ᑕᓯᐅᕐᑕᐅᓗᓯᓗ ᓮᒪᓂᕐᒧᑦ; ᖃᖅᑳᓗᐃᑦ ᐱᖑᐃᓪᓗ ᐃᓐᖏᕐᓯᔪᒫᕐᐳᑦ ᓵᑦᓯᓐᓂ, ᓇᐹᕐᑐᐃᓪᓗ ᐸᑦᑕᒃᑐᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 61:4

ᐃᒡᓗᒐᓴᒡᔪᐊᓂᒃ ᓴᓇᓕᕈᒫᕐᐳᑦ ᐊᑯᓂ ᓯᖁᑦᑎᕐᓯᒪᓕᓚᐅᕐᑐᓂᒃ, ᒪᑭᑎᑦᓯᔪᒫᕐᓗᑎᒡᓗ ᐅᕐᕈᑎᑕᐅᓯᒪᔪᑐᖃᕐᓂᒃ; ᐃᒡᓗᒐᓴᒡᔪᐊᓪᓗ ᓄᑕᐅᓯᓕᕈᒫᕐᐰᑦ ᓯᖁᑦᑎᕐᓯᒪᔪᑦ, ᓯᖁᑦᑎᕐᓯᒪᓚᐅᕐᑐᑦ ᑭᖑᕚᕇᒐᓴᒡᔪᐊᓂ ᐅᓄᕐᑐᓂ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᒤᑲᐅᑉ ᐊᒡᓚᖏᑦ 4:10

ᓮᐅᓂᐅᑉ ᐸᓂᖓ ᐋᓐᓂᐊᕆᑦᓯ ᐋᓐᓂᐊᓂᑦᓯᓐᓄᑦ ᐊᕐᓇᑐᑦ ᐃᕐᓂᓱᒃᑐᑐᑦ ᑍᒤᓐᓂᐊᕐᐳᓯ. ᒫᓐᓇ ᐊᐅᓪᓚᕆᐊᖃᓕᕋᑦᓯ ᐃᒡᓗᒐᓴᖕᓂᑦ, ᐃᓂᖃᓕᕐᓗᓯᓗ ᓇᑎᕐᓇᓂ, ᐹᐱᓘᓂᒧᐊᕈᒫᕐᐳᓯᓗ, ᑍᑲᓂ ᐃᑲᔪᕐᑕᐅᔪᒫᕐᐳᓯ; ᑍᑲᓂᓗ ᐊᑕᓂᐅᑉ ᐱᐅᓕᔪᒫᕐᐹᓯ ᐊᑭᕋᑦᓯ ᐊᒡᒐᖏᓐᓂᑦ.

ᒐᓔᑎᐊᒥᐅᓄᑦ 4:27

ᐊᒡᓔᑦ ᑎᑎᕋᕐᓯᒪᖕᒪᑕ, “ᐊᕐᓈᖅ ᕿᑐᕐᖏᓱᐃᑦᑐᑎᑦ ᖁᕕᐊᓱᒋᑦ; ᕾᒐᓛᕐᓗᑎᑦ ᓂᓪᓕᐊᒋᑦ, ᐃᕐᓂᓱᖕᓂᕐᒧᑦ ᐋᓐᓂᐊᓚᐅᕐᓯᒪᖏᑦᑐᑎᑦ; ᐊᕐᓇᖅ ᑐᓄᑕᐅᓯᒪᔪᕕᓂᖅ ᕿᑐᕐᖏᐅᕐᓂᕐᓴᐅᖕᒪᑦ ᐊᕐᓇᐅᖃᑎᒥᓂᑦ ᐅᐃᒥᓄᑦ ᕿᒪᒃᑕᐅᓚᐅᕐᓯᒪᖏᑦᑐᒥᑦ.”