ᐂᓮᐊᓯᐅᑉ ᐊᒡᓚᖏᑦ 52:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 52:11 Iomraidhean Croise

ᑯᕉᓂᑲ ᓯᕗᓪᓖᑦ 15:12

ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᒨᓯᓯ ᐂᑉᐸᖏᑦ 30:19

ᐂᕉᓂᒃᑯᑦ ᐃᕐᓂᕇᑦ ᐅᐊᓴᖃᑦᑕᖁᓪᓗᒋᑦ ᐊᒡᒐᖕᒥᖕᓂᒃ ᐃᑎᒐᖕᒥᖕᓂᒡᓗ ᑕᕝᕙᓂ.

ᐂᓮᐊᓯᐅᑉ ᐊᒡᓚᖏᑦ 1:16

ᐃᓕᑦᓯᓐᓂᒃ ᐅᐊᓴᓚᐅᕆᑦᓯ; ᓴᓗᒻᒪᑦᓯᐊᕐᓗᓯ; ᐱᐅᖏᑦᑐᖅ ᐲᓚᐅᕐᓯᐅᒃ ᐱᓂᐊᕐᓂᑦᓯᓐᓂᑦ ᐃᔨᒪ ᓵᖓᓂᑦ; ᐊᑏ ᐱᐅᖏᑦᑐᓕᐅᕈᓐᓃᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 31:21

ᐊᖅᑯᑏᑦ ᑎᑎᕋᕐᓯᒪᔪᓂᒃ ᓇᓗᓁᒃᑯᑦᓯᓕᕐᓯᐅᒃ, ᓇᐸᔪᓕᕐᓱᕐᓗᒋᓪᓗ ᐊᖅᑯᓪᓗ ᐊᑐᒐᓪᓚᕆᐅᔪᖅ ᓇᓗᓇᕈᓐᓃᕐᑎᓕᕐᓯᐅᒃ ᐊᑐᕐᐸᒃᑕᓯ, ᐅᑎᓕᕆᑦᓯ, ᐃᓴᕆᐊᓕᑏᑦ, ᐅᑎᓕᕆᑦᓯ ᐃᒡᓗᒐᓴᒡᔪᐊᓄᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 50:8

“ᐹᐱᓘᓂᒥᑦ ᕿᒫᓕᕆᑦᓯ; ᑲᐅᓪᑎᐊᒥᐅᑦ ᓄᓇᖓᑦ ᕿᒪᓕᕐᓯᐅᒃ, ᒎᑦᓰᑦ ᐊᖑᓴᓪᓗᖏᑎᑐᑦ ᐃᓅᖃᑎᓯ ᓯᕗᓕᓕᕐᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 51:45

ᐃᓄᖁᑎᒃᑲ ᑕᕝᕙᓐᖓᑦ ᐊᓂᓕᕆᑦᓯ! ᐅᓪᓚᒃᓯᓕᕆᑦᓯ ᐃᓅᔪᒪᒍᑦᓯ! ᕿᒫᓗᓯ ᐊᑕᓂᐅᑉ ᓂᓐᖓᖕᓂᕐᔪᐊᖓᓂᑦ.

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 44:23

“ᐃᓄᖁᑎᓐᓂᒃ ᐊᔪᕆᕐᑐᐃᖃᑦᑕᕐᑐᒃᓴᐅᕗᑦ ᓱᓇᑦ ᐃᑦᔪᕐᓁᒻᒪᖔᑕ ᓱᓁᓪᓗ ᐃᑦᔪᕐᓁᑦᑑᖏᒻᒪᖔᑕ, ᓱᓁᓪᓗ ᐅᒃᐱᕐᓂᒃᑯᑦ ᓇᕐᕈᓇᕐᒪᖔᑕ ᓱᓁᓪᓗ ᓇᕐᕈᓇᖏᒻᒪᖔᑕ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐱᖓᔪᖏᑦ 11:45

ᐅᕙᖓ ᐊᑕᓂᐅᒐᒪ ᐄᑦᔨᑉᑎᒥᑦ ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ; ᑍᒤᒻᒪᑦ ᐃᑦᔪᕐᓁᒋᑦᓯ, ᐅᕙᖓ ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 11:47

ᐅᑦᔨᕐᓱᑦᓯᐊᕆᐊᖃᕐᐳᓯ ᓇᓪᓕᐊᑦ ᓴᓗᒤᑦᑑᖕᒪᖔᑕ ᓇᓪᓕᐊᓪᓗ ᓴᓗᒪᖕᒪᖔᑕ, ᓇᓪᓕᐊᓪᓗ ᐆᒪᔪᑦ ᓂᕆᔭᐅᔭᕆᐊᖃᕐᒪᖔᑕ, ᓇᓪᓕᐊᓪᓗ ᓂᕆᔭᐅᔭᕆᐊᖃᖏᒻᒪᖔᑕ.”

ᒨᓯᓯ ᐱᖓᔪᖏᑦ 21:6

ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 2:10

ᐊᑕᓂᖅ ᐅᖃᕐᐳᖅ, “ᐃᓐᖏᕆᑦᓯ ᖁᕕᐊᓱᒡᓗᓯ ᓮᐅᓂᒥᐅᖑᔪᓯ! ᕾᓂᐊᕋᒪ ᐃᓂᑦᓯᓐᓂ ᐃᓂᖃᖃᑕᐅᔭᕐᑐᕐᓗᖓ!

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 16:26

ᐃᓄᒋᐊᒃᑐᕐᔪᐊᑦ ᐅᖃᕐᕕᒋᕔᑦ ᐅᖃᕐᓗᓂ, “ᐅᑯᐊ ᐃᓄᐃᑦ ᐱᐅᖏᑦᑐᓕᔪᑦ ᑐᐱᖏᑦ ᕿᒪᒃᓯᐅᒃ! ᐱᒋᔭᖏᓐᓂᒡᓘᓐᓃᑦ ᐊᒃᑐᕐᓯᓂᐊᕋᓯ, ᓄᖑᑕᐅᖁᓇᓯ ᐊᔪᕐᑐᓕᓂᖏᓐᓄᑦ.”

ᒨᓯᓯ ᓯᑕᒪᖏᑦ 19:11

“ᓇᓪᓕᐊᑦ ᐃᓅᑉ ᑎᒥᖓᓂᒃ ᑐᖁᖓᔪᒥᒃ ᐊᒃᑐᕐᓯᔪᖅ ᓴᓗᒤᑦᑑᓂᕋᑕᐅᓂᐊᕐᐳᖅ ᐅᓪᓗᓂᒃ 7ᓂᒃ.

ᒨᓯᓯ ᓯᑕᒪᖏᑦ 19:16

ᓇᓪᓕᐊᓪᓘᓐᓃᑦ ᓇᑎᕐᓇᒥ ᓴᕕᒡᔪᐊᒧᑦ ᑐᖁᑕᐅᔪᒥᒃ ᐊᒃᑐᕐᓯᔪᖅ ᑐᖁᔪᒥᒡᓘᓐᓂᑦ, ᐃᓅᓪᓘᓐᓃᑦ ᓴᐅᓂᖓᓂᒃ, ᐃᓗᕕᕐᒥᒡᓘᓐᓃᑦ, ᓴᓗᒤᑦᑑᓂᐊᕐᐳᖅ ᐅᓪᓗᓂᒃ 7ᓂᒃ.

ᒨᓯᓯ ᓯᑕᒪᖏᑦ 8:6

“ᓕᕔᑎᑦ ᓴᓂᕐᕙᒃᑭᑦ ᐃᓴᕆᐊᓕᐅᑉ ᕿᑐᕐᖓᖏᓐᓂᑦ ᓴᓗᒻᒪᕐᓴᕐᓗᒋᓪᓗ ᑐᒃᓯᐅᑦᔭᐅᓂᒃᑯᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:14

ᐲᑦᑐᕉᓯᐅᑉ ᑭᐅᕚ, “ᐊᑕᓃᖅ ᑍᒤᑦᓱᓐᓇᓐᖏᓚᖓ; ᓂᕆᓚᐅᕐᓯᒪᖏᓐᓇᒪ ᐅᒃᐱᕐᓂᑦᑎᒍᑦ ᓴᓗᒤᓐᓂᕋᕐᑕᐅᔪᓂᒃ ᓂᕆᖁᔭᐅᖏᑦᑐᓂᒃᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:28

ᐲᑦᑐᕉᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᖃᐅᔨᒪᕗᓯ ᔫᑎᑦ ᐱᖁᔭᖏᓐᓂᑦ ᔫᑎᑦ ᔫᑎᐅᖏᑦᑐᒥᒃ ᐃᓚᖃᖁᔭᐅᖏᒻᒪᑕ, ᐳᓛᖃᑦᑕᐅᑎᖁᔭᐅᓇᑎᒡᓗ; ᒎᑎᐅᓪᓕ ᑕᑯᑎᓚᐅᕐᐹᖓ ᐃᓄᖕᓂᒃ ᑭᒃᑯᑐᐃᓇᕐᓂᒃ ᓇᕐᕈᓇᕐᓂᕅᔪᒃᓴᐅᖏᓐᓇᒪ, ᐅᒃᐱᕆᔭᑦᑎᒍᑦ ᓴᓗᒤᓐᓂᕅᔪᒃᓴᐅᖏᓐᓇᒪ.

ᕉᒪᒥᐅᓄᑦ 14:14

ᐊᑕᓂᕐᒥᒃ ᔩᓱᓯᒥᒃ ᐊᑕᐅᓯᐅᖃᑎᖃᕐᓂᓐᓄᑦ ᖁᓚᖏᑦᓯᐊᕐᐳᖓ ᓱᓇᓕᒫᑦ ᐃᒻᒥᓂᒃ ᓴᓗᒤᑦᑑᖏᒻᒪᑕ; ᓴᓗᒤᑦᑑᓇᓱᒋᒃᓯᔪᒧᑦ ᑭᓯᐊᓂ ᓇᓪᓕᐊᓐᓄᑦ ᓴᓗᒤᑦᑑᓕᕐᑎᑕᐅᖕᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:4

ᑕᕝᕙ ᑐᓴᕆᕗᖓ ᓂᐱᒥᒃ ᕿᓚᖕᒥᑦ ᐅᖃᕐᑐᒥᒃ: “ᐃᓄᖁᑎᒃᑲ, ᑖᑦᓱᒪᓐᖓᑦ ᐊᓂᒋᑦᓯ, ᑖᑦᓱᒪ ᐊᔪᕐᑐᓕᓂᖏᓐᓂᒃ ᐃᓚᖏᐅᑎᖁᓇᓯ, ᑲᑉᐱᐊᓱᒃᑎᑕᐅᓂᒃᓴᖓᓂᒡᓗ ᐱᖃᑕᐅᖁᓇᓯ;