ᐂᓮᐊᓯᐅᑉ ᐊᒡᓚᖏᑦ 51:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:5 Iomraidhean Croise

ᐃᓐᖏᕈᑎᑦ 110:6

ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᐃᖅᑲᕐᑐᐃᔪᒫᕐᐳᖅ, ᓄᓇ ᑕᑕᑎᑦᓱᒫᕐᐹ ᑐᖁᖓᔪᑦ ᑎᒥᕕᓂᖏᓐᓂᒃ, ᓄᓇᖃᑎᒌᑦ ᐊᖓᔪᖅᑳᕐᔪᐊᖏᑦ ᓯᖁᒥᑦᓱᒫᕐᐰᑦ.

ᐃᓐᖏᕈᑎᑦ 67:4

ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ

ᐃᓐᖏᕈᑎᑦ 85:9

ᐄᓛᒃ ᑖᑦᓱᒪ ᐱᐅᓕᔭᐅᕕᒃᓴᖃᕐᑎᑦᓯᓂᖓ ᐊᑐᐃᓐᓇᐅᕗᖅ ᓯᕘᕋᔪᓄᑦ ᑖᑦᓱᒥᖓ, ᓂᕐᑐᕐᓇᕐᓂᖅ ᐃᓂᖃᕈᓐᓇᖁᓪᓗᒍ ᓄᓇᑦᑎᓐᓂ.

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 24:15

ᑍᒤᒻᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᑦ ᐊᑕᓂᕐᒥᒃ ᓂᕐᑐᐃᔪᒫᕐᐳᑦ, ᐃᒪᕐᔪᐃᑦ ᓯᓈᓂ ᓄᓇᖃᕐᑐᑦ ᐊᑕᓂᕐᒥᒃ ᓂᕐᑐᐃᓕᕈᒫᕐᐳᑦ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 26:4

ᐊᑕᓂᖅ ᑕᑎᒋᓯᐅᒃ ᐃᓱᖃᖏᑦᑐᒧᑦ, ᑖᓐᓇ ᐊᑕᓂᖅ ᒎᑎᐅᖕᒪᑦ ᔭᕼᐊ! ᐃᓱᖃᖏᑦᑐᒧᑦ ᐱᔪᓐᓇᐅᑎᒃᓴᖅ ᕾᕐᑑᔪᖅ.

ᐂᓮᐊᓯᐅᑉ ᐊᒡᓚᖏᑦ 33:2

ᐊᑕᓃᖅ ᓈᒃᑭᒋᑎᒍᑦ; ᐃᓕᖕᓂᒃ ᓂᕆᐅᒡᕕᖃᕋᑦᑕ, ᐅᓪᓛᑕᒫᑦ ᓴᐳᑎᓯᒪᓚᐅᕐᑎᒍᑦ ᐱᐅᓕᓗᑕᓗ ᖃᓄᐃᓐᓇᕐᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 40:10

ᑕᑯᒋᑦ, ᐊᑕᓂᖅ ᒎᑎ ᕾᓕᕐᐳᖅ ᐱᔪᓐᓇᕐᓂᕐᔪᐊᖃᕐᓗᓂ, ᐱᔪᓐᓇᕐᓂᕐᔪᐊᖓᑕ ᐊᐅᓚᑦᓯᑎᑉᐹ; ᑕᑯᒋᑦ, ᐅᐱᒍᓲᑎᒥᓂᒃ ᑐᓂᔭᒃᓴᖃᕐᓗᓂ, ᐊᑭᓕᐅᑎᒃᓴᒥᓂᒡᓗ ᓇᒃᓴᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 49:1

“ᓈᓚᒃᓯᓐᖓ, ᐃᒪᐅᑉ ᓯᓈᓂᒥᐅᑕᐅᔪᓯ, ᑐᓴᑦᓯᐊᕐᓗᓯᓗ ᐅᖓᓯᒃᑐᒥ ᓄᓇᖃᕐᑐᓯ, ᐊᑕᓂᐅᑉ ᕾᖁᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᓱᓕ; ᐊᓈᓇᒪ ᑎᒥᖓᓃᑎᓪᓗᖓ ᐊᑎᕐᑖᕐᑎᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 56:1

ᐃᒫᒃ ᐊᑕᓂᖅ ᐅᖃᕐᐳᖅ: “ᐊᑦᔨᒌᒃᑎᑦᓯᓂᖅ ᐊᑐᕐᑕᐅᓕ, ᓇᓛᒎᕐᑐᒥᒡᓗ ᐱᓇᓱᐊᕐᓗᓯ, ᐱᐅᓕᒃᓯᓂᒃᓴᕋ ᖃᓂᑦᑑᓕᕐᒪᑦ, ᓴᐳᑦᔨᓂᕋᓗ ᓴᖅᑭᑎᓐᓂᐊᓕᕋᒃᑯ.

ᐂᓮᐊᓯᐅᑉ ᐊᒡᓚᖏᑦ 59:16

ᑕᑯᒐᒥ ᐃᓄᒃᑕᖃᕈᓐᓃᕐᑐᖅ ᐊᑕᐅᓯᕐᒥᒡᓘᓐᓃᑦ; ᑲᒪᓂᐊᕐᐳᕐᓗ ᑐᒃᓯᐅᑦᔨᔨᒃᓴᕐᑕᖃᕈᓐᓃᕐᒪᑦ; ᑍᒤᒻᒪᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ ᐱᐅᓕᔭᐅᕕᒃᓴᖅ ᑖᑦᓱᒧᖓ ᕾᑎᑉᐹ; ᓇᓛᒎᕐᓂᖓᑕᓗ ᑲᔪᓯᑎᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 62:11

ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᐂᓮᐊᓯᐅᑉ ᐊᒡᓚᖏᑦ 63:5

ᕿᓂᕋᓗᐊᕋᒪ, ᐃᑲᔪᕐᑎᒃᓴᓐᓂᒃ ᐱᑕᖃᓚᐅᓐᖏᓚᖅ; ᑲᒪᓂᐊᓚᐅᕐᐳᖓ ᐃᑲᔪᕆᐊᕐᑕᐅᖏᓐᓇᒪ, ᑍᒤᒻᒪᑦ ᓇᖕᒥᓂᖅ ᑕᓕᓐᓄᑦ ᓵᓚᖃᓚᐅᕐᐳᖓ; ᓂᓐᖓᐅᒪᓂᕐᒪᓗ ᐱᔪᓐᓇᕐᓯᑎᓚᐅᕐᐹᖓ.

ᔪᐃᓕᐅᑉ ᐊᒡᓚᖏᑦ 3:12

ᐃᓅᖃᑎᒌᒡᔪᐊᑦ ᐸᕐᓇᓕᕐᓕᑦ ᕾᓗᑎᒡᓗ, ᔨᕼᐆᓴᐸᐅᑉ ᓇᕐᓴᖓᓄᑦ. ᑍᑲᓂ ᐃᓅᖃᑎᒋᒡᔪᐊᑦ ᐊᕙᑖᓃᑦᑐᑦ ᐃᖅᑲᕐᑐᕈᒫᐸᒃᑲ.

ᔨᐸᓁᐊᐅᑉ ᐊᒡᓚᖏᑦ 2:11

ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᕉᒪᒥᐅᓄᑦ 2:16

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᕆᔭᒃᑲ ᒪᓕᒡᓗᒋᑦ, ᑕᒪᓐᓇ ᐊᑐᕈᒫᕐᐳᖅ ᒎᑎ ᐃᖅᑲᕐᑐᐃᓕᕐᐸᑦ ᐃᓄᐃᑦ ᐃᔨᕐᓯᒪᔭᖏᓐᓂᒃ ᔩᓱᓯ ᙭ᔅᑑᓯᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒨᓯᓯ ᑕᓪᓕᒪᖏᑦ 30:14

ᐅᖃᐅᓯᕐᓕ ᐃᓕᑦᓯᓐᓄᑦ ᖃᓂᑉᐳᖅ, ᖃᓂᑦᓯᓐᓃᑉᐳᖅ ᐆᒻᒪᑎᑦᓯᓐᓃᑦᓱᓂᓗ, ᒪᓕᒍᓐᓇᑦᓯᐊᕐᐸᓯ.

ᓴᒧᐃᓕ ᓯᕗᓪᓖᑦ 2:10

ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”