ᐂᓮᐊᓯᐅᑉ ᐊᒡᓚᖏᑦ 51:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᐂᓮᐊᓯᐅᑉ ᐊᒡᓚᖏᑦ 51:19 Iomraidhean Croise

ᔫᐱᐅᑉ ᐊᒡᓚᖏᑦ 2:11

ᔫᐱᐅᑉ ᐱᖃᓐᓇᕆᔭᖏᑦ ᐱᖓᓱᑦ ᐃᓕᐹᓯ ᑎᒪᓁᑎᒥᐅᑕᖅ, ᐱᐅᓪᑖᓗ ᓲᕼᐂᑎᒥᐅᑕᖅ, ᔪᐸᕆᓗ ᓁᒪᑍᑎᒥᐅᑕᖅ. ᑐᓴᕋᒥᒃ ᔫᐱᐅᑉ ᐊᖏᔪᒥᒃ ᐋᓐᓂᐊᓂᖓᓂᒃ ᑕᑯᔭᕐᑐᕐᐳᑦ ᓮᒻᒪᕐᓮᔪᒪᓪᓗᑎᒃ ᑖᑦᓱᒥᖓ.

ᔫᐱᐅᑉ ᐊᒡᓚᖏᑦ 42:11

ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᐃᓐᖏᕈᑎᑦ 69:20

ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 14:30

ᐊᒃᓗᔪᓂᑦ ᐊᔪᕐᓴᕐᓂᕐᐹᑦ ᐃᕐᓂᐊᖑᖅᑳᕐᑐᖁᑎᖏᑦ ᓂᕆᓇᓱᐊᕈᒫᕐᐳᑦ, ᐊᔪᕐᓴᕐᑐᓪᓗ ᓇᓚᔪᒫᕐᐳᑦ ᓯᕘᕋᒋᔭᖃᖏᓪᓗᑎᒃ; ᑐᓐᖓᕕᒃᓯᓕ ᑐᖁᑦᓱᒫᕐᐸᒃᑲ ᑳᖕᓇᕐᑐᕐᔪᐊᒧᑦ, ᐊᒥᐊᒃᑯᖏᓪᓗ ᑐᖁᕋᕈᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 22:4

ᑍᒤᒻᒪᑦ ᐃᒫᒃ ᐅᖃᓚᐅᕐᐳᖓ: “ᐊᓚᕆᑦᓯ ᐅᕙᓐᓂᒃ, ᐃᓱᒪᕐᓱᕐᓗᖓ ᕿᐊᓚᖓ; ᓮᒻᒪᕐᓴᕐᑕᐅᓇᓱᐊᕈᒪᓐᖏᓚᖓ ᐃᓅᖃᑎᒃᑲ ᑐᖁᑕᐅᓚᐅᕐᑐᑦ ᐱᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 8:21

ᓄᓇᒥ ᐃᓐᖏᕐᕋᔪᒫᕐᐳᑦ ᐅᑯᒤᒃᓴᕐᓗᑎᒃ, ᑳᒡᓗᑎᒡᓗ; ᑳᖕᓂᕐᒧᓪᓗ ᓂᓐᖓᐅᒪᓗᑎᒃ ᐅᖃᕐᓂᕐᓘᑦᔨᔪᒫᕐᐳᑦ ᐊᖓᔪᖅᑳᕐᔪᐊᕐᒥᖕᓂᒃ ᒎᑎᒥᖕᓂᒡᓗ, ᖁᒻᒧᓪᓗ ᑕᑯᓴᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:20

ᑕᓕᕐᐱᖕᒥᖕᓄᑦ ᓂᕿᒃᓴᓂᒃ ᐊᕐᓵᕐᓯᒐᓗᐊᕐᐳᑦ, ᓱᓕᓕ ᑳᒃᓗᑎᒃ; ᓴᐅᒥᖕᒥᖕᓄᑦ ᓂᕆᓪᓗᑎᒃ ᓄᖒᑦᓯᖓᓗᐊᕐᐳᑦ, ᓱᓕᓕ ᐊᑭᐊᑦᑐᓐᖏᓚᑦ; ᐃᓄᐃᓪᓗ ᐊᑐᓂᑦ ᐊᒡᓛᑦ ᐃᓅᖃᑎᒥ ᑎᒥᖏᓐᓂᒃ ᓂᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 15:5

ᑭᒃᑯᓐᓄᓪᓕ ᓇᒡᓕᒋᔭᐅᓂᐊᕐᐱᓰ, ᔨᕉᓴᓕᒥᐅᑕᐅᔪᓯ? ᑭᒃᑯᓐᓄᓪᓗ ᕿᒃᓵᒍᑕᐅᓂᐊᕐᐱᓰ? ᑭᓇᒃᑯᓐᓄᓪᓗ ᖃᓄᐃᒻᒪᖔᑦᓯ ᐊᐱᕆᔭᐅᔪᓐᓇᕐᓂᐊᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 24:10

ᐅᓇᑕᒐᐅᑎᑦᓱᒫᕐᐸᒃᑲ, ᑳᖕᓇᕐᑐᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑉᐸᒡᓗᒋᓪᓗ, ᓄᖑᖏᓐᓂᓕᒫᖏᓐᓂ ᓄᓇᑖᕆᔭᐅᑎᓚᐅᕐᑕᓐᓂᒃ ᑖᒃᑯᓄᖓ ᓯᕗᓕᕕᓂᖏᓐᓄᓪᓗ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:12

ᐊᖅᑯᓵᕐᑐᓄᑦ ᐅᑦᔨᕆᔭᐅᔪᓐᓇᓐᖏᓚᖓ, ᑕᑯᓚᐅᕆᑦᓯ ᐋᓐᓂᐊᓂᒃᑲ, ᐋᓐᓂᐊᔪᓄᑦ ᐊᑦᔨᐅᓇᓱᒋᒐᑦᓯᐅᒃ? ᐊᑕᓂᐅᑉ ᓂᓐᖓᖕᓂᕐᒥᓄᑦ ᓱᒋᐊᕐᓯᓂᕆᔭᖓ ᐅᕙᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:47

ᑲᑉᐱᐊᓇᕐᑐᑎᒍᑦ ᐊᓯᕈᕐᑕᐅᓇᕐᑐᑎᒍᓪᓗ ᐊᑑᑎᓚᐅᕐᐳᒍᑦ, ᓯᕘᕋᓇᕐᑐᒥᒃ ᐊᑦᑕᕐᓇᕐᑐᓂᓗ ᐃᓅᕕᖃᓚᐅᕐᐳᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 14:15

“ᐆᒪᔪᓂᒃ ᐃᕐᓯᓇᕐᑐᓂᒃ ᐊᖅᑯᓵᕐᑎᑦᓯᒍᒪ ᑖᒃᑯᐊ ᓱᕋᒃᑎᕆᒃᐸᑕ ᓄᓇᒥᒃ, ᓄᓇᖓᑦ ᐃᓄᖃᕈᓐᓃᕋᔭᕐᐳᖅ, ᐆᒪᔪᓂᒃ ᐃᕐᓯᓇᕐᑐᖃᕐᓂᖓᓄᑦ ᐃᓄᐃᑦ ᐊᖅᑯᓵᖃᑦᑕᕈᓐᓃᕋᔭᕐᐳᑦ;

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐂᒨᓯᐅᑉ ᐊᒡᓚᖏᑦ 7:2

ᐱᒡᓕᕐᑕᐅᔮᕐᑐᑦ ᓄᖒᑦᓯᖕᒪᑕ ᐃᕕᖕᓂᒃ ᓄᓇᒦᑦᑐᓂᒃ, ᐅᖃᓚᐅᕐᐳᖓ; ᐊᑕᓃᖅ ᒎᑏᒃ ᕿᓄᕗᖓ ᐃᓱᒪᒋᔪᓐᓁᕐᕕᒋᒃᑭᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ, ᒥᑭᔫᓗᐊᕐᒪᑕ.

ᓇᕼᐅᒥᐅᑉ ᐊᒡᓚᖏᑦ 3:7

ᐃᓕᖕᓂᒡᓗ ᑕᑯᔪᓕᒫᑦ ᓇᕐᕈᖃᑦᑕᕈᒫᕐᐳᑦ, ᐅᖃᕐᓗᑎᒡᓗ, ‘ᓂᓂᕕ ᓱᓇᐅᔪᓐᓃᑦᓯᐊᕐᐳᖅ, ᑭᐊᓕ ᐅᒡᒍᐊᕆᓗᒍ ᕿᒃᓵᖃᑎᒋᓂᐊᕐᐸᐅ? ᑭᐊᓗ ᓮᒻᒪᕐᓴᕐᓂᐊᕐᐸᐅᒃ?’”

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:13

ᑍᒤᒻᒪᑦ ᑕᒪᑐᒨᓇ ᐱᕙᓪᓕᕐᑎᑕᐅᕗᒍᑦ. ᐱᕙᓪᓕᕐᑎᑕᐅᒐᓗᐊᕋᑦᑕ ᐊᖏᓂᕐᓴᒥᒡᓕ ᖁᕕᐊᓱᒃᑎᑕᐅᕗᒍᑦ ᑍᑑᓯᐅᑉ ᖁᕕᐊᓱᖕᓂᖓᓄᑦ, ᑖᑦᓱᒪ ᐊᓂᕐᓂᖓ ᑕᒪᑦᓯ ᖁᕕᐊᓱᒃᑎᓚᐅᕋᑦᓯᐅᒃ.