ᐂᓮᐊᓯᐅᑉ ᐊᒡᓚᖏᑦ 51:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᐅᓪᓚᕈᑦᔭᐅᓯᒪᔪᑦ ᐊᓂᑎᑕᐅᕕᒃᓴᖓᑦ ᖃᒡᓕᕗᖅ; ᑐᖁᓂᐊᓐᖏᓚᑦ ᐃᑎᕐᓴᒧᓪᓗ ᐃᓕᔭᐅᓂᐊᓐᖏᓚᑦ, ᓂᕿᒃᓮᕈᑎᓂᐊᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 51:14 Iomraidhean Croise

ᐄᓱᕋᐅᑉ ᐊᒡᓚᖏᑦ 1:5

ᐊᖓᔪᖅᑳᕆᔭᐅᔪᑦ ᐃᓚᒌᓄᑦ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᓐᓄᑦ, ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ, ᑭᓇᑐᐃᓐᓇᓕᒫᓄᓪᓗ ᒎᑎᐅᑉ ᐆᒻᒪᑎᖏᑦ ᐊᐅᓚᑦᔭᒃᓯᒪᔭᖏᓐᓂ ᐊᐅᓪᓚᑐᐃᓐᓇᕆᐊᖃᓕᓚᐅᕐᐳᑦ ᐊᑕᓂᐅᓪᓗ ᑐᒃᓯᐊᕐᕕᖓ ᐋᖅᑭᒋᐊᕆᐊᕐᑐᕐᓗᒍ ᔨᕉᓴᓕᒦᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 30:20

ᐊᑕᓂᐅᑉ ᓂᐊᖂᔭᒥᒃ ᑐᓂᓯᕕᒋᖕᒪᓯ ᐊᑭᕋᕐᑐᕐᑕᐅᓂᕐᒥᒃ ᐃᓗᓕᓕᖕᒥᒃ ᐃᒥᖃᕐᑎᓪᓗᓯᓗ ᐅᖁᒤᒃᓴᕐᑎᑕᐅᓂᕐᒥᒃ, ᐃᓕᓮᔨᓯᓕ ᐃᔨᕐᓯᒪᓂᐊᕈᓐᓃᕐᐳᖅ, ᐃᔨᑦᓯᓐᓄᑦ ᓇᖕᒥᓂᖅ ᑕᑯᔪᒫᓕᕋᑦᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 48:20

ᐹᐱᓘᓂᒥᑦ ᐊᐅᓪᓚᓕᕆᑦᓯ! ᑲᐅᓪᑎᐊᒥᐅᓂᒃ ᕿᒫᓕᕆᑦᓯ! ᑕᒪᓐᓇ ᐃᓐᖏᕈᑎᒋᓯᐅᒃ ᓂᐱᖅᑯᕐᑐᓗᓯ ᖁᕕᐊᓱᖕᓂᕐᒧᑦ, ᓇᓗᓁᕐᓯᐅᒃ ᑐᓴᕐᑕᐅᑎᓪᓗᒍ ᓄᓇᕐᔪᐊᑉ ᑭᒡᓕᖏᓐᓄᑦ; ᐅᖃᕐᓗᓯ, “ᐊᑕᓂᐅᑉ ᐱᔨᓂ ᔧᑯ ᐃᒻᒥᓄᑦ ᐅᑎᕐᑎᑉᐹ!”

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 49:25

ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 52:2

ᓴᓃᔭᕐᓗᑎᑦ ᒪᑭᓕᕆᑦ; ᐊᐅᓪᓚᕈᑦᔭᐅᓯᒪᓚᐅᕐᑐᑎᑦ ᔨᕉᓴᓕᒻ; ᐊᕐᓵᕐᑑᔧᓪᓗ ᖁᖓᓯᕐᓃᑦᑐᑦ ᐲᔭᕐᓗᒋᑦ, ᑎᒍᔭᐅᓯᒪᓚᐅᕐᑐᑎᑦ ᓮᐅᓂᐅᑉ ᐸᓂᖓ.

ᔨᕆᒤᐊᐅᑉ ᐊᒡᓚᖏᑦ 37:16

ᔨᕆᒤᐊᓗ ᐃᒡᓘᑉ ᑖᑦᓱᒪ ᐊᑖᓄᐊᕐᑕᐅᕗᖅ ᑎᒍᔭᐅᓯᒪᕕᖕᒧᑦ, ᑕᕝᕙᓃᓕᕐᓗᓂᓗ ᐊᑯᓂ.

ᓴᑲᕅᐊᐅᑉ ᐊᒡᓚᖏᑦ 9:11

ᐃᓕᑦᓯᓕ, ᐊᐅᒃᑯᑦ ᐊᖏᖃᑎᒌᖕᓂᒃᑯᑦ ᑎᒍᔭᐅᓯᒪᔪᖁᑎᓯ ᐊᓂᑎᑦᓱᒪᕙᒃᑲ ᐃᑎᕐᓴᒥᑦ ᐃᒪᖃᖏᑦᑐᒥᑦ.