ᐂᓮᐊᓯᐅᑉ ᐊᒡᓚᖏᑦ 51:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐳᐃᒍᕐᓯᒪᓪᓗᑎᑦ ᐊᑕᓂᕐᒥᒃ, ᐃᓕᖕᓂᒃ ᓴᓇᓚᐅᕐᑐᒥᒃ, ᕿᓚᖕᒦᑦᑐᓂᒃ ᐃᓯᕕᑦᓯᓯᒪᔪᖅ ᓄᓇᕐᔪᐊᕐᒥᒡᓗ ᐃᓂᒋᔭᒃᓴᖓᓄᑦ ᐃᓕᓯᓯᒪᔪᖅ, ᓯᕘᕋᖃᑦᑕᕐᐲᑦ ᐅᓪᓗᖅ ᓈᓗᒍ ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖓᓂᒃ, ᑐᖁᑦᓯᔪᒪᑎᓪᓗᒍ? ᐊᑭᕋᕐᑐᕐᑎᕖᑦ ᑲᑉᐱᐊᓇᕐᓂᖓ ᓇᓃᒻᒪᑦ?

ᐂᓮᐊᓯᐅᑉ ᐊᒡᓚᖏᑦ 51:13 Iomraidhean Croise

ᐃᔅᑕᐅᑉ ᐊᒡᓚᖏᑦ 5:14

ᑕᕝᕙ ᓄᓕᐊᖓᑕ ᔨᕆᓯᐅᑉ ᐃᓚᓐᓇᕆᔭᓕᒫᖏᑕᓗ ᐅᖃᐅᑎᕚᑦ, “ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓚᐅᕆᑦ 75ᓂᒃ ᐃᑎᒐᖕᓂᒃ ᐳᕐᑐᓂᖃᕐᑎᓪᓗᒍ, ᐅᓪᓛᒃᑯᑦ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕋᕕᐅᒃ ᒧᐊᑎᑬ ᑕᕝᕙᓂ ᕿᒥᑕᐅᖁᓗᒍ; ᑕᕝᕙ ᖁᕕᐊᓱᑦᓯᐊᕐᓗᑎᑦ ᐊᖓᔪᖅᑳᕐᔪᐊᖅ ᓂᕆᕕᒡᔪᐊᕆᐊᕐᑐᖃᑎᒋᓛᕐᐸᑦ.” ᑕᒪᓐᓇ ᕼᐂᒪᓂᐅᑉ ᖁᕕᐊᒋᒐᒥᐅᒃ; ᑕᕝᕙ ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓕᕐᐳᖅ.

ᐃᔅᑕᐅᑉ ᐊᒡᓚᖏᑦ 7:10

ᑕᕝᕙᓂ ᕼᐂᒪᓂ ᕿᒥᑕᐅᕗᖅ ᕿᒥᑦᓯᕕᖕᒥ ᓴᓇᔭᐅᑎᓚᐅᕐᑕᒥᓂ ᒧᐊᑎᑬ ᐱᓪᓗᒍ. ᑕᕝᕙ ᐊᖓᔪᖅᑳᕐᔪᐊᖅ ᓮᒻᒪᕐᐳᖅ.

ᔫᐱᐅᑉ ᐊᒡᓚᖏᑦ 37:18

ᑖᑦᓱᑐᓇᖅ ᕿᓚᒃ ᐃᓯᕕᑎᑦᓱᓐᓇᕐᐱᐅᒃ? ᓯᑎᔫᓕᕐᑎᓪᓗᒍ ᐊᐅᒃᑎᓯᒪᔪᑎᑐᑦ ᑕᕐᕋᕐᑑᑎᑎᑐᑦ?

ᔫᐱᐅᑉ ᐊᒡᓚᖏᑦ 9:8

ᐃᑲᔪᕐᑕᐅᓚᐅᕐᓯᒪᓐᖏᓚᖅ ᕿᓚᖕᓂᒃ ᐃᓯᕕᑦᓯᓕᕐᑎᓪᓗᒍ, ᑐᓪᓕᕋᕈᓐᓇᕐᓗᓂᓗ ᐃᒪᕐᔪᐊᑉ ᐃᖏᐅᓕᖏᓐᓂᒃ;

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 106:13

ᑖᑦᓱᒪᓕ ᐱᓂᐊᕐᓂᖏᑦ ᐳᐃᒍᑦᓴᐅᑎᒋᓚᐅᕆᕔᑦ; ᐱᓇᓱᐊᓕᓚᐅᕆᕗᑦ ᑖᑦᓱᒥᖓ ᖃᐅᔨᒋᐊᕐᕕᖃᓚᐅᕋᑎᒃ.

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 10:24

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: “ᐃᓄᖁᑎᒃᑲ, ᓮᐅᓂᒥ ᓄᓇᖃᕐᑐᓯ, ᓯᕘᕋᓂᐊᕋᓯ ᐊᓯᕆᐊᒥᐅᓂᒃ, ᐊᓇᐅᑕᕐᒧᑦ ᐊᓇᐅᓕᓕᕐᐹᓯ ᐊᔭᐅᑉᐱᐊᒧᓪᓗ ᐅᕐᓕᕐᓵᓕᕐᐹᓯ, ᓲᕐᓗ ᐄᑦᔨᑉᑎᒥᐅᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 14:4

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓂᒃ ᒥᑕᐅᑎᒋᓗᒍ ᐅᖃᕈᒫᕐᐳᓯ: “ᐊᑦᑕᕈᓱᖃᓚᐅᖏᑦᑐᖅ ᐊᔪᓕᕆᕗᖅ! ᐊᒃᓱᕈᕐᑎᑦᓯᕙᖕᓂᖓ ᐃᓱᓕᑉᐳᖅ!

ᐂᓮᐊᓯᐅᑉ ᐊᒡᓚᖏᑦ 16:4

ᒧᐊᐱᒥᑦ ᐊᓂᑎᑕᐅᓯᒪᔪᒍᑦ ᐃᓕᑦᓯᓐᓂ ᑐᔪᕐᒥᐊᖑᑎᓚᐅᕐᑎᒍᑦ; ᓴᐳᑎᓚᐅᕐᑎᒍᑦ ᐊᓯᕈᐃᔨᒥᑦ.” ᐊᒃᓱᕈᕐᓇᕐᑐᖅ ᐊᓯᕈᕐᑕᐅᓇᕐᑐᓪᓗ ᐃᓱᓕᑦᓱᒫᕐᐳᑦ, ᓄᓇᓂᒡᓗ ᓱᓁᕈᑦᔨᓚᐅᕐᑐᑦ ᓄᖑᑦᓱᒫᕐᐳᑦ ᓄᓇᒥᑦ.

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 40:21

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐅᖃᐅᑎᔭᐅᓯᒪᓐᖏᓚᑏᑦ ᑕᒪᑐᒥᖓ ᐱᒋᐊᕐᓂᖓᓂᑦ? ᑐᑭᓯᓚᐅᕐᓯᒪᓐᖏᓚᑏᑦ ᓄᓇᕐᔪᐊᖅ ᐱᒋᐊᕐᑎᑕᐅᓕᕐᓂᖓᓂᒃ?

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 44:24

ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;

ᐂᓮᐊᓯᐅᑉ ᐊᒡᓚᖏᑦ 45:12

ᐅᕙᖓ ᓄᓇᕐᔪᐊᖅ ᓴᓇᓚᐅᕐᐸᕋ, ᐃᓄᒋᓂᐊᕐᑕᖏᓐᓂᒡᓗ ᓴᖅᑭᑎᑦᓯᓪᓗᖓ; ᐊᒡᒐᓐᓄᓪᓗ ᕿᓔᑦ ᐃᓯᕕᑎᓚᐅᕐᐸᒃᑲ, ᕿᓚᖕᒦᑦᑐᓪᓗ ᐋᖅᑭᒃᓯᒪᕗᑦ ᐱᖁᔨᓂᕋ ᒪᓕᒡᓗᒍ.

ᐂᓮᐊᓯᐅᑉ ᐊᒡᓚᖏᑦ 45:18

ᐃᒫ ᑕᕝᕙ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᑖᓐᓇ ᒎᑎᐅᖕᒪᑦ, ᓄᓇᕐᔪᐊᖅ ᐋᖅᑭᒃᓱᓚᐅᕐᒪᒍ ᓴᓇᓪᓗᒍ ᐃᓂᓕᐅᕐᓗᒍᓗ; ᐱᓐᖑᕐᑎᓚᐅᓐᖏᓛ ᓱᓇᖃᖁᓇᒍ, ᐱᓐᖑᕐᑎᓚᐅᕐᐹᓕ ᐃᓄᖃᕐᑐᒃᓴᐅᖁᓪᓗᒍ, “ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒡᓗ ᐱᑕᖃᕋᓂ.

ᐂᓮᐊᓯᐅᑉ ᐊᒡᓚᖏᑦ 48:13

ᐃᓛᒃ ᐊᒡᒐᓐᓄᑦ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᕋ, ᐊᒡᒐᓐᓄᓪᓗ ᑕᓕᕐᐱᓐᓄᑦ ᕿᓔᑦ ᐃᓯᕕᓚᐅᕐᐸᒃᑲ; ᕾᖁᒐᒃᑭᑦ, ᐊᑕᐅᑦᓯᒃᑯᑦ ᓵᓐᓄᐊᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 57:11

ᑭᓇᒃᑯᓐᓂᒃ ᑲᑉᐱᐊᒋᔭᖃᒧᑦ ᓯᕘᕋᒋᔭᖃᒧᓪᓗ ᓴᒡᓗᓚᐅᕐᐱᓰ? ᐅᕙᓐᓂᒡᓗ ᐃᖅᑲᐅᒪᔪᓐᓃᕐᓗᓯ, ᐃᖅᑬᔪᓐᓇᕋᓯᓗ ᐅᕙᓐᓂᒃ, ᓂᐱᖃᓚᐅᖏᓐᓂᓐᓄᑦ ᐊᑯᓂ, ᑍᒤᒻᒪᑦ ᐅᕙᓐᓂᒃ ᓯᕘᕋᔪᓐᓃᕐᐱᓰ?

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 38:19

ᐊᖓᔪᖅᑳᕐᔪᐊᖅ ᔨᑎᑬᐊ ᐅᖃᕐᐳᖅ ᔨᕆᒤᐊᒧᑦ, “ᓯᕘᕋᒐᒪ ᔫᑎᐅᖃᑎᓐᓂᒃ ᑲᐅᓪᑎᐊᒥᐅᓄᐊᕐᓯᒪᔪᓂᒃ, ᑖᒃᑯᓄᖓ ᐱᔭᐅᑎᒃᑲᓗᐊᕈᒪ ᑍᒃᑯᓄᖓ ᑐᓂᑦᔪᑕᐅᓗᖓ ᐋᓐᓂᐊᑎᑕᐅᓂᐊᕋᓱᒋᕗᖓ.”

ᔨᕆᒤᐊᐅᑉ ᐊᒡᓚᖏᑦ 41:18

ᑲᐅᓪᑎᐊᒥᐅᓄᑦ ᐱᔭᐅᓇᓱᐊᕐᓂᐊᕋᓱᒋᒐᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓚᑦᓯᔨᓐᖑᕐᑎᓚᐅᕐᑕᖓᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓᑕ ᑐᖁᑕᐅᓯᒪᓂᖓ ᐃᓯᒥᐅᓕᒧᑦ ᓂᑕᓁᐊᐅᑉ ᐃᕐᓂᖓᓄᑦ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 51:15

ᐊᑕᓂᐅᑉ ᐱᔪᓐᓇᕐᓂᕐᒥᓄᑦ ᓄᓇ ᓴᓇᓚᐅᕐᐹ; ᓯᓚᕐᔪᐊᕐᓗ ᐱᓐᖑᕐᑎᓚᐅᕐᐹ ᓯᓚᑐᓂᕐᒥᓄᑦ ᕿᓚᒡᓗ ᓯᐊᒻᒪᖓᑎᑉᐹ ᑐᑭᓯᐅᒪᑦᓯᐊᕐᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 51:19

ᔧᑰᓪᓕ ᒎᑎᖓ ᑖᒃᑯᑎᑐᓇᖅ ᑍᒤᓐᖏᓚᖅ, ᑕᒤᓐᓂᒃ ᐱᓐᖑᕐᑎᑦᓯᔨᐅᖕᒪᑦ, ᐃᓄᖁᑎᖏᑕᓗ ᑭᖑᕚᕇᖏᑦ ᐱᒋᐊᕐᑎᓯᒪᕔᑦ, ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ ᑖᓐᓇ ᐊᑎᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 3:18

ᓴᐳᑎᖏᒃᑲᓗᐊᕐᐸᑎᒍᑦ, ᐊᖓᔪᖅᑳᕐᔪᐊᖅ, ᖃᐅᔨᒪᖁᕙᑦᑎᒋᑦ, ᒎᑎᑎᑦ ᐱᔨᑦᓯᕈᒪᖏᓐᓇᑦᑎᒍ, ᐃᓄᓐᖑᐊᕐᓗ ᒎᓗ ᓴᓇᔭᐅᑎᓚᐅᕐᑍᑦ ᑐᒃᓯᐊᕐᕕᒋᔪᒪᓐᖏᓚᕗᑦ.”

ᑖᓂᐊᓕᐅᑉ ᐊᒡᓚᖏᑦ 3:19

ᓂᐱᑯᓁᓴᓕ ᓂᓐᖓᒃᑐᒻᒪᕆᐊᓘᒐᒥ, ᓵᑐᕌᑭᒧᑦ, ᒥᓵᑭᒧᓪᓗ, ᐊᐱᓐᑎᒎᒧᓪᓗ, ᑮᓇᖓ ᐊᓯᑦᔨᕐᐳᖅ ᑖᒃᑯᓄᖓ: ᐱᖁᔨᕗᖅ ᐃᒐᐅᑉ ᐃᑯᒪᖓ ᐃᑯᐊᓪᓚᒃᑎᑕᐅᖁᓪᓗᒍ ᐆᓇᕐᓂᕆᕙᒃᑕᖓᓂᑦ 7ᐃᕐᑑᑎᓪᓗᐊᖓᓂᒃ ᐆᓇᕐᓂᕐᓴᐅᓕᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 12:23

ᑕᕝᕔᓐᓇᖅ ᐊᑕᓂᐅᑉ ᐂᖏᓕᖓᑕ ᐊᓇᐅᕚ, ᒎᑎᒥᒃ ᓂᕐᑐᕐᓇᕐᑎᑦᓯᖏᒻᒪᑦ; ᖁᐱᕐᕈᓄᑦ ᓂᕆᔭᐅᓪᓗᓂ ᑐᖁᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:20

ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:55

“ᑐᖂ, ᓇᐅᒡᓕ ᓵᓚᖃᕐᓃᑦ? ᑐᖂ, ᓇᐅᒡᓕ ᐋᓐᓂᐊᑎᑦᓯᓃᑦ?”

ᒨᓯᓯ ᑕᓪᓕᒪᖏᑦ 32:18

ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.

ᐄᑉᕈᐃᓄᑦ 11:15

ᓄᓇᒥᖕᓂᒃ ᕿᒪᓚᐅᕐᑕᒥᖕᓂᒃ ᐃᓱᒪᖃᓚᐅᕈᑎᒃ, ᐱᕕᒃᓴᖃᕈᓐᓇᓚᐅᕐᐳᑦ ᐅᑎᕈᓐᓇᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9

ᓄᓇᕐᔪᐊᕐᒧᓪᓗ ᓇᒧᑐᐃᓐᓈᕈᒫᕐᐳᑦ ᐅᓇᑕᕆᐊᕐᓗᑎᒃ ᐊᕙᑕᖏᕐᓯᔪᒫᕐᐳᑦ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒡᓗ ᓇᒡᓕᖕᓇᕐᑐᓂᒃ; ᕿᓚᖕᒥᓪᓕ ᐃᑯᒪᒥᒃ ᑲᑕᒃᕕᐅᔪᒫᕐᐳᑦ ᓄᖑᑕᐅᓗᑎᒃ.