ᐂᓮᐊᓯᐅᑉ ᐊᒡᓚᖏᑦ 50:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 50:4 Iomraidhean Croise

ᔫᐱᐅᑉ ᐊᒡᓚᖏᑦ 4:4

ᐹᓪᓚᒃᑐᖃᕌᖓᑦ ᐅᖃᐅᓯᒃᑯᑦ ᓂᑯᕕᑎᑦᓯᖃᑦᑕᕐᓯᒪᕗᑎᑦ, ᓴᓐᖐᓕᓯᒪᔪᓂᒡᓗ ᒪᑭᑎᑦᓯᖃᑦᑕᕐᓯᒪᓪᓗᑎᑦ.

ᐃᓐᖏᕈᑎᑦ 119:147

ᖃᐅᒻᒪᓚᐅᕐᑎᓐᓇᒍ ᒪᑭᓪᓗᖓ ᓂᓪᓕᐊᕕᒋᕙᒋᑦ ᐃᑲᔪᕐᑕᐅᔪᒪᓪᓗᖓ; ᐅᖃᐅᓯᕐᑎᑦ ᓂᕆᐅᒋᕙᒃᑲ.

ᐃᓐᖏᕈᑎᑦ 143:8

ᐅᓪᓛᒃᑯᑦ ᖃᐅᑕᒫᑦ ᑐᓵᑎᖃᑦᑕᓚᐅᓐᖓ ᓇᒡᓕᒍᓱᖕᓂᕐᓂᒃ, ᐃᓕᖕᓂᒃ ᑕᑎᖃᕋᒪ; ᑐᒃᓯᐊᕐᓂᒃᑲ ᐃᓕᖕᓄᑦ ᖁᒻᒧᐊᒃᐳᑦ; ᐊᔪᕆᕐᑐᓚᐅᓐᖓ ᐊᖅᑯᑎᒃᓴᒥᒃ ᐊᑐᒐᒃᓴᕆᔭᓐᓂᒃ.

ᐃᓐᖏᕈᑎᑦ 40:7

ᐅᖃᓚᐅᕐᐳᖓᓕ, ᑕᑯᒋᑦ ᕾᕗᖓ; ᐊᒡᓚᖕᓂ ᐃᒧᓯᒪᔪᓂ ᑎᑎᕋᐅᓯᐅᓯᒪᕗᖓ.

ᐃᓐᖏᕈᑎᑦ 45:2

ᐊᖑᑎᓕᒫᓂᑦ ᐊᖑᑎᑦᓯᐊᖑᓂᕐᐹᖑᕗᑎᑦ; ᐱᑦᓯᐊᕈᓐᓇᕐᓂᖅ ᑯᕕᔭᐅᓯᒪᕗᖅ ᖃᓂᕐᓄᑦ; ᑍᒤᒻᒪᑦ ᒎᑎᐅᑉ ᓮᒻᒪᕐᑎᑉᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 5:3

ᐅᓪᓛᒃᑯᑦ ᓂᐱᒐ ᑐᓴᕐᓂᐊᕐᐸᑦ ᐊᑕᓃᖅ, ᐅᓪᓛᒃᑯᑦ ᐃᓕᖕᓄᑦ ᑐᕌᕐᑐᒥᒃ ᓂᓪᓕᐊᔪᒪᕗᖓ, ᖁᒻᒧᓪᓗ ᑕᑯᓴᕐᓂᐊᕐᐳᖓ.

ᐃᓐᖏᕈᑎᑦ 88:13

ᐃᓕᖕᓄᓪᓕ ᓂᓪᓕᐊᕗᖓ ᐊᑕᓃᖅ; ᐅᓪᓛᒃᑯᑦ ᑐᒃᓯᐊᕐᓂᕋ ᐃᓕᖕᓄᑦ ᐱᑎᑉᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:25

ᐃᓱᒪᔮᕈᑎᖃᓗᐊᕐᑐᖅ ᐆᒻᒪᑎᒥᒍᑦ ᖁᕕᐊᓇᖏᑦᑐᒦᓕᕈᓐᓇᕐᐳᖅ, ᐅᖃᐅᑦᔭᐅᑦᓯᐊᕐᓂᕐᒧᓪᓕ ᖁᕕᐊᑦᓴᒃᑎᑕᐅᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:23

ᐊᖑᑦ ᖁᕕᐊᓱᒃᑎᑕᐅᕗᖅ ᑭᐅᑦᔪᑎᒃᓴᖃᑦᓯᐊᕌᖓᒥ, ᐅᖃᐅᓯᖅ ᓈᒻᒪᓈᕐᑎᓪᓗᒍ, ᐱᐅᔪᐊᓘᕗᖅ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:11

ᐅᖃᐅᓯᖅ ᓇᓛᒎᕐᑐᒥᒃ ᐅᖃᐅᓯᐅᔪᖅ ᐊᑦᔨᖃᕐᐳᖅ ᐋᐳᓂᒃ ᒎᓗᓂᒃ ᓯᐅᓪᕕᕆᒥᒃ ᐊᓪᓕᕋᖃᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 28:19

ᑏᒐᕐᑕᐅᖃᑦᑕᕈᒫᕐᐳᓯ ᐱᒋᐊᕐᑕᐅᓂᑕᒫᑦ; ᖃᐅᑕᒫᑦ ᐅᓪᓛᑕᒫᑦ ᑏᒐᕐᑕᐅᖃᑦᑕᕈᒫᕐᐳᓯ, ᐅᓪᓗᒃᑯᓪᓗ ᐅᓐᓄᐊᒃᑯᓪᓗ; ᑲᑉᐱᐊᓇᖃᑦᑕᕈᒫᕐᐳᖅ ᐅᖃᐅᓯᕐᒥᒃ ᑐᓴᕐᓗᓯ ᑐᑭᓯᑦᓯᐊᕐᓗᒍᓗ.”

ᐂᓮᐊᓯᐅᑉ ᐊᒡᓚᖏᑦ 28:9

“ᑭᓇᒥᒃ ᐃᓕᓐᓂᐊᕐᑎᑦᓯᓂᐊᕐᐸᑦ ᑐᑭᓯᑎᑦᓯᓂᕐᒥᒃ, ᑭᓇᒧᓪᓗ ᓇᓗᓁᕐᓯᓂᐊᕐᐸᑦ ᐅᖃᐅᓯᒃᓴᒥᒃ? ᑕᒪᒃᑯᓄᖓ ᑭᓯᐊᓂ ᐊᒫᒪᒍᓐᓃᓕᓵᕐᑐᓄᑦ; ᐊᒫᒪᖕᒥᖕᓂᒃ ᓴᒃᑯᐃᓕᕋᑖᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 35:5

ᑕᕝᕙ ᑕᐅᑐᖏᑦᑐᑦ ᐃᔨᖏᑦ ᑕᑯᓕᕈᒫᕐᐳᑦ, ᑐᓵᖏᑦᑐᓪᓗ ᓯᐅᑎᖏᑦ ᑐᓵᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 40:29

ᐱᔪᓐᓇᕐᓂᕐᑖᕐᑎᑦᓯᕙᒃᑐᖅ ᓄᑮᕈᑎᔪᓂᒃ, ᐱᔪᓐᓇᕐᓂᖃᕈᓐᓃᕐᑐᓂᒡᓗ ᓄᑭᒃᑖᕐᑎᑦᓯᕙᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 54:13

ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.

ᐂᓮᐊᓯᐅᑉ ᐊᒡᓚᖏᑦ 8:16

ᐱᓇᓱᐊᕐᕕᐅᓂᕐᓂᒃ ᐅᓂᒃᑳᕐᓂᖅ ᕿᓚᒃᓱᕐᓯᐅᒃ, ᐱᖁᔧᓪᓗ ᓇᓗᓁᒃᑯᓯᕐᓗᒋᑦ ᓇᕿᑦᔪᑎᒥᒃ ᐃᓕᓐᓂᐊᕐᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 1:9

ᐊᑕᓂᕐᓗ ᐃᓴᒃᓗᓂ, ᖃᓂᕋ ᐊᒃᑐᕐᐹ, ᐅᖃᕐᓗᓂᓗ, “ᑕᑯᒋᑦ ᐅᖃᐅᓯᒃᑲ ᖃᓂᕐᓄᑦ ᐃᓕᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 31:25

ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 46:13

“ᖃᐅᑕᒫᑦ ᓄᕐᕋᐅᔭᕐᒥᒃ ᐊᑕᐅᓯᕐᒥᒃ ᐊᕐᕌᒍᓕᖕᒥᒃ ᐊᑐᐃᓐᓇᕈᐃᔪᒃᓴᐅᕗᖅ ᖃᓄᐃᓗᑕᖃᖏᑦᑐᒥᒃ ᐃᑯᐊᓚᑎᑕᐅᓗᓂ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ; ᖃᐅᑕᒫᑦᓯᐊᖅ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ ᐅᓪᓛᑕᒫᑦ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 13:54

ᓄᓇᑐᖃᒥᓄᑦ ᐅᑎᕋᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᐊᔪᕆᕐᑐᐃᓕᕐᐳᖅ, ᑐᓵᔪᓕᒫᑦ ᑲᒪᓂᐊᒻᒪᕆᒃᐳᑦ, ᐅᖃᕐᓗᑎᒃ, “ᓇᑭᓄᓇ ᓯᓚᑐᓂᕐᑖᕐᑐᕕᓂᖅ ᑲᒪᓇᕐᑐᓕᔪᓐᓇᕐᓯᓪᓗᓂᓗ?

ᒫᑎᐅᓯᐅᑉ ᐊᒡᓚᖏᑦ 22:46

ᑖᒃᑯᐊᓕ ᑭᐅᑦᔪᑎᒃᓴᖃᕈᓐᓃᓚᐅᕐᐳᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᑎᒃ ᐊᐱᕆᒃᑲᓐᓂᕈᒪᔪᖃᕈᓐᓃᓚᐅᕐᐳᖅ ᑖᑦᓱᒧᖓ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᓘᑲᓯᐅᑉ ᐊᒡᓚᖏᑦ 4:22

ᐊᔪᖏᓐᓂᖓ ᐅᖃᐅᓯᕆᕚᑦ, ᑲᒪᓪᓗᑎᒃ ᐅᖃᕈᓐᓇᑦᓯᐊᕐᓂᖓᓂᒃ; ᐅᖃᕐᓗᑎᒃ, “ᐅᓇ ᔫᓯᐱᐅᑉ ᐃᕐᓂᕆᓐᖏᓚᐅᒃ?”

ᔪᐊᓇᓯᐅᑉ ᐊᒡᓚᖏᑦ 7:46

ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑦ ᑭᐅᕗᑦ, “ᑖᑦᓱᑐᓇᖅ ᐅᖃᓪᓚᒍᓐᓇᕐᑎᒋᔪᒥᒃ ᐱᑕᖃᓐᖏᓚᖅ!”

ᒨᓯᓯ ᑕᓪᓕᒪᖏᑦ 18:17

ᐊᑕᓂᐅᓪᓕ ᐅᖃᐅᑎᓚᐅᕐᐹᖓ, ‘ᓱᓕᔪᒥᒃ ᐱᔪᒪᔭᖃᕐᐳᑦ.

ᒨᓯᓯ ᑕᓪᓕᒪᖏᑦ 18:18

ᐱᔪᖃᓛᕐᑐᒥᒡᓕ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᒃᑲ ᐃᓕᒃᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᖏᓐᓂᑦ ᐱᓯᒪᔪᒥᒃ; ᖃᓂᖓᓄᓪᓗ ᐅᖃᐅᓯᒃᓴᖏᓐᓂᒃ ᐃᓕᓯᔪᒫᕐᐳᖓ, ᐃᓄᖕᓂᒡᓗ ᐅᖃᐅᑦᔨᔪᒫᕐᐳᖅ ᐅᖃᐅᓯᕆᔭᐅᖁᔭᓕᒫᓐᓂᒃ.