ᐂᓮᐊᓯᐅᑉ ᐊᒡᓚᖏᑦ 50:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 50:2 Iomraidhean Croise

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᑯᕉᓂᑲ ᐂᑉᐸᖏᑦ 32:15

ᒫᓐᓇ ᑍᒤᒻᒪᑦ ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᒪᓕᒃᓴᕐᑎᑦᑍᓕᓛᓯᓗ ᑕᒪᑐᒧᖓ, ᐅᒃᐱᕆᑦᑍᓕᓯᐅᒃ, ᐃᓅᖃᑎᒌᒡᔪᐊᑦ ᒎᑎᖏᑕ ᓇᓪᓕᐊᓐᓄᑦ ᐊᑕᓂᐅᕖᓪᓘᓐᓃᑦ ᓴᐳᑎᔭᐅᔪᖃᓚᐅᕐᓯᒪᖏᒻᒪᑕ ᐱᔪᓐᓇᕐᓂᓐᓂᑦ ᐅᕝᕙᓗ ᐊᑖᑕᒪ ᐱᔪᓐᓇᕐᓂᖓᓂᑦ. ᖃᓄᕐᓕ ᓴᐳᑎᔭᐅᓂᕐᓴᐅᔪᓐᓇᕐᐱᓰ ᒎᑎᑦᓯᓐᓄᑦ ᐱᔪᓐᓇᕐᓂᓐᓃᑦ?’”

ᐃᓐᖏᕈᑎᑦ 106:9

ᐃᒪᖅ ᐊᐅᐸᓗᒃᑕᖅ ᐅᖃᐅᑎᖕᒪᒍ, ᑕᕝᕙ ᐃᒤᕈᑎᕗᖅ; ᑕᓯᐅᓚᐅᕐᐰᑦ ᐃᑎᔪᕐᔪᐊᒃᑯᑦ, ᓲᕐᓗ ᓄᓇᒃᑯᑦ ᓴᓗᐊᒪᔪᒃᑯᑦ.

ᐃᓐᖏᕈᑎᑦ 107:33

ᑖᑦᓱᒪ ᑰᑦ ᓱᓇᖃᕈᓐᓃᕐᑎᑉᐰᑦ, ᓄᓇᐅᓪᓗ ᐃᓗᐊᓂᑦ ᑰᒃᑐᑦ ᐸᓂᕐᑎᓪᓗᒋᑦ;

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᒨᓯᓯ ᐂᑉᐸᖏᑦ 14:29

ᐃᓴᕆᐊᓕᒥᐅᓪᓕ ᐱᓱᒃᐳᑦ ᓄᓇᒃᑯᑦ ᓴᓗᐊᒪᑦᓯᐊᕐᑐᒃᑯᑦ ᐃᒪᐅᑉ ᐃᓚᕕᓂᕋᓗᐊᖓᒍᑦ. ᐃᒫᓗᒡᓗ ᐊᑭᓐᓇᓕᐅᑎᓯᒪᓚᐅᕐᐳᖅ ᐃᒡᓗᒃᑐᑦ ᐊᕙᑖᓐᓂ.

ᒨᓯᓯ ᐂᑉᐸᖏᑦ 7:18

ᑕᒪᑐᒪᓗ ᐃᖃᓗᖏᑦ ᑐᖁᓂᐊᕐᐳᑦ, ᑰᒡᓗ ᑕᒪᓐᓇ ᑎᐱᓗᓕᕐᓂᐊᕐᐳᖅ ᑎᐱᓗᓕᕐᓂᖓᓄᓪᓗ ᐄᑦᔨᑉᑎᒥᐅᑦ ᑕᒫᓐᖓᑦ ᐃᒥᕈᓐᓁᓪᓕᓂᐊᕐᐳᑦ.”’”

ᒨᓯᓯ ᐂᑉᐸᖏᑦ 7:21

ᐃᖃᓗᐃᓪᓗ ᑰᖕᒦᑦᑐᑦ ᑐᖁᕗᑦ; ᑰᒡᓗ ᑎᐱᓗᓕᕐᒪᑦ, ᐄᑦᔨᑉᑎᒥᐅᑦ ᑕᒫᓐᖓᑦ ᑰᖕᒥᑦ ᐃᒥᕈᓐᓁᓪᓕᕗᑦ; ᐄᑦᔨᑉᑎᒥᐅᑦ ᓄᓇᓕᒫᖓ ᐊᐅᖑᖏᑦᑐᕐᑕᖃᕈᓐᓃᓚᐅᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:24

ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᕐᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᕐᑕᐅᓚᐅᕐᓯᒪᓇᖓ.

ᐂᓮᐊᓯᐅᑉ ᐊᒡᓚᖏᑦ 11:15

ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 19:5

ᑰᒑᓗᒃ ᓁᓕ ᓴᓗᐊᕈᒫᕐᐳᖅ, ᑰᒃ ᐃᒤᕐᓯᒪᓕᕐᓗᓂ ᐸᓂᕐᓯᒪᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 23:11

ᐊᑕᓂᐅᑉ ᐊᒡᒐᓂ ᐃᓴᖕᒪᒋᑦ ᑕᕆᐅᑉ ᓇᓛᓄᑦ ᐊᖓᔪᖅᑳᕐᔪᐊᖃᕐᕖᑦ ᐊᓯᕈᕐᓗᒋᑦ; ᐊᑕᓂᐅᑉ ᐱᖁᔨᓂᖓᓄᑦ ᑬᓇᓂᒥᐅᑦ ᑮᓇᐅᔭᓕᐅᕐᕕᒋᓐᓂᕐᐹᖏᑦ ᐊᓯᕈᕐᑕᐅᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 36:20

ᖃᖓ ᑖᒃᑯᐊ ᓄᓇᓕᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᕐᑎᓪᓗᒋᑦ ᖃᐅᔨᖃᑦᑕᓚᐅᕐᐱᓰ? ᖃᓄᐃᒻᒪᓪᓕ ᑕᕝᕙ ᐊᑕᓂᕐᒧᑦ ᔨᕉᓴᓕᒻ ᓴᐳᑎᔭᐅᔪᓐᓇᕋᓱᒋᓪᓗᒍ ᐃᓱᒪᓇᓱᐊᕐᐱᓰ?’”

ᐂᓮᐊᓯᐅᑉ ᐊᒡᓚᖏᑦ 41:28

ᕿᓂᓕᕋᒪᓕ ᐅᖃᕆᐊᕐᑐᕐᑐᒃᓴᒥᑦ ᐱᑕᖃᓚᐅᓐᖏᓚᖅ, ᐃᑲᔪᕐᑐᒃᓴᖃᓚᐅᓐᖏᓚᕐᓘᓐᓃᑦ, ᐊᐱᕆᒐᓗᐊᕋᒪ ᑭᐅᔪᒃᓴᕐᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 42:15

ᖃᖅᑬᑦ ᐱᖑᐃᓪᓗ ᓱᓁᕈᑎᑎᑦᓱᒪᕙᒃᑲ, ᐱᕈᕐᑐᖃᕐᓂᖏᓪᓗ ᐃᒤᕈᑎᑎᓪᓗᒋᑦ, ᑰᕕᓂᐅᒐᓗᐊᑦ ᓄᓇᕈᕐᑎᓪᓗᒋᑦ, ᑕᓯᕅᓪᓗ ᐃᒤᕈᑎᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 43:16

ᐊᑕᓂᖅ ᐃᒫᒃ ᐅᖃᕐᐳᖅ, “ᐊᖅᑯᑎᑖᕐᑎᑦᓯᓚᐅᕐᑐᖅ ᐃᒪᒃᑯᑦ, ᐃᒪᕐᔪᐊᓪᓗ ᐃᓗᐊᒍᑦ ᐱᓱᒡᕕᒋᓂᐊᕐᑕᑦᓯᓐᓂᒃ ᐋᖅᑭᒃᓯᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 44:27

ᑭᓇ ᐅᖃᕐᐸ ᐃᒪᕐᔪᐊᕐᒧᑦ ᐃᑎᔪᒧᑦ, ‘ᓴᓗᐊᓕᕆᑦ! ᑰᖁᑎᑎᓪᓗ ᐃᒪᖃᕈᓐᓁᕐᑎᑦᓱᒪᕙᒃᑲ’;

ᐂᓮᐊᓯᐅᑉ ᐊᒡᓚᖏᑦ 51:10

ᐃᕝᕕᓂᓐᓈ ᐃᒪᕐᔪᐊᖅ ᐃᒤᕈᑎᑎᓚᐅᕐᐱᐅᒃ? ᐃᒪᕐᐱᒃ ᐃᑎᔪᖅ; ᐊᖅᑯᑎᓕᐅᕐᓗᑎᑦ ᐃᒪᕐᔪᐊᒃᑯᑦ, ᓂᐅᕕᐊᖑᓪᓗᑎᒃ ᐅᑎᕐᑎᑕᐅᓯᒪᔪᑦ ᐊᖅᑯᑎᖃᕐᓗᑎᒃ ᐃᑳᕈᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 54:6

ᐊᑕᓂᐅᑉ ᐅᑎᖁᓪᓗᓯ ᐃᒻᒥᓄᑦ ᕾᖁᓚᐅᕐᐹᓯ ᐊᕐᓇᑐᑦ ᐊᕕᑕᐅᓯᒪᓪᓗᓂ ᐊᓂᕐᓂᕐᒥᒍᑦ ᐅᖁᒤᒃᓴᕐᑐᑎᑐᑦ, ᐅᕕᒐᕐᑑᓪᓗᓂ ᓄᓕᐊᕐᑖᕆᔭᐅᓚᐅᕐᑐᑎᑐᑦ ᐊᕕᑕᐅᑐᐃᓐᓇᕐᓯᒪᔪᑐᑦ, ᑍᒫᒃ ᒎᑎᓯ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 59:16

ᑕᑯᒐᒥ ᐃᓄᒃᑕᖃᕈᓐᓃᕐᑐᖅ ᐊᑕᐅᓯᕐᒥᒡᓘᓐᓃᑦ; ᑲᒪᓂᐊᕐᐳᕐᓗ ᑐᒃᓯᐅᑦᔨᔨᒃᓴᕐᑕᖃᕈᓐᓃᕐᒪᑦ; ᑍᒤᒻᒪᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ ᐱᐅᓕᔭᐅᕕᒃᓴᖅ ᑖᑦᓱᒧᖓ ᕾᑎᑉᐹ; ᓇᓛᒎᕐᓂᖓᑕᓗ ᑲᔪᓯᑎᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 63:13

ᐃᑎᔪᒃᑯᑦ ᑕᓯᐅᕐᓯᓚᐅᕐᑐᖅ ᑖᒃᑯᓂᖓ ᕿᒧᒃᓯᐅᑎᒃᑰᕐᑐᑎᑐᑦ ᓄᓇᒃᑯᑦ ᓱᓇᖃᖏᑦᑐᒃᑯᑦ ᓯᐅᕅᓐᓇᕐᒥ, ᐹᓪᓚᓚᐅᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 65:12

ᓯᕗᓂᒃᓴᖃᕐᑎᑦᓱᒫᕐᐸᑦᓯ ᓴᕕᒡᔪᐊᕐᒧᑦ ᑐᖁᑕᐅᑎᓪᓗᓯ, ᑕᒪᑦᓯ ᑐᖁᕅᔨᓄᑦ ᐅᑯᔪᒫᕐᐳᓯ; ᕾᖁᔨᑎᓪᓗᖓ ᐃᓕᑦᓯᓐᓂᒃ ᑭᐅᓚᐅᖏᓐᓇᑦᓯ, ᐅᖃᕐᑎᓪᓗᖓ ᓈᓚᓚᐅᖏᓐᓇᑦᓯ, ᐱᐅᖏᑦᑐᓂᒃ ᐱᓇᓱᐊᑐᐃᓐᓇᓚᐅᕋᑦᓯ ᑕᑯᓐᓇᕐᑎᓪᓗᖓ, ᖁᕕᐊᒋᓐᖏᑕᓐᓂᒡᓗ ᓂᕈᐊᖔᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 66:4

ᓂᕈᐊᓛᕆᕗᖓ ᐋᓐᓂᐊᑎᑕᐅᑦᔪᑎᒃᓴᖏᓐᓂᒃ, ᑲᑉᐱᐊᒋᔭᖏᓐᓂᒃ ᑎᑭᕝᕕᐅᑎᑦᓱᒫᕐᐸᒃᑲ; ᕾᖁᔨᑎᓪᓗᖓ ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᖏᒻᒪᑦ, ᐅᖃᓪᓚᒃᑎᓪᓗᖓ ᓈᓚᓚᐅᖏᒻᒪᑕ; ᐱᐅᖏᑦᑐᒥᒡᓕ ᑕᑯᓐᓇᕐᑕᒃᑯᑦ ᐱᓇᓱᐊᖔᑐᐃᓐᓇᓚᐅᕐᐳᑦ, ᐊᑐᕋᓱᖔᕐᓗᑎᒡᓗ ᖁᕕᐊᒋᓐᖏᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 35:14

ᔨᕼᐅᓇᑕᐅᑉ ᕆᑳᐱᐅᑉ ᐃᕐᓂᖓᑕ ᐃᕐᓂᓂ ᕔᓂᒥᒃ ᐃᒥᖃᑦᑕᖁᓐᓂᖏᒻᒪᒋᑦ ᓱᓕ ᐅᓪᓗᒥ ᑕᒪᓐᓇ ᑖᒃᑯᐊ ᒪᓕᒃᐹᑦ, ᐃᒥᕈᓐᓇᖏᒻᒪᑕ ᕔᓂᒥᒃ ᐅᓪᓗᒥ, ᓯᕗᓕᕆᔭᒥ ᐱᖁᔭᓕᐊᕆᔭᕕᓂᖓᓂᒃ ᓈᓚᒃᑲᒥᒃ. ᐅᕙᖓᓕ ᐅᓄᕐᑐᐃᕐᓱᕐᓗᖓ ᐅᖃᐅᑎᖃᑦᑕᓚᐅᕐᐸᑦᓯ, ᑭᓯᐊᓂᓕ ᓈᓚᒍᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 7:13

ᑕᒪᒃᑯᓂᖓ ᐱᔪᒥᓇᖏᑦᑐᓂᒃ ᐱᓇᓱᐊᕐᑎᓪᓗᓯ, ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ ᐅᖃᕋᓱᐊᖃᑦᑕᓚᐅᕋᓗᐊᕐᐳᖓ ᐅᓄᕐᑐᐃᕐᓱᕐᓗᖓ, ᓈᓚᓚᐅᓐᖏᓚᑦᓯᓐᖓᓕ, ᐅᖃᐅᑦᔨᓇᓱᐊᕋᓗᐊᕐᑎᓪᓗᖓ ᑭᐅᔪᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 7:27

ᑕᒪᒃᑯᓂᖓ ᐅᖃᐅᑎᒐᓗᐊᕈᕕᒋᑦ ᑐᓴᕐᑕᐅᑦᔮᓐᖏᓚᑎᑦ ᕾᖁᒐᓗᐊᕈᕕᒋᓪᓗ ᑭᐅᑦᔮᓐᖏᓛᑎᑦ.

ᔨᕆᒤᐊᐅᑉ ᐊᒡᓚᖏᑦ 8:6

ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 3:29

“ᑍᒤᒻᒪᑦ ᐱᖁᔭᓕᐅᓕᕐᐳᖓ ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ ᐅᖃᐅᓯᖃᑎᒌᖏᑦᑐᓪᓗ, ᓇᓪᓕᐊᓐᓂᒃ ᐊᑭᕋᕐᑐᕐᓂᕐᒥᒃ ᐅᖃᕐᑐᖃᕐᐸᑦ, ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ ᒎᑎᖓᓐᓄᑦ, ᑍᒤᓕᐅᕐᑑᑉ ᑎᒥᖓ ᐊᕕᒃᑐᕐᑕᐅᔪᒃᓴᐅᕗᖅ ᐃᒡᓗᖓᓗ ᓯᖁᒥᑕᐅᓗᓂ ᓴᓂᑐᐃᓐᓇᐅᓕᕐᓗᓂ: ᒎᑎᑕᖃᖏᒻᒪᑦ ᐊᓯᐊᓂᒃ ᑍᒫᒃ ᓴᐳᑦᔨᔪᓐᓇᕐᑎᒋᔪᒥᒃ.”

ᑖᓂᐊᓕᐅᑉ ᐊᒡᓚᖏᑦ 6:20

ᓛᔧᑦ ᓯᑎᖓ ᖃᒡᓕᓪᓗᒍ, ᑖᓂᐊᓕᒧᑦ ᕾᒐᓛᕐᐳᖅ ᓂᐱᒧᑦ ᖁᓱᔪᒧᑦ, “ᑖᓂᐊᓖ, ᒎᑎᐅᑉ ᐆᒪᔫᑉ ᐱᔨᖓ, ᒎᑎᕕᑦ, ᑍᒪᓐᖓᑦ ᐱᔨᑦᓯᕐᑕᕕᑦ ᓛᔭᓂᑦ ᓴᐳᑎᕙᑏᑦ?”

ᑖᓂᐊᓕᐅᑉ ᐊᒡᓚᖏᑦ 6:27

ᑖᓐᓇ ᐊᓐᓇᒃᑎᑦᓯᕙᒃᑐᖅ ᓴᐳᑦᔨᕙᒡᓗᓂᓗ; ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐱᓂᐊᕐᓂᖃᕐᐳᖅ ᕿᓚᖕᒥ ᓄᓇᒥᓗ. ᑖᓂᐊᓕ ᓴᐳᑎᓚᐅᕐᐹ ᓔᔧᑦ ᐱᔪᓐᓇᕐᓂᖏᓐᓂᑦ.”

ᕼᐆᓯᐊᑉ ᐊᒡᓚᖏᑦ 11:2

ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᕐᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ.

ᕼᐆᓯᐊᑉ ᐊᒡᓚᖏᑦ 11:7

ᐃᓄᖁᑎᒃᑲ ᐊᓚᕆᐊᖃᑦᑕᕐᐳᑦ ᕿᒤᔪᒪᓪᓗᑎᒃ ᐅᕙᓐᓂᒃ; ᑍᒤᒻᒪᑦ ᐅᓂᐅᑕᕐᑖᕐᑎᑕᐅᕗᑦ ᑐᐃᕐᒥᐅᑕᕐᓂᒃ, ᓇᐅᒧᓪᓘᓐᓃᑦ ᐲᕐᑕᐅᓂᐊᓐᖏᓚᑦ.

ᓇᕼᐅᒥᐅᑉ ᐊᒡᓚᖏᑦ 1:4

ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ; ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.

ᕼᐊᐸᑲᐅᑉ ᐊᒡᓚᖏᑦ 3:8

ᐊᑕᓃᖅ, ᑰᖕᒧᑦ ᓂᓐᖓᒃᑎᑕᐅᕖᑦ? ᐃᒪᕕᖕᒧᑦ ᓂᓐᖓᕕᒡᔪᐊᕐᑎᑕᐅᕖᑦ? ᓄᕗᔧᑦ ᖄᖏᑎᒍᑦ ᐃᑭᒪᒐᕕᑦ; ᓯᓚᕐᓂᕐᓗᐃᓪᓗ ᓄᕗᔭᑦ ᕿᒧᒃᓯᐅᑎᒋᕙᑎᑦ ᐊᒃᓴᓗᐊᓕᒃᑎᑐᑦ, ᑕᒪᒃᑯᑎᒎᓇᕐᓗ ᓵᓚᖃᕐᑎᑦᓯᓪᓗᑎᑦ ᐃᓄᖁᑎᖕᓂᒃ.

ᒨᓯᓯ ᓯᑕᒪᖏᑦ 11:23

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

ᒫᑯᓯᐅᑉ ᐊᒡᓚᖏᑦ 4:39

ᑐᐸᒐᒥ ᐊᓄᕆ ᐃᓂᕐᑎᕐᐹ, ᐃᒪᕐᒧᑦ ᐅᖃᕐᐳᖅ, “ᐃᑯᓪᓚᕐᓗᑎᑦ ᓄᖅᑲᕆᑦ!” ᐊᓄᕆ ᐃᑯᓪᓚᕐᐳᖅ, ᐃᒪᖅ ᐃᑯᓪᓕᐊᒻᒪᕆᓕᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 1:11

ᓄᓇᒥᓄᑦ ᓇᖕᒥᓂᕐᒥᓄᑦ ᑎᑭᑉᐳᖅ, ᐃᓄᖁᑎᖏᑕᓕ ᓇᖕᒥᓂᖏᑕ ᐃᓚᓕᐅᓐᖏᓛᑦ.

ᔪᐊᓇᓯᐅᑉ ᐊᒡᓚᖏᑦ 3:19

ᐃᖅᑲᕐᑐᕐᑕᐅᓂᖅ ᐃᒤᓕᖓᕗᖅ, ᖃᐅᒪᔪᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ, ᐃᓄᐃᑦ ᑖᕐᔪᐊᖅ ᐅᖓᒋᓂᕐᓴᕆᕚᑦ ᖃᐅᒪᔪᒥᑦ, ᐱᓂᐊᕐᓂᖏᑦ ᐱᐅᖏᑦᑐᓕᓂᐅᖕᒪᑕ.

ᔮᓱᐊᑉ ᐊᒡᓚᖏᑦ 3:16

ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.