ᐂᓮᐊᓯᐅᑉ ᐊᒡᓚᖏᑦ 50:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 50:10 Iomraidhean Croise

ᓴᒧᐃᓕ ᐂᑉᐸᖏᑦ 22:29

ᐊᑕᓃᖅ ᐃᕝᕕᑦ ᖃᐅᒻᒪᖅᑯᑎᒋᕙᒋᑦ, ᒎᑎᒪᓗ ᑖᕐᑐᒦᓐᓂᕋ ᖃᐅᒻᒪᒃᑎᑉᐹ.

ᑯᕉᓂᑲ ᓯᕗᓪᓖᑦ 5:20

ᐃᑲᔪᕐᑕᐅᓪᓗᑎᒃ, ᕼᐊᒐᕅᑎᒥᐅᑉ ᓵᓚᐅᕗᑦ ᑖᒃᑯᓄᖓ, ᑖᒃᑯᐊ ᒎᑎᒧᑦ ᑐᒃᓯᐊᓚᐅᕐᒪᑕ ᐅᓇᑕᕐᓱᑎᒃ, ᑐᒃᓯᐊᕐᓂᖏᑦ ᑐᓴᓚᐅᕐᐰᑦ, ᑖᑦᓱᒥᖓ ᑕᑎᖃᕐᒪᑕ.

ᑯᕉᓂᑲ ᐂᑉᐸᖏᑦ 20:12

ᒎᑎᕗᑦ, ᐃᖅᑲᕐᑐᕈᓐᓇᕐᐱᒌᑦ? ᐱᔪᓐᓇᕐᓂᖃᖏᓐᓇᑦᑕ ᐃᓄᒋᐊᒃᑐᕐᔪᐊᑦ ᐅᕙᑦᑎᓐᓄᑦ ᐅᓇᑕᕆᐊᕐᓂᖏᓐᓄᑦ. ᖃᓄᐃᓕᐅᕐᑐᒃᓴᐅᖕᒪᖔᑦᑕᓗ ᖃᐅᔨᒪᓇᑕ, ᐃᔨᑦᑎᓐᓄᓪᓕ ᐃᓕᖕᓄᑦ ᑕᑯᓴᕐᐳᒍᑦ ᐅᑕᖅᑭᓪᓗᑕ.”

ᑯᕉᓂᑲ ᐂᑉᐸᖏᑦ 20:20

ᐅᓪᓛᒻᒪᕆᒃᑯᓪᓗ ᒪᑭᑉᐳᑦ ᐂᓗᑎᒡᓗ ᐃᓄᖃᔪᐃᑦᑐᒧᑦ ᑎᑯᐊᒧᑦ; ᐊᐅᓪᓚᕐᑎᓪᓗᒋᑦ, ᔨᕼᐆᓴᐸᑦ ᓂᑯᕕᓪᓗᓂ ᐅᖃᕐᐳᖅ, “ᑐᓴᕐᓯᓐᖓ ᔫᑕᒥᐅᑦ ᔨᕉᓴᓕᒥᓗ ᓄᓇᖃᕐᑐᓯ! ᐅᒃᐱᕆᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᐃᓂᓪᓚᒃᑎᑕᐅᓂᐊᕐᐳᓯ; ᐅᖃᕐᑎᖏᑦ ᐅᒃᐱᕆᓯᒋᒃ, ᑕᕝᕙ ᒪᑭᑎᑕᐅᓂᐊᕐᐳᓯ.”

ᔫᐱᐅᑉ ᐊᒡᓚᖏᑦ 13:15

ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.

ᔫᐱᐅᑉ ᐊᒡᓚᖏᑦ 29:3

ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᓇᔪᕐᑕᐅᖏᓐᓇᕐᐸᓚᐅᕋᒪ, ᑖᕐᑐᒃᑰᓕᕌᖓᒪᓗ ᑖᑦᓱᒪ ᖃᐅᒪᓂᖓᓄᑦ ᑕᓯᐅᕐᑕᐅᕙᓚᐅᕐᐳᖓ;

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 128:1

ᑐᓱᓐᓇᕐᐳᑦ ᐊᑕᓂᕐᒥᒃ ᓯᕘᕋᔪᑦ ᑕᒪᕐᒥᒃ, ᐃᓅᓯᖃᕐᑐᓪᓗ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ.

ᐃᓐᖏᕈᑎᑦ 145:21

ᖃᓂᕋ ᐅᖃᓪᓚᖕᓂᐊᕐᐳᖅ ᐊᑕᓂᖅ ᓂᕐᑐᕐᓗᒍ, ᑎᒥᖃᕐᑐᓕᒫᓪᓗ ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓕᑦᔪᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᐃᓐᖏᕈᑎᑦ 25:12

ᑭᓇ ᑍᒪ ᐃᓄᒃ ᓯᕘᕋᕙ ᐊᑕᓂᕐᒥᒃ? ᑖᓐᓇᐅᕗᖅ ᐊᔪᕆᑐᕐᓂᐊᕐᑕᖓ ᐊᖅᑯᑎᒥᒃ ᓂᕈᐊᕐᓯᒪᔭᒥᓂᒃ ᑖᑦᓱᒧᖓ.

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᐃᓐᖏᕈᑎᑦ 28:7

ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.

ᐃᓐᖏᕈᑎᑦ 42:11

ᑕᕐᓃᒃ, ᓱᖕᒪᑦ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᑮᓇᕐᒪ ᐃᑲᔪᕐᑎᒋᖕᒪᒍ ᒎᑎᒋᓪᓗᒍᓗ.

ᐃᓐᖏᕈᑎᑦ 62:8

ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 10:20

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᓴᕆᐊᓕᒃᑯᓐᓂ ᐊᒥᐊᒃᑰᔪᑦ ᐊᓐᓇᒃᓯᒪᔪᓪᓗ ᔧᑰᑉ ᑭᖑᕚᖏᓐᓂᑦ, ᓵᓚᒋᔨᒋᓚᐅᕐᑕᒥᖕᓂᒃ ᑕᑎᖃᕈᓐᓃᕐᕕᒃᓴᖓᑦ, ᐊᑕᓂᕐᒥᒡᓕ ᑕᑎᖃᓕᕈᒫᕐᐳᑦ, ᐃᓴᕆᐊᓕᒃᑯᑦ ᐃᑦᔪᕐᓁᑦᑐᖁᑎᖓᓂᒃ, ᓱᓕᑦᓯᐊᕐᓂᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 26:9

ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 59:9

ᑍᒤᒻᒪᑦ ᐊᑦᔨᒌᒃᑎᑦᓯᓂᕐᒥᒃ ᐱᓇᓱᐊᕐᓂᖅ ᐅᓇᖕᒥᓇᕈᓐᓃᕐᐳᖅ ᐅᕙᑦᑎᓐᓄᑦ, ᓇᓛᒎᕐᓂᕐᓗ ᐅᕙᑦᑎᓐᓄᑦ ᑎᑭᐅᑎᔪᓐᓁᓪᓕᕗᖅ; ᖃᐅᒪᔪᒥᒃ ᐅᑕᖅᑭᒐᓗᐊᕋᑦᑕ, ᑖᕐᑐᒥᒃ ᑕᑯᓐᓇᕐᐳᒍᑦ, ᖃᐅᒪᑦᓯᐊᕐᑐᒥᒃ ᑕᑯᔪᒪᒐᓗᐊᕐᓗᑕ ᑖᕐᓯᐅᑐᐃᓐᓇᕐᐳᒍᑦ.

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:2

ᐅᖁᒤᑦᑐᒧᑦ ᐊᔭᐅᕐᐹᖓ ᑖᕐᑐᒧᑦ ᖃᐅᒪᓂᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᓇᕼᐅᒥᐅᑉ ᐊᒡᓚᖏᑦ 1:7

ᐊᑕᓂᖅ ᐱᐅᔫᕗᖅ; ᑕᑎᖃᕐᑐᑦ ᓴᐳᑎᓯᒪᖕᒪᒋᑦ ᐊᑲᐅᖏᑦᑐᑦ ᓇᓪᓕᐅᑎᓯᒪᑎᓪᓗᒋᑦ; ᓴᐳᑎᕔᓪᓗ ᑖᑦᓱᒧᖓ ᕿᒫᔪᑦ ᐃᑲᔪᕐᑕᐅᔪᒪᓪᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 3:12

ᑍᒃᑯᐊ ᐊᒥᐊᒃᑰᑎᓐᓂᐊᕐᐸᒃᑲ ᒥᑭᒡᓕᑎᕐᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᕐᑐᑦ ᐊᑕᓂᐅᑉ ᐊᑎᖓᓂᒃ.

ᕼᐊᒊᑉ ᐊᒡᓚᖏᑦ 1:12

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 12:46

ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᐲᑦᑐᕉᓯ ᓯᕗᓪᓖᑦ 5:7

ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.