ᐂᓮᐊᓯᐅᑉ ᐊᒡᓚᖏᑦ 50:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 50:1 Iomraidhean Croise

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 4:1

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐃᓚᒋᔭᐅᔪᒥᒃ ᐅᐃᒡᒐᕐᓂᑯᒥᒃ ᐃᓔᓴ ᐅᐸᒃᑕᐅᕗᖅ ᐅᖃᕐᓗᓂᓗ, “ᐅᐃᒐ ᑐᖁᓚᐅᕐᒪᑦ ᖃᐅᔨᒪᔪᑎᑦ ᒎᑎᒥᒃ ᓯᕘᕋᒋᔭᖃᕐᓗᓂ ᐃᓅᓚᐅᕐᑐᖅ, ᑭᓯᐊᓂ ᐊᖑᒻᒥᒃ ᐊᑭᓕᒃᓴᖃᕐᕕᖃᕐᓂᕐᒪᑦ, ᑖᑦᓱᒪ ᐃᕐᓃᒃᑲᒃ ᐱᑖᕆᔪᒪᓕᕐᒪᒋᒃ ᐊᑭᓕᒃᓴᖏᓐᓄᑦ ᐊᑭᓕᐅᑎᒋᔭᐅᖁᓪᓗᓂᒋᒃ.”

ᓂᕼᐃᒤᐊᐅᑉ ᐊᒡᓚᖏᑦ 5:5

ᐃᓅᖃᑎᒌᒃᑲᓗᐊᕐᑐᒍᑦ ᔫᑎᐅᖃᑎᒋᒐᑦᑎᒍ, ᕿᑐᕐᖓᕗᑦ ᑍᒃᑯᑎᑐᓇᖅ ᕿᑐᕐᖓᖏᑎᑐᑦ ᐱᐅᔫᑎᒋᓐᖏᓛᑦ? ᐸᓂᑦᑕ ᐃᓚᖏᑦ ᐊᒡᓛᑦ ᓂᐅᕐᕈᑎᐅᓯᒪᕗᑦ ᐱᔨᑲᑖᖑᓂᐊᓕᕐᓗᑎᒃ. ᐊᔪᓕᕐᐳᒍᑦ ᐱᕈᕐᓰᕕᖁᑎᕗᑦ ᕔᓂᓕᐅᕐᕕᒃᐳᓪᓗ ᑎᒍᔭᐅᓯᒪᓕᕐᒪᑕ.”

ᐃᔅᑕᐅᑉ ᐊᒡᓚᖏᑦ 7:4

ᐃᓅᖃᑎᒃᑲᓗ ᐅᕙᖓᓗ ᓂᐅᕐᕈᑎᒋᔭᐅᓯᒪᒐᑦᑕ, ᐊᓯᕈᕐᑕᐅᖁᓪᓗᑕ, ᑐᖁᑕᐅᖁᓪᓗᑕ, ᓄᖑᑕᐅᑦᓯᐊᖁᓪᓗᑕᓗ. ᓂᐅᕐᕈᑎᒋᔭᐅᓂᐊᕈᑦᑕᓕ ᐊᖑᑎᓪᓗ ᐊᕐᓁᓪᓗ ᓯᐊᓛᒃᓴᐅᖁᓪᓗᑕ, ᓂᓪᓕᕋᔭᓐᖏᓚᖓ, ᑕᒪᓐᓇ ᐅᖁᒤᑦᑐᒦᑎᑕᐅᓂᕗᑦ ᐊᑦᔨᐅᑎᑕᒃᓴᐅᖏᒻᒪᑦ ᐊᖓᔪᖅᑳᕐᔪᐊᑉ ᐊᓯᐅᔨᒐᔭᕐᓂᖓᓄᑦ.”

ᐃᓐᖏᕈᑎᑦ 44:12

ᐃᓄᖁᑎᑎᑦ ᓂᐅᕐᕈᑎᒋᓚᐅᕐᐸᑎᑦ ᐊᑭᑭᓐᓂᕐᐹᒧᑦ, ᓂᐅᕐᕈᑎᒋᒐᓗᐊᕋᕕᒋᑦ ᑮᓇᐅᔭᓕᐅᕈᑎᒃᓴᐅᓚᐅᓐᖏᓚᑦ.

ᒨᓯᓯ ᐂᑉᐸᖏᑦ 21:7

“ᐊᖑᓪᓕ ᐸᓂᖕᒥᓂᒃ ᓂᐅᕐᕈᑎᖃᕐᐸᑦ ᓯᐊᓛᖑᓂᕐᒧᑦ, ᑖᓐᓇ ᐊᖑᑎᑎᑐᑦ ᓯᐊᓛᑎᑐᑦ ᐊᓂᑎᑕᐅᔭᕆᐊᖃᕋᔭᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 43:27

ᓯᕗᓕᑦᓯ ᓯᕗᓪᓕᕐᐹᕕᓂᖓᑦ ᐊᔪᕐᑐᓕᓚᐅᕐᐳᖅ, ᐃᑲᔪᕐᑎᒋᔭᓯᓗ ᐊᔪᕐᑐᓕᓚᐅᕐᐳᑦ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 46:8

ᐅᓇ ᐃᖅᑲᐅᒪᓯᐅᒃ ᐃᓱᒪᒃᓴᕐᓯᐅᕈᑎᒋᓗᒍᓗ, ᐃᖅᑲᖃᑦᑕᕐᓗᒍᓗ, ᐃᓕᑦᓯ ᓈᓚᒍᒪᔪᓐᓇᖏᑦᑐᓯ.

ᐂᓮᐊᓯᐅᑉ ᐊᒡᓚᖏᑦ 52:3

ᐃᒫᒃ ᐊᑕᓂᖅ ᐅᖃᕐᐳᖅ: “ᓂᐅᕐᕈᑕᐅᓚᐅᕋᑦᓯ ᐊᑭᖃᕋᓯ, ᓂᐅᕕᐊᖑᓗᓯ ᐅᑎᕐᑎᑕᐅᔪᒫᕆᕗᓯ ᑮᓇᐅᔭᒨᖏᑦᑐᖅ.”

ᐂᓮᐊᓯᐅᑉ ᐊᒡᓚᖏᑦ 54:6

ᐊᑕᓂᐅᑉ ᐅᑎᖁᓪᓗᓯ ᐃᒻᒥᓄᑦ ᕾᖁᓚᐅᕐᐹᓯ ᐊᕐᓇᑐᑦ ᐊᕕᑕᐅᓯᒪᓪᓗᓂ ᐊᓂᕐᓂᕐᒥᒍᑦ ᐅᖁᒤᒃᓴᕐᑐᑎᑐᑦ, ᐅᕕᒐᕐᑑᓪᓗᓂ ᓄᓕᐊᕐᑖᕆᔭᐅᓚᐅᕐᑐᑎᑐᑦ ᐊᕕᑕᐅᑐᐃᓐᓇᕐᓯᒪᔪᑐᑦ, ᑍᒫᒃ ᒎᑎᓯ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 54:7

ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 3:1

ᐊᖑᑦ ᓄᓕᐊᒥᓂᒃ ᐊᕕᑦᑎᒃᐸᑦ ᐊᕐᓇᐅᓪᓗ ᐅᐃᒋᓚᐅᕐᑕᓂ ᕿᒪᒡᓗᒍ ᐊᓯᐊᓂᒡᓗ ᐅᐃᓂᒡᓗᓂ, ᐅᐃᒋᓚᐅᕐᑕᖓᑕ ᐅᑎᕐᕕᒋᔭᕆᐊᖃᕐᐸᐅᒃ? ᐃᓕᑦᓯᓕ ᐊᖑᓐᓂᐊᕐᑎᑎᑐᑦ ᐃᓅᓕᕐᐳᓯ ᐅᓄᕐᑐᓂᒃ ᐅᖓᒋᔭᖃᓕᕐᑐᑎᑐᑦ, ᑕᕝᕙ ᒫᓐᓇ ᐅᕙᓐᓄᑦ ᐅᑎᕈᓐᓇᕐᐱᓰ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:8

ᐃᓴᕆᐊᓕᒥᐅᑉ ᐊᓯᓐᓂᐊᕐᓂᖓ ᐱᓪᓗᒍ ᐊᕕᑦᑎᑦᔪᑎᓂᒃ ᑐᓂᓚᐅᕐᐸᕋ, ᕿᒪᒡᓗᒍᓗ, ᑍᒤᑎᑦᓯᓂᕋ ᔫᑕᐅᑉ ᑕᑯᒐᓗᐊᕋᒥᐅᒃ ᓯᕘᕋᓕᓚᐅᖏᓐᓂᕗᕐᑕᐅᖅ. ᐊᓯᓐᓂᐊᕐᓂᕐᒥᓂᒡᓗ ᑲᔪᓯᑐᐃᓐᓇᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:18

ᐃᓅᓯᕆᔭᑦᓯᓐᓄᑦ ᐱᓂᐊᕐᓂᑦᓯᓐᓄᓪᓗ ᑕᒪᓐᓇ ᑍᒤᑎᑉᐸᓯ ᑕᒪᓐᓇ ᓱᒋᐊᕐᑕᐅᓂᕆᕙᓯ, ᑕᒪᓐᓇᓗ ᖁᕕᐊᓇᓐᖏᓚᖅ ᐆᒻᒪᑎᒧᓪᓗ ᐋᓐᓂᕐᓇᕐᓗᓂ.

ᕼᐆᓯᐊᑉ ᐊᒡᓚᖏᑦ 4:5

ᐅᓪᓗᒃᑯᑦ ᐹᓪᓚᒍᒫᕐᐳᓯ, ᐱᔪᖃᓛᕐᑐᒥᒡᓗ ᐅᖃᕐᑏᑦ ᐅᓐᓄᒃᑯᑦ ᐹᓪᓚᒍᒫᕆᕗᑦ; ᐊᓈᓇᓯᓗ ᐃᓴᕆᐊᓕ ᐊᓯᕈᕐᓂᐊᕐᐸᕋ.

ᒨᓯᓯ ᐱᖓᔪᖏᑦ 25:39

“ᐃᓴᕆᐊᓕᒥᐅᖑᖃᑎᓯ ᓄᓇᑦᓯᓐᓂ ᐊᔪᕐᓴᓗᐊᓕᕐᐸᑦ ᐃᒻᒥᓂᒡᓗ ᓂᐅᕐᕈᑎᒋᒃᐸᑦ ᓯᐊᓛᖑᓂᕐᒧᑦ, ᓂᐅᕕᐊᖑᓯᒪᓪᓗᑎᒃ ᓯᐊᓛᑦ ᐊᒃᓱᕈᕐᑎᑕᐅᑦᔪᓯᖏᑎᑐᑦ ᐃᖅᑲᓁᔭᕐᑎᑕᒃᓴᕆᓐᖏᓚᓯ.

ᒫᑎᐅᓯᐅᑉ ᐊᒡᓚᖏᑦ 18:25

ᐱᔨ ᐊᑭᓕᐅᑎᒃᓴᖃᖏᒻᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᓂᐅᕕᐊᖑᖁᓕᕐᐹ ᐱᖁᑎᑎᑐᑦ ᐱᑖᕆᔭᐅᖁᓪᓗᒍ, ᓄᓕᐊᖓᓗ ᕿᑐᕐᖓᖏᓪᓗ ᐱᖁᑎᓕᒫᖏᓪᓗ, ᐊᑭᓕᒃᓴᖏᑦ ᐊᑭᓕᕐᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.