ᐂᓮᐊᓯᐅᑉ ᐊᒡᓚᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᐂᓮᐊᓯᐅᑉ ᐊᒡᓚᖏᑦ 5:7 Iomraidhean Croise

ᒨᓯᓯ ᓯᕗᓪᓖᑦ 4:10

ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ.

ᓴᒧᐃᓕ ᐂᑉᐸᖏᑦ 7:10

ᐃᓂᒃᓴᒥᒃ ᓂᕈᐊᕐᓂᐊᕐᐳᖓ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐃᓂᖃᑦᓯᐊᖁᓪᓗᒋᑦ, ᓇᖕᒥᓂᖅ ᓄᓇᖃᖁᓪᓗᒋᑦ, ᐸᕝᕕᓴᒃᑕᐅᖃᑦᑕᖏᓪᓗᑎᒃ ᓇᓪᓕᐊᓐᓄᓪᓘᓐᓃᑦ; ᐃᓴᒋᔭᖃᖏᑦᑐᓄᓪᓗ ᐸᒡᕕᓴᒃᑕᐅᖃᑦᑕᕈᓐᓁᖁᓪᓗᒋᑦ, ᓯᕗᓕᕆᓚᐅᕐᑕᖏᑎᑐᑦ.

ᔫᐱᐅᑉ ᐊᒡᓚᖏᑦ 34:28

ᐊᒃᓱᔪᑦ ᐃᑲᔪᕐᑕᐅᔪᒪᓕᖁᓪᓗᒋᑦ ᑖᑦᓱᒧᖓ, ᐋᓐᓂᐊᓇᕐᑐᒦᑦᑐᑦ ᓂᓪᓕᐊᓕᕐᒪᑕ ᑕᕝᕙ ᑐᓴᓚᐅᕐᐰᑦ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐃᓐᖏᕈᑎᑦ 80:15

ᑕᓕᕐᐱᖕᓄᑦ ᓇᑉᐸᕐᑎᓚᐅᕐᑍᑦ, ᑖᓐᓇ ᕔᓂᒃᓴᓕᒃ ᓴᓐᖏᔪᕈᕐᑎᓚᐅᕋᕕᐅᒃ ᐱᓪᓗᑎᑦ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:13

ᐊᔪᕐᓴᕐᑐᑦ ᕿᓄᓂᖏᓐᓂᒃ ᑐᓴᕐᑍᓕᒪᔪᖅ, ᕿᓄᓇᓱᐊᓕᕋᓗᐊᕐᐸᑦ ᑐᓴᕐᑕᐅᓂᐊᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 7:6

ᐃᓂᖁᓇᕐᐳᑎᑦ ᑕᑯᒥᓇᕐᓗᑎᓪᓗ, ᓇᒡᓕᖕᓇᕐᑐᑎᑦ, ᖁᕕᐊᒋᔭᕐᓂᒃ ᐱᓯᒪᕗᑎᑦ.

ᐂᓮᐊᓯᐅᑉ ᐊᒡᓚᖏᑦ 1:21

ᐃᒡᓗᒐᓮᑦ ᑲᔪᓯᑦᓯᐊᕐᑐᒥᒃ ᐱᓇᓱᐊᕐᑐᑦ ᐊᖑᓐᓂᐊᕐᑎᐅᓕᕐᐳᑦ! ᐸᓯᔭᒃᓴᐅᖏᑦᑐᒥᒃ ᐱᓇᓱᐊᓚᐅᕐᑐᑦ ᓇᓛᒎᕐᓂᕐᒥᓪᓗ ᐃᓂᒋᔭᐅᓚᐅᕐᑐᑦ, ᒫᓐᓇᓕ ᐃᓄᐊᕐᑎᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:6

ᐃᑎᒐᑦᓯ ᐊᓗᖏᓐᓂᑦ ᓂᐊᖁᑦᓯ ᑎᑭᓪᓗᒋᑦ, ᖃᓄᐃᖏᑦᑐᖃᓐᖏᓚᑦ, ᐃᓘᓐᓇᑦᓯᒍᑦ ᑎᒡᓘᔭᕐᐳᓯ ᐊᒥᕐᓗᒃᓗᓯᓗ ᑭᓪᓕᐊᓯᒪᕗᓯ ᐊᐅᓈᕐᓗᓯ. ᑭᓪᓕᓯᓗ ᓴᓗᒻᒪᕐᓴᕐᑕᐅᓯᒪᓐᖏᓚᑦ ᒪᑦᑐᓯᕐᓯᒪᓇᑎᒡᓗ ᐃᓅᓕᓴᐅᓯᕐᓯᒪᓇᑎᒡᓘᓐᓃᑦ ᐅᕐᓱᒧᑦ.

ᐂᓮᐊᓯᐅᑉ ᐊᒡᓚᖏᑦ 27:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐅᖃᕈᒫᕐᐳᖅ, “ᐱᕈᕐᓰᕕᖁᑎᒐ ᐊᐅᐸᕐᑐᒥᒃ ᕔᓂᓕᒃᓴᖅ!

ᐂᓮᐊᓯᐅᑉ ᐊᒡᓚᖏᑦ 3:14

ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 3:17

ᑍᒤᒻᒪᑦ ᓮᐅᓂᐅᑉ ᐸᓂᖏᑕ ᓂᐊᖁᖏᑦ ᐊᑕᓂᐅᑉ ᐊᒥᕐᓗᓕᕐᑎᑦᓱᒫᕐᐰᑦ, ᑲᓐᖑᒋᔭᖏᓪᓗ ᓴᖅᑭᑎᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 30:12

ᑍᒤᒻᒪᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒫᒃ ᐅᖃᕐᐳᖅ, “ᐅᖃᐅᓯᕆᔭᒃᑲ ᓈᓚᒍᒪᖏᓐᓇᑦᓯᐅᒃ, ᐅᖁᒤᒃᓴᕐᑎᑕᐅᓂᕐᒥᒃ ᑕᑎᖃᕈᒪᓪᓗᓯ ᖃᓄᐃᕈᓘᔭᕐᓇᕐᑐᓂᒡᓗ, ᒪᓕᖔᕈᒪᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 46:12

ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

ᐂᓮᐊᓯᐅᑉ ᐊᒡᓚᖏᑦ 5:2

ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 59:14

ᐊᑦᔨᒌᒃᑎᑦᓯᓂᖅ ᐅᑎᕆᐊᕐᓯᒪᖕᒪᑦ, ᓇᓛᒎᕐᓂᕐᓗ ᓇᖏᕐᐳᖅ ᐅᖓᓯᒋᔭᑦᑎᓐᓂ; ᓱᓕᑦᓯᐊᕐᓂᖅ ᐅᕐᕈᖓᕗᖅ ᐊᖅᑯᑎᓂ ᐃᓄᒋᐊᒡᕕᐅᕙᒃᑐᓂ, ᐃᓅᓯᖃᑦᓯᐊᕐᓂᕐᓗ ᐃᑎᕈᓐᓇᕋᓂ.

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᔨᕆᒤᐊᐅᑉ ᐊᒡᓚᖏᑦ 12:10

ᐰᕐᓯᔨᓄᑦ ᐅᓄᕐᑐᓄᑦ ᐸᐅᕐᖓᖃᕐᕕᒃᓴᖁᑎᒃᑲ ᑐᓪᓕᕋᕐᑕᐅᓪᓗᑎᒃ ᓯᖁᑦᑎᕐᑕᐅᕗᑦ, ᐱᕈᕐᓰᕕᖁᑎᑦᓯᐊᕆᓚᐅᕐᑕᒃᑲᓗ ᐊᑐᕐᑐᒃᓴᐅᔪᓐᓃᕐᓗᑎᒃ ᓱᓇᖃᕈᓐᓁᕐᓗᑎᒃ ᐱᕈᕐᑐᖃᕈᓐᓃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 24:2

ᓯᕗᓪᓕᖅ ᐃᕕᒐᖅ ᐱᒋᓕᒃᑕᖃᕐᐳᖅ ᐱᐅᔪᓂᒃ ᐱᕈᑲᐅᑎᒋᔪᕕᓂᕐᑎᑐᑦ ᑍᒤᑦᑐᓂᒃ, ᐃᕕᐅᔭᐅᓪᓕ ᐂᑉᐸᖓ ᐱᒋᓕᒃᑕᖃᕐᐳᖅ ᐱᐅᔪᓐᓃᕐᓂᑯᓂᒃ, ᐱᐅᓐᖏᓗᐊᒧᑦ ᓂᕆᔭᒃᓴᐅᔪᓐᓃᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 50:46

ᐹᐱᓘᓂᒥᐅᑦ ᑎᒍᔭᐅᓂᕋᕐᑕᐅᓂᖓᑦ ᑐᓴᕐᑕᐅᒍᓂ ᓄᓇᕐᔪᐊᖅ ᓴᔪᒍᒫᕐᐳᖅ, ᕿᐊᓂᖓᓗ ᑐᓴᕐᑕᐅᔪᒫᕐᐳᖅ ᐃᓅᖃᑎᒌᒡᔪᐊᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᕼᐆᓯᐊᑉ ᐊᒡᓚᖏᑦ 10:1

ᐃᓴᕆᐊᓕ ᓯᐊᒻᒪᖓᑦᓯᐊᕐᑑᓪᓗᓂ ᕔᓂᓕᒃᓴᐅᕗᖅ; ᐱᕈᕐᑎᑦᓯᒐᒥ ᐃᒻᒥᓄᑐᐊᖅ ᐊᑐᕐᐳᖅ. ᐱᕈᕐᑐᖏᑦ ᐅᓄᕐᓯᕙᓪᓕᐊᖕᒪᑕ ᑐᓂᕐᕈᓯᕐᕕᓕᐅᕐᐸᓪᓕᐊᕗᖅ ᐅᓄᕐᑐᓂᒃ; ᓄᓇᖓᓗ ᐊᔪᕐᓴᕈᓐᓁᕐᐸᓪᓕᐊᖕᒪᑦ, ᓇᐸᔪᓂᒃ ᒎᑎᓐᖑᐊᓂᒃ ᐋᖅᑭᒃᓱᐃᕙᓪᓕᐊᕗᖅ.

ᒤᑲᐅᑉ ᐊᒡᓚᖏᑦ 6:12

ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ.

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᕼᐊᐸᑲᐅᑉ ᐊᒡᓚᖏᑦ 1:3

ᓱᖕᒪᑦ ᐊᔪᕐᑐᓕᔪᓂᒃ ᑕᑯᓐᓇᕐᑎᑉᐱᖔ ᐃᓱᐊᖏᑦᑐᕐᓯᐅᕐᑐᐊᓗᖕᓂᒃᓗ ᑕᑯᑎᓪᓗᖔ? ᑎᒡᓕᒐᕐᓂᖅ ᑲᑉᐱᐊᓈᕿᔪᓪᓗ ᐊᕙᑎᓃᑉᐳᑦ, ᐅᓇᑕᖃᑦᑕᐅᑎᔪᓪᓗ ᐂᕙᔪᓪᓗ ᓴᖅᑭᔮᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 23:23

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᑐᓂᓯᖃᑦᑕᕐᑐᓯ ᒎᑎᒧᑦ ᐊᒡᓛᑦ ᓂᖀᑦ ᒪᒪᕐᓴᐅᑎᖏᑕ ᑕᓪᓕᒪᐅᔪᖏᓐᓂᒃ, ᒪᑯᓂᖓ ᒥᓐᑏᑦ, ᑎᐅᓪᓗ, ᑯᒥᓃᓂᒡᓗ, ᐱᖁᔧᑦ ᐊᔪᕆᕐᑐᐃᑦᔪᑎᖏᑕ ᐱᔭᕆᐊᖃᕐᓂᕐᐹᖏᑦ ᓈᓚᒍᒪᓇᒋᑦ, ᒪᑯᐊ ᐊᑦᔨᒌᒃᑎᑦᓯᓂᖅ, ᓂᑲᒍᓱᖕᓂᕐᓗ, ᐅᒃᐱᕐᓂᕐᓗ; ᑕᒪᒃᑯᐊ ᑕᒪᑦᔭ ᐊᑐᕆᐊᖃᕐᑕᓯ, ᐊᓯᖏᑦ ᖁᔭᓈᖏᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.