ᐂᓮᐊᓯᐅᑉ ᐊᒡᓚᖏᑦ 5:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑖᑦᓱᒪ ᓇᓗᓁᒃᑯᑕᖁᑎᓂ ᓇᑉᐸᕐᑎᓐᓂᐊᕐᐹ ᐃᓅᖃᑎᒌᒡᔪᐊᓄᑦ ᐅᖓᓯᒃᑐᒦᑦᑐᓄᑦ, ᐅᕕᓐᖏᐊᕐᕕᒋᔪᒫᕐᐰᓪᓗ ᕾᖁᓗᒋᑦ ᓄᓇᐅᑉ ᑭᒡᓕᖓᓂᑦ; ᑕᑯᒋᓪᓗ ᑐᐊᕕᒻᒪᕆᒡᓗᑎᒃ, ᕾᔪᒫᕐᐳᑦ!

ᐂᓮᐊᓯᐅᑉ ᐊᒡᓚᖏᑦ 5:26 Iomraidhean Croise

ᐃᓐᖏᕈᑎᑦ 60:4

ᐃᓕᖕᓂᒡᓕ ᓯᕘᕋᔪᑦ ᓮᒻᒪᑎᒥᒃ ᑐᓂᓯᕕᒋᕙᑎᑦ, ᑕᑯᒃᓴᐅᓂᐊᕐᐳᕐᓗ ᓱᓕᑦᓯᐊᕐᓃᑦ ᐱᓪᓗᒍ. ᓰᓚ

ᐃᓐᖏᕈᑎᑦ 72:8

ᐊᖓᔪᖅᑲᐅᕕᖃᕈᒫᕐᐳᖅ ᐃᒪᕐᐱᖕᒥᑦ ᐃᒪᕐᐱᖕᒧᑦ ᑎᑭᓪᓗᒍ, ᑰᖕᒥᓪᓗ ᐃᕗᕅᑎᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 10:3

ᖃᓄᐃᓕᐅᕈᒫᕐᐱᓰ ᐅᓪᓗᒥ ᓱᒋᐊᕐᑕᐅᕕᖕᒥ? ᐊᓯᕈᐃᔪᒧᑦ ᑎᑭᑕᐅᓕᕈᑦᓯ ᐅᖓᓯᒃᑐᒥᑦ ᐱᔪᒧᑦ? ᑭᓇᒧᑦ ᕿᒫᓛᕐᐱᓰ ᐃᑲᔪᕐᑕᐅᔪᒪᓗᓯ? ᐊᔪᕐᓴᖏᑦᔪᑎᓯ ᓇᒧᑦ ᕿᒪᓛᕐᐱᓯᒋᑦ?

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 13:2

“ᖃᖅᑲᐅᑉ ᐳᕐᑐᔫᑉ ᐱᕈᕐᑐᖃᖏᑦᑑᑉ ᖄᖓᓂ ᓇᓗᓁᒃᑯᑦᓯᓕᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᕕᒋᓕᕐᓯᐅᒃ; ᑕᓕᑦᓯᓐᓄᓪᓗ ᓄᓗᕋᕐᓗᒋᑦ, ᐃᑎᕈᓐᓇᖁᓪᓗᒋᑦ ᐊᖓᔪᖅᑳᑦ ᐃᑎᕐᑕᕐᕕᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 13:3

ᐃᑦᔪᕐᓁᑎᑕᒃᑲ ᐱᖁᓯᒪᕙᒃᑲ; ᕾᖁᓪᓗᒋᓪᓗ ᐊᔪᖏᑦᑐᕐᔪᐊᖁᑎᒃᑲ ᓂᓐᖓᐅᑎᓯᒪᔭᓐᓂᒃ ᐱᓇᓱᐊᖁᓪᓗᒋᑦ, ᑖᒃᑯᐊ ᐊᖏᔪᕈᕐᑎᑕᐅᓂᓐᓂᒃ ᖁᕕᐊᓲᑎᖃᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 13:4

“ᐃᓄᒐᓴᒡᔪᐊᑦ ᖃᖅᑲᓃᑦᑐᑦ ᓂᐱᕐᔪᐊᖏᑦ ᑐᓴᕐᓴᐅᕗᑦ, ᓲᕐᓗ ᐃᓄᒋᐊᒃᑐᕐᔪᐊᓂᑦ ᐱᔪᑎᑐᑦ! ᓂᐱᕐᔪᐊᖃᕐᐳᖅ ᐊᖓᔪᖅᑳᕐᔪᐊᖃᕐᕕᖕᓂᑦ ᐱᔪᓂᒃ, ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕕᖏᑦ ᑲᑎᒪᓕᕐᒪᑕ! ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑲᔪᖏᕐᓮᓕᕐᒪᑦ ᐃᓄᒋᐊᒃᑐᕐᔪᐊᓂᒃ ᐅᓇᑕᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 18:3

ᓄᓇᕐᔪᐊᕐᒥᐅᑕᓕᒫᖑᔪᓯ, ᓄᓇᕐᔪᐊᕐᒥ ᐃᓂᖃᕐᑐᓯ, ᓇᓗᓁᒃᑯᑕᖅ ᓴᖅᑭᑉᐸᑦ ᖃᖅᑲᐅᑉ ᖄᖓᓂ, ᑕᑯᓐᓇᕐᓂᐊᓕᕐᐳᓯ! ᑎᑦᑐᓚᐅᑎᓗ ᓂᓪᓕᕐᑎᑕᐅᒃᐸᑦ ᓈᓚᒋᑦᓯ!

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᐂᓮᐊᓯᐅᑉ ᐊᒡᓚᖏᑦ 39:3

ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐊᖓᔪᖅᑳᕐᔪᐊᕐᒧᑦ ᕼᐃᓯᑬᐊᒧᐊᕐᐳᖅ ᐊᐱᕆᓪᓗᓂᓗ: “ᓇᑭᓄᑯᐊ ᐱᓯᒪᔪᑦ, ᖃᓄᕐᓗ ᐅᖃᕐᕕᐅᕖᑦ ᑖᒃᑯᓄᖓ?” ᕼᐃᓯᑬᐊᐅᑉ ᑭᐅᕚ, “ᐅᖓᓯᒃᑐᒥᑦ ᐅᑯᐊ ᑎᑭᓯᒪᔪᑦ ᐹᐱᓘᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 7:18

“ᑕᒪᓐᓇᓗ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᐅᕕᓐᖏᐊᕈᒫᕐᐳᖅ ᐄᑦᔨᑉᑎᒥᐅᑦ ᐊᓇᓐᖏᕐᑎᑐᑦ ᑎᑭᐅᑎᖁᓪᓗᒋᑦ ᑰᒑᓘᑉ ᓁᓕᐅᑉ ᐊᕙᓚᖓᓂᖏᓐᓂᑦ, ᐊᓯᕆᐊᒥᐅᓪᓗᑦᑕᐅᖅ ᑎᑭᐅᑎᖁᓪᓗᒋᑦ ᐃᒍᑦᓴᑎᑐᑦ ᐅᓄᕐᑎᒋᓗᑎᒃ ᓄᓇᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 4:13

ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!

ᔨᕆᒤᐊᐅᑉ ᐊᒡᓚᖏᑦ 5:15

ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 51:27

“ᓄᓇᓕᖕᓂ ᓇᓗᓁᒃᑯᑕᕐᒥᒃ ᓴᖅᑭᑦᑎᓕᕆᑦᓯ, ᖁᖁᐊᕈᑦ ᓂᓪᓕᕐᑎᓕᕐᓯᐅᒃ ᐃᓅᖃᑎᒌᒡᔪᐊᓪᓗ ᐊᑐᐃᓐᓇᕈᕐᑎᓕᕐᓯᐅᒃ ᐅᓇᑕᕆᐊᖁᓪᓗᒋᑦ, ᕾᖁᔨᓕᕆᑦᓯ ᐊᖓᔪᖅᑲᐅᕕᖕᓂᒃ ᐅᑯᓂᖓ; ᐊᕋᕌᑦᒥᐅᓂᒃ, ᒥᓐᓂᒥᐅᓂᒃ, ᐊᔅᑭᓇᔅᒥᐅᓂᒡᓗ, ᑖᒃᑯᐊ ᐊᐅᓚᑦᓯᔨᒋᓂᐊᕐᑕᖏᓐᓂᒃ ᓇᓗᓁᕐᓯᓗᓯ ᕿᒻᒥᕐᔪᐊᒦᑦᑐᓂᒃ ᑎᓕᓯᓕᕆᑦᓯ ᐱᒡᓕᕐᑕᐅᔮᕐᑐᑎᑐᑦ ᐅᓄᕐᑎᒋᔪᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:19

ᓇᒃᑐᕋᓕᐅᑉ ᐊᐅᕐᓵᕐᓂᖓᓂᑦ ᓱᒃᑲᓂᕐᓴᐅᓪᓗᑎᒃ ᐅᕙᑦᑎᓐᓂᒃ ᐊᖑᓯᓚᐅᕐᐳᑦ, ᒪᓕᒃᓗᓂᑎᒍᑦ ᐊᖑᓚᐅᕐᐹᑎᒍᑦ ᖃᖅᑲᓂ, ᐃᓄᖃᔪᐃᑦᑐᒥᓗ ᐅᑕᖅᑭᓪᓗᑕ ᑎᒍᓚᐅᕐᐹᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 38:17

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂᐊᓗᒃ ᐅᖃᕐᑎᒃᑲ ᐅᖃᐅᓯᖃᕐᐸᓚᐅᕐᐳᑦ ᐃᓴᕆᐊᓕᒥᐅᑦ ᐅᓇᑕᕐᑕᐅᔪᒫᕐᓂᖏᓐᓂᒃ; ᑖᒃᑯᐊᖑᓕᕐᐳᓯ ᑕᕝᕙ ᑎᑭᑦᓱᒫᕐᑐᒃᓮᑦ.”

ᔪᐃᓕᐅᑉ ᐊᒡᓚᖏᑦ 2:7

ᐅᓪᓚᒃᐳᑦ ᐊᔪᖏᑦᑐᕐᔪᐊᑎᑐᑦ ᐅᓇᑕᕐᑎᑎᑐᑦ, ᐊᑭᓐᓇᒃᑯᑦ ᒪᔪᕋᕐᐳᑦ ᐊᖑᑎᑎᑐᑦ ᐅᓇᑕᕆᐊᕐᑐᕐᑐᑎᑐᑦ; ᐱᓱᒃᐳᑦ ᑐᑭᓕᐊᕐᓗᑎᒃ ᓴᖑᐃᕋᑎᒡᓗ.

ᕼᐊᐸᑲᐅᑉ ᐊᒡᓚᖏᑦ 1:8

“ᕿᒻᒥᕐᔪᐊᖏᑦ ᓱᒃᑲᓂᕐᓴᐅᕗᑦ ᐆᒪᔪᓂᑦ ᓱᒃᑲᓂᕐᐹᓂᑦ ᓕᐸᕐᑎᓂᑦ, ᐃᕐᓯᓇᕐᓂᕐᓴᐅᓪᓗᑎᒡᓗ ᐊᒪᕈᕐᓂᑦ ᑲᑦᔭᓂᑦ. ᐃᖏᕐᕋᕗᑦ ᕿᒻᒥᕐᔪᐊᒦᑦᑐᖁᑎᖏᑦ ᐱᐅᔪᕆᓪᓗᑎᒃ. ᐃᓛᒃ ᕿᒻᒥᕐᔪᐊᒦᑦᑐᖁᑎᖏᑦ ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᑦ. ᐊᐅᕐᓵᕐᐳᑦ ᓇᒃᑐᕋᓕᒃᑐᑦ ᓂᕿᒃᓴᒥᖕᓂᒃ ᐅᐸᒃᑐᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 10:8

ᐅᕕᓐᖏᐊᕐᕕᒋᔪᒫᕐᐸᒃᑲ, ᑲᑎᑎᓪᓗᒋᓪᓗ ᐱᐅᓕᔪᒫᕋᒃᑭᑦ: ᐅᓄᕐᓯᕙᓪᓕᐊᔪᒫᕐᐳᑦ ᑍᒫᒃ ᐅᓄᕐᑎᒋᕙᓚᐅᕐᓂᖏᑎᑐᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 28:49

ᐊᑕᓂᖅ ᐃᓅᖃᑎᒌᒡᔪᐊᓂᒃ ᓄᓇᕐᔪᐊᑉ ᐃᓱᐊᓂᑦ ᐱᓯᒪᔪᓄᑦ ᐅᐸᒃᑕᐅᑎᑦᓱᒫᕐᐹᓯ ᐅᓇᑕᕆᐊᕐᑕᐅᓗᓯ, ᐅᐸᒃᑐᕈᒫᕐᐳᑦ ᓇᒃᑐᕋᓕᒃᑎᑐᑦ ᐊᐅᕐᓵᕐᑐᑎᑐᑦ,