ᐂᓮᐊᓯᐅᑉ ᐊᒡᓚᖏᑦ 5:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓇᓪᓕᐊᑦ ᐱᐅᖏᑦᑐᒥᒃ ᐊᑭᓕᕐᑕᐅᓂᒃᑯᑦ ᐸᓯᔭᒃᓴᐅᖏᓐᓂᕅᔪᑦ, ᐸᓯᔭᒃᓴᐅᖏᑦᑐᒥᒡᓗ ᐊᕐᓵᕐᓯᔪᑦ ᐱᔪᓐᓇᕐᑎᑕᐅᑦᔪᑎᖓᓂᒃ!

ᐂᓮᐊᓯᐅᑉ ᐊᒡᓚᖏᑦ 5:23 Iomraidhean Croise

ᐊᑕᓃᑦ ᓯᕗᓪᓖᑦ 21:13

ᐊᖑᑏᒡᓗ ᒪᕐᕉᒃ, ᓴᒡᓗᔪᒃᓵᒃ, ᐃᑎᕋᒥᒃ ᐃᒃᓯᕚᕐᕕᖓᑕ ᐊᑭᐊᓄᑦ ᐃᖏᑉᐴᒃ, ᐅᖃᕐᓂᕐᓘᑎᖃᕐᐳᒡᓗ ᓁᐹᑦᒥᒃ ᐃᓄᐃ ᓵᖓᓂ, ᐅᖃᕐᓗᑎᒃ, “ᓁᐹᑦ ᐅᖃᕐᓂᕐᓘᑎᖃᓚᐅᕐᐳᖅ ᒎᑎᒥᒃ ᐊᖓᔪᖅᑳᕐᔪᐊᕐᒥᒡᓗ.” ᑕᕝᕙ ᐊᓐᓂᓯᕚᑦ ᐃᒡᓗᒐᓮᑦ ᓯᓚᑖᓄᑦ ᒥᓪᓗᕐᐹᓪᓗ ᐅᔭᖅᑲᓄᑦ ᑐᖁᓪᓗᒍ.

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᐃᓐᖏᕈᑎᑦ 94:21

ᑖᒃᑯᐊ ᑲᑎᒪᓕᕐᐳᑦ ᐃᓱᐊᕐᑐᓕᔪᑦ ᐊᑭᕋᕐᑐᕈᒪᓪᓗᒋᑦ, ᐸᓯᔭᒃᓴᐅᖏᑦᑐᓪᓗ ᑐᖁᑕᒃᓴᕈᕐᑎᑉᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:15

ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:23

ᐱᐅᖏᑦᑐᒥᒃ ᐃᓱᒪᓕᒃ ᐃᔨᕋᕐᑐᕐᓗᓂ ᐃᓚᓐᓂᕐᓴᐅᒻᒥᒃ ᐊᖏᕐᐳᖅ, ᑭᖑᓂᖓᒍᓪᓗ ᓈᒻᒪᑦᓯᐊᕐᑐᖅ ᐊᑐᕐᑕᐅᓕᕐᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:24

ᐱᐅᖏᑦᑐᓕᔪᓄᑦ ᐅᖃᕐᑐᖅ, “ᐸᓯᔭᒃᓴᐅᓐᖏᓚᓯ,” ᑍᒤᓕᔭᓯ ᐃᓄᖕᓂᑦ ᐃᓱᒪᓂᕐᓗᒍᑕᐅᔪᓐᓇᕐᒪᑦ; ᐃᓅᖃᑎᒌᓂᓪᓗ ᓇᕐᕈᒋᔭᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 10:1

ᑲᑉᐱᐊᓐᓇᒦᒃ ᐱᐅᖏᑦᑐᓕᓂᕐᓂᒃ ᐃᓕᖅᑯᓯᕐᓂᒃ ᐊᑐᖁᔨᔪᑦ, ᑎᑎᕋᕐᐸᒃᑐᓪᓗ ᓵᓚᐅᓯᒪᓂᕐᒥᒃ ᑎᑎᕋᐅᓯᕾᓐᓇᕐᑐᑦ,

ᐂᓮᐊᓯᐅᑉ ᐊᒡᓚᖏᑦ 10:2

ᐱᖃᖏᑦᑐᓂᒃ ᐱᑎᑦᓯᑦᑍᓕᕙᒃᑐᑦ ᐊᑦᔨᒌᒃᑎᑕᐅᓂᕐᒥᒃ ᑎᒡᓕᒐᕐᕕᒋᓪᓗᒋᓪᓗ ᐊᔪᕐᓴᕐᑐᑦ ᐃᓄᖁᑎᒪ ᐱᔪᓐᓇᐅᑎᖏᓐᓂᒃ, ᐅᐃᒡᒐᕐᓃᑦ ᐱᔭᒃᓴᖏᓐᓂᒃ ᐊᕐᓵᕐᓗᒋᑦ ᐱᑖᕐᐸᒃᑐᑦ, ᐃᓕᐊᕐᔪᐃᓪᓗ ᓵᓚᒋᓇᓱᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 28:7

ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᐋᖓᔮᓗᐊᕐᓂᕐᒧᑦ ᐅᕐᕈᔮᓕᕐᐳᑦ, ᐃᒥᓗᐊᕐᓂᕐᒧᓪᓗ ᕔᓂᒥᒃ ᓴᓐᖏᔪᒥᒡᓗ ᐅᕐᕈᖃᑦᑕᑐᐃᓐᓇᓕᕐᐳᑦ; ᕔᓂᑐᕐᓂᕐᒧᑦ ᓇᓗᓕᕐᓯᒪᓕᕐᐳᑦ, ᐅᕐᕈᔮᕐᐳᑦ ᐃᒥᓗᐊᒧᑦ ᓴᓐᖏᔪᒧᑦ; ᑕᑯᓐᓇᕐᑕᖏᑦ ᐱᐅᔪᓐᓃᕐᓗᑎᒃ, ᑕᒻᒪᖃᑦᑕᓕᕐᐳᑦ ᐃᖅᑲᕐᑐᐃᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 29:21

ᓇᓪᓕᐊᑦ ᐅᖃᐅᓯᕐᒧᑦ ᐃᓄᖕᒥᒃ ᐸᓯᔭᒃᓴᓐᖑᕐᑎᑦᓯᔪᓐᓇᕐᐹ, ᐱᔭᐅᑦᔪᑎᒃᓴᖓᓂᒡᓗ ᐋᖅᑭᒃᓯᓗᓂ ᐃᑎᕐᑕᕐᕕᖕᒥ, ᐱᑦᔪᑎᒃᓴᖃᕋᓂᓗ ᐸᓯᔭᒃᓴᐅᑎᑦᓯᓗᓂ ᑕᒻᒪᓚᐅᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 59:15

ᓱᓕᑦᓯᐊᕐᓂᖅ ᐊᓯᐅᓯᒪᕗᖅ, ᐱᐅᖏᑦᑐᒥᒡᓗ ᐊᑐᕈᒪᔪᓐᓃᕐᑐᖅ ᐃᒻᒥᓂᒃ ᒪᓂᑐᐃᓐᓇᓕᕐᐸᒃᐳᖅ ᐅᒋᐊᓐᖑᔪᓄᑦ. ᐊᑕᓂᐅᑉ ᑕᒪᒃᑯᐊ ᑕᑯᓪᓗᒋᑦ ᖁᕕᐊᓲᑎᒋᓐᖏᓔᑦ, ᐊᑦᔨᒌᒃᑎᑦᓯᓂᕐᒥᒃ ᐱᓇᓱᐊᕐᑐᖃᕈᓐᓃᕐᒪᑦ.

ᐂᒨᓯᐅᑉ ᐊᒡᓚᖏᑦ 5:12

ᐊᔪᕐᓂᓯ ᐅᓄᕐᓂᖏᑦ ᖃᐅᔨᒪᒐᒃᑭᑦ, ᐊᔪᕐᑐᓕᓯᒪᔪᐊᓘᓂᓯᓗ, ᐊᑭᕋᕐᑐᕋᑦᓯᐅᒡᓗ ᐃᓱᐊᕐᑐᓕᔪᑦ, ᐊᑭᓕᕐᑕᐅᓪᓗᓯᓗ ᓴᖑᑎᑕᐅᕙᒃᓗᓯ; ᐊᔪᕐᓴᕐᑐᓪᓗ ᐱᑦᓯᐊᕐᕕᒋᓇᒋᑦ ᐃᖅᑲᕐᑐᐃᕕᖕᓂ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᒫᑎᐅᓯᐅᑉ ᐊᒡᓚᖏᑦ 23:35

ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᔧᒥᓯᐅᑉ ᐊᒡᓚᖏᑦ 5:6

ᑐᖁᑕᒃᓴᓐᖑᕐᑎᑦᓯᓚᐅᕐᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᖢᒋᓪᓗ; ᑖᒃᑯᐊᓗ ᐊᑭᕋᕐᑐᓚᐅᓐᖏᓛᓯ.