ᐂᓮᐊᓯᐅᑉ ᐊᒡᓚᖏᑦ 5:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑲᑉᐱᐊᓐᓇᒦᒃ ᐱᐅᖏᑦᑐᒥᒃ ᐱᐅᓂᕅᔪᑦ ᐱᐅᔪᒥᒡᓗ ᐱᐅᖏᓐᓂᕅᔪᑦ, ᑖᕐᑐᒥᒃ ᖃᐅᒪᓂᕅᔪᑦ ᖃᐅᒪᔪᒥᒡᓗ ᑖᕐᓂᕅᔪᑦ, ᓰᕐᓇᖏᑦᑐᒥᒃ ᓰᕐᓇᕐᓂᕅᔪᑦ, ᓰᕐᓇᕐᑐᒥᒡᓗ ᓰᕐᓇᖏᓐᓂᕅᔪᑦ!

ᐂᓮᐊᓯᐅᑉ ᐊᒡᓚᖏᑦ 5:20 Iomraidhean Croise

ᔫᐱᐅᑉ ᐊᒡᓚᖏᑦ 17:12

ᐅᓐᓄᐊᒥᒃ ᐅᓪᓗᖃᖔᓕᕐᐳᑦ; ᐅᖃᕐᓗᑎᒡᓗ, ‘ᖃᐅᒻᒪᓯᕗᖅ,’ ᑖᓪᓚᕆᒃᑎᓪᓗᒍ ᓱᓕ.

ᒨᓯᓯ ᐂᑉᐸᖏᑦ 23:7

“ᓱᓕᖏᑦᑐᒥᒃ ᐸᓯᔭᒃᓴᓐᖑᕐᑎᑦᓯᓇᓱᐊᕐᓂᖅ ᐃᓕᑦᓯᓐᓂᑦ ᐅᖓᓯᒡᓕ, ᐸᓯᔭᒃᓴᐅᖏᑦᑐᒥᒃ ᓈᒻᒪᓈᕐᓯᒪᔪᒥᒡᓗ ᑐᖁᑕᐅᑎᑦᓯᔪᒃᓴᐅᓐᖏᓚᓯ, ᓇᓪᓕᐊᓐᓂᑐᐃᓐᓇᖅ ᓯᕗᓂᕐᓗᓕᕐᑎᑦᓯᓂᐊᕐᐳᖓ ᑍᒫᒃ ᐱᐅᖏᑦᑐᒥᒃ ᐱᔪᖃᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:15

ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:17

ᓂᕿᖃᕐᒪᑕ ᓂᐊᖂᔭᒥᒃ ᐱᐅᖏᑦᑐᓕᓐᓇᕐᑐᒥᒃ; ᐸᐅᕐᖎᓪᓗ ᐃᑦᑎᖓᓂᒃ ᐃᒥᕐᐸᒃᓗᑎᒃ ᑲᑉᐱᐊᓱᒃᑎᑦᓯᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 24:9

ᕔᓂᒥᒃ ᐃᒥᕐᓗᑎᒃ ᐃᓐᖏᕐᕙᓗᒃᑐᑦ ᖁᕕᐊᓱᒃᓗᑎᒃ ᑐᓴᕐᓴᐅᕙᒍᓐᓃᕐᐳᑦ, ᕔᓂᒥᒡᓗ ᐃᒥᕐᑑᒐᓗᐊᑦ ᒪᒪᕈᓱᒃᑑᔮᕐᐸᒍᓐᓃᕐᐳᑦ ᐃᒥᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 29:21

ᓇᓪᓕᐊᑦ ᐅᖃᐅᓯᕐᒧᑦ ᐃᓄᖕᒥᒃ ᐸᓯᔭᒃᓴᓐᖑᕐᑎᑦᓯᔪᓐᓇᕐᐹ, ᐱᔭᐅᑦᔪᑎᒃᓴᖓᓂᒡᓗ ᐋᖅᑭᒃᓯᓗᓂ ᐃᑎᕐᑕᕐᕕᖕᒥ, ᐱᑦᔪᑎᒃᓴᖃᕋᓂᓗ ᐸᓯᔭᒃᓴᐅᑎᑦᓯᓗᓂ ᑕᒻᒪᓚᐅᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 30:10

ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 32:5

ᓯᓔᑦᑐᑦ ᐊᔪᖏᑦᑐᒥᒃ ᑍᔭᐅᔪᓐᓃᕈᒫᕐᐳᑦ, ᐅᐃᕖᑦᑐᓪᓗ ᐅᐱᒋᔭᐅᔪᒥᒃ ᑍᔭᐅᔪᓐᓃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐂᒨᓯᐅᑉ ᐊᒡᓚᖏᑦ 5:7

ᐃᖅᑲᕐᑐᐃᑦᓯᐊᕐᓂᕐᒥᒃ ᒧᒥᒃᑎᑦᓯᒐᑦᓯ, ᖁᐱᕐᕈᑎᑐᑦ ᓇᐹᕐᑐᓂᒃ ᓂᕆᔪᑎᑐᑦ, ᐃᓱᐊᕐᑐᓕᓂᕐᓗ ᐊᑐᑦᓯᐊᖏᓐᓇᑦᓯᐅᒃ ᓄᓇᒧᑦ ᐃᒋᑕᐅᔪᑎᑐᑦ.

ᒤᑲᐅᑉ ᐊᒡᓚᖏᑦ 3:2

ᐃᓕᑦᓯ ᐱᐅᔪᒥᒃ ᓇᕐᕈᔪᓯ ᐱᐅᒃᓴᕐᓗᓯᓗ ᐱᐅᖏᑦᑐᒥᒃ; ᐃᓕᑦᓯ ᐃᓄᖁᑎᒪ ᐅᕕᓂᖏᓐᓂᒃ ᐊᓕᒃᑐᐃᔪᓯ, ᓴᐅᓂᖏᑕ ᐅᕕᓂᖏᑦ ᐲᔭᕋᑦᓯᒋᒃ.

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”

ᒪᓚᑬᑉ ᐊᒡᓚᖏᑦ 2:17

ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”

ᒪᓚᑬᑉ ᐊᒡᓚᖏᑦ 3:15

ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 25:1

“ᐃᓅᒃ ᒪᕐᕉᒃ ᐃᖅᑲᕐᑐᐃᕕᖕᒧᐊᕋᔭᕐᐸᑎᒃ ᐊᑲᐅᖏᑦᔪᑎᒋᔭᒥᖕᓂᒃ ᐋᖅᑭᒃᑕᐅᖁᔨᓗᑎᒃ, ᐃᖅᑲᕐᑐᐃᔨᐅᑉ ᐃᓱᒪᓕᐅᕈᑎᒃᐸᒋᒃ, ᐂᑉᐸᖓ ᐸᓯᔭᒃᓴᐅᖏᓐᓂᕋᕐᓗᒍ ᐂᑉᐸᖓᓗ ᐸᓯᔭᒃᓴᐅᓂᕋᕐᓗᒍ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.