ᐂᓮᐊᓯᐅᑉ ᐊᒡᓚᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓄᐃᑦ ᐅᑯᑎᑕᐅᕗᑦ, ᐊᖑᑎᓕᒫᓪᓗ ᓇᓗᖅᑯᑎᓕᕐᑎᑕᐅᓪᓗᑎᒃ, ᐱᐅᔪᕆᔪᓪᓗ ᒥᒃᓕᓕᕐᑎᑕᐅᕗᑦ ᓯᑭᖓᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 5:15 Iomraidhean Croise

ᓴᒧᐃᓕ ᐂᑉᐸᖏᑦ 22:28

ᒥᑭᒡᓕᑎᕐᓯᒪᔪᑦ ᐃᓄᐃᑦ ᐱᐅᓕᕙᑎᑦ, ᐱᐅᔪᕆᔪᓪᓕ ᑕᑯᓴᕐᓗᒋᑦ ᒥᑭᒡᓕᑎᑉᐸᑎᑦ.

ᐃᓐᖏᕈᑎᑦ 131:1

ᐊᑕᓃᖅ, ᐆᒻᒪᑎᒐ ᐊᖏᒡᓕᑎᕐᓯᒪᔪᓐᓃᕐᐳᖅ, ᐃᔩᒃᑲᒡᓗ ᐱᐅᔪᕆᔪᓐᓃᕐᐴᒃ; ᐅᕙᓐᓂᒃᓘᓐᓃᑦ ᐱᓪᓚᕆᐅᑎᑦᓱᓐᓃᕐᐳᖓ, ᑕᒪᒃᑯᐊᓘᓐᓃᑦ ᐅᕙᓐᓄᑦ ᐊᖏᓗᐊᓕᕐᐳᑦ.

ᐃᓐᖏᕈᑎᑦ 62:9

ᐃᓄᐃᑦ ᐃᒻᒥᖕᓂᒃ ᓱᓇᐅᔪᕆᖏᑦᑐᑦ ᐳᔪᑐᐃᓐᓇᐅᕗᑦ, ᐃᓄᐃᓪᓗ ᐃᒻᒥᖕᓂᒃ ᓱᓇᐅᔪᕆᓗᐊᕐᑐᑦ ᓴᒡᓗᓂᑐᐃᓐᓇᐅᕗᑦ; ᐅᖁᒤᓐᓂᕐᓯᐅᕐᑕᐅᒃᐸᑕ; ᑲᑎᓪᓗᒋᑦ ᐳᔪᕐᒥᑦ ᐅᕿᓐᓂᕐᓴᐅᒐᔭᕐᐳᑦ.

ᒨᓯᓯ ᐂᑉᐸᖏᑦ 9:17

ᑭᓯᐊᓂᓕ ᓱᓕ ᑐᓴᕈᓐᓇᓐᖏᓚᑎᑦ ᐃᓄᖁᑎᒃᑲᓗ ᓱᓇᐅᒋᓇᒋᑦ ᐊᐅᓪᓚᖁᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:13

ᐃᓄᖃᕆᕗᖅ ᐃᒻᒥᖕᓂᒃ ᐱᐅᓇᓱᒋᔪᓂᒃ! ᖁᓚᐅᑦᓯᖓᓪᓗᑎᒃ ᐊᓯᒥᖕᓂᒃ ᑕᑯᓐᓇᒻᒪᕆᒃᐸᒃᑐᓂᒃ!

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 10:33

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᓇᐹᕐᑐᐃᑦ ᐊᕙᓚᖓᔪᖏᑦ ᓇᑲᑎᕈᒫᕐᐰᑦ ᐱᔪᓐᓇᕐᓂᕐᔪᐊᕐᒧᑦ ᑲᑉᐱᐊᓇᕐᑐᒧᑦ; ᓇᐹᕐᑐᐃᓪᓗ ᑕᑭᔫᑎᐊᓗᐃᑦ ᑭᐱᒃᐸᒋᑦ ᐅᕐᕉᕋᕐᓗᑎᒃ, ᐱᔪᓐᓇᕋᓱᒋᔪᓪᓗ ᐱᐅᔪᕆᔪᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 13:11

“ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᓪᓗᒃᓴᖃᕐᒪᑦ ᐊᑭᕋᕐᑐᕐᓗᓂ ᐱᐅᔪᕆᔪᓂᒃ ᑕᒤᓐᓂᒃ ᐱᔪᓐᓇᕋᓱᒋᔪᓂᒡᓗ, ᐊᑭᕋᕐᑐᕐᓗᓂᓗ ᐅᐱᓐᓇᕐᓂᕋᕐᑕᐅᔪᓂᒃ ᖁᕝᕙᓯᒐᓱᐊᕐᑐᓂᒡᓗ, ᑕᒤᓐᓂᒃ;

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᐂᓮᐊᓯᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓄᐃᑦ ᒥᑭᒡᓕᑎᕐᑎᑕᐅᕗᑦ, ᐊᖑᑎᓪᓗ ᐊᑐᓂᑦ ᓱᓇᐅᔪᓐᓃᕐᑎᑕᐅᓪᓗᑎᒃ; ᑍᒤᒻᒪᑦ ᐳᐃᒍᕐᑍᓕᒃᑭᑦ!

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᐂᓮᐊᓯᐅᑉ ᐊᒡᓚᖏᑦ 37:29

ᐅᕙᓐᓄᑦ ᐊᒃᓱᕈᕐᓗᑎᑦ ᐊᑭᕋᕐᑐᕋᕕᑦ ᐱᐅᔪᕆᓃᓪᓗ ᓯᐅᑎᓐᓄᑦ ᑎᑭᑉᐳᖅ, ᑍᒤᒻᒪᑦ ᕿᖓᒃᑯᑦ ᓂᒃᓯᖕᓂᐊᕐᐸᒋᑦ ᖃᓂᒃᑯᓪᓗ ᕿᓪᓗᒻᒥᑦᔪᑎᑖᕐᑎᓪᓗᑎᑦ, ᐅᑎᕐᑎᓐᓂᐊᕐᐸᒋᑦ ᑕᒪᐅᓇᑦᓮᓐᓇᖅ ᑎᑭᕝᕕᒋᓚᐅᕐᑕᒃᑯᑦ.’”

ᔨᕆᒤᐊᐅᑉ ᐊᒡᓚᖏᑦ 5:9

ᓱᒋᐊᕐᓯᔪᒃᓴᐅᓐᖏᓚᖔ ᐃᓕᖅᑯᓯᕆᔭᖓᑦ ᐱᓪᓗᒍ? ᐊᑭᓂᐊᕐᑐᒃᓴᐅᓐᖏᓚᖔ? ᐃᓅᖃᑎᒌᒡᔪᐊᓄᑦ ᑍᒤᓕᐅᕐᑐᓄᑦ?

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᔨᐸᓁᐊᐅᑉ ᐊᒡᓚᖏᑦ 3:11

ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”