ᐂᓮᐊᓯᐅᑉ ᐊᒡᓚᖏᑦ 5:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑲᑉᐱᐊᓐᓇᒦᒃ ᑍᒃᑯᐊ ᐅᓪᓛᕌᕐᔪᒃᑯᑦ ᒪᑭᑉᐸᒃᑐᑦ, ᐃᒥᐊᓗᖕᒥᒃ ᓴᓐᖏᔪᒥᒃ ᐱᔪᓐᓇᕐᓯᔪᒪᓪᓗᑎᒃ, ᐅᓐᓄᐊᒧᑦ ᑎᑭᓪᓗᒍ ᐊᖏᕐᕋᕐᐸᖏᑦᑐᑦ ᐃᒥᐊᓗᖕᒧᑦ ᐆᓇᕐᓯᑎᑕᐅᓚᐅᖏᓐᓂᕐᒥᖕᓂ!

ᐂᓮᐊᓯᐅᑉ ᐊᒡᓚᖏᑦ 5:11 Iomraidhean Croise

ᓴᒧᐃᓕ ᐂᑉᐸᖏᑦ 19:35

80ᓂᒃ ᐊᕐᕌᒍᖃᓕᕇᕋᒪ; ᖁᕕᐊᒋᔭᖃᕈᓐᓁᕐᓗᖓᓗ ᓱᓇᑐᐃᓐᓇᒥᒃ, ᓁᒪᔪᓐᓁᕋᒪ ᓂᕆᔭᓐᓂᒃ ᐃᒥᕐᑕᓐᓂᒡᓗ, ᑐᓵᔪᓐᓁᕐᓗᖓᓗ ᐃᓐᖏᕐᑐᑦ ᓂᐱᖏᓐᓂᒃ. ᐃᓱᒫᓗᓇᕈᑎᑐᐃᓐᓇᐅᔪᒪᓐᖏᓚᖓ ᐊᖓᔪᖅᑳᕐᔪᐊᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:1

ᕔᓂᑐᕐᓂᖅ ᒥᑕᐅᑎᖃᕐᑎᑦᓯᕗᖅ, ᓴᓐᖏᔪᒥᒡᓗ ᐃᒥᐊᓗᖕᓂᖅ ᐱᑦᓯᐊᕈᓐᓃᕐᑎᑦᓯᕗᖅ; ᑕᒪᑐᒧᖓᓗ ᑕᒻᒪᕐᑎᑕᐅᔪᖅ ᓯᓚᑐᔫᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:32

ᑭᖑᓂᖓᒍᑦ ᑮᓯᓂᐊᕐᐳᖅ ᖁᒡᓗᒋᐊᑎᑐᑦ, ᖃᓯᓕᓇᕐᓗᓂᓗ ᖁᒡᓗᒋᐊᑐᑦ ᑐᖁᓐᓇᕐᑐᑐᑦ.

ᐂᓮᐊᓯᐅᑉ ᐊᒡᓚᖏᑦ 22:13

ᖁᕕᐊᓱᒡᓗᓯᓕ ᐊᓕᐊᓁᒍᓱᓚᐅᕐᐳᓯ, ᓂᕆᕕᒡᔪᐊᕐᓂᐊᕐᑕᑦᓯᓐᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᑐᖁᑦᓯᓚᐅᕐᐳᓯ, ᓂᕆᓪᓗᓯ ᐃᒥᕐᓗᓯᓗ ᕔᓂᒥᒃ: ᐅᖃᕐᓗᓯ, “ᓂᕆᓚᐅᕐᑕ ᐃᒥᕐᓗᑕᓗ, ᖃᐅᒃᐸᑦ ᑐᖁᓂᐊᓕᕋᑦᑕ!”

ᐂᓮᐊᓯᐅᑉ ᐊᒡᓚᖏᑦ 24:9

ᕔᓂᒥᒃ ᐃᒥᕐᓗᑎᒃ ᐃᓐᖏᕐᕙᓗᒃᑐᑦ ᖁᕕᐊᓱᒃᓗᑎᒃ ᑐᓴᕐᓴᐅᕙᒍᓐᓃᕐᐳᑦ, ᕔᓂᒥᒡᓗ ᐃᒥᕐᑑᒐᓗᐊᑦ ᒪᒪᕈᓱᒃᑑᔮᕐᐸᒍᓐᓃᕐᐳᑦ ᐃᒥᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 28:1

ᑲᑉᐱᐊᓐᓇᒦᒃ ᐃᕗᕅᑎᒥᐅᑦ ᐋᖓᔮᕐᑐᑦ, ᐊᖓᔪᖅᑳᕐᔪᐊᕐᓯᐅᑦ ᓂᐊᖂᑎᖓ ᐅᐱᓐᓇᓚᐅᕐᑐᖅ ᑕᑯᒥᓇᕐᓂᖓ ᓄᖑᓕᕐᐳᖅ ᓄᓇᕋᕐᑎᑐᑦ ᑐᖁᓕᓕᕐᑐᑐᑦ, ᐊᖓᔪᖅᑳᕆᔭᖏᑕ ᐃᒥᕐᓯᒪᓗᐊᖃᑦᑕᕐᓂᖏᓐᓄᑦ, ᐱᔪᓐᓇᕋᓱᒋᓂᕐᒧᑦ ᓂᐊᖁᖏᑦ ᑎᐱᑎᑦᓯᐊᕐᓯᒪᒐᓗᐊᕐᐳᑦ ᓇᓚᑐᐃᓐᓇᓕᕐᐳᓪᓕ ᐋᖓᔮᓗᐊᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 28:3

ᐃᕗᕅᑎᒥᐅᑦ ᐋᖓᔮᕐᑐᑦ ᓂᐊᖂᑎᖓᑦ ᐊᖓᔪᖅᑳᕐᔪᐊᕐᓯᐅᑦ ᐱᐅᔪᕆᑦᔪᑎᖓᑦ, ᑐᓪᓕᕋᕐᑕᐅᔪᑎᑐᑦ ᑍᒤᑕᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 5:22

ᑲᑉᐱᐊᓐᓇᒦᒃ ᕔᓂᒥᒃ ᐃᒥᕐᓯᑎᐊᓗᐃᑦ, ᐊᔪᖏᑦᑐᐊᓗᐃᓪᓗ ᓴᓐᖏᔪᒥᒃ ᑲᑎᑦᓯᓗᑎᒃ ᐃᒥᐊᓗᓕᐅᕐᑐᑦ,

ᐂᓮᐊᓯᐅᑉ ᐊᒡᓚᖏᑦ 56:12

ᐅᖃᕐᐸᒃᐳᑦ, ‘ᕾᒋᑦᓯ ᕔᓂᒥᒃ ᐃᒥᕐᓂᐊᕐᑕᑦᓯᓐᓂᒃ ᐱᓂᐊᕋᒪ, ᐃᒥᕈᐃᑦᓯᐊᕐᓗᑕ ᓲᖑᔪᒥᒃ ᐃᒥᓚᐅᕐᑕ; ᖃᐅᒃᐸᑦ ᓱᓕ ᐅᓪᓗᒥᑐᑦ ᐱᓂᐊᕐᒥᒐᑦᑕ, ᐅᕝᕙᓘᓐᓃᑦ ᐱᐅᓂᕐᓴᒃᑲᓐᓂᕐᒥᒃ ᐱᓛᕐᐳᒍᑦ.’”

ᕼᐊᐸᑲᐅᑉ ᐊᒡᓚᖏᑦ 2:15

ᑲᑉᐱᐊᓐᓇᒦᒃ! ᐃᓅᖃᑎᒥᓂᒃ ᐃᒥᕐᑎᑦᓯᔪᖅ ᓂᓐᖓᐅᒪᓂᐅᑉ ᐃᒥᐅᑎᖓᓄᑦ, ᐋᖓᔮᕐᑎᑦᓯᓗᓂᓗ, ᑲᓐᖑᒋᔭᖏᑦ ᑕᑯᔪᒪᓪᓗᒋᑦ.

ᕼᐊᐸᑲᐅᑉ ᐊᒡᓚᖏᑦ 2:5

“ᓱᓕᓗ ᐱᐅᖏᑦᑐᓕᑦᔪᑎᖃᕐᐳᖅ ᕔᓂᒥᒃ, ᐃᓄᒃ ᐱᐅᔪᕆᕗᖅ ᐊᖏᕐᕋᕐᓯᒤᓐᓇᕈᓐᓇᕋᓂ. ᐱᔪᒪᕕᒡᔪᐊᕐᓂᖓ ᑲᑉᐱᐊᓇᕐᑐᕕᐅᑉ ᐱᔪᒪᓂᖓᑐᑦ ᑍᒤᑉᐳᖅ, ᑐᖁᑐᓪᓗ ᓈᒻᒪᒃᓯᔪᓐᓇᖏᑦᑐᑐᑦ. ᐃᓅᖃᑎᒌᒡᔪᐊᑦ ᐃᒻᒥᓄᑦ ᑲᑎᕐᓱᕐᐰᑦ, ᑲᑎᓪᓗᒋᓪᓗ ᓇᖕᒥᓂᖅ ᐃᓄᖁᑎᑖᕆᔭᒥᑐᑦ.

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᕉᒪᒥᐅᓄᑦ 13:13

ᐃᓕᖅᑯᓯᑦᓯᐊᕆᒡᓗᑕ ᐃᓅᓕᕐᑕ ᐅᓪᓗᕐᓯᐅᕐᑐᑎᑐᑦ, ᓄᓕᐊᕐᓂᕐᒥᒃ ᐊᑐᕐᓂᕐᓗᒍᓐᓃᕐᑕ ᐋᖓᔮᕈᓐᓃᕐᓗᑕᓗ, ᑲᓐᖑᓲᑎᒃᓴᓂᒃ ᐱᓇᓱᐊᕈᓐᓃᕐᑕ ᐃᒃᓯᒎᕐᓂᕐᒥᒡᓗ, ᐂᕙᓇᑕ ᐊᓐᓂᕈᑦᔨᓇᑕᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᒐᓔᑎᐊᒥᐅᓄᑦ 5:21

ᐃᒃᓯᒍᖕᓂᖅ, ᐋᖓᔮᕐᓂᖅ, ᑲᑎᓐᖓᓪᓗᑎᒃ ᓄᓕᐊᖃᑦᑕᕐᓃᑦ, ᐊᓯᖏᓐᓂᒡᓗ ᐊᑐᕐᓂᕐᓗᖃᑦᑕᕐᓃᑦ. ᓯᕘᕋᒋᔭᒃᓴᑦᓯᓐᓂᒃ ᐅᖃᐅᑎᕙᑦᓯ ᐅᖃᐅᑎᓚᐅᕐᓯᒪᒐᓗᐊᕆᓪᓗᓯ, ᑕᒪᒃᑯᐊ ᑍᒤᓕᐅᖃᑦᑕᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᓐᖏᓚᑦ.

ᓴᒧᐃᓕ ᓯᕗᓪᓖᑦ 25:36

ᐊᐱᒊᓕᓗ ᐅᑎᓚᐅᕐᐳᖅ ᓁᐳᓪᒧᑦ; ᓁᐳᓕ ᐊᖏᕐᕋᕐᓯᒪᓚᐅᕐᐳᖅ ᓂᕆᕕᒃᔪᐊᕐᓗᓂ ᐊᖓᔪᖅᑳᕐᔪᐊᒧᑦ ᓈᒻᒪᑦᑐᓂᒃ. ᐋᖓᔮᒻᒪᕆᓕᓚᐅᕐᐳᖅ ᖁᕕᐊᓱᓕᕐᓗᓂᓗ; ᑍᒤᒻᒪᑦ ᐅᖃᐅᑎᓚᐅᓐᖏᓛ, ᖃᐅᓚᐅᕐᑎᓐᓇᒍ.