ᐂᓮᐊᓯᐅᑉ ᐊᒡᓚᖏᑦ 5:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐱᕈᕐᓰᕖᑦ ᕔᓂᒃᓴᕐᑕᓖᑦ ᐊᖏᓂᖃᕐᑐᑦ ᐃᒡᓗᓕᐅᕐᕕᐅᔪᓐᓇᕐᑐᒧᑦ 40ᓂᒃ ᕔᓂᑖᕐᕕᐅᔪᒫᕐᐳᖅ ᖃᓪᓗᑎᓂᒃ ᑕᓪᓕᒪᓂᒃ, ᐱᕈᕐᓯᐊᒃᓮᓪᓗ ᑲᓐᖓᕐᓲᑎᒃᓴᖏᑦ ᖃᑦᑕᐅᔧᑦ 10 ᐱᕈᕐᑎᑦᓯᔪᒫᕐᐳᑦ ᖃᑦᑕᒧᑦ ᐊᑕᐅᓯᕐᒧᑦ ᓈᒻᒪᒃᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 5:10 Iomraidhean Croise

ᒨᓯᓯ ᐂᑉᐸᖏᑦ 37:22

ᑖᒃᑯᐊᓕ ᓇᓂᕈᐊᖃᕐᕕᐅᔪᑦ ᓇᓴᓐᖑᐊᖑᔪᑦ ᐊᕙᓚᖓᔪᓐᖑᐊᕆᔭᖏᓪᓗ ᐊᑕᐅᓯᐅᓪᓗᓂ ᐃᓗᐃᑦᑑᕗᑦ, ᑕᒪᓐᓇ ᓇᓂᕈᐊᖃᕐᕕᐅᔪᖅ ᐃᓗᐃᑦᑑᓗᓂ ᐃᓛᕐᑐᕐᓯᒪᖏᓪᓗᓂᓗ ᑲᐅᒐᕐᑕᐅᓯᒪᓪᓗᓂ ᓴᓇᓯᒪᕗᖅ ᒎᓗᐃᓐᓇᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 32:13

ᐃᓄᖁᑎᒪ ᓄᓇᖁᑎᖏᓐᓂ ᐱᕈᕐᑐᖃᐅᓕᕈᒫᕐᐳᖅ ᐅᕐᐱᖕᓂᒃ ᑲᑭᓐᓇᕐᑐᓕᖕᓂᒃ ᐊᕚᓚᕿᐊᓂᒡᓗ; ᐃᓛᒃ ᐃᒡᓗᖃᕐᕕᐅᓚᐅᕐᑐᓂᑦ ᖁᕕᐊᓱᒃᑐᓂᒃ ᐃᓄᖃᕐᑐᓂᒃ ᐃᒡᓗᒐᓴᒡᔪᐊᓪᓗ ᖁᕕᐊᓱᒃᕕᐅᕙᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 7:23

“ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᔨᕆᒤᐊᐅᑉ ᐊᒡᓚᖏᑦ 48:33

ᖁᕕᐊᓲᑎᒃᓴᖃᕈᓐᓃᕐᐳᓯ ᓯᕆᑦᔪᑎᒃᓴᖃᕈᓐᓃᕐᓗᓯᓗ, ᒧᐊᐱᒥᐅᑦ ᐱᕈᕐᑎᑦᓯᕕᖏᓐᓂᑦ ᐱᕈᕐᓰᕕᖁᑎᖏᓐᓂᓪᓗ, ᕔᓃᑦ ᐃᑦᑏᔭᕐᕕᖏᓐᓂᑦ ᐱᔪᑦ ᓄᖅᑲᕐᑎᓐᓇᒃᑭᑦ, ᖁᕕᐊᓱᖕᓂᕐᒧᑦ ᓂᐱᐊᓘᓪᓗᑎᒃ ᑐᓪᓕᕐᐸᓚᐅᕐᑐᑦ ᐱᑕᖃᕈᓐᓃᕐᒪᑕ ᓲᕐᓗ ᓂᐱᐊᓗᐃᑦ ᑐᓴᕐᓴᐅᒐᓗᐊᕐᐳᑦ, ᖁᕕᐊᓱᖕᓂᕐᒧᓪᓕ ᓂᓪᓕᐊᓂᐅᓐᖏᓚᑦ.

ᔪᐃᓕᐅᑉ ᐊᒡᓚᖏᑦ 1:17

ᐱᕈᕐᓯᐊᒃᓮᑦ ᑐᖁᕗᑦ ᓄᓇᐅᑉ ᐸᓂᕐᓂᖓᓄᑦ, ᓯᕐᓗᐊᑦ ᓱᕋᒃᑎᕐᐳᑦ ᐃᓗᓕᖃᖏᓐᓇᒥᒃ ᓂᐊᖂᔭᒃᓴᓂᒃ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᒨᓯᓯ ᐱᖓᔪᖏᑦ 27:16

“ᐃᓄᒃ ᓄᓇᖁᑎᒥ ᐃᓚᖓᓂᒃ ᑐᓂᕐᕈᑎᖃᕐᐸᑦ ᐊᑕᓂᕐᒧᑦ, ᐊᑭᖓ ᐋᖅᑭᒃᑕᐅᔭᕆᐊᖃᕐᐳᖅ ᖃᓄᖅ ᐊᖏᑎᒋᔪᓂᒃ ᐱᕈᕐᓰᕕᐅᔪᓐᓇᕐᒪᖔᑦ, ᖁᓕᓂᒃ ᑮᓇᐅᔭᓂᒃ ᓯᐅᓪᕕᕆᓂᒃ 20ᑭᓗᒍᕌᒻᒥᒃ ᐅᖁᒤᓐᓂᓕᒃ ᓂᐊᖂᔭᒃᓴᖅ ᒪᓕᒡᓗᒍ.

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’

ᕼᐊᒊᑉ ᐊᒡᓚᖏᑦ 2:16

ᑍᑦᓱᒪᓂᐅᑎᓪᓗᒍ, ᓇᓪᓕᐊᑦ ᖃᓕᕇᒃᓯᑎᑦᓯᔭᕐᑐᕐᑎᓪᓗᒍ ᐆᒃᑑᑎᓂᒃ 20ᓂᒃ, ᖃᓕᕇᒃᓯᔪᒃᓮᑦ ᖁᓕᑐᐃᓐᓇᐅᓚᐅᕐᐳᑦ; ᓇᓪᓕᐊᓪᓗ ᕔᓂᖃᐅᑎᓂᒃ 50ᓂᒃ ᐃᒻᒥᕐᓯᔭᕐᑐᕐᑎᓪᓗᒍ, 20ᑐᐃᓐᓇᐅᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 28:38

“ᐱᕈᕐᓯᐊᒃᓴᓂᒃ ᐅᓄᕐᑐᓂᒃ ᑲᓐᖓᕐᓱᐃᔪᒫᕐᐳᓯ, ᐅᓄᖏᑦᑐᓂᒡᓕ ᑲᑎᕐᓱᐃᔪᒫᕐᐳᓯ; ᐱᒡᓕᕐᑕᐅᔮᕐᑐᓄᑦ ᓂᐊᖂᔭᒃᓴᖁᑎᓯ ᓄᖑᑕᐅᖃᑦᑕᕈᒫᕐᒪᑕ.

ᒨᓯᓯ ᑕᓪᓕᒪᖏᑦ 28:39

ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ ᐱᕈᕐᓴᑎᓪᓗᒋᓪᓗ ᑲᒪᒋᑦᓯᐊᕐᓗᒋᑦ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ ᐃᒥᕈᒫᕋᓯᓗ ᐸᐅᕐᖓᖏᓐᓂᑦ, ᓄᓇᐅᑉ ᖁᐱᕐᕈᖏᓐᓄᑦ ᕔᓂᒃᓮᑦ ᓂᕆᔭᐅᔪᒫᕐᒪᑕ.