ᐂᓮᐊᓯᐅᑉ ᐊᒡᓚᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓐᖏᓚᐅᕐᓚᖓ ᐆᒥᖓ ᓇᒡᓕᒋᔭᓐᓄᑦ, ᓇᒡᓕᖕᓂᕐᒥᒃ ᐃᓐᖏᐅᑎᖃᕐᓗᖓ ᕔᓂᒃᓴᓂᒃ ᐱᕈᕐᓰᕕᖁᑎᖓᓂᒃ; ᓇᒡᓕᒋᔭᕋ ᕔᓂᒃᓴᓂᒃ ᐱᕈᕐᓰᕕᖁᑎᖃᓚᐅᕐᐳᖅ ᐱᕈᕐᕕᐅᑦᓯᐊᕐᓇᕐᑐᒥᒃ ᐱᖒᑉ ᖄᖓᓂ.

ᐂᓮᐊᓯᐅᑉ ᐊᒡᓚᖏᑦ 5:1 Iomraidhean Croise

ᐃᓐᖏᕈᑎᑦ 101:1

ᐃᓐᖏᕈᑎᖃᕈᒪᕗᖓ ᑲᔪᓯᑦᓯᐊᕈᒪᓂᕐᒥᒃ ᓈᒻᒪᓈᑦᓯᐊᕈᒪᓂᕐᒥᒡᓗ; ᐃᓕᖕᓄᑦ ᐊᑕᓃᖅ ᐃᓐᖏᕐᓗᖓ ᓂᕐᑐᕈᒪᕙᒋᑦ.

ᐃᓐᖏᕈᑎᑦ 45:1

ᐆᒻᒪᑎᒐ ᑕᑕᑉᐳᖅ ᐅᖃᐅᓯᒃᓴᒥᒃ ᐱᐅᔪᒥᒃ; ᑎᑎᖅᑲᓂᒡᓗ ᐊᑐᐊᕐᓯᕗᖓ ᐊᖓᔪᖅᑳᕐᔪᐊᖅ ᐱᑦᔪᑎᒋᓪᓗᒍ; ᐅᖃᕋ ᑎᑎᕋᑦᓯᐊᕈᓐᓇᕐᑐᑐᑦ ᑍᒤᑉᐳᖅ.

ᐃᓐᖏᕈᑎᑦ 60:5

ᓵᓚᖃᕐᑎᑎᒍᑦ ᐊᒡᒐᖕᓄᑦ ᑕᓕᕐᐱᖕᓄᑦ ᑭᐅᓗᑕᓗ! ᓇᒡᓕᒋᔭᑎᑦ ᓴᐳᑎᔭᐅᖁᓪᓗᒋᑦ.

ᐃᓐᖏᕈᑎᑦ 80:8

ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:16

ᓇᒡᓕᒋᔭᕋ ᐱᒋᕙᕋ ᐱᒋᒋᓪᓗᓂᖓᓗ, ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 5:16

ᖃᓂᖓ ᒪᒪᕐᐳᖅ, ᐃᓛᒃ ᑕᒤᑎᒍᑦ ᐱᔪᒥᓇᕐᐳᖅ. ᓇᒡᓕᒋᔭᕋ ᑍᒤᑉᐳᖅ ᑖᓐᓇ ᐃᓚᓐᓈᕆᔭᕋ, ᔨᕉᓴᓕᒥᐅᑦ ᐸᓂᖏᑦ ᐅᖃᐅᑎᕙᑦᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 5:2

ᓯᓂᓚᐅᕐᐳᖓ ᐆᒻᒪᑎᒐᓕ ᓯᓂᓚᐅᓐᖏᓚᖅ. ᓇᒡᓕᒋᔭᕋ ᐅᒃᑯᐊᓐᓂ ᐊᕕᓗᕐᑕᕐᑐᖅ, “ᐅᒃᑯᐃᕈᑎᓐᖓ, ᓇᔭᒐ, ᓇᒡᓕᒋᔭᕋ, ᑑᕕᖁᑎᒐ, ᑕᒤᑎᒍᑦ ᓈᒻᒪᑦᓯᐊᕐᑐᖁᑎᒐ; ᓂᐊᖁᕋ ᒪᓴᒃᓯᒪᖕᒪᑦ ᓯᓚᐅᑉ ᕿᐅᒃᑲᖓᓂᖓᓄᑦ, ᓄᔭᒃᑲ ᐅᓐᓄᐊᑉ ᖃᐅᓯᕐᓂᖓᓄᑦ ᐃᑦᑎᖃᓕᕐᒪᑕ.”

ᓲᓗᒨᓂᐅᑉ ᐃᓐᖏᕈᓯᖏᑦ 6:3

ᓇᒡᓕᒋᔭᒪ ᐱᒋᕚᒐ, ᐱᒋᒋᓪᓗᒍᓗ; ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 12:10

ᐰᕐᓯᔨᓄᑦ ᐅᓄᕐᑐᓄᑦ ᐸᐅᕐᖓᖃᕐᕕᒃᓴᖁᑎᒃᑲ ᑐᓪᓕᕋᕐᑕᐅᓪᓗᑎᒃ ᓯᖁᑦᑎᕐᑕᐅᕗᑦ, ᐱᕈᕐᓰᕕᖁᑎᑦᓯᐊᕆᓚᐅᕐᑕᒃᑲᓗ ᐊᑐᕐᑐᒃᓴᐅᔪᓐᓃᕐᓗᑎᒃ ᓱᓇᖃᕈᓐᓁᕐᓗᑎᒃ ᐱᕈᕐᑐᖃᕈᓐᓃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᐃᓯᑭᐊᓕᐅᑉ ᐊᒡᓚᖏᑦ 15:2

“ᐃᓅᑉ ᐃᕐᓂᖓ, ᕔᓂᓕᐅᕐᕖᑦ ᖃᓄᖅ ᐊᑦᔨᖃᕐᐸᑦ ᓇᐹᕐᑐᓂᒃ? ᕔᓂᓕᐅᕐᕖᑦ ᐊᕙᓚᖓᔪᖏᑦ ᖃᓄᖅ ᕿᔪᑦᑎᐊᕙᐅᓂᕐᓴᐅᕚᑦ ᓇᐹᕐᑐᐃᑦ ᐊᑯᕐᖓᓐᓂ?

ᐃᓯᑭᐊᓕᐅᑉ ᐊᒡᓚᖏᑦ 19:10

ᐊᓈᓁᑦ ᐊᑦᔨᖃᕐᐳᖅ ᐅᕐᐱᒐᕐᓂᒃ ᕔᓂᓕᒃᓴᓂᒃ ᑰᑉ ᖃᓂᒋᔮᓂ ᐃᓕᐅᕋᕐᓯᒪᔪᑎᑐᑦ ᐃᒪᖃᑦᓯᐊᕐᑐᒦᖁᓪᓗᒍ, ᕔᓂᓕᒃᓴᕐᓗ ᐸᐅᕐᖓᖃᑦᓯᐊᕐᐳᖅ ᐅᖃᐅᔭᖃᑦᓯᐊᕐᓗᓂᒡᓗ ᐃᒪᖃᑦᓯᐊᕋᒥ.

ᕼᐆᓯᐊᑉ ᐊᒡᓚᖏᑦ 10:1

ᐃᓴᕆᐊᓕ ᓯᐊᒻᒪᖓᑦᓯᐊᕐᑑᓪᓗᓂ ᕔᓂᓕᒃᓴᐅᕗᖅ; ᐱᕈᕐᑎᑦᓯᒐᒥ ᐃᒻᒥᓄᑐᐊᖅ ᐊᑐᕐᐳᖅ. ᐱᕈᕐᑐᖏᑦ ᐅᓄᕐᓯᕙᓪᓕᐊᖕᒪᑕ ᑐᓂᕐᕈᓯᕐᕕᓕᐅᕐᐸᓪᓕᐊᕗᖅ ᐅᓄᕐᑐᓂᒃ; ᓄᓇᖓᓗ ᐊᔪᕐᓴᕈᓐᓁᕐᐸᓪᓕᐊᖕᒪᑦ, ᓇᐸᔪᓂᒃ ᒎᑎᓐᖑᐊᓂᒃ ᐋᖅᑭᒃᓱᐃᕙᓪᓕᐊᕗᖅ.

ᒫᑎᐅᓯᐅᑉ ᐊᒡᓚᖏᑦ 21:33

ᔩᓱᓯ ᐅᖃᕐᐳᖅ, “ᑐᓴᒃᑲᓐᓂᓚᐅᕆᑦᓯ ᐊᑦᔨᐅᔫᑉ ᐊᓯᐊᓂᒃ; ᑍᑦᓱᒪᓂ ᓄᓇᖁᑎᓕᒃ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᒥᓂ ᑲᓐᖓᕐᓱᐃᓚᐅᕐᐳᖅ, ᑖᓐᓇ ᐱᕈᕐᓰᕕᖁᑎᓂ ᐊᕙᓗᓕᐅᕐᐹ, ᐃᑎᕐᓴᓕᐅᕐᓗᒋᓪᓗ ᐅᐂᓂᖃᐅᑎᒃᓴᓂᒃ ᐋᖅᑭᒃᓱᐃᓚᐅᕐᐳᖅ, ᐳᕐᑐᔪᒥᒃ ᖃᐅᔨᓴᕐᕕᒃᓴᒥ ᓴᓇᓪᓗᓂ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᐱᕈᕐᓰᕕᖕᒥᒃ ᑲᒪᔨᓄᑦ, ᓄᓇᐅᓪᓗ ᐊᓯᐊᓄᑦ ᐊᐅᓪᓚᕐᖢᓂ.

ᒫᑯᓯᐅᑉ ᐊᒡᓚᖏᑦ 12:1

ᔩᓱᓯᐅᑉ ᐊᔪᕆᕐᑐᕐᐰᑦ ᐊᑦᔨᐅᔪᑎᒍᑦ, ᐅᖃᕐᓗᓂ: “ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᐱᕈᕐᓰᕕᖕᒥᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ, ᐃᑎᕐᓴᓕᐅᕐᓗᓂ ᐅᐂᓂᑦ ᐃᑦᓯᔭᕐᑕᐅᕕᒃᓴᖓᓂᒃ, ᑕᕝᕙᓂ ᐃᒡᓗᓕᐅᕐᐳᖅ ᐳᕐᑐᔪᒥᒃ ᖃᐅᔨᓴᕐᕕᒃᓴᒥᒃ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᑲᒪᔨᐅᓂᐊᕐᑐᓄᑦ, ᐱᔭᕇᕋᒥ ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ.

ᓘᑲᓯᐅᑉ ᐊᒡᓚᖏᑦ 20:9

ᐃᓄᐃᑦ ᐊᑦᔨᐅᔪᒥᒃ ᐃᒤᑦᑐᒥᒃ ᐅᖃᕐᕕᒋᕔᑦ: “ᐊᖑᑎᑕᖃᓚᐅᕐᐳᖅ ᐸᐅᕐᖓᓕᒃᓴᓂᒃ ᑲᓐᖓᕐᓱᐃᔪᒥᒃ ᐱᕈᕐᓰᕕᖕᒥ, ᑮᓇᐅᔭᓕᐅᕈᑎᒋᔪᒪᓪᓗᒍ ᐊᑐᕐᑕᐅᑎᑉᐹ ᑲᒪᔨᓄᑦ, ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ ᐊᑯᓂ ᐊᐅᓚᕐᓯᒪᔭᕐᑐᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 15:1

“ᐅᕙᖓ ᓱᓕᔪᒥᒃ ᓇᐹᕐᑑᕗᖓ ᐅᐂᓂᒃᓴᓕᒃ, ᐊᑖᑕᒐᓗ ᐸᐅᕐᖓᓕᒃᓴᓂᒃ ᐱᕈᕐᓰᕕᓕᕆᔨᐅᕗᖅ.

ᒨᓯᓯ ᑕᓪᓕᒪᖏᑦ 8:10

ᑕᕝᕙᓂ ᓂᕆᔪᒪᓲᓕᒫᑦᓯᓐᓂᒃ ᓂᕆᔪᓐᓇᕐᓂᐊᕐᐳᓯ, ᐊᑕᓂᕐᓗ ᒎᑎᓯ ᑕᒪᒃᑯᓄᖓ ᖁᔭᒋᓂᐊᕐᐸᓯ ᓱᓇᑐᐃᓐᓇᖃᑦᓯᐊᕐᑐᒥᒃ ᓄᓇᒥᒃ ᐃᓕᑦᓯᓐᓄᑦ ᑐᓂᓯᓯᒪᓂᖓ ᐱᑦᔪᑎᒋᓗᒍ.”

ᒨᓯᓯ ᑕᓪᓕᒪᖏᑦ 8:7

ᐊᑕᓂᐅᑉ ᒎᑎᑦᓯ ᓄᓇᒧᑦ ᓂᕿᒃᓴᖃᑦᓯᐊᕐᑐᒧᑦ ᑎᑭᐅᑎᑎᒻᒪᓯ, ᑰᒐᓛᖃᐅᑦᓯᐊᕐᑐᒧᑦ ᓄᓇᐅᓪᓗ ᐃᓗᐊᓂᑦ ᑰᖏᓐᓇᕐᑐᖃᕐᑐᒧᑦ ᐃᒪᖃᕐᑐᒧᓪᓗ, ᓇᕐᓴᑎᒍᓪᓗ ᖃᖅᑲᑎᒍᓪᓗ ᑰᖃᐅᕐᑐᒧᑦ.