ᐂᓮᐊᓯᐅᑉ ᐊᒡᓚᖏᑦ 49:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 49:9 Iomraidhean Croise

ᐃᓐᖏᕈᑎᑦ 102:20

ᑐᓵᕗᖅ ᑎᒍᔭᐅᓯᒪᔪᑦ ᓂᐹᕙᓗᖏᓐᓂᒃ, ᐊᓂᑎᑦᓯᓪᓗᓂᓗ ᑐᖁᑕᒃᓴᕈᕐᑎᑕᐅᓯᒪᔪᓂᒃ;

ᐃᓐᖏᕈᑎᑦ 146:7

ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 69:33

ᐊᑕᓂᐅᒃ ᐊᔪᕐᓴᕐᑐᑦ ᑐᓵᖕᒪᒋᑦ, ᑎᒍᔭᐅᓯᒪᔪᖁᑎᓂᓗ ᓇᕐᕈᒋᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 41:18

ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 42:7

ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᖁᓪᓗᑎᑦ, ᑎᒍᔭᐅᓯᒪᔪᓂᒃ ᐊᓂᑎᑦᓯᖁᓪᓗᑎᑦ ᑎᒍᔭᐅᓯᒪᕕᖕᒥᑦ, ᑎᒍᔭᐅᓯᒪᕕᐅᓪᓗ ᑖᕐᓂᕐᐹᖓᓃᑦᑐᓂᒃ ᐊᓂᑎᑦᓯᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 5:17

ᑕᕝᕙ ᓰᐱᐅᑉ ᓄᕐᕋᖏᑦ ᓂᕆᓇᓱᐊᓕᕈᒫᕐᐳᑦ ᓇᖕᒥᓂᖅ ᓂᕆᓇᓱᐊᕐᕕᖕᒥᓃᑦᑐᑐᑦ, ᓯᖁᑦᑎᕐᑕᐅᓯᒪᔪᓂ ᖁᐃᒃᓯᑦᓯᐊᖑᓯᒪᔪᑦ ᒎᑦᓰᓪᓗ ᓄᕐᕋᖏᑦ ᑕᕝᕙᓂ ᓂᕆᓇᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 34:23

ᐊᑕᐅᓯᕐᒥᒃ ᐰᕐᓯᔨᑖᕐᑎᑦᓱᒫᕐᐸᒃᑲ, ᐱᔨᓐᓂᒃ ᑍᕕᑎᒥᒃ, ᑖᑦᓱᒪᓗ ᓂᕆᑎᑦᓱᒫᕐᐰᑦ; ᑲᒪᒋᔪᒫᕐᐰᑦ ᑖᒃᑯᓇᓐᖓᓪᓗ ᐰᕐᓯᔨᒋᔭᐅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:29

ᐱᕈᕐᓰᕕᖁᑎᑖᕐᑎᑦᓱᒫᕐᐸᒃᑲ ᐱᕈᕐᕕᐅᑦᓯᐊᕐᓇᕐᑐᓂᒃ ᓄᓇᖓᓐᓂ ᑳᒃᑐᖃᖃᑦᑕᕈᓐᓃᖁᓪᓗᒍ, ᐃᓅᖃᑎᒌᒡᔪᐊᓄᓪᓗ ᐊᒃᓱᕈᕐᑎᑕᐅᕙᒍᓐᓃᕈᒪᕐᐳᑦ ᒥᑕᐅᑎᒋᔭᐅᓗᑎᒃ.

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᒨᓯᓯ ᐱᖓᔪᖏᑦ 25:54

ᓂᐅᕕᐊᖑᓂᒃᑯᑦ ᐅᑎᕐᑎᑕᐅᖏᒃᑲᓗᐊᕐᐸᑦ, ᖃᓄᑐᐃᓐᓇᕐᓘᓐᓃᑦ, ᑖᓐᓇᓗ ᕿᑐᕐᖓᖏᓪᓗ ᕿᓚᕈᑦᔮᕐᑕᐅᔭᕆᐊᖃᕐᐳᑦ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᓘᑲᓯᐅᑉ ᐊᒡᓚᖏᑦ 1:79

ᖃᐅᒻᒪᒃᑎᓪᓗᒋᑦ ᑖᕐᑐᒥ ᐃᓅᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᐃᑎᒐᕗᓪᓗ ᑕᓯᐅᕐᓗᒋᑦ ᐊᖅᑯᒻᒧᑦ ᓮᒻᒪᕐᑎᑕᐅᓇᕐᑐᒧᑦ.”

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᑯᓘᓯᐊᒥᐅᓄᑦ 1:13

ᑖᑦᓱᒪ ᐱᐅᓕᓯᒪᖕᒪᑎᒍᑦ ᑖᕐᔪᐊᑉ ᐱᔪᓐᓇᕐᓂᖓᓂᑦ ᓄᒃᑎᕐᑎᓪᓗᑕᓗ ᐃᕐᓂᒥ ᓇᒡᓕᒋᒻᒪᕆᒃᑕᒥ ᐊᑕᓂᐅᕕᐊᓄᑦ,

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.