ᐂᓮᐊᓯᐅᑉ ᐊᒡᓚᖏᑦ 49:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:8 Iomraidhean Croise

ᓴᒧᐃᓕ ᐂᑉᐸᖏᑦ 7:13

ᑖᓐᓇ ᓴᓇᔪᒫᕐᐳᖅ ᐃᒡᓗᒃᓴᓐᓂᒃ, ᑖᑦᓱᒪᓗ ᐊᖓᔪᖅᑲᐅᕕᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 2:8

ᑐᒃᓯᕋᕐᕕᒋᓐᖓ, ᑕᕝᕙ ᐃᓅᖃᑎᒌᒡᔪᐊᑦ ᐱᑖᕆᔭᐅᑎᑦᓱᒪᕙᒃᑲ ᐃᓕᖕᓄᑦ, ᓯᓚᕐᔫᓪᓗ ᐃᓱᖏᑦ ᐃᓕᖕᓄᑦ ᐱᒋᔭᐅᑎᑦᓱᒪᕙᒃᑲ.

ᐃᓐᖏᕈᑎᑦ 69:13

ᐅᕙᖓᓕ, ᑐᒃᓯᐊᕐᓂᕋ ᐃᓕᖕᓄᑦ ᑐᕌᕐᐳᖅ, ᐊᑕᓃᖅ. ᐱᕕᒃᓴᖅ ᓇᓪᓕᐅᑎᒃᐸᑦ, ᒎᑏ, ᓇᒡᓕᖕᓂᕕᑦ ᓱᖁᓯᔪᐃᑦᑑᓂᖓᓄᑦ ᑭᐅᓚᐅᓐᖓ. ᐱᐅᓕᒃᓯᓂᕐᐱᑦ ᑲᔪᓯᑦᓯᐊᕐᓂᖓᓄᑦ.

ᐃᓐᖏᕈᑎᑦ 75:3

ᓄᓇᕐᔪᐊᖅ ᓴᔪᒃᐱᓗᒃᐸᑦ, ᑕᕝᕙᓂᓗ ᐃᓅᔪᓕᒫᑦ, ᑕᕝᕙ ᐅᕙᖓ ᓱᑲᖏᓐᓂᒃ ᐋᖅᑭᒃᓯᓯᒪᕗᖓ ᐊᐅᓚᖏᑦᑐᒥᒃ. ᓰᓚ

ᐂᓮᐊᓯᐅᑉ ᐊᒡᓚᖏᑦ 26:3

ᐊᑕᓃᖅ ᓮᒪᓇᕐᑐᒦᑦᓮᓐᓇᕐᑎᑦᓯᕗᑎᑦ, ᓱᖁᓯᔪᐃᑦᑑᓪᓗᑎᒃ ᐃᓱᒪᖏᑦ ᐃᓕᖕᓃᑦᓮᓐᓇᕐᑐᓂᒃ, ᐃᓕᖕᓂᒃ ᑕᑎᖃᕐᓂᕐᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 27:3

“ᐅᕙᖓ ᐊᑕᓂᖅ, ᑖᑦᓱᒧᖓ ᑲᒪᔨᐅᕗᖓ; ᑍᒪᓐᖓᑦ ᐃᒻᒥᕐᐸᒡᓗᒍ, ᖃᐅᔨᓴᖃᑦᑕᕐᐸᕋ ᐅᓐᓄᐊᒃᑯᑦ ᐅᓪᓗᒃᑯᓪᓗ ᓇᓪᓕᐊᓐᓄᓪᓘᓐᓃᑦ ᐊᓯᕈᕐᑕᐅᖁᓇᒍ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 42:6

“ᐅᕙᖓ ᐊᑕᓂᐅᔪᖓ, ᕾᖁᓚᐅᕐᐸᒋᑦ ᓇᓛᒎᕐᓂᒃᑯᑦ; ᐊᒡᒐᒃᑯᑦ ᑕᓯᐅᓚᐅᕐᐸᒋᑦ, ᑲᒪᒋᑦᓯᐊᕐᓗᑎᓪᓗ; ᑐᓂᓚᐅᕐᐸᒋᑦ ᐃᓄᖕᓄᑦ ᐊᖏᖃᑎᒌᒍᑕᐅᖁᓪᓗᑎᑦ, ᖃᐅᒪᓂᐅᖁᓪᓗᑎᓪᓗ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᐂᓮᐊᓯᐅᑉ ᐊᒡᓚᖏᑦ 49:19

ᓄᓇᖁᑎᓯ ᓯᖁᑦᑎᕐᑕᐅᓯᒪᔪᖅ ᐃᓄᖃᕈᓐᓃᕐᓯᒪᔪᕐᓗ, ᓱᓇᒃᓴᐅᔪᓐᓃᕐᑎᑕᐅᓯᒪᓪᓗᓂ, ᓄᓇᑖᕐᑐᕐᑐᓄᑦ ᓄᓇᑭᒃᓴᓕᕈᒫᕐᐳᓯ; ᐃᓕᑦᓯᓐᓂᒡᓗ ᓄᖑᕈᑦᔨᓚᐅᕐᑐᑦ ᐅᖓᓯᒃᑐᐊᓗᖕᒦᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 51:16

ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 54:3

ᐱᕕᑦᑐᕆᐊᕆᐊᖃᕐᓂᐊᕋᕕᐅᒃ ᓴᐅᒥᒧᑦ ᑕᓕᕐᐱᒧᓪᓗ, ᑭᖑᕚᒃᓴᑎᑦ ᐃᓅᖃᑎᒌᒡᔪᐊᓂᒃ ᓄᓁᕈᑦᔨᔪᒫᕐᒪᑕ ᐃᒡᓗᒐᓴᒡᔪᐊᖃᕐᕕᕕᓂᖏᓐᓂᓗ ᐃᓄᖃᔪᐃᑦᑑᓕᕐᑐᓂᒃ ᐃᒡᓗᒐᓴᒃᑖᕐᑐᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 55:6

ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.

ᐂᓮᐊᓯᐅᑉ ᐊᒡᓚᖏᑦ 57:13

ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”

ᐂᓮᐊᓯᐅᑉ ᐊᒡᓚᖏᑦ 58:12

ᐃᒡᓗᒐᓴᒡᔪᐊᕕᓂᓯ ᓯᖁᑦᑎᕐᓯᒪᔪᑐᕾᑦ ᓇᑉᐸᕐᑎᕐᑕᐅᒃᑲᓐᓂᕈᒫᕐᐳᑦ; ᑐᓐᖓᕕᓕᐅᕐᓗᓯᓗ ᑭᖑᕚᑦᓯᓐᓄᑦ ᑭᖑᓕᕇᓄᑦ ᐅᓄᕐᑐᓄᑦ ᐱᒋᔭᐅᔪᒃᓴᓂᒃ; ᑍᔭᐅᓕᕈᒫᕐᐳᓯ ᐋᖅᑭᒃᓱᐃᔨᓂᒃ ᓯᖁᒥᓯᒪᓚᐅᕐᑐᓂᒃ, ᐊᖅᑯᑎᓂᒡᓗ ᐋᖅᑭᒃᓱᐃᔨᐅᓂᕋᕐᑕᐅᓗᓯ ᐊᑐᕐᑕᐅᔪᒃᓴᓂᒃ.”

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 61:4

ᐃᒡᓗᒐᓴᒡᔪᐊᓂᒃ ᓴᓇᓕᕈᒫᕐᐳᑦ ᐊᑯᓂ ᓯᖁᑦᑎᕐᓯᒪᓕᓚᐅᕐᑐᓂᒃ, ᒪᑭᑎᑦᓯᔪᒫᕐᓗᑎᒡᓗ ᐅᕐᕈᑎᑕᐅᓯᒪᔪᑐᖃᕐᓂᒃ; ᐃᒡᓗᒐᓴᒡᔪᐊᓪᓗ ᓄᑕᐅᓯᓕᕈᒫᕐᐰᑦ ᓯᖁᑦᑎᕐᓯᒪᔪᑦ, ᓯᖁᑦᑎᕐᓯᒪᓚᐅᕐᑐᑦ ᑭᖑᕚᕇᒐᓴᒡᔪᐊᓂ ᐅᓄᕐᑐᓂ.

ᐂᓮᐊᓯᐅᑉ ᐊᒡᓚᖏᑦ 65:9

ᑭᖑᕚᕐᑖᕐᑎᑦᓱᒫᕐᐸᒃᑲ ᔧᑰᑉ ᑭᖑᕚᖏᓐᓂᑦ ᐱᔪᓂᒃ, ᔫᑕᐅᓪᓗ ᑭᖑᕚᖏᑦᑕ ᖃᖅᑲᖁᑎᒃᑲ ᐱᒋᔪᒫᕐᐹᑦ; ᓂᕈᐊᕐᓯᒪᔭᒪ ᐱᒋᓕᕈᒫᕐᐹᑦ, ᐱᔨᒃᑲᓗ ᓄᓇᖃᕈᒫᕐᐳᑦ ᑕᕝᕙᓂ.

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:2

ᒎᑎ ᐅᖃᕐᓯᒪᖕᒪᑦ, “ᓇᓪᓕᐅᓐᓂᖅ ᐊᑲᐅᓈᑦᓯᐊᓕᕐᑎᓪᓗᒍ ᑐᓴᓚᐅᕐᐸᒋᑦ, ᐃᑲᔪᓚᐅᕐᐸᒋᓪᓗ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᑎᓪᓗᒍ.” ᑕᑯᒋᑦ, ᒫᓐᓇ ᐊᑲᐅᓈᑦᓯᐊᕐᑐᖅ ᓇᓪᓕᐅᑎᕗᖅ; ᑕᑯᒋᑦ, ᒫᓐᓇ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᕗᖅ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐄᑉᕈᐃᓄᑦ 8:6

ᔩᓱᓯᓕ ᑐᓂᓯᕕᐅᓯᒪᕗᖅ ᑐᓂᕐᕈᓯᕐᑎᑦᓯᔨᐅᓂᐅᑉ ᐱᓇᓱᐊᒐᖓᓂᒃ ᐱᐅᓂᕐᓴᒻᒪᕆᐅᔪᒥᒃ ᐱᑐᖃᕆᔭᐅᓚᐅᕐᑐᒥᑦ; ᐊᖏᖃᑎᒌᒍᑕᐅᓯᒪᔪᒥᒃ ᐋᖅᑭᒃᓯᒪᖕᒪᑦ ᐊᖅᑯᓵᒐᐅᓪᓗᓂ ᒎᑎᐅᓪᓗ ᐃᓄᐃᓪᓗ ᐊᑯᕐᖓᓐᓂ, ᑐᓐᖓᕕᒃᓴᖃᕐᓗᓂᓗ ᐊᖏᕈᑕᐅᓯᒪᔪᒥᒃ ᐱᐅᓂᕐᓴᒥᒃ.