ᐂᓮᐊᓯᐅᑉ ᐊᒡᓚᖏᑦ 49:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 49:23 Iomraidhean Croise

ᒨᓯᓯ ᓯᕗᓪᓖᑦ 27:29

ᐃᓅᖃᑎᒌᒡᔪᐊᑦ ᐊᓯᑦᓯᓐᓃᑦᑐᑦ ᐱᔨᑦᓯᕐᓕᑎᑦ, ᐃᓅᖃᑎᒌᒡᔪᐊᓪᓗ ᓇᓂᑐᐃᓐᓇᖅ ᐹᒻᒪᒃᑎᕐᕕᒋᓕᑎᑦ; ᐊᖓᔪᖅᑳᖑᓕᕆᑦ ᖃᑕᓐᖑᑎᖕᓄᑦ, ᐊᓈᓇᕕᓪᓗ ᑭᖑᕚᖏᑕ ᐹᒻᒪᒃᑎᕐᕕᒋᔭᒃᓴᕆᕚᑎᑦ, ᓇᕐᕈᓇᕐᓯᓕᑦ ᐃᓕᖕᓂᒃ ᓇᕐᕈᔪᑦ, ᓮᒻᒪᕐᑎᑕᐅᓕᓪᓗ ᐃᓕᖕᓂᒃ ᓮᒻᒪᕐᑎᑦᓯᔪᑦ.”

ᒨᓯᓯ ᓯᕗᓪᓖᑦ 43:26

ᔫᓯᐱᓕ ᐊᖏᕐᕋᕐᒪᑦ, ᐃᒡᓗᒧᑦ ᐃᑎᐅᑦᔨᕗᑦ ᐂᑦᑑᑎᒃᓴᒥᖕᓂᒃ ᓇᒃᓴᓚᐅᕐᑕᒥᖕᓂᒃ, ᑖᑦᓱᒧᖓᓗ ᐅᑯᕗᑦ ᓄᓇᒧᑦ ᐹᒻᒪᒃᓗᑎᒃ.

ᐃᓐᖏᕈᑎᑦ 138:4

ᓄᓇᕐᔪᐊᕐᒥᐅᑦ ᐊᖓᔪᖅᑳᕐᔪᐊᓕᒫᖏᑕ ᓂᕐᑐᕐᓂᐊᕐᐹᑎᑦ, ᐊᑕᓃᖅ, ᖃᓂᕐᐱᑦ ᐅᖃᐅᓯᕆᔭᖏᓐᓂᒃ ᑐᓴᕈᑎᒃ.

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 34:22

ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.

ᐃᓐᖏᕈᑎᑦ 68:31

ᐄᑦᔨᑉᑎᒥᐅᑦ ᑎᓕᔭᖏᑦ ᑎᑭᑦᓱᒫᕐᐳᑦ; ᐃᑎᐅᐱᐊᒥᐅᑦ ᒎᑎᒧᑦ ᐃᒻᒥᖕᓂᒃ ᑐᓂᔪᓐᓇᖁᓪᓗᒋᑦ.

ᐃᓐᖏᕈᑎᑦ 69:6

ᐊᑕᓃᖅ, ᕿᓚᖕᒥᐅᒐᓴᒃᔪᐃᑦ ᒎᑎᖓᑦ, ᐃᓕᖕᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᑦᑍᓕᓕᑦ ᐱᑦᔪᑎᒋᓗᖓ; ᐃᓕᖕᓂᒃ ᕿᓂᕐᑐᑦ ᓇᓗᓕᕐᑍᓕᓕᑦ ᐱᑦᔪᑎᒋᓗᖓ, ᒎᑎᐅᔪᑎᑦ ᐃᓴᕆᐊᓕᒧᑦ.

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 26:8

ᓱᓕᔪᒃᑯᑦ ᐃᖅᑲᕐᑐᐃᓂᕐᐱᑦ ᐊᖅᑯᑎᖓᒍᑦ, ᐊᑕᓃᖅ ᐅᑕᖅᑭᕙᑦᑎᒋᑦ; ᐊᑎᕐᓂᒡᓗ ᐃᖅᑲᐅᒪᓂᖅ ᑕᕐᓂᑦᑕ ᐱᔪᒪᔭᑐᐊᕆᕚ.

ᐂᓮᐊᓯᐅᑉ ᐊᒡᓚᖏᑦ 29:22

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐱᐅᓕᒃᓯᓚᐅᕐᑐᖅ ᐂᑉᕋᕼᐋᒻᒥᒃ, ᔧᑰᑉ ᑭᖑᕚᖏᑦ ᐱᓪᓗᒋᑦ: “ᔧᑰᑉ ᑭᖑᕚᖏᑦ ᑲᓐᖑᓱᒃᑎᑕᐅᓂᐊᕈᓐᓃᕐᐳᑦ, ᑮᓇᖏᓪᓗ ᐊᐅᖃᕈᓐᓃᖃᑦᑕᕐᓂᐊᕈᓐᓃᕐᓗᑎᒃ ᑲᓐᖑᓱᖕᓂᕐᒧᑦ;

ᐂᓮᐊᓯᐅᑉ ᐊᒡᓚᖏᑦ 41:20

ᐃᓄᐃᑦ ᑕᑯᖁᓪᓗᒋᑦ ᖃᐅᔨᓗᑎᒡᓗ, ᐃᓱᒪᒃᓴᕐᓯᐅᖁᓪᓗᒋᑦ ᑐᑭᓯᖃᑎᒌᒡᓗᑎᒡᓗ, ᐊᑕᓂᐅᑉ ᑕᒪᓐᓇ ᑍᒤᑎᒻᒪᒍ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑕ ᐱᓐᖑᕐᑎᓯᒪᔭᖓ.”

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 50:7

ᐊᑕᓂᐅᑉ ᒎᑎᐅᑉ ᐃᑲᔪᕐᓂᐊᕐᒪᖓ; ᑍᒤᒻᒪᑦ ᑲᓐᖑᓱᒃᑎᑕᐅᓐᖏᓚᖓ; ᑍᒤᒻᒪᑦ ᑮᓇᕋ ᐅᔭᕋᒃᑐᑦ ᓯᑎᔪᑐᑦ ᒪᓂᕙᕋ, ᖃᐅᔨᒪᒐᒪ ᑲᓐᖑᓱᒃᑎᑕᐅᓂᐊᖏᓐᓂᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 52:6

ᑍᒤᒻᒪᑦ ᐃᓄᖁᑎᒪ ᐊᑎᕋ ᖃᐅᔨᔪᒫᕐᐹᑦ; ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᖃᐅᔨᔪᒫᕐᐹᑦ ᐅᕙᖓᐅᒐᒪ ᐅᖃᓚᐅᕐᑐᖅ ᑕᒪᓐᓇ ᐊᑐᓕᕈᒫᕐᓂᕋᕐᓗᒍ; ᑕᑯᒋᑦ, ᑖᓐᓇᐅᕗᖓ.”

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 60:16

ᐃᓅᖃᑎᒌᒡᔪᐊᑦ ᐃᒻᒧᖏᓐᓂᒃ ᐃᒥᕈᒫᕐᐳᓯ, ᐊᖓᔪᖅᑳᕐᔪᐊᓪᓗ ᐊᒫᒪᖏᓐᓂᑦ ᐊᒫᒪᒡᓗᓯ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᖅ ᐱᐅᓕᔨᐅᒐᒪ ᐃᓕᑦᓯᓐᓄᑦ ᐅᑎᕐᑎᑦᓯᔨᓯ, ᔧᑰᑉ ᑭᖑᕚᖏᑕ ᐊᔪᒐᖃᖏᑦᑐᖁᑎᖓ.

ᐂᓮᐊᓯᐅᑉ ᐊᒡᓚᖏᑦ 60:3

ᐃᓅᖃᑎᒌᒡᔪᐊᓪᓗ ᖃᐅᒪᓂᑦᓯᓐᓄᑦ ᐂᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᖃᐅᒻᒪᒃᐸᓪᓕᐊᓂᓯ ᖃᐅᒪᓂᖓᓄᑦ ᕾᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 62:2

ᐃᓅᖃᑎᒌᒡᔪᐊᑦ ᓴᐳᑦᔭᐅᓂᑦᓯᓐᓂᒃ ᑕᑯᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓂᕐᑐᕐᓇᕐᓂᑦᓯᓐᓂᒃ ᑕᑯᔪᒫᕐᓗᑎᒃ; ᐊᑦᓯᕐᑕᐅᔪᒫᕐᐳᓯᓗ ᐊᑎᕐᒥᒃ ᓄᑖᒥᒃ ᐊᑕᓂᐅᑉ ᖃᓂᖓᑕ ᐅᖃᐅᓯᕆᔭᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 37:6

ᓄᑭᒃᑖᕐᑎᓐᓂᐊᕐᐸᑦᓯ, ᑎᒥᓯᓗ ᓂᕿᑖᕐᑎᓪᓗᒋᑦ, ᐅᓕᒡᓗᓯᓗ ᐅᕕᓂᖃᖁᓪᓗᓯ, ᐊᓂᕐᓂᕐᑖᕐᑎᓐᓂᐊᕐᐸᑦᓯᓗ, ᑕᕝᕙ ᐆᒻᒪᕐᓂᐊᕐᐳᓯ; ᑕᕝᕙ ᖃᐅᔨᓕᕐᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”

ᔪᐃᓕᐅᑉ ᐊᒡᓚᖏᑦ 2:27

ᖃᐅᔨᔪᒫᕐᐳᓯᓗ ᐃᓴᕆᐊᓕᒥᐅᑦ ᐊᑯᓐᓂᖓᓃᓐᓇᒪ: ᐅᕙᖓ ᐊᑕᓂᐅᕗᖓ ᒎᑎᓯ ᐊᓯᓐᓂᒃ ᐱᑕᖃᓐᖏᓚᖅ. ᐃᓄᖁᑎᒃᑲ ᖃᖓᓕᒫᖅ ᑲᓐᖑᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑦ.”

ᒤᑲᐅᑉ ᐊᒡᓚᖏᑦ 7:17

ᒪᓂᖅᑲᒥᒡᓗ ᐊᓗᒃᑐᕈᒫᕐᐳᑦ ᖁᒡᓗᒋᐊᑎᑐᑦ; ᖁᐱᕐᕈᑎᑐᓪᓗ ᐹᕐᖑᕈᒫᕐᐳᑦ ᓄᓇᒦᑦᑐᑐᑦ. ᓯᑎᒥᖕᓂᑦ ᓴᔪᒡᓗᑎᑦ ᐊᓂᔪᒫᕐᐳᑦ, ᓯᕘᕋᓗᑎᒃ ᐊᑕᓂᕐᒥᒃ ᒎᑎᑦᑎᓐᓂᒃ, ᑲᑉᐱᐊᓱᒍᒫᕐᐳᑦ ᐃᓕᖕᓂᒃ.

ᒨᓯᓯ ᓯᑕᒪᖏᑦ 11:12

ᐅᑯᐊ ᐃᓄᓕᒫᑦ ᕿᑐᕐᖓᕐᑖᕆᓚᐅᕋᒃᑮᑦ? ᑖᒃᑯᓂᖓ ᐃᕐᓂᕐᑖᓚᐅᕋᒫ? ᐅᕙᓐᓄᑦ ᐅᖃᕈᓐᓇᓕᕐᐲᑦ, ‘ᐅᑯᐊ ᐃᕿᒻᒥᓗᒋᑦ ᐊᒡᔭᒃᑭᑦ, ᓲᕐᓗ ᓄᑕᕋᑯᓗᒃ ᐊᒫᒪᒃᑐᖅ ᑲᒪᔨᒥᓄᑦ ᐊᒡᔭᕐᑕᐅᖕᒪᑦ,’ ᓄᓇᒧᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓄᑦ ᑎᑭᐅᑎᓗᒋᑦ?

ᒫᑎᐅᓯᐅᑉ ᐊᒡᓚᖏᑦ 25:16

ᐱᔨ ᑮᓇᐅᔭᕐᑖᕐᑎᑕᐅᔪᖅ 5,000ᓂᒃ ᑕᕝᕔᓐᓇᖅ ᐊᑐᕐᑐᐊᕐᑕᐅᑎᑉᐰᑦ; ᑭᖑᓂᖓᒍᓪᓗ ᑮᓇᐅᔭᕐᑖᒃᑲᓐᓂᕐᐳᖅ ᐊᓯᖏᓐᓂᒃ 5,000ᓂᒃ.

ᕉᒪᒥᐅᓄᑦ 10:11

ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.