ᐂᓮᐊᓯᐅᑉ ᐊᒡᓚᖏᑦ 49:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 49:21 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 27:10

ᐃᒡᓗᒐᓴᒡᔪᐊᑦ ᐱᔭᐅᑦᔧᕐᓯᒪᓚᐅᕐᑐᑦ ᓯᖁᑦᑎᕐᑕᐅᓯᒪᕗᑦ ᓱᓇᑕᖃᕈᓐᓁᕐᓗᑎᒡᓗ ᐃᓄᖃᓚᐅᕐᓯᒪᖏᑦᑐᑎᑐᑦ, ᐃᒻᒧᒃᓯᐅᒊᑦ ᓄᕐᕋᖏᓐᓄᑦ ᓄᖅᑲᖓᕕᓐᖑᕐᐳᑦ ᓂᕆᓇᓱᒡᕕᑐᐃᓐᓇᐅᓕᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᐃᓄᖁᑎᒃᑲ ᐊᐅᓪᓚᕈᑦᔭᐅᓚᐅᕐᐳᑦ ᑎᒍᔭᐅᓪᓗᑎᒃ, ᖃᐅᔨᒪᓇᓱᓚᐅᖏᓐᓇᒥᒃ; ᐊᖑᑎᑦ ᐅᐱᓐᓇᕐᑐᖁᑎᖏᑦ ᑳᖕᓂᕐᒧᑦ ᐱᕐᓕᓕᕐᐳᑦ, ᐃᓄᒐᓴᒡᔪᐊᖁᑎᖏᓪᓗ ᐃᒥᕈᖕᓂᕐᒧᑦ ᖀᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 52:2

ᓴᓃᔭᕐᓗᑎᑦ ᒪᑭᓕᕆᑦ; ᐊᐅᓪᓚᕈᑦᔭᐅᓯᒪᓚᐅᕐᑐᑎᑦ ᔨᕉᓴᓕᒻ; ᐊᕐᓵᕐᑑᔧᓪᓗ ᖁᖓᓯᕐᓃᑦᑐᑦ ᐲᔭᕐᓗᒋᑦ, ᑎᒍᔭᐅᓯᒪᓚᐅᕐᑐᑎᑦ ᓮᐅᓂᐅᑉ ᐸᓂᖓ.

ᐂᓮᐊᓯᐅᑉ ᐊᒡᓚᖏᑦ 60:15

ᖁᔭᓈᕐᑕᐅᓯᒪᓚᐅᕋᓗᐊᕐᑎᓪᓗᓯ ᐆᒥᒋᔭᐅᓪᓗᓯᓗ, ᐊᖅᑯᓵᕐᑕᐅᕙᒍᓐᓃᕐᓗᓯᓘᓐᓃᑦ, ᐅᐱᓐᓇᕐᓯᑎᑦᓱᒫᕐᐸᑦᓯ ᐃᓱᖃᖏᑦᑐᒧᑦ, ᑭᖑᕚᕇᓄᓪᓗ ᐅᓄᕐᑐᓄᑦ ᖁᕕᐊᒋᔭᐅᓕᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 60:8

ᑭᓇᑯᑦ ᒪᑯᐊ ᖃᖓᑕᕙᑦ ᓄᕗᔭᑎᑐᑦ, ᑎᖕᒥᐊᑎᑐᑦ ᐃᕙᕕᖕᒥᖕᓄᑦ ᐅᑎᓕᕐᑐᑎᑐᑦ?

ᐂᓮᐊᓯᐅᑉ ᐊᒡᓚᖏᑦ 62:4

ᖁᔭᓈᕐᑕᐅᓯᒪᔪᓂᒃ ᑍᔭᐅᔪᓐᓁᕈᒫᕐᐳᓯ, ᓄᓇᓯᓗ ᓱᓇᖃᖏᑦᑐᒃᑯᕕᖕᒥᒃ ᐅᖃᐅᓯᐅᕙᒍᓐᓃᕐᓗᓂ; ᑍᔭᐅᖔᖃᑦᑕᓕᕈᒫᕐᐳᓯ ᖁᕕᐊᒋᔭᕋ ᑕᕝᕙᓃᑉᐳᖅ, ᓄᓇᓯᓗ ᑍᔭᐅᓗᓂ ᑲᑎᑎᑕᐅᓯᒪᓕᕐᑐᒥᒃ, ᐊᑕᓂᐅᑉ ᖁᕕᐊᒋᔪᒫᕐᒪᓯ, ᓄᓇᓯᓗ ᑲᑎᑎᑕᐅᖃᑎᖃᕐᓯᒪᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 64:10

ᐃᑦᔪᕐᓁᑦᑐᑦ ᐃᒡᓗᒐᓴᒡᔪᐊᖁᑎᑎᑦ ᓱᓇᖃᖏᑦᑐᓐᖑᕐᓯᒪᕗᑦ, ᓮᐅᓂᓗ ᓱᓇᖃᖏᑦᑐᒦᓕᕐᐳᖅ, ᔨᕉᓴᓕᒻᓗ ᐃᓄᖃᕈᓐᓃᕐᓗᓂ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᕉᒪᒥᐅᓄᑦ 11:24

ᐃᕝᕕᓪᓕ ᓇᑲᑕᐅᓯᒪᔪᑎᑦ ᓇᐹᕐᑐᒥᑦ ᐅᕐᓱᒃᓴᓕᖕᓂᒃ ᐃᒻᒥᓂᒃ ᐱᕈᕐᑐᓂᑦ, ᐃᓚᒋᔭᐅᓇᒡᓗ ᓇᐹᕐᑐᒧᑦ, ᑕᕝᕙᓐᖓᓪᓗ ᐱᕈᕐᓯᒪᓇᒃ, ᐃᕕᕐᑎᑕᐅᓯᒪᑐᐃᓐᓇᕐᓗᑎᑦ ᓇᐹᕐᑐᒧᑦ ᐅᕐᓱᒃᓴᓕᖕᓂᒃ, ᐱᔭᕆᐊᑭᓐᓂᕐᓴᒻᒪᕆᐅᒐᔭᕐᐳᕐᓕ ᓇᐹᕐᑑᑉ ᑖᑦᓱᒪ ᐊᕙᓚᖓᔪᖏᑦ ᓇᑲᓯᒪᔪᑦ ᐃᓂᒋᓚᐅᕐᑕᒥᖕᓄᑦ ᐃᕕᕐᑎᑦᓴᕆᐊᖏᑦ ᓇᐹᕐᑐᒧᑦ ᑖᑦᓱᒧᖓ.

ᒐᓔᑎᐊᒥᐅᓄᑦ 3:29

ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.